Majkëll Ngo do të jetë pjesë e Tiranës dhe Mema e pranoi një ditë më parë. Në orët e para të ditës së sotme anglezi ka mbërritur në aeroportin e Rinasit. Ai ka postuar edhe video në rrjetet sociale.

Ngo sezonin e shkuar ishte sulmuesi kryesor i skuadrës, teksa shënoi 4 gola në kampionat dhe 6 në Kupë. Së bashku me Muçin dhe Ismael Dunga do të jenë alternativat e Memës për sulmin e Tiranës këtë sezon.

“Është fazë përgatitore dhe si e tillë shoqërohet me shumë oshilacione te futbollistët. Mendoj se parësore është stërvitje, jo rezultatet e ndeshjeve. Kam parë disa shkrime nëpër portale, duket e çuditshme. Faza përgatitore ka për qëllim harmonizimin e veprimeve në të gjithë sektorët e fushës. Gjithashtu vijnë edhe lojtarë të rinj në ekip dhe normalisht duhet të njohin lojën e njëri-tjetrit dhe filozofinë e trajnerit.

Çdo gjë do kohën e vet. Megjithatë ekipi ka luajtur shumë më mirë se sot në miqësoret e zhvilluara në Maqedoni. Gjatë gjithë kohës kemi luajtur me një portë me kundërshtarin dhe nuk e kam kuptuar se di na ndodhi. Gjithsesi kjo është diçka mediatike dhe secili do të bëjë punën e vet. E preka, pasi më është dukur shumë e çuditshme kjo pjesë”, u shpreh Mema pas ndeshjes për mediat.

TIRANA NË RRUGËN E DUHUR – “Edhe unë kam dilemat e mia, pasi jo çdo gjë është perfekte. Nuk ndodh që gjërat të ndryshojnë sapo të fillosh stërvitjen. E thashë edhe më parë, çdo gjë do kohën e vet. Mua më krijohet mundësia të shoh problemet që kemi dhe të marrim masat që të rregullojmë gjithçka që të shkojnë gjërat mbarë në kampionat”, shtoi trajneri i Tiranës, i pyetur nëse skuadra e tij po ecën në drejtimin e duhur.

PËRFORCIMET – Te Tirana do të ketë sërish lëvizje, në hyrje dhe në dalje. Diçka e tillë paralajmërohet edhe nga tekniku Mema: “E kam thënë edhe në fillim të fazës që kjo është një listë paraprake, do kemi një listë përfundimtare. Do ketë prurje të reja në skuadër dhe shpresoj që të plotësojmë të gjitha pozicionet si duhet. Më pas të arrijmë edhe ato rezultate që këtij klubi i duhen, pasi është një klub me histori dhe pritshmëritë janë të mëdha. Pozicionet? Më lejoni t’ua them më vonë, nuk mund të flas tani”.

SULMI – Mema merr në mbrojtje sulmuesin Ismael Dunga, i cili deri më tani ende nuk ka shënuar gol me fanellën bardheblu. “Lojtarët duan kohën e vet. Është një periudhë transitore, pas përfundimit të kampionatit dhe fillimit të stërvitjes. Shpesh herë lojtarët shqiptarë e neglizhojnë këtë pjesë. Është një pjesë që duhet të merren me stërvitje, të paktën tre herë në javë dhe të ruajnë formën e vet”.

Në fund Mema tregon që Majkëll Ngo pritet të bashkohet me Tiranën. Sulmuesi anglez me shumë mundësi do të zbarkojë në Shqipëri nesër ose pasnesër, edhe pse trajneri i bardhebluve thekson se e prisnin shtatlartin që sot, referuar informacioneve që ai kishte. “Me dijeninë time duhet të vinte sot. Nuk e di, duhet të flas me presidentin”, përfundon Mema.

VLADIMIR PRENGA

Ngo nuk ngurron të përgjigjet duke shkruar: Pa dashur të fyej Partizanin, por Tirana është klubi më i madh në Shqipëri, fakt.

Teksa çështja e së ardhmes së sulmuesit mbetet ende pezull, Ngo vazhdon të japë sinjale për rikthim teksa u përgjigjet në mënyrë të vazhdueshme tifozëve bardheblu që e kontaktojnë në rrjetet sociale.

Shtatlarti në llogarinë e tij në Instagram nuk i ka kursyer drejtuesit e bardhebluve, ndërkohë që së fundmi ka publikuar edhe disa mesazhe që tifozët i kanë dërguar.

Më së shumti janë ata të Tiranës ata që i shkruajnë, por ka edhe të ekipeve të tjera. Ngo ka zbuluar një prej tyre, dërguar nga një fans i Laçit që i kërkon të bashkohet me kurbinasit.

Anglezi tregohet i qartë, teksa i shkruan: “Nuk ka shans”. Sezonin e shkuar Ngo u përfshi në një sherr me drejtuesit e Laçit dhe normalisht që edhe nga bardhezinjtë nuk është se ka interes.

Në “Story”, Ngo postoi një foto të tij me fanellën e Tiranës dhe me mbishkrimin: “Bëjnë të fortin me personat që kanë karakter, ndërsa kur*at i ushqejnë me ëmbëlsira të dielave. Falënderoj të gjithë tifozët e vërtetë të Tiranës, që më kanë shkruar. Forca Tirana!”

