Mikel Kaloshi

Kaloshi nuk dorëzohet: Transferta me Turbinën, “jetë a vdekje”

Sport Ekspres — Wed, 08 May 2019 08:58:35 +0000

Tomori është më një këmbë në Kategorinë e Dytë, ndërkohë që në Berat mendojnë se është luajtur pisët në kurriz të tyre. Portieri i Tomorit, Mikel Kaloshi, deklaron se të gjitha skuadrat u janë kundërvënë, duke dhënë në ndeshjet ndaj tyre më shumë se maksimumin.

Situata në kampin beratas është e vështirë, por te Tomori nuk tërhiqen. Ndeshja e radhës luhet në transfertë me Turbinën dhe Kaloshi për SportEkspres.com deklaron: “Kemi fituar në Cërrik në ndeshjen e fazës së dytë të kampionatit dhe këtë do kërkojmë ta arrijmë të shtunën. Ende ne besojmë dhe nuk i kemi humbur shpresat se do mbijetojmë. Në Cërrik është një sfidë ‘jeta a vdekje’ për ne dhe po përgatitemi nga të gjitha drejtimet ta përballojmë me sukses”.

E ardhmja e tij është në plan të dytë: “Është një situatë që nuk le hapësira të mendosh për të ardhmen. Nga kjo sfidë që do luajmë të shtunën në Cërrik ndaj Turbinës besoj se do të ketë më shumë dritë për të ardhmen e skuadrës sonë”.

AGRON KAJA

Kaloshi ndez sfidën: Në Cërrik luajmë fort dhe fitojmë

Sport Ekspres — Thu, 31 Jan 2019 08:12:55 +0000

Tomori është duke i dhënë dorën e fundit përgatitjeve për ndeshjen e javës së 15-të me Turbinën në Cërrik. Në një deklaratë të tij në rrjetet sociale, portieri i skuadrës beratase Mikel Kaloshi deklaron se do të jetë një ndeshje e vështirë, por Tomori do të luajë fort vetëm për fitore.

“Ndeshja e fundjavës me Turbinën ka rëndësinë e vet. Normale që nuk do të jetë e lehtë, por impenjimi jonë maksimal në seancat përgatitore do të bëjë që ta menaxhojmë ndeshjen sa më mirë. Tomori nuk ka çfarë humbet, ne do të luajmë fort dhe fitojmë”, kështu shkruan gardiani i portës së Tomorit, 48 orë para ndeshjes me Turbinën.

Tomori renditet në vendin e 8-të në Grupin B të Kategorisë së Parë me 16 pikë, ndërsa Turbina në vendin e 10-të me 8 pikë.

AGRON KAJA

Kaloshi rinovon me Tomorin, sa shumë prapaskena!

Sport Ekspres — Wed, 08 Aug 2018 18:19:31 +0000

Rinovimet kanë nisur te Tomori, ndërkohë që pritej prej një muaji që të rinovohej kontrata me portierin Mikel Kaloshi, i cili vetëm sot ka nënshkruar. Nuk mund të konsiderohet një afrim i ri, pasi lushnjari ishte edhe vjet pjesë e skuadrës.

Gjithsesi nga ana e stafit teknik ai nuk ka qenë i preferuar gjatë merkatos së kësaj vere, pasi i është besuar një portieri si Kadri Birja, aq shumë i kontestuar nga ana e sportdashësve beratas, të cilët kanë dalluar qartë disnivelin midis tij dhe portierit Kaloshi. Ky i fundit tabinë ka sjellë garanci maksimale për portën e Tomorit.

Burime konfidenciale thonë për “Sport Ekspres” se portieri lushnjar ka pasur qejfmbetje me stafin teknik, që nuk e konsideroi si një portier titullar gjatë merkatos së kësaj vere. Për këtë ai desh t’i bashkohej skuadrës së Kamzës, që kërkonte portier.

Por në mënyrë të papritur i është bërë një ftesë nga klubi beratas. Kaloshi nuk mund të pranonte të ishte portier i dytë te Kamza, edhe pse në Superiore, dhe këtë e ka shfrytëzuar Tomori. Paraqitja e dobët me Partizanin në miqësoren e fundit, duket se e ka bërë akoma më shumë të nevojshëm rikthimin e Kaloshit te Tomori. Kështu ka ndodhur…

EDI SPAHIU