Milano

Fenomen i frikshëm në “San Siro”, ekspertët marrin nën vëzhgim stadiumin

Sport Ekspres — Sat, 20 Apr 2019 11:19:23 +0000

Një fenomen tejet shqetësues është vënë re në stadiumin “San Siro” gjatë ndeshjes Inter – Atalanta.

E përditshmja sportive “Corriere dello Sport”, ka zbuluar se struktura e katit të tretë të stadiumit ka pësuar lëkundje që shkojnë deri në pesë centimetra. Kjo gjë ka vënë në alarm bashkinë e Milanos që ka grumbulluar një grup ekspertësh për të analizuar këtë fenomen.

Sipas raportit të hartuar nga komisioni i ekspertëve, kati i tretë i strukturës së stadiumit fillon të dridhet e të lëkundet në frekuenca të caktuara.

Kati i tretë të “San Siros” u ndërtua në fund të vitete 80-të në mënyrë që kapaciteti i stadiumit të shkonte në 85000 vende, investim ky që u krye me anë të fondeve të shtetit italian në kuadër të Botërorit të 1990-ës.

VIDEO | Milano vishet zikaltër, Interi lë pas problemet dhe shkund Milanin

Sport Ekspres — Sun, 17 Mar 2019 21:28:22 +0000

Inter vinte me 1000 probleme në derbin e sotëm ndaj Milanit, por në fushën e lojës u pa një skuadër krejt ndryshe nga ajo e javëve të shkuara. Zikaltrit morën tri pikë të arta falë fitores me rezultatin 3 – 2 ndaj “kushërinjve” nga i njëjti qytet.

Tre minuta mjaftuan që Interi të zhbllokonte rezultatin me anë të Vesinos. Goli motivoi djemtë e Spaletit që patën një mori rastesh në pjesën e parë, por Donaruma u bë disa herë pengesë.

Fraksioni i dytë i lojës ishte akoma më elektrizues. Inter shënon sërish me anë të De Vrij, por Milani përgjigjet me Bakajokon. Më vonë arbitri akordon një penallti për zikaltrit pas një faulli të Kastijehos ndaj Politanos, ky i fundit ekzekuton saktë 11-metërshin. “Djalli” ngushton diferencën më Musakion në minutën e 71-të.

Në minutat e fundit të takimit skuadra e Gatuzos tregohet më kërkuese, por në rastet e pakta që krijon Handanoviç nuk zhgënje dhe e mban portën e tij të paprekur.

Milan 2 – 3 Inter
Shënues: Vesino 3’, De Vrij 51’, Politano 67’ (pen) / Bakajoko 57’, Musakio 71’

VIDEO | Interi tregohet zemërgjerë, 15000 gjermanë “pushtojnë” Milanon

Sport Ekspres — Thu, 14 Mar 2019 16:34:53 +0000

Interi pret këtë mbrëmje Ajntrahtin e Frankurtit në “San Siro”, në një ndeshje që do të vendosë se kush do të jetë ekipi që do të sigurojë një biletë për në çerekfinalet e “Europa League.

Klubi zikaltër ka menduar për t’i bërë një dhuratë tifozëve të skuadrës kundërshtare duke i dhënë atyre dyfishin e kapacitet që i lejohet me rregull nga UEFA. Sot të shkallët e San Siros do të jenë 15000 mijë tifozë gjermanë, një rekord i ri për këtë kompeticion.

„Eintracht Frankfurt international…“ ?? Die Fans machen sich auf den Weg ins Stadion ?#SGEuropa #InterSGE pic.twitter.com/DN8GEeXx57

— Eintracht Frankfurt (@Eintracht) March 14, 2019

Edhe pse na ndajnë disa orë nga fillimi i ndeshjes, tifozët e Frankfurtit kanë filluar të “pushtojnë” qendrën e Milanos.

???? pic.twitter.com/ETnL4MVOSe

— Fabrizio Biasin (@FBiasin) March 14, 2019

Derbi i Milanos vendos një rekord të ri, Interi ndan lajmin me tifozët

Sport Ekspres — Sun, 21 Oct 2018 15:17:26 +0000

Derbi i Madoninës vazhdon të thyejë rekorde. Klubi i Interit, që është dhe organizatori i ndeshjes së sotme ka lajmëruar se për duelin e sotëm është vendosur një rekord i ri për sa i përket të ardhurave nga shitjet e biletave të stadiumit.

“Me 78725 spektatorë, Inter – Milan nuk ka më bileta për t’u shitur. Janë arkëtuar 5 milionë Euro, një rekordi i ri për derbin e Milanos. Ju faleminderit”, shkruhej në postimin e klubit zikaltër në rrjetin social “Twitter”.

Ndeshja do të fillojë sot në mbrëmje në orën 20:30. Të dyja skuadrat janë në një moment të mirë dhe pritet që në fushë të shikojmë spektaklin që e ka shoqëruar këtë përballje për dekada me radhë.

Con 78.725 spettatori #InterMilan è soldout! Incasso di oltre 5 milioni di Euro, nuovo record per il #DerbyMilano. Grazie #InterFans! ???#ForzaInter #InterMadeOfMilano #InterIsHere

— Inter (@Inter) October 21, 2018