PARTIZANI – “Së pari zërat e merkatos kush i ka thënë. Ishte vetëm një foto që u bë e madhe dhe doli që Basha është për te Partizani. Kam edhe një vit kontratë me Arisin. Nuk është e vërtetë. Çdo lojtar do të shkojë në Champions. Kam kontratë dhe asgjë të vërtetë. Si ta them që unë kam dëshirë kur kam edhe një vit kontratë. Mund të jap një përgjigje që mund të hapë probleme. Ishte rastësi, një foto. Nuk ka asgjë të vërtetë”.

NDRYSHIMI – “Ekipi nuk është i plotë tani, po ndihemi më të lirë me Rejën. Ka qenë ndryshe me Panuçin, por nuk e bëj fajtor atë. Është trajner i ri, me tjetër mentalitet. Varet nga rezultatet, me fitore rritet harmonia. Ndryshe bëhet problem”.

REJA – “Është ndryshe, Panuçi vendosi rregullat e tij dhe u munduam t’i zbatojmë. Duhen respektuar. Nuk e di nëse ishin pozitive apo jo. Mund të them që është ndryshe me Rejën. Nuk ia jap gjithë fajin Panuçit, por kur janë rregullat duhen respektuar. Jemi përgatitur pak taktikisht, po punojmë në aspektin fizik. Më pas do shohim si do stërvitemi. Ka më shumë eksperiencë dhe shikohet që ka raport tjetër me lojtarët”.

NDESHJET – “Jemi profesionistë, nuk e marrim lehtë. Luajmë për vendin tonë, nuk ka lidhje miqësore apo jo. Disa herë kemi bërë mirë, disa herë jo. Vitin e fundit ka pasur shumë mungesa, Panuçi bëri disa teste dhe nuk shkuan gjërat mirë. E dimë që duhet patjetër rezultat. Duhet të fitonim më Turqinë. Është me rëndësi të marrim pikë me Islandën dhe Moldavinë. Ka humbur pak entuziasti dhe duhet që ne lojtarët ta kthejmë me rezultate. Kur të spostohemi në Tiranë mund të ndryshojë situata”.

“Herë po, herë jo. Ka disa ndeshje kur nuk jam në formën më të mirë. Sot bëra mirë, por mund të jepja dhe më shumë. Megjithatë, rëndësi për ne kishin tre pikët dhe jam i lumtur që ia dolëm. Kanë qenë ditë të vështira, humbëm një ndeshjen që nuk e meritonim, edhe trajneri u largua. Bulkun deri të shtunën e kemi pasur shok, tani i themi profesor (qesh).

Do e shohim kush do të jetë trajner i kombëtares. Unë si Basha jam gjithmonë gati për Shqipërinë. Duhet një zëvendësues për mua, pasi po plakem (qesh). Kemi Kaçen, Abrashin dhe shumë të tjerë. Kombëtarja është në duar të sigurta në rolin e mesfushorit para mbrojtjes. Ndeshjen e filluam mirë, por pastaj e ulëm ritmin dhe ata morën guximin për ta sulmuar.

Kishin pak raste, por ne duhet të jemi më të përqendruar. Duhet të sulmojmë më shumë, të bëjmë presing. Në pjesën e dytë, i lamë disi të avanconin drejt zonës tonë. Megjithatë, ne ia dolëm. Nuk e qarkulluam topin shpejt dhe unë jam fajtori i parë. Fusha nuk na ndihmoi, por dhe kundërshtari mendoi vetëm të mbrohej.

Fitorja është e vlefshme, pasi na duheshin pikët. Kjo ishte e domosdoshme. Fusha nuk ishte e mirë, ndaj nuk ishte e lehtë. Pikë që na shërbejnë për të ardhmen. Nuk e merituam humbjen me Turqinë. Duhet ta harrojmë dhe të shohim përpara.

