“Tirana problemet sot i ka me veten. Është një klub që duhet të reflektojë dhe ka reflektuar shumë vonë. Pse Ilion Lika që sot ishte lojtari më i mirë në fushë, ka qëndruar në stol për një periudhë të gjatë? Dihet që problemet kryesore Tirana i ka pasur në portë, me gjithë respektin për Abibin që është një portier me të ardhme, por jo stabël në lojën e tij. Pse duhet që Ilion Lika të hidhet në fushë në një moment mjaft kritik. Për mendimin tim ai i ka dhënë një pikë Tiranës sot, mund edhe të kishin humbur. Vetë Devolli e pranoi se lojtari më i mirë i Tiranës ishte portieri”.

“Pse nuk ka qenë më parë. Ai nuk luajti në 20 ndeshje dhe prapëseprapë tregoi siguri. Përse këtë eksperiencë që nuk mund të shfrytëzohej më parë dhe Tirana nuk do ishte këtu. Është një skuadër që nuk ka treguar asnjëherë stabilitet. Në Laç s’do ta kenë të lehtë, këtë sezon sa herë ka shkuar atje është mundur. Emrin e Ilionit e përmend është se është i vetmi lojtar atje që ka marrë titullin kampion, është i vetmi lojtar që mban peshën e përgjegjësisë, është një lojtar që di si të ndajë situatën dhe çfarë përgjegjësish duhet të marrë. Tani, a ka Tirana lojtarë me peshë të njëjtës cilësi si Lika është diçka që diskutuar. A ka Tirana lojtarë qe mund ta nxjerrin lojtarët në situatë kritike”.

TIRANA-LAÇI -“Kupa e Shqipërisë ndryshon nga Kampionati dhe në ndeshjet çerekfinale priten rezultate interesante. Sa i përket ndeshjes nesër Tirana-Laçi, përpos nostalgjisë e respektit për të dyja skuadrat, mendoj se Tirana është më e avantazhuar. Për kualifikimin ka edhe një ndeshje. Laçi e shikon Europën më shumë nga Kupa, ndaj them se do jetë një kryendeshje e këtij turi”, deklaron Memelli.

KAMPIONATI –  “Duke e nisur nga sfida Skënderbeu-Kukësi, shpresoj që skuadra korçare të shpëtojë nga dënimi 10-vjeçar dhe të shtunën të luhet një ndeshje e fortë. Të gjitha takimet e ditës së diel janë të vështira dhe kanë të veçantat e tyre. Kastrioti-Tirana është mundësia që krutanët të rivalizojnë Luftëtarin për mbijetesë, në takimin Laçi-Flamurtari luajnë dy skuadra të barabarta në renditje, ndërsa Partizani-Teuta, sfida ku dy skuadrat e kreut duan të forcojnë pozitat e tyre”.

“Ndërprerja e kampionateve ishte e mirë për gjithë futbollin tonë dhe jo vetëm për arbitrat, kjo që të gjithë aktorët e faktorët të ndërgjegjësohen. Unë kam nisur të luaj si profesionist në vitin 1998 në situata edhe më të vështira, por 20 vite më pas nuk duhet të pretendojmë se jemi në atë kohë. Gjithsesi, përjashtimi i Kamzës i prish punë kampionatit”, theksoi Memelli për SportEkspres.com.

MUNGESA E GOLAVE –  Ndërsa për shterpësinë e golashënuesve në Kategorinë Superiore, Memelli shprehet: “Shënimi i golave në këtë sezon tregon një shterpësi të rrallë në edicionet e fundit. Sulmuesit nuk shënojnë shumë dhe unë mendoj se ata vetë punojnë pak individualisht, ndërsa trajnerët e skuadrave më shumë fokusohen te puna me grupin. Unë punoja me elementë të veçantë për shënimin e golit, gjithmonë pas stërvitjes me grupin”.

AGRON KAJA

Migen Memelli ka një karrierë të pasur në futboll, të nisur në sezonin 1999-2000 me Skënderbeun dhe e mbyllur në sezonin 2014-2015 me Kastriotin. Në tetë skuadra të Superiores, në Suedi dhe Arabi Saudite, Memelli ka luajtur 18 vite në elitë dhe në sezonet 2008-2009 e 2013-2014 ka dalë kryegolashënues në Kategorinë Superiore, ndërkohë që në këtë karrierë ka qenë edhe pjesë e Kombëtares shqiptare.