Sezonin e shkuar, Ngo ishte një nga lojtarët më të rëndësishëm te Tirana, duke i ndihmuar kryeqytetasit të shmangnin rënien nga Kategoria. Shtatlarti dhe klubi bardheblu nuk janë ndarë në mënyrën më të mirë të mundshme dhe kjo gjë, po kuptohet qartë nga dita në ditë.

Ofertat për shtatlartin nuk kanë munguar, por qëndrimi në kryeqytetin shqiptar e “josh”. Qëndrimin e tij te Tirana ai e konfirmon në njëfarë mënyre edhe përmes një postimi të bërë dy ditë më parë në Instagram.

Ngo ka postuar një foto të mikut të tij, këngëtarit të njohur Stresi, teksa mes të tjerash i thotë që shihemi së shpejti. Sa duket te Tirana çështja e sulmit është zgjidhur dhe tashmë do të punohet për të afruar edhe një tjetër mbrojtës qendre.

Ndërkohë ka probleme për një prej lojtarëve titullarë. Mbrojtësi Albi Doka, nisur nga një foto e publikuar në rrjetet sociale, dallohet që ka një problem me dorën e djathtë. Nuk dihet nëse ka diçka serioze për ish-lojtarin e Shqipërisë U21.

NGO – Sulmuesi anglez ka nisur përgatitjet, ndërkohë që në tavolinë prej ditësh ka kontratën e Tiranës dhe i mbetet vetëm ta firmosë. Drejtuesit bardheblu presin një përgjigje nga sulmuesi, për të ditur nëse do të duhet të kërkojnë për një tjetër sulmues.

Ngo është në planet e tyre edhe për sezonin e ardhshëm, pasi sezonin e shkuar në Superiore ka bindur. Golat e shënuar në kampionat kanë qenë katër, por ka shërbyer shpesh për shokët e skuadrës dhe ka qenë një lider në repartin e avancuar. Problemi i vetëm i tij janë “nervat”, që ndonjëherë e tradhtojnë.

Keniani, autor i shtatë golave me Luftëtarin vjet, është në bisedime prej kohësh me bardheblutë. Kukësi gjithashtu e tentoi, por Tirana është treguar më konkrete dhe pritet që në mesjavë të nënshkruajë. Veç tij, sipas Supersport, raportohet se do të firmosë edhe Majkëll Ngo. Me këta të dy sulmi i bardhebluve mund të konsiderohet i kompletuar.

KONFIRMIMET – Trajneri Ardian Mema, pas paraqitjeve që Ilion Lika bëri në fund të sezonit të shkuar, është i bindur t’ia besojë atij mbrojtjen e katërkëndëshit. Kështu, portieri pritet që të rinovojë kontratën dhe të vazhdojë të mbetet pjesë e bardhebluve.

Asion Daja gjithashtu do të qëndrojë te Tirana. Mesfushori ka kontratë edhe për një vit, ndërkohë që me Erando Karabecin duhet biseduar. Kapitenit i ka përfunduar kontrata, por edhe me të pritet të nënshkruhet marrëveshja e re.

Sezonin e shkuar Ngo përfitonte 6 mijë euro në muaj dhe sipas asaj që raporton Supersport sulmuesi ka kërkuar rritje page. “Mundje krahu” mes palëve, por Tirana nuk është gati të bëjë çmenduri. Sigurisht kontrata për Ngo do të jetë më e mirë.

Anglezi tanimë duhet të vendosë dhe Tirana pret një përgjigje të shpejtë. Së shpejti bardheblutë do të nisin përgatitjet dhe trajneri Ardian Mema do të preferonte ta kishte sa më të plotë grupin. Në klub gjithashtu duan një përgjigje, në mënyrë që të dinë si të operojnë në merkato.

Me Ngo në ekip do tentohej edhe një sulmues tjetër, kurse pa të do të duhet që nën urdhrat e trajnerit Mema të viheshin edhe dy lojtarë të tjerë për ofensivën. Orë vendimtare për të ardhmen e Ngo te Tirana.

ASANI – “Futbollisti i Partizanit Jasir Asani nuk është në menaxhimin tim, por di që është parë nga një skuadër në hungareze që merr pjesë në Kupat e Europës. Erdhi një përgjigje shumë pozitive për kualitetin e lojtarit, por kishte një problem në thonjëza racist. Trajneri i tyre është serb dhe po kështu i gjithë stafi i tij dhe një pjesë e lojtarëve. Nuk e bënë përfundimtare që kjo ishte një problem, por logjika të çon që ata nuk e dëshirojnë diçka të tillë. Asani është në kontratë me Partizanin dhe ka një klauzolë largimi shifrën e secilës s’mund ta bëj të ditur”.

TIRANA DHE NGO – “S’mund të them se Tirana ka bërë lëvizje të mira për një arsye, sepse ka mbuluar kokën dhe është zbuluar nga poshtë. Me aq sa kam unë informacion Majkëll Ngo është pranë një transferimit te Lokomotiva e Zagrebit. Kontrata e tij 2-vjeçare me Tiranën ka përfunduar. Kam një informacion që midis menaxherëve të Dungës dhe presidentit Refik Halili ka pasur një bisedë dhe ka akord, por ka një problem pasi për lojtarin ka dhe një ofertë nga Kukësi”.

Të tre këta futbollistë e njohin mirë kampionatin dhe kanë spikatur. Ata nuk do të jenë të vetmet afrime, teksa edhe Tefik Osmani me shumë mundësi do të nënshkruajë me bardheblutë. Veç korçarit, te Tirana po shohin edhe për një tjetër qendërmbrojtës. Duke qenë se janë disa të huajt në ekip, preferohet vendas, ose edhe shqiptar i Kosovës apo maqedonas.