U thashë ccunave të zgjohemi, pasi e nisëm keq pjesën e dytë. Shënuam vonë golin e dytë dhe të tretë. Duhet përqendrim, edhe pse kundërshtari nuk ëshët i një niveli të lartë. Rrezikuam të pësonim me një goditje. Fatmirësisht fituam”

Deklarata e Panuccit, këta janë lojtarët? Nuk e di ccfarë mendimi ka pasur, por më duket negativ. Pavarësisht kualitetit, ka lojtarë që kanë bërë historinë. Sa të jemi këtu do japim maksimumin. Panucci iku, ne duhet të vazhdojmë. Përqendrimi duhet të jetë maksimal këtu.”

TURQIA – “Përgatitjet janë si çdo herë. Po mundohemi të përqendrohemi. Ndeshja e parë është e rëndësishme. Herën e fundit fituam në Portugali dhe shkoi pastaj mirë. Duhet një fitore patjetër. Kemi një ekip të vështirë përballë. Luhet për tre pikët.”

ECURIA – “Sa i takon Ligës së Kombeve, fituam me Izraelin dhe u mposhtëm në Skoci. Në Izrael nuk merituan të humbnim. Me Skocinë e mbyllëm keq, por kartoni i kuq ndryshoi çdo gjë dhe njerëzit nisin kritikat për të gjithë. E mbyllëm keq dhe tani duam të ndryshojmë diçka.”

KUALIFIKIMI – “Shanset i kanë të gjithë, futbolli ka ndryshuar. Duhet fat dhe mos të nënvlerësojmë askënd. Nuk mundemi të bëjmë më keq sa i takon rezultateve.”

OPINIONI – “Lenjani ka marrë vendimin e vet. Strakosha është një çështje disiplinore.”

KONKURRENCA – “Kemi mendim pozitiv, Abrashi luan në Frajburg, Kaçe po luan. Jemi edhe ne pleqtë, unë e Lediani. Konkurrenca të rrit edhe në stërvitje. Jemi stërvitur dhe nuk jemi ankuar asnjëherë nëse jemi titullar. Nuk ka rëndësi sa minuta luajmë, duhet të dimë se po mbrojmë ngjyrat kuqezi. Kombëtarja duhet të ecë përpara, nuk ka rëndësi kush luan. Kombëtarja të ndihmon, por nuk të çon te Reali i Madridit.”

GRUPI – “Duhet të ndihmojmë çdo lojtar, i ri apo i vjetër. Duhet t’i flasim pozitivisht. Duhet me fol pozitivisht me çdo lojtar, pavarësisht raportit. Duhet t’u tregosh disiplinën dhe rëndësinë e këtyre ngjyrave.”

Në Greqi Andi Lila nuk ka marrë asnjë minutë në sfidën Lamia-Pas Janina. Kavajasi qëndroi gjatë gjithë ndeshjes në stol. Skuadra e futbollistit të kombëtares mori një pikë dhe gjërat mund të shkonin edhe më keq, pasi vetëm në minutën e 86-të shënuan golin e barazimit. Pas Janina po kalon në një moment të vështirë dhe është në vendin e katërt nga fundi.

Arisi i Selanikut nuk e ka përballuar dot forcën e Olimpiakosit, që fitoi me rezultatin 4-1. Migjen Basha sërish e nisi nga stoli. Mesfushori u aktivizua në minutën e 79-të, kur shanset për të ndryshuar diçka ishin të pakta, pasi skuadra e tij po humbiste 3-1. Në shtesë pësuan edhe të katërtin.

On n'est pas loin de la tentative de meurtre là. pic.twitter.com/5He31Da7Uo

— Football Grec France (@footgrec) February 17, 2019

Aris ndodhet në pozita të qeta në renditje, pasi ruan vendin e pestë në kuotën e 33 pikëve. Megjithatë, kjo ndeshje shihej si një mundësi e mirë për të marrë një tjetër fitore, por largimi i Bashës me të kuq ka ndryshuar rrjedhën e sfidës.

Nga krahu tjetër, Durmishaj e ka nisur sfidën sërish titullar dhe me formën që sulmuesi shqiptar po kalon, pritet të jetë një rrezik konstant për mbrojtjen e Aris, që tashmë duhet të bëjë edhe pa shërbimet e Bashës.