INTERVISTOI: AGRON KAJA

Kjo atmosferë me mot të ftohtë dhe reshje shiu, sa shkon pa futboll zyrtar dhe pa Memellin në pankinë?
-Çdo gjë ka kohën e vet dhe dy muaj të tillë janë për përgatitjet që skuadrat bëjnë për pjesën e dytë të sezonit. Ndërsa për pankinën time, unë jam në tregun e trajningut. Gjithsesi është e vështirë, pasi janë rreth 500 të licensuar për 30 skuadra.

Si e shikoni ritmikën e përgatitjeve që skuadrat e Kategorisë Superiore kanë bërë në këtë periudhë?
-Ekipet që kanë ofruar kushtet e një minifaze të vërtetë janë Partizani me Kukësin në Antalia të Turqisë, ndërsa përafrohet edhe Teuta, e cila po përgatitet në Resortin “Tropikal”. Për skuadrat e tjera mendoj se përgatitjet e tyre nuk i përgjigjen nivelit të elitës.

Sa mundësi stërvitore ofrojnë terrenet sportive në Shqipëri, duke patur parasysh kushtet e motit të rënduar nga reshjet e shiut dhe të borës?
-Terrenet sportive në Shqipëri nuk afrojnë stërvitshmëri elite, sepse nuk kanë infrastrukturën e duhur sportive dhe kushte minimale akomodimi. Këto janë kërkesa që bëjnë diferencën për një futboll elitar, të cilat varen shumë edhe nga buxhetet që kanë skuadrat e Kategorisë Superiore.

Nga të gjitha skuadrat e Superiores janë deklaruar largime dhe afrime, ju si e shikoni merkaton e tyre në këtë periudhë?
-Gjithmonë në muajin janar, merkato ka qenë dhe mbetet e vështirë. Sepse mundësitë janë të blesh lojtarë shumë të shtrenjtë, që buxhetet e skuadrave tona e kanë të vështirë ta përballojnë. Ose do të marrësh lojtarë që kanë dalë nga planet e klubeve dhe nuk bëjnë diferencën.

Për dy fazat e para të Superiores, çfarë mangësie konstatoni në ecurinë e garës?
-Thuajse të gjitha skuadrat nuk kanë patur stabilitet në lojën e tyre dhe në rezultatet që kanë arritur, e këtë më mirë e tregon renditja në 18 javë. Me investimet që kanë bërë, të gjitha skuadrat janë afër njera-tjetrës, por duke ju munguar stabiliteti, rezultatet i kanë patur me luhatje.

Mbeten edhe dy javë nga rinisja e sezonit dhe nga klubet ende nuk ka lëvizje për të rregulluar marrëdhëniet me tifozët, do të vazhdohet ende me dënime kolektive të tyre?
-Sa u përket tifozëve, dënimi vjen nga kultura e pamjaftueshme që ekziston në shkallët e stadiumeve. Klubet duhet ta kenë në prioritetet e tyre marrëdhënien me tifozerinë, ndërkohë që boshatisja e stadiumeve vjen edhe nga e drejta televizive me ndeshjet e Superiores.

Gjysma e dytë e këtij sezoni do të nisë me ndeshjet e Kupës së Shqipërisë, është kjo në të mirën e skuadrave për Kampionatin?
-I ndihmon apo jo kjo lëvizje e FSHF-së, kjo do të varet nga puna e klubeve me skuadrat e tyre. Mendoj se kjo duket si një ngjeshje e ndeshjeve e cila duhet menaxhuar në ngarkesat që duhet të marrin futbollistët në këtë periudhë, me qëllim që ajo të mos bjerë në ndeshjet e fundit të sezonit.

E keni një prognozë për verdiktet që mund të sjellë ky sezon te skuadrat e Kategorisë Superiore?
-Për titullin kampion mendoj se rivalë do të jenë vetëm Partizani me Kukësin, ndërsa Teuta, Laçi e Skënderbeu do të jenë në ndjekje të tyre, ndoshta edhe Flamurtari. Për mbijetesë, më të rrezikuar mendoj Kastriotin me Luftëtarin, sepse Tirana me Kamzën kanë ndryshime pozitive.

