Berluskoni: Vuajtje të shoh Milanin në këtë gjendje, por unë nuk ndërhyj

Sport Ekspres — Sat, 27 Oct 2018 12:58:50 +0000

Silvio Berluskoni është një prej presidentëve më të suksesshëm që ka pasur Milani. Ish-numri një i kuqezinjve nuk ka qëndruar në heshtje, por ka preferuar që të komentojë situatën ku ndodhet skuadra e tij e zemrës. Berluskoni ka theksuar se ai i ndjek të gjithë ndeshjet e Milanit dhe se ndjen keqardhje për situatën ku ndodhet.

Po ashtu ish-presidenti vënë dukje faktin se ai nuk e mendon që të rikthehet sërish, për t’i dhënë një dorë skuadrës edhe në këto pozita ku ndodhet. Nw njw prononcim pwr Sportmediaset.it, presidenti aktual i Monzws theksoi:

“Unë e ndjek si një tifoz Milanin në çdo ndeshje, por jam mjaft i zhgënjyer. Është e dhimbshme dhe vuajtje të shohësh Milanin në këtë gjendje. Shoh një skuadër që nuk është aspak efikase, me sulmuesit që prodh9ojnë pak dhe nuk janë produktiv, pasi nuk po kalojnë një moment të mirë. Gjithçka varet nga forma e lojtarëve dhe unë shpresoj që kjo situatë të ndryshojë shpejt. E ardhmja e Gatuzos? Është diçka që i takon shoqërisë dhe unë nuk preferoj që të ndërhyj”.

Gatuzo: Reagim i shkëlqyer, Higuain na nxjerr në sulm

Sport Ekspres — Sat, 01 Sep 2018 09:01:38 +0000

Fitorja e parë sezonale e Milanit ka ardhur në mënyrën më emocionuese të mundshme, me një gol në sekondat e fundit të shtesës, nga Kutrone, i hedhur në fushë në fund nga trajneri Xhenaro Gatuzo, i cili bëri zgjedhjet e duhura duke i dhënë energji skuadrës në një moment delikat, kur kuqezinjtë dukeshin pa asnjë ide.

Megjithatë, në ndryshim nga ndeshja kundër Napolit, Milani nuk e humbi busullën për asnjë moment dhe kjo e gëzon trajnerin kuqezi: “Goli i Kutrones nuk është kthesa e sezonit, jemi vetëm në javën e dytë. Pas humbjes në Napoli ishim të zhgënjyer zor skuadra ka reaguar edhe më mirë nga sa prisja. Duhet ende të bëhemi skuadër, këtë radhë ishim më mirë në aspektin e mentalitetit dhe administrimit të ndeshjes në momente të vështira”.

Higuain ishte vendimtar me pasimin final për Kutronen: “Higuain është një futbollist që na bën të luajmë mirë, por kur vjen pas për të luajtur topin duhet të jemi më të rrezikshëm dhe ta ndihmojmë. Kutrone po luan pak, e vërtetë, por sezoni është i gjatë dhe do të ketë hapësirën që i takon. Bilia? Është lojtar thelbësor në aspektin taktik, kundër Romës na shpëtoi në shumë situata”.