Nga pika e bardhë e 11-metërshit Manaj nuk gaboi dhe në fund skuadra e tij iu gëzua tre pikëve. Sulmues u ndëshkua edhe me karton të verdhë në fillim të pjesës së dytë. Në minutën e 82-të u zëvendësua nga trajneri i tij.

Ndërkohë goli i Hasanit ishte një perlë, pasi mesfushori i hungarezëve të DVTK shënoi golin e triumfit ndaj Paks me një gjuajtje nga distanca. Sot ka festuar edhe Liridon Latifi, i cili zbriti në fushë për Pushkash Akademi në minutën e 57-të. Tre minuta më pas ekipi i sulmuesit anësor realizoi golin e parë dhe në fund iu gëzua fitores 2-0 ndaj Mezokovesd-Zsory.

Mërgim Mavraj dhe Migjen Basha kanë përfunduar në stol tek Aris Selanik, që sot është mundur me rezultatin 1-2 nga Panetolikos. Mbrojtësi dhe mesfushori e kanë ndjekur gjithë takimin nga stoli, pa pasur mundësi të japin kontributin e tyre në fushën e blertë.

Për “SportEkspres”, 31-vjeçari tregoi sakrificën e bërë për të luajtur në derbin e zjarrtë të Selanikut, si edhe injorimin e këshillave të mjekëve të klubit. Pavarësisht sugjerimeve se duhej të qëndronte pushim absolut, Basha luajti, ndoshta duke rrezikuar komplikimin e dëmtimit.

“Tashmë, kur po kalon afro një javë nga derbi ndihem disi më mirë. Të dielën luajta i dëmtuar. Doktori i skuadrës më tha se duhej të qëndroja dy javë pushim, por unë u stërvita dhe u aktivizova, sepse nuk doja ta humbisja sfidën ndaj PAOK-ut. Më vjen keq që e humbëm ndeshjen, sepse kishim një penallti në favor, me të cilën mund të kalonim në avantazh 2-1”, tha mesfushori.

Pas kartonit të verdhë në Izrael, Migjen Basha, ashtu si edhe Elseid Hysaj, është i pezulluar për ndeshjen e Ligës së Kombeve ndaj Skocisë, më 17 nëntor. Ndërkohë, prezenca e tij mbetet në dyshim edhe për miqësoren ndaj Uellsit, në datën 20 nëntor. Mesfushori shprehet i gatshëm të jetë me skuadrën të paktën për duelin ndaj ekipit të yllit Garet Bejl dhe tregon se nuk do të ndalet as gjatë kësaj kohe.

“Duke qenë se jam i pezulluar për ndeshjen ndaj Skocisë, nuk e di nëse do të jem i pranishëm në grumbullimin e radhës së Kombëtares. Atë e vendos vetëm trajneri”, tha Basha, i cili rikujtoi edhe periudhën e viteve kur  luante me Torinon, ku qëndroi në fushë i dëmtuar, për muaj me radhë: “Edhe gjatë kësaj periudhe që kam shqetësime në gju nuk do të ndalem. Më përpara te Torino kam luajtur edhe për tetë muaj, pavarësisht se isha i dëmtuar…”. Shumë klas dhe gjeometri në fushë, por mbi të gjitha një luftëtar i vërtetë.

BESIMI PËR ECURINË POZITIVE – “Sigurisht që po, kam besim. Mund të bëjmë ndeshje të mirë dhe katastrofike. Mos ta gjykojmë ndeshjen e djeshme, u luajt me një sistem pak të përdorur. Kishte edhe të rinj. Na intereson ndeshja e së dielës me Izraelin. E kemi parë të gjithë që nuk luajtëm mirë, ndërsa ata donin me zor të merrnin një barazim.”

FORMA – “Jo vetëm fitorja ta ngre morali. Edhe vitin e fundit u mundëm me Luksemburgun dhe më pas fituam me Izraelin. Ka raste kur fitorja është më keq. Edhe pas ndeshjes jo të mirë, duhet entuziazëm. Duhet ta shohim ndeshjen si finale. Nëse marrim rezultat pozitiv, kemi shanse shumë të mira për Europianin.”