Kurbinasit fituan 3 ndeshje, barazuan në një dhe u mposhtën dy herë. Kështu pas gjashtë ndeshjesh në krye të kurbinasve, Memelli e mbyll aventurën e tij dhe sigurisht që pret në vazhdim të punojë në krye të ndonjë tjetër skuadre. Këmbët në trajning tashmë i ka futur.

ZGJIDHJA – Quhet Besnik Prenga, nuk është i panjohur për Laçin. Në Europë arriti të drejtonte me sukses bardhezinjtë, që eliminuan Anorthosis Famagusta. Telefonatës së drejtuesve bardhezi ai i është përgjigjur pozitivisht dhe do të rikthehet në krye të kurbinasve.

Për Prengën do të jetë eksperienca e parë si trajner në Superiore, ndërkohë që në të shkuarën ka drejtuar në Kroaci. Aktualisht është pjesë e Lokomotivës së Zagrebit dhe në Laç po e presin. Pozitiv është fakti që ai e njeh ekipin dhe ambientin, gjë që është shumë e rëndësishme.

VLADIMIR PRENGA

“Nuk i mungon asgjë skuadrës, rëndësia e ndeshjes sot ka qenë le të themi e madhe. Kishim para një ekip si Flamurtari, me lojtarë të mirë. u munduam të jemi të kujdesshëm në fillim. Teknikisht kishim një kundërshtar që është mirë dhe bën mirë në finalizimin. U munduam që të ishim në ekuilibër, por presuam një gol aksidental. Një devijim përfundoi në rrjetë. Vijuam të ishim të kujdesshëm, ndërsa më pjesën e dytë krijuam raste dhe kur them raste flas për fazën sulmuese. Në fazën mbrojtëse bëmë shumë mirë, por në sulm ishim paksa të vakët. Më vjen pak keq për mënyrën se si nuk përqendrohemi para portës, por ky është futbolli”.

NJERIU GOL? – “Të gjitha skuadrat e kanë një shënues. T’ua largojmë sulmuesve këtë pjesë. Shansin e krijon e gjithë skuadra. Lojtarët duhet të jenë më të përqendruar para portës dhe ne do të punojmë që të përmirësohemi.

“Kishim ardhur për të marrë maksimumin. Trysnia është e madhe kur kërkon rezultatin dhe ekipi bie në presion, sulmuesit bien në presion. ky është futbolli, kur nuk shënon e pëson”.

“Duke parë shtatlartësinë e sulmuesve të Flamurtarit e s’postuam Gjonin para mbrojtësit. Ai ka bërë mirë, por ka luajtur dhe më parë aty. Ai fol mund të evitohej nëse Sefgjini do të bënte më shumë presion. Duhej ta markonte në atë moment Alveshit, ai doli me vonesë dhe devijimi i topit na penalizoi. Dua t’i largoj lojtarët nga përgjegjësia. Ajo që më shqetëson më tepër është finalizimi, pasi i kishim mundësitë dhe nuk i finalizuam”.

“40 minutat e para ishin për Flamurtarin, luante në fushën e tij, ka lojtarë me kualitet dhe donim të ishim në ekuilibër. Me kalimin e minutave e dija se do i kishim shanset tona. Ai gol ishte aksidental. Mënyra se si erdhi loja edhe mund të fitonim, por barazimi do ishte rezultati më i drejtë”.

“Ndeshja nuk i ngjan ndeshjes. Në fushën e Flamurtarit kanë humbur ekipe si Partizani e Kukësi. U munduam që të jemi të kujdesshëm dhe të merrnim më të mirën. Ky është futbolli dhe i humbet edhe ndeshjet si këto.

NDESHJA – “E dinim se kishim një kundërshtar që do të mbrohej mirë. Shumica e lojës u zhvillua në mesfushë. Edhe treshja e sulmit nuk ishte në lartësinë e duhur dhe në ditën më të mirë. U munduam që të zgjidhnim rezultatin me goditjet standarde, por na mungoi konkretizimi i qartë. Janë dy pikë të lëna në fushën tonë edhe është pak dëshpëruese kur lë pikë me skuadrat e fundit të tabelës. Ky është futbolli dhe duhet pranuar”.