MAJKËLL NGO – Anglezi, pavarësisht karakterit disi të vështirë, është një sulmues i cili ka prezencë në sulm dhe e ndihmon shumë skuadrën. Sezonin e fundit nuk është se shënoi shumë gola, por ka shërbyer shpesh herë për shokët e skuadrës dhe krijon hapësira.

Fiziku i tij është një problem për mbrojtjet kundërshtare dhe te Tirana dëshirojnë të vazhdojnë bashkëpunimin. Shanset janë të mëdha që Majkëll Ngo të rikthehet në kryeqytet dhe me bardheblutë, sikurse edhe thonë burime pranë sulmuesit për “SportEkspres.com”. Një akord është arritur mes palëve dhe mbetet vetëm zyrtarizimi.

Ditën e djeshme në stadiumin “Selman Stërmasi” ka qenë i pranishëm edhe menaxheri Mario Cenolli, i cili edhe përfaqëson të drejtat e Ngo. Së bashku me sulmuesin ai ka darkuar në një nga restorantet e kryeqytetit.

Ajo që ka intriguar më së shumti ka qenë prania e Gerald Burbës, juristit të Partizanit. Ata janë miq, por në periudhë merkatoje mjafton një foto e tillë për t’i trazuar gjërat. Cenolli në komente merr një paralajmërim nga Edon Hasani, ndërkohë që edhe Ngo i qetëson të gjithë: “Bardh&Blu vëlla”.

Në lidhje me këto aludime ka reaguar menjëherë ditën e sotme lojtari i Partizanit, i cili ka ripostuar foton dhe ka sqaruar se Ngo është miku i tij dhe se rastësisht ndodheshin në të njëjtin lokal.

“Dua të sqaroj sa i përket keqkuptimit që ka ndodhur pas fotos që kam publikuar me mikun tim Ngo. Nëse në fushë jemi rivalë, jashtë saj jemi miq, si dhe me shumë futbollistë të skuadrave të tjera. Ngo ishte rastësisht në të njëjtin lokal ku unë dhe disa miq po kalonim kohën dhe në momentin që u takuam me Ngo vendosëm të bënim një foto dhe vetëm kaq. Une e respektoj Ngo dhe ajo që është shkruar në media nuk është aspak e vërtetë.”

Majkëll Ngo me gjasa është më i paguari te bardheblutë dhe është presidenti i Luftëtarit, Grigor Tavo, ai që zbulon se sa përfiton sulmuesi anglez. Gjirokastriti nuk e fsheh habinë për pagat që lojtarë të ndryshëm marrin te Tirana.

“Presidenti i Tiranës më pyeste gjatë ndeshjes për pagat e lojtarëve tanë dhe unë ia thosha pa mbajtur sekrete. Çuditesha kur më tha se te Tirana, Ngo merrte 8500 euro në muaj, ndërsa kishte lojtarë të tjerë që merrnin nga 6500 euro dhe 6000 euro. Çdo lojtar te Luftëtari do marrë aq sa i takon”, ka deklaruar Tavo në emisionin “E Hëna Sportive” në RTSH Gjirokastra.

Shtatlarti në ndeshjen e kaluar ishte shumë pranë golit në derbi, por nuk ia doli dot. Gjithsesi ai do të provojë t’ia dalë me sukses sot në stadiumin “Selman Stërmasi”.

Ngo është sulmuesi kryesor i Tiranës dhe pritshmëritë për të janë mjaft të larta. Në postimin e tij ai tregon se me sa padurim po e pret derbin dhe motivon skuadrën e tij me atë që shkruan në anglisht: “Let’s go, let’s go!”

Në Vlorë Flamurtari është ai i zakonshmi, kurse te Partizani ka shumë lëvizje. Mungon Jurgen Bardhi, ndërkohë që luan titullar Jaiteh, i afruar në merkaton e janarit. Kalari luan sërish në qendër të mbrojtjes dhe e ka pësuar Lum Rexhepi, i cili e nis nga stoli edhe pse mungon Belica për shkak të vdekjes së babait.

Kategoria Superiore – Java 32
E shtunë, më 4 maj 2019, ora 15:00

TIRANA-SKËNDERBEU
Tirana: Abibi, Daja, Turtulli, Goxha, Hoxhallari, Mauexhe, Kobina, Hasani, Oduamadi, Halili, Sentamu. Trajner: Ardian Mema
Skënderbeu: Dajsinani, Vangjeli, Kaba Sambou, Pëllumbi, Abazi, Taipi, Sibo, Muzaka, Bregu, Oto Xhon, Krasniqi. Trajner: Orges Shehi

FLAMURTARI-PARTIZANI
Flamurtari: Koliçi, Deliaj, Pollozhani, Veliu, Kotobelli, Batha, Musta, Rrapaj, Ribaj, Kale, Sukaj. Trajner: Ilir Daja.
Partizani: Hoxha, Ibrahimi, Atanda, Kalari, Trashi, Hila, Jaiteh, Duka, Mala, Asani, Mensah. Trajner: Dritan Mehmeti

Nëse i kënaq apo jo barazimi, Ngo tha: “Dëshiroj që skuadra të fitojë. Një pikë është minimumi, është e nevojshme për skuadrën. Do ta marrim nëse vjen, por dua të fitojmë që të jemi më të qetë për të ardhmen”.