MUNGESA NË MIQËSORE – “Nuk di të them nëse ndryshon diçka nga Hysaj apo unë. Kemi bërë edhe ne ndeshje të dobëta. Fusha flet, nëse kemi rastin duhet të japim maksimumin. Jemi caktuar kapiteni i dytë dhe i tretë, ndaj përgjegjësitë janë më të mëdha. Edhe më parë kemi pasur përgjegjësi.

SKEMA – “Kam luajtur 3-5-2 me Venturën, por pak a shumë i di lëvizjet. Për dy ditë nuk mësohen. Ishim konfuzë, por edhe kundërshtari ishte i gjithi në mbrojtje. Gjithsesi kemi pasur raste për gol.”

KAPITENI – “Vendosi grupi kapitenin. Bëmë votimet, Mavraj mori më shumë vota. Është pozitive, por nuk është se shiriti të jep vetëm ty përgjegjësi. Duhet të mendojmë për të mirën e kombëtares.”

IZRAELI – “Na duhet patjetër fitorja, pasi mund të na bllokohet rruga për Europian. E dimë se do ketë ndryshime. Fillimi do të jetë i vështirë, pasi ata do na sulmojnë.”

Panionios triumfoi 1-0 kundër Arisit të Selanikut, që mesfushorit Basha i dha vetëm 45 minuta në fushën e blertë, pasi mbeti në dhomat e zhveshjes në pushim. Mavraj dhe Durmishaj luajtën deri në vërshëllimën e fundit.

Një tjetër lojtar i kombëtares luajti në elitën e futbollit grek sot. Bëhet fjalë për mbrojtësin Enea Mihaj, i cili ishte titullar në takimin që Panetolikos fitoi 2-1 kundër Levadiakos. Qendërmbrojtësi ndihmoi skuadrën e tij të fitonte dhe tanimë bëhet gati për ndeshjet me Jordaninë dhe Izraelin me fanellën e kombëtares.

“Kam nënshkruar një parakontratë me Arisin e Selanikut, të rikthyer në divizionin e parë. Unë do të shkoj të dielën për të kryer vizitat mjekësore. Nëse gjithçka është në rregull, atëherë do të bëhet zyrtare Aris ka ambicie dhe mund të mbeshtetet në një tifozeri super. Kam telefonuar disa shokë grekë me të cilët kam luajtur, si dhe lojtarë shqiptarë që luajnë në Greqi. Kam pasur vetëm komente pozitive për këtë klub”, ka deklaruar Basha.

Mesfushori është aktivizuar dy sezonet e fundit tek Bari në Serinë B dhe ka qenë një nga lojtarët më të rëndësishëm të skuadrës së tij, por së fundmi kishte probleme financiare dhe me përfundimin e kontartës nuk bisedoi për rinovimin.

Karriera e tij është e përqendruar kryesisht në Itali, ku është aktivizuar edhe në Serinë A, ndërkohë që ka luajtur edhe në Zvicër. Greqia do të jetë stacioni i radhës për Bashën, i cili pritet të nënshkruajë për dy sezone dhe të përfitojë në total 600 mijë euro, sikurse bëjnë me dije burime të “Sport Ekspres”.

Salernitana është një nga klubet që gjithashtu ka kërkuar shërbimet e mesfushorit, ndërkohë që tani për ish-futbollistin e Barit është shfaqur edhe Foxhia. Sikurse raportojnë mediat italiane, interesimi është i fortë për 31-vjeçarin, që në dy vitet e fundit në Serinë B ka treguar nivel të lartë.

Kështu lista e ekipeve italiane që e duan zgjatet edhe më shumë. Benevento gjithashtu është lakuar si kandidate për të marrë shërbimet e Migjen Bashës. Mesfushori është parë si një lojtar që mund të zëvendësojë më së miri Ledian Memushajn, i cili u kthye këtë verë te Peskara.