SKUADRA – “Nuk ka diçka që nuk shkon. Besoj shumë te skuadra ime dhe te çunat. Fundi i tabelës dhe kreu janë të ngjeshura dhe duan pikë sa më shumë. Sigurisht që do të ketë edhe ditë që skuadra bllokohet për të kaluar në avantazh. U përpoqëm disa herë sot. Nuk shohim ekipet e tjera, por çfarë mund të bëjmë me veten dhe si mund të përmirësohemi. Në fund do synojmë të marrim sa më tepër pikë në këto javë të mbetura”.

SULMI – “Kërkoja që Xhixha dhe Shtubina të merrnin thellësinë. Edhe kundërshtari luajti mirë në prapavijë, duke na izoluar. Jemi ekip që duam rezultatin dhe kur jemi në vështirësi gjërat përkeqësohen ndonjëherë. Jemi mundur ta zgjidhim përmes goditjeve standarde, por nuk patëm konkretizimin e duhur”.

FILLIMI I NDESHJES – “Fillimi i lojës ishte me topa të gjatë, ndërsa më pas e ulëm topin poshtë dhe të shtymë ekipin lart. Nuk kemi qenë konkret dhe të qartë në sulm. Na mbetet përgjegjësia ta përmirësojmë skuadrën”.

Mbetet për t’u parë se kush do të luajë titullar kundër Kamzës. Gjithsesi me rëndësi ka arritja e objektivit dhe Laçi synon vetëm tre pikët në përballjen me skuadrën periferike të kryeqytetit. Përqendrimi është maksimal dhe ekipi ka zhvilluar edhe një analizë me video.

Trajneri Memelli ka zbërthyer Kamzën para futbollistëve, që duhet të shfrytëzojnë pikat e dobëta të kundërshtarit dhe ta godasin. Sigurisht do të duhet të bëhet edhe kujdes, pasi skuadra e drejtuar nga Ernest Gjoka ka elementë cilësorë në brendësi.

“E dinim kë kishim përballë, i dinim pikat e forta. E nisëm me agresivitet dhe nuk lejuam kundërshtarin të ngrihej. Nëse ndodhte, ato janë të fortë përpara. U krijuam vështirësi në 15 minutat e para dhe shënuam. U tërhoqëm më pas. Bëmë një ndërrim të detyruar. Më pas kërkova të jemi në ekuilibër dhe të mos lejojë hapësirat pas shpine. Radas e Aliti e bëjnë këtë, edhe anësorët e tyre shtyjnë lart. E bëmë mirë këtë. Kërkova nga djemtë të vrasim ndeshjen. Në Gjirokastër ishim në tension gjithë kohë, me Skënderbeun e vramë. I përgëzoj djemtë për lojën që bënë”.

“Titulli? Unë pretendoj që të japim maksimumin për ndeshjen e radhës. Nuk dua që lojtarë të përqendrohen për ndeshjen e radhës. Nëse nuk e bëjnë, atëherë do kemi probleme si skuadër, si klub. kërkoj përqendrim për ndeshjen e radhës, jo për fundin e kampionatit”.

“Shtubina vendos, çfarë do të thotë për kampionatin? Në janar do marrim lojtarë. Më pëlqen që golat t’i ndajmë në skuadër. Por nëse lojtarët marrin përgjegjësi, si Shtubina, kjo e ndihmon skuadrën shumë. Është lojtar i momentit dhe do vazhdojë. Do doja të shënonin edhe të tjerët, pasi Shtubina do ketë ndeshje të jetë i markuar mirë. Nuk duhet të mbështetemi vetëm tek ai. Për mua është e gabuar të mbështetesh vetëm te një lojtar”.

“Dua të përgëzoj djemtë për këtë ndeshje dhe për këtë fitore. Nuk është e lehtë pas dy humbjeve duke ditur anën psikologjike të skuadrës, por dhe pretendimet që kemi. Në anën psikologjike të skuadrës jemi mundur të punojmë si ajo tekniku-taktike. Kemi bërë një analizë të thellë gjatë kësaj jave. Kishim një skuadër të konsoliduar përballë me lojtarët që luajnë prej vitesh. E kemi studiuar shumë kundërshtarin, sidomos në mesfushë. tentuam që të ishim sa më fleksibël në sulm me Shtubinën, Xhixhën dhe Parmakovskin, por dhe me mbështetjen e lojtarëve të tjerë. Edhe në mbrojtje ishim në lartësinë e duhur.

“E ardhmja? Pas largimit të Mërgjyshit për arsye të tij personale e kemi përgatitur ndeshjen me Luftëtarin Ne kemi vijuar punën pasi jemi profesionistë. Duhet pyetur presidentin., Duhet të ulemi dhe të diskutojmë se si është më e mira me klubin. Kam përgjegjësitë e mija për këtë moment ku ndodhemi. Nuk kemi diskutuar akoma”.

“Dua të kërkoj ndjesë për atë moment. Ishte hovi i momentit, duke pasur parasysh se puna jonë matet me rezultate. Unë doja të dija vetëm nëse ishte faull apo pozicion jashtë loje. Koj nuk e justifikon veprimin dhe kërkoj falje. Në fund të pjesës së parë dhe në fund të takimit i kam kërkuar falje kryesori”.

“Kishim dy-tre raste i ndryshuam pozicionet disa lojtarëve që të krijonim pak disekuilibër në mbrojtjen kundërshtare. Doja të thoja se i kishim mundësitë të shënonim golin e dytë dhe nuk duhet të futeshim në presion. Duhet të jemi “vrasës” dhe jo të futemi në presion.  Në fund mund të ishim ndëshkuar, pasi njihen këto situata në futboll, po nuk shënove do pësosh. Pozitive që rikthemi te fitorja dhe te kreativiteti, që na ka munguar në dy ndeshjet e fundit”.

“Shpresoj që të bëjmë më të mirën për klubit. Ekipi është futur shumë herë në Kupat e Europës dhe nëse nuk e arrijmë këtë do të jetë dështim, pasi investimi ka qenë i madh”.

Ajo që kishte më shumë rëndësi kishte të bënte me formacionin që Mërgjyshi kishte hedhur në fushën e blertë. Në portë Hasanbelli ka pasur mundësinë të luajë, pasi Selmani është i grumbulluar me Shpresat që luajnë sot kundër Spanjës.

Mbrojtja ishte ajo që luajti kundër Skënderbeut, ndërkohë që Najdenov, një nga afrimet e verës ishte titullar. Ende për të nuk ka ardhur “OK” nga FIFA për mesfushorin, por trajneri Mërgjyshi ka nisur të bëjë llogari me të. Eller dhe Lushkja e nisën nga minuta e parë.

Në majë të sulmit vazhdon të luajë Xhixha, kurse nga e djathta mbështet Shtubina. Marijan Altiparmakovksi ishte ai që u pozicionua në të majtë, pozicion që më parë është mbuluar nga Myrto Uzuni.

Formacioni: Hasanbelli – Fangaj, Gjoni, Mersinaj, Sefgjini – Eller, Lushkja, Najdenov – Shtubina, Altiparmakovski, Xhixha

MIGEN MEMELLI – Te Laçi kanë afruar edhe ish-sulmuesin Migen Memelli, i cili do të jetë krahu i djathtë i Artan Mërgjyshit. Në të shkuarën ai ka luajtur edhe si lojtar me bardhezinjtë, ndërkohë që ka provuar të drejtojë Tiranën U17 dhe Tiranën B. Këtë verë ai pati një ofertë nga Burreli, por nuk e pranoi. Tanimë bëhet pjesë e Laçit në Superiore si zëvendëstrajner.

Vitin e shkuar ish-sulmuesi drejtoi Tiranën U17, ndërkohë që këtë verë ka pasur një ofertë nga klubi i Burrelit. Memelli ka vënë disa kushte, duke nisur nga shlyerja e lojtarëve e të tjera. Duke qenë se askush nuk ia garantonte kushtet e vëna, e ka parë të rrugës të refuzojë.

Burreli më pas nuk humbi kohë, duke zgjedhur në krye të skuadrës Stavri Nicën, i cili për herë të fundit drejtoi në Superiore skuadrën e Teutës. Durrsaku ka drejtuar më parë edhe Laçin, Erzenin, Besëlidhjen, Bylisin e Mamurrasin.