“Nervozizmi? Mu duk i tepruar kartoni me Kukësin. Me Kastriotin ndodhën shumë gjera. Në fushë jam agresiv në kuptimin e mirë të fjalës. Nuk kam qëllim të ngacmoj njeri. Nuk është çështje nervash. Jam profesionist, por kur jam në fushë kam atë pasionin”.

“E nisim mirë, por më pas ndodhi ajo që ne ndjemë se kishte mekanizma kundër nesh. Sikur dikujt nuk po i pëlqente ecuria jonë. Kjo ka ndikuar në skuadër dhe në fushën e lojës. Unë e përballoj një situatë të tillë”, përfundoi Ngo.

Të dielën gjithashtu është një finale. Për këtë ndeshje trajneri Julian Ahmataj do të ketë në dispozicion edhe mbrojtësin Dimitrios Koconis. Greku mungoi në Vlorë për shkak kartonësh dhe tashmë e ka shlyer pezullimin. Një rikthim i rëndësishëm, që garanton mbrojtjen bluzi.

Nga ana tjetër Tirana do të ketë një mungesë të madhe. Majkëll Ngo në kampionat nuk mund të luajë, pasi ndaj Kukësit u ndëshkua me karton të verdhë dhe për anglezin ishte i katërti. Trajneri Mema duhet të gjejë një zgjidhje tjetër për sulmin.

Presioni për rezultat është i madh dhe mbetet për t’u parë nëse do t’i besojë të riut Ernest Muçi. Sulmuesi bëri mirë para një jave kundër Teutës dhe trajneri Mema e ka thënë se ai po bën diferencën gjatë stërvitjeve.

VENDIMET E DISIPLINËS
-Zyrtari i KF “Besa”, Emiljano Bizhdili, për sjellje jo sportive ndaj zyrtarit të ndeshjes, në bazë të Nenit 49/2/a të KDS, dënohet me 8(tetë) ndeshje pezullim nga aktiviteti.

-KF “Besa”, për sjellje të gabuar të spektatorëve dhe hedhje te sendeve të forta në fushën e lojës duke shkaktuar ndërprerjen përfundimtare të ndeshjes si dhe duke shkaktuar akte dhune, në bazë të Nenit 49/5 dhe 66/3/c të KDS, dënohet me humbjen e ndeshjes në tavolinë me rezultatin 3 me 0 dhe zhvillimin e 8 (tetë) ndeshje pa spektator në stadiumin përkatës.

-Rrëzimin e kërkesës se lojtarit të KF “Tirana”, Michael Ayodeji Ngoo, si të pa bazuar në Kodin e Disiplinës Sportive.

Trajneri Ardian Mema këtë herë do ta ketë grupin më të plotë. Dorian Kërçiku e ka shlyer pezullimin prej kartonëve të verdhë dhe mund të llogaritet për ndeshjen me Kukësin. Gjithsesi rikthimi i madh e ka emrin Majkëll Ngo.

I pezulluar me pesë ndeshja pas ndeshjes me Laçin, gjiganti anglez ka shlyer tre prej ndeshjeve dhe referuar rregullores për të luajtur ndeshjen e radhës duhet të paguajë gjobën prej 2 milionë lekësh (1 milion për ndeshje) dhe të shlyejë kështu pezullimin e Disiplinës.

Ngo është një lojtar shumë i rëndësishëm për Tiranën dhe normalisht gatishmëria e tij është një lajm i mirë. Gjatë kësaj periudhe ai ka pasur një dëmtim, por rikuperimi i tij ka shkuar mirë dhe sulmuesi shtatlartë është gati për lojë.

Një seanca jo e plotë për Tiranë, që po përgatitet për ndeshjen e së dielës kundër Teutës në transfertë. Skuadra kryeqytetase do të ketë mungesa, teksa nuk mund të aktivizohet mbrojtësi Dorian Kërçiku i pezulluar me kartonë të verdhë.

Ndeshja me Kamzën, e marrë në tavolinë nga bardheblutë, nuk përllogaritet. Ky është versioni i Federatës Shqiptare të Futbollit dhe Kërçiku do të mungojë në Durrës. Gjithashtu edhe Majkëll Ngo nuk mund të aktivizohet.

Sulmuesi anglez është rikuperuar dhe është në gjendje të luajë, por sfida me Kamzën as për të nuk llogaritet. Kështu, kur kanë kaluar vetëm dy ndeshje nuk mund të shlyhet dënimi me gjobë. Pas Teutës, Tirana mund të paguajë 2 milionë lekë dhe Ngo, i pezulluar me pesë ndeshjeve pas ndeshjes me Laçin, mund të luajë.

“Më shqetëson situata e Tiranës. Ajo që ndodhi ndaj Kastriotit dhe kjo ndaj Laçit lë shumë pasoja te bardheblutë. Ngo është lojtar i rëndësishëm dhe kjo do të ndihet jo pak tek ekipi, aq më tepër që do të luftojë fort për mbijetesë. Besoj se do t’i mungojë shumë Tiranës për vazhdimësinë”, shprehet mes të tjerash Dalipi.

