Mike Ashley

“Gënjeshtar, mendon veç për paratë”, Benitez sulmohet nga ish-presidenti

Sport Ekspres — Sat, 27 Jul 2019 16:59:44 +0000

Rafa Benitez mbylli aventurën 3-vjeçare me Njukasëllin dhe nuk kaloi shumë kohë për të gjetur ekipin e ri. Trajneri i njohur spanjoll vendosi të largohet nga futbolli evropian dhe të pranonte ofertën tunduese të kinezëve të Dalian Jifang.

59-vjeçari do të përfitojë rreth 12 milionë euro në sezon tek ekipi i ri, aty ku do të gjejë emra si Marek Hamshik dhe Janik Karrasko. Me sllovakun ka punuar dy vite te Napoli gjatë sezoneve 2013-2015.

Spanjolli i njohur ka marrë disa kritika nga ish-presidenti i tij te “qymyrxhinjtë”, Majk Eshli. Ky i fundit është zhgënjyer nga Benitez dhe e akuzon atë se mendon vetëm për paratë.

“Lamtumira e tij kishte lidhje me paratë, por mund ta thoshte menjëherë diçka të tillë. Kur dëgjon fjalët që tha pasi u largua mendon se skuadra vjen e parë për të, por jo. Atij i interesojnë vetëm paratë. Mori vendimin më komod, zgjodhi milionat kinezë dhe u transferua në Azi. Më ka zhgënjyer totalisht”, theksoi Majk Eshli.

Vjen shansi i artë për Xherard, ofertë nga klubi i njohur i Premier Ligës

Sport Ekspres — Mon, 08 Jul 2019 07:48:59 +0000

Stivën Xherrard nuk ia doli të rikthente Rejnxhër te titulli kampion. Hendeku me rivalët e Selltik është ende shumë i lartë, por trajneri anglez u ka mbyllur gojën shumë kritikëve të cilët besonin se legjenda e Liverpulit do të ishte një ndër lojtarët e shumtë më emër që do dështonin si trajner.

Puna e mirë e 39-vjeçarit ka tërhequr vëmendjen e pronarit të Njukasëll, Majk Eshli. Largimi i Rafa Benitez drejt Kinës ka lënë pa pronar stolin e skuadrës nga verilindja e Anglisë. Miliarderi anglez i ka ofruar ish-kapitenit të Anglisë një kontratë 4-vjeçare.

Në ditët në vazhdim pritet që Xherard të vendosë për të ardhmen. E sigurt është që paratë do kenë pak efekt te Xherard, pasi pasuria nuk i mungon. Rejxhërs i dha shansin e parë si trajner dhe një ndarje e tij do të shikohej si një tradhti nga tifozët dhe drejtuesit e skuadrës skoceze, por sigurisht ndaj një emri si Xherard nuk do të kishte pengesa nëse ai do të kërkonte largimin.

Tjetër sheik në Premier Ligë, akord për blerjen e klubit të njohur

Sport Ekspres — Mon, 27 May 2019 10:06:06 +0000

Një tjetër sheik është pranë blerjes së një klub anglez. Miliarderi Khaled bin Zajed Al Nehajan është pranë akordit për blerjen e Njukasëllit, ekip që ka fituar 4 herë Premier Ligën. Një burim pranë Sheikut ka raportuar për mediat angleze se marrëveshja është arritur.

Sheiku Khaled do t’i paguajë 350 milionë sterlina Majk Ashlejt, presidentit të “Qymyrxhinjve”. Arabi është vëllai nga babai i Sheikut Mansur, presidentit të Mançester Sitit dhe anëtar i familjes mbretërore që qeveris Emiratet e Bashkuara Arabe. Khaled tentoi të blinte Liverpulin kohë më parë.

U përfol për një vlerë prej 2 miliardë sterlinash, çka do të ishte një rekord botëror, por marrëveshja nuk u arrit. Tani ai po realizon ëndrrën për t’u bërë pjesë e futbollit anglez dhe investime të mëdha pritet të ndodhin në ekip.

Kreu i ri i klubit nuk ka ndërmend të ndryshojë trajner. Në stol do të jetë përsëri Rafa Benitez. Spanjolli gëzon besimin e presidencës së re, e cila do të nisë punën për t’i dhuruar emra sa më cilësorë.