Middlesbrough

Merrte lojtarë me mik, zbulohet skandali i trajnerit anglez

Sport Ekspres — Fri, 05 Jul 2019 17:49:37 +0000

Trajneri anglez Geri Monk është vënë në qendër të kritikave në Angli. Klubi Midëllsbrou, ku Monk ka punuar gjatë vitit 2017 ka bërë të ditur se do të padisë 40-vjeçarin për një sërë transferimesh të bërë në klub në kohën e tij.

Bashkëpunëtori i Monk në transferta ka qenë agjenti i tij Xhejms Fedhërstoun. Midëllsbrou ka dyshime se agjenti në bashkëpunim me trajnerin kanë blerë tri lojtarë me një çmim pothuajse dyfish sa vlera reale e tregut.

Futbollistët në fjalë janë Eshli Fleçër, Sajrus Kristi dhe Marvin Xhonson, të cilës së bashku i kanë kushtuar 12 milionë euro Midëllsbrout.

Batistuta trajner? I vetëofrohet klubit anglez

Sport Ekspres — Tue, 21 May 2019 14:10:05 +0000

Ata që e kanë parë duke luajtur nuk e harrojnë kurrë. Gabriel Omar Batistuta është një nga sulmuesit më të mirë të historisë së futbollit dhe një ikonë për miliona tifozë.

Argjentinasi dëshiron të nisë karrierën e trajnerit dhe i ka idetë e qarta. Midëllsbrou dështoi të ngjitej këtë sezon në Premier Ligë dhe e mbylli marrëveshjen me Toni Pulis.

Batigol tundohet nga kjo mundësi dhe i është vetëofruar klubit që merr pjesë në Championship, sipas raportimeve të “Haterpool Mail”.

Tashmë pritet përgjigja e drejtuesve të Midëllsbrout, ndërsa tifozët shpresojnë që të shohin sa më shpejt në stol Batistutën.

Kualifikim historik dhe sprint drejt spitalit, emocione unike për portierin e Njuportit!

Sport Ekspres — Wed, 06 Feb 2019 16:16:30 +0000

FA Cup është kompeticioni më i vjetër në botë i futbollit dhe dhuron gjithmonë emocione e surpriza. Kështu ndodhi dhe gjatë mbrëmjes së kaluar. Ekipi i Njuportit garon në divizionin e katërt të futbollit anglez, por kjo nuk e ka penguar që të eliminojë Midëllsbroun që renditet i pesti në “Championship”.

Vendasit fituan me rezultatin 2-0 dhe tashmë do të përballen me Mançester Sitin në fazën e 1/8 të kupës. Festë e madhe për Njuportin, ndërkohë që ka rënë në sy mungesa e portierit Xho Dej. 28-vjeçari ka patur një gëzim më të madh. Gruaja e tij ishte shtruar në spital gjatë zhvillimit të ndeshjes dhe ka sjellë në jetë dy binjakë.

Portieri ka pritur me padurim fundin e ndeshjes për të nxituar drejt spitalit. Festë e dyfishtë për të, që tashmë është shtuar me dy engjëjt e vegjël.

“Gruaja e Xho Dejt, portierit të Njuportit, ka qenë në pritje të lindjes së dy binjakëve gjatë këtyre ditëve. Ata kanë lindur gjatë zhvillimit të ndeshjes së FA Cup. Sapo arbitri fishkëlleu përfundimin e ndeshjes, Xho ka vrapuar drejt tunelit të stadiumit për t’iu bashkuar gruas së tij në spital. I urojmë fat të mbarë Xhosë dhe familjes së tij”, shkruhet në komunikatën e organizatorëve të FA Cup.

Një mbrëmje e paharrueshme për ekipin modest dhe portierin e saj, ndërsa tashmë ata do të kenë luksin të shijojnë një duel fantastik kundër kampionëve në fuqi të Anglisë.

?? @NewportCounty goalkeeper Joe Day’s wife has been close to giving birth to twins for days.

? Tonight, she went into labour during The Exiles’ 2-0 win over @Boro.

? At the FT whistle, Joe raced straight down the tunnel to be with his wife.

? Good luck Joe and family! pic.twitter.com/w46gD2GjoM

— The Emirates FA Cup (@EmiratesFACup) February 5, 2019