Ai ndalet edhe te gjykimi i arbitrit Kridens Meta: “Unë e kam ndjekur takimin dhe nuk mendoj se brenda ka pasur veprime tendencioze të gjyqtarit. Tirana ka pasur shumë raste për shënim dhe për ta mbyllur takimin. Është e patolerueshme që nuk shënuan dhe e kërkojnë çdo gjë tek gjyqtari, duke u marrë me faktorin e jashtëm”.

Sulmuesi anglez Majkëll Ngo është dënuar me pesë ndeshje pezullim nga aktiviteti, ndërsa te Laçi e kanë pësuar presidenti Pashk Laska (3 ndeshje), i biri i tij Kleo Laska (9 ndeshje )dhe ndihmës-trajneri Klevis Hima (9 ndeshje).

Nuk është lënë jashtë vëmendjes as goditja e gjyqtarit anësor nga një send i hedhur nga tribunat. Ky episod i ka kushtuar shtrenjtë klubit kryeqytetas, që tani i duhet të luajë katër ndeshjet e ardhshme në “Selman Stërmasi” me dyer të mbyllura.

1. KF “Tirana”, për sjellje të gabuar të spektatorëve duke shkaktuar ndërprerjen e përkohshme të lojës, në bazë të Nenit 66/3/b të KDS, dënohet me zhvillimin e 4 (katër) ndeshje pa spektatorë në stadiumin përkatës.
2. Lojtari i KF “Tirana”, Majkëll Ngo, për sulm ndaj kundërshtarit të ndeshjes, në bazë të Nenit 48/1/e të KDS, dënohet me 5 (pesë) ndeshje pezullim nga aktivitetet.
3. Zyrtari i KF “Tirana” , Emanuel Egbo , për protesta ndaj vendimeve të zyrtarit të ndeshjes, në bazë të Nenit 56/1/a të KDS, dënohet me 2 (dy) ndeshje pezullim nga aktivitetet.
4. Zyrtari i KF “Laçi” , Pashk Laska, për sjellje jo sportive ndaj kundërshtarit të ndeshjes, në bazë të Nenit 48/2/a të KDS, dënohet me 3 (tre) ndeshje pezullim nga aktivitetet. Në bazë të nenit 20 dhe 21 të KDS, zyrtarit i ndalohet hyrja në stadium, në dhomat e zhveshjes dhe territoret përreth fushave të lojës apo stolat e rezervave.
5. Zyrtari i KF “Laçi”, Kleo Laska, për sulm ndaj kundërshtarit të ndeshjes, në bazë të Nenit 48/2/b të KDS, dënohet me 9(nëntë) ndeshje pezullim nga aktivitetet.
6. Zyrtari i KF “Laçi”, Klevis Hima, për sulm ndaj kundërshtarit të ndeshjes, në bazë të Nenit 48/2/b të KDS, dënohet me 9(nëntë) ndeshje pezullim nga aktivitetet.
7. FK “Partizani”, paralajmërohet se në rast përsëritje të sjelljes së gabuar të spektatorëve do të jetë subjekt i masave ndëshkimore që parashikon Kodit i Disiplinës Sportive dhe rregulloret e tjera të FSHF.
8. KF “Vllaznia”, paralajmërohet se në rast përsëritje të vonesave në fillimin e lojës do të jetë subjekt i masave ndëshkimore që parashikon Kodit i Disiplinës Sportive dhe rregulloret e tjera të FSHF.
9. Zyrtari i KF “Shënkolli” , Albert Rrusti, për protesta ndaj vendimeve të zyrtarit të ndeshjes, në bazë të Nenit 56/1/a të KDS, dënohet me 2 (dy) ndeshje pezullim nga aktivitetet.
10. Zyrtari i KF “Vora” ,Rezart Maho, për protesta ndaj vendimeve të zyrtarit të ndeshjes, në bazë të Nenit 56/1/a të KDS, dënohet me 2 (dy) ndeshje pezullim nga aktivitetet.

Në pamjet filmike të mëposhtme tregohet e gjithë dinamika e ngjarjes. Kamera e ndodhur në zonën miks ka kapur momentin e një debati midis presidentit Pashk Laska dhe futbollistët të Tiranës Majkëll Ngo.

Situata më pas përkeqësohet me konfrontim fizik midis palëve që zgjat përreth 20 sekonda derisa forcat e sigurisë qetësojnë situatën.

Në miqësoren e zhvilluar ditën shtunë ndaj Dinamos, dyshja e lojtarëve u bë sërish protagonist. Goli i parë i sfidës ishte mbresëlënës, dy kombinime të shpejta të kryera në çështje sekondash.

Edon Hasani ka hedhur videon  e golit në profilin e tij në “Instagram” dhe ka vënë mbishkrimin (në gjuhën angleze) “Jemi në mendjen e njeri-tjetrit” për të shpjeguar kombinimin perfekt midis tij dhe anglezit.

HUMBJA ME LUFTËTARIN – “Çdo rezultat jo pozitiv ka efektin e vet. Ne nuk kemi bërë shumë luhatje. Barazuam në derbi dhe ai i ka të gjitha rezultatet. Aty nuk kanë rëndësi pozicionet. Më rëndësi që nuk humbëm. Sa i takon Kupën, ishte një rezultat surprizë. Ekipi dominoi, por në dy raste nuk ishim të përqendruar dhe e pësuam. Kemi potencialin dhe anën profesionale të nxjerrim mësime. Kemi një shans tjetër për kualifikimin. Mendojmë për Teutën”.

TEUTA DHE TITULLI – “Nëse i mundni, do jetë një rival më pak për titullin? Ne shikojmë përpara. Jemi ai ajo makina që sheh nga dy pasqyrat. Përpara nuk kemi njeri. E respektojmë kundërshtarin, por vlerësojmë edhe veten tonë”.

“Janë sfida të rëndësishme këto me Teutën e Kukësin. Gjithsesi janë edhe 11 ndeshje. Nuk mund të themi se vendosen tani përqindjet. Do mundohemi t’i marrim maksimumin dhe të mundohemi të gabojmë sa më pak. Shpresoj që rivalët të gabojnë. Është rrugë e gjatë deri në fund”.

“Pritshmëritë? Çdo ndeshje ka specifikat e veta. Kemi pasur luhatje ne dhe rivalët. Është normale që gjërat të mos shkojnë 100% mirë”.

PROBLEMI I GOLIT – “I tillë është futbolli. Ka pasur ndeshje që kemi luajtur me kujdes dhe kemi shënuar 2 apo tre gola. Me Teutën ndeshjen e parë luajtëm me kujdes dhe shfrytëzuam tre rastet e para. Më pas kontrolluam lojën. Me Luftëtarin dominuam totalisht, dhamë 40 krose. Tregoi se kemi probleme në sulm. Sulmuesit tanë janë të rinj dhe ne e dimë këtë, Nuk i kanë parametrat e ndonjë finalizuesi brilant, por janë ndarë golat. Nuk kemi shënuar shumë, por e rëndësishme është t’ia dalim”.

PROBLEMET NË MBROJTJE – “Nga dëshira për të sulmuar u hapëm dhe pati hapësira. Kundërshtari shfrytëzoi goditjet standarde. Kur ke dëshirë dhe e mban kundërshtarin në gjysmëfushën e vet, patjetër që edhe kundërshtari sulmon. Nuk ishte problemi te mbrojtja, por te impenjimi dhe përqendrimi. Nuk mund të dënohesh dy herë në goditje standarde. Tani mundohemi t;i shohim gjërat pozitivisht”.

KUPA – “Nuk kam hequr dorë. Unë dua të fitoj çdo ndeshje, edhe miqësore dhe ndeshje kontrolli. Janë luajtur 90 minuta, ka edhe 90 t tjera. Vërtetë kanë shënuar dy gola, po ri kemi të gjitha mundësitë. Synojmë çdo kompeticion”.

RUATJA E DIFERENCËS ME RIVALËT – “Jam i kënaqur të marrim maksimumin në këto dy ndeshje. Me rëndësi të jemi 100% me Teutën. Pastaj mendojmë për Kukësin. Këtu jemi falë punës. Na kthehen tifozët, që janë frymëmarrja e ekipit. Jemi optimistë, pasi kemi mbështetjen e tyre dhe nuk do të jetë e lehtë për askënd”.

SITUATA NË EKIP  – “Hila u bënë dy javë që është rikthyer. Kaloi një periudhë të vështirë. Nuk është 100% prej krahut. Do hedhim në fushë lojtarët më të mirë. Ai ka vlerat e veta. Çdo mungesë është e vështirë të kompensohet. Atanda ka cilësi të tjera, por ka dalë mirë edhe më të. Ka pasur raste edhe që nuk ka funksionuar. Jemi munduat të krijojmë balancat. Herë dalin ato që parashikojmë, herë jo”.

DËNIMI I KAMZËS – “Kam dëgjuar shumë. Është diçka e kryer, nuk mund të kthehemi mbrapa. Nëse do të ishte Kamza do të ishte më mirë dhe nëse do të luante “Fair Play” ndaj çdo ekipi. Ndonjëherë kundërshtari yt direkt mund të humbasë. Sa më shumë ekipe të ketë, rivaliteti është më i madh. Personalisht mendoj se nuk na ka ndëshkuar”.

BATUTAT – “Zakonisht, në mars ekipet kapin formën e tyre maksimale. A po ndodh diçka e tillë me Partizanin? Mendoj se jemi gati për marsin dhe majin. Do i kalojmë shumë mirë këta muaj. Gjunjët? Ne kemi gjunjët tanë dhe matësin tonë për gjunjët. Nuk dua t’i kthehem, pasi u bënë legjendë gjunjët. E vërtetë që çdo ekip ka periudhë të vështirë, por ne nuk e kemi do e kalojmë këtë pjesë”.

NGO – “Unë asnjëherë s’e kam kërkuar Ngo. E kam vlerësuar si lojtar, dëshirat e mia i di vetëm klubi, asnjë tjetër. Pjesa tjetër janë dëshira e gazetarëve. I kemi lojtarët. Kur të hapet merkato flasim për njerëz të rinj”.

KUALIFIKIMI – Me rezultatin 3-0 Tirana është me një këmbë në gjysmëfinale, por Mema mban me këmbë në tokë skuadrën e tij: “Nuk e them dot kurrë këtë, që ta quaj veten të kualifikuar. Kam parasysh ndeshjen që u luajt mes Juventusit dhe Atletikos së Madridit. Çdo gjë ndodh në futboll, duhet t’i bëjmë hyzmetin. Nëse luan kështu ekipi, do ketë edhe rezultate pozitive. Nuk duhet të vetëkënaqemi me një fitore”.

FITORJA E LEHTË –Tirana mund të shënonte edhe më shumë gola dhe tekniku i 24 herë kampionëve të vendit kërkon më shumë seriozitet nga skuadra e tij: “Nuk e besoja një fitore kaq të lehtë. Gjatë lojës ne duhet të kishim shënuar edhe më tepër, pasi të them të drejtën Laçi u shthur. Duhet të sillemi si profesionistë, pra të shënojmë edhe katër gola. Një profesionist këtë ka, të shënon gola dhe mbaron ndeshjen i sigurt. Kjo pasi presupozohet se ke edhe ndeshjen e kthimit në Laç dhe presioni atje është më i madh. Me rezultat më të thellë do ishte më mirë”.

GOLAT E ANULUAR – Gjykimi ishte një hallkë e dobët, teksa të dyja skuadrat kanë pretendimet e tyre. Tiranës iu anuluan dy gola në fund të pjesës së parë, kurse Laçi pretendon për një penallti në fillim të ndeshjes, sikurse edhe për një pozicion ndalesë loje në fund të 45 minutave.

I pyetur në lidhje me golat e anuluar, Mema tha: “Ka qenë edhe një moment për Laçin, nuk dua të jem hipokrit. Vendimet e arbitrit janë të tij dhe nuk merremi dot me to. Pavarësisht kësaj, ekipi reagoi pjesën e dytë. Kemi marrë rezultat pozitiv dhe duhet ta menaxhojmë mirë situatën dhe rezultatin”.

EGOIZMI DHE NERVOZIMI – Ndodh shpesh që te Tirana lojtarët kërkojnë t’i zgjidhin gjërat vetë dhe mungon pasimi. Mema nuk dëshiron t’i rëndojë lojtarë me këtë, por e ka një mesazh: “Ka edhe momente pasigurie, që mund të lexohen sikurse ju. Mund të ketë qenë konfuz lojtari. Gjithsesi duhet të jemi kolektiv, sepse fiton ekipi dhe jo individi”.

Disa herë Mema u pa t’i fliste Imamit, madje në fund pas një gabimi për një moment mendoi edhe ta zëvendësonte. “Kam qenë nervoz, pasi nuk mund të luash keq pasi rezultati ka shkuar 3-0. Ekipi kur ka shënuar tre herë, shprehet më mirë në fushë. Duhet të dimë të administrojmë lojën dhe rezultatin. Nuk kemi pse bëjmë gabime që mund të na kushtojnë në ndeshjen e kthimit”, shtoi trajneri i Tiranës.

ZËVENDËSIMET – Doka ishte lojtari i vetëm i hedhur në fushë nga Mema. Ai thekson se nuk ka pse bën zëvendësime kur gjërat shkojnë mirë: “E kam thënë edhe në ekip, që lojtarët që luajnë dhe janë në formë nuk kam pse t’i ndërroj. Këto lojtarë mund të vazhdojnë të luajnë. Kemi bërë zëvendësime në ndeshjet e shkuara, ata që kemi menduar se nuk kanë qenë mirë. Kur sheh problematika bëhen lëvizje. Gjithsesi kemi krijuar një fizionomi loje dhe kjo na gëzon. Do vazhdojmë kështu. Nuk e ndërroj një lojtar që luan mirë”.

VENDI I KATËRT – Me këtë ecuri Tirana mund të shkojë edhe më lart, të paktën deri në vendin e katërt. Gjithsesi në kampin bardheblu nuk fluturojnë, të paktën jo trajneri: “Duhet të shikojmë ndeshjet hap pas hapi. E kam thënë këtë edhe kur kemi qenë në pozita jo të mira. Ndeshjet në vazhdimësi do e tregojnë se ku do të shkojë ky ekip”.

NGO – Sulmuesi anglez po spikat te Tirana dhe është kthyer në një lider. Në lidhje me këtë bën edhe një koment trajneri Mema: “Normalisht me mënyrën se si ka luajtur e ka bërë veten lider. Lideri, ose sulmuesi, matet me gola dhe asiste. Atij nuk i kanë munguar. Lider nuk bëhesh me fjalë apo me të thëna, bëhesh në sajë të punës. Në përgjithësi në ekipin tonë lideri është grupi, por edhe nëse lindin lider rrugës nuk ka asgjë të keqe”.

“Rinovimi me Ngo, keni një mesazh për drejtuesit? Është shpejt të flas për këtë. Politikat e klubi nuk i bëj unë. Unë si trajner jap verdiktin tim sa i takon përzgjedhjes së lojtarëve. Mua më mbaron vetë kontrata në fund të sezonit. Nëse do qëndroj, atëherë do të bisedoj sa i takon lojtarëve që do të qëndrojnë te Tirana. Besoj se Ngo është në preferencat e mia”, përfundoi Mema.

VLADIMIR PRENGA

Në fund të pjesës së parë pati dy gola të anuluar, që Halili nuk dëshiron t’i komentojë: “Në përgjithësi u bënë vite që nuk flas për çështje gjykimi. Nuk e di fare, pamë që nuk u dhanë. Dikush më tha që ishin gola, por është pjesë e lojës. Kur rezultati është i mirë në fund, atëherë kënaqemi të gjithë”.

Dy vite më parë Tirana fitoi Kupën e Shqipërisë, por më parë kishte regjistruar për herë të parë rënien nga Superiore. A do e donin trofeun në kampin bardheblu? Sigurisht që po. Halili do vazhdimësinë e ekipit të tij, jo vetëm në kupë, por edhe në kampionat.

“Është shpejt të flasim për trofeun. Për mua është diçka e mirë që po ecën ekipi. E kemi thënë para disa kohësh që shpresojmë t’i kemi lënë të këqijat pas. Besoj te skuadra shumë, madje e kam thënë që më parë që besoj. Po të dalin fjalët e mia do të jetë mirë, po nuk dolën do të jetë keq. Shpresoj të vazhdojmë në rrugën e nisur e të kualifikohemi, sikurse edhe në kampionat të vazhdojmë sikurse deri sot”.

Ngo mungoi për një kohë të gjatë në fillim të sezonit dhe ndoshta me të Tirana do ishte në pozita të tjera. Në fakt, ish-trajneri Ze Maria e thoshte shpesh: “Më duhet një sulmues”. Mema e ka Ngonë dhe anglezi po bën mjaft mirë, edhe pse pati një moment kur pati përplasje me trajnerin. Halili flet edhe për rinovimin e kontratës me sulmuesin shtatlartë.

“Ngo, për mua, është lojtari më i mirë në përgjithësi i klubit tonë. Ngoja në atë kohë ka pasur problemet e tij, është grindur me veten e vet. Them se i ka bërë mirë ajo dhe po ia merr frytet asaj kthese që ka bërë”, shprehet presidenti i Tiranës..

Sa i takon rinovimit, ai shton: “Është shpejt për të folur. Megjithatë ne në heshtje vazhdojmë të flasim, punojmë përditë si klub për vazhdimësinë. Shpresoj të ecim në këtë rrugë. Kemi një bashkëpunim të shkëlqyer. Shpresoj të mos na marrin në sysh”.

VLADIMIR PRENGA

NGO LIDER – “Kur futem në fushë, kam një dëshirë që të luaj mirë dhe të jap 110%. Por nuk jam unë i vetmi lider, edhe 10 lojtarët e tjerë që ishin sot në fushë. Ju e patë lojën dhe besoj se jeni dakord me mua. Të vazhdojmë kështu të gjithë së bashku”.

NDRYSHIMI TE TIRANA – “Jemi më të bashkuar si skuadër, trajneri ka bërë një punë shumë të mirë. Në 2018-ën, nuk sakrifikonim për njëri-tjetrin. Këtë vit, shihet në rezultate që ne po sakrifikojmë për njëri-tjetrin dhe kjo na bën një grup më të fortë”.

POZICIONIMI – “Sot qëndrova më afër zonës, pasi Laçi luan një sistem loje të pabesueshëm. Ata e mbingarkojnë mesfushën dhe lënë hapësira në prapavijë, prandaj luajta në vijën e fundit, krahas mbrojtësve të qendrës. Pastaj, sot kisha fat dhe i shfrytëzova rastet”.

OBJEKTIVAT – “Tirana ka forcën të fitojë Kupën dhe të parakalojë shumë skuadra në renditje sa i takon kampionatit, gjithmonë nëse bëjmë lojën tonë dhe marrim rezultatet e duhura”.

AMBIENTIMI – “Nëse je një lojtar i mirë dhe mendja jote është në vendin e duhur, nuk shikoj asnjë arsye pse nuk mund të luash mirë. Unë personalisht i di aftësitë e mia. Tani e kuptoj trajnerin dhe lojtarët, gjërat do të bëhen edhe më mirë. Gjithçka do të shkojë ashtu siç duhet”.

Ngo luajti titullar të premten në miqësoren me Korabin dhe në fakt shqetësimet me gjurin  po e shoqërojnë prej kohësh, por ai ka shtrënguar dhëmbët. Paraqitjet e tij kanë qenë mjaft të mira dhe te Tirana i kanë bërë gati kontratën e re. Vetë Ngo duhet të vendosë për të ardhmen.

ODUAMADI&SENTAMU – Dy sulmuesit anësorë të Tiranës ka pak ditë që po përgatiten në ambientet e kompleksit Skënder Halili. Së fundmi ata kanë bërë edhe testet fizike dhe gjendja e tyre është e mirë. Ata do të mungojnë në Kupë dhe me Kastriotin.

Nga nesër ata pritet që të stërviten me pjesën tjetër të skuadrës dhe u duhet të kapin ritmin e shokëve dhe formën e duhur sportive. Pritet që pas ndeshjeve të kombëtares ata të jenë gati për trajnerin Ardian Mema. Kështu, duke para kalendarin, të dy këta futbollistë do jetë në gjendje të luajnë në sfidën e kampionatit me Laçin.

Gjithsesi fillimisht duhet të jetë në formën maksimale. Në seancën e sotme stërvitore ai ka shqetësuar trajnerin Ardian Mema, pasi është parë duke e mbajtur gjurin me akull. Ngo nuk është stërvitur me ekipin dhe normalisht kjo ka bërë që tifozët të merakosen për gjendjen e sulmuesit të tyre.

Në fakt për gjigantin anglez bëhet fjalë për një shqetësim që po e shoqëron atë gjatë gjithë kësaj periudhe. Ngo i ka sfiduar dhimbjet dhe deri më tani ia ka dalë të luajë me sukses. Mbetet për t’u parë gjendja e tij në vazhdim, për t’u përcaktuar edhe nëse do të jetë gati për takimin e mesjavës në Kupë kundër Laçit.

Ngo pranon që duhet të ishte më i përqendruar në finalizim, por gjithsesi shikon përpara. Atmosfera në derbi nuk mund të mos komentohet prej sulmuesit, ndërkohë që thekson se pjesëmarrja në Europa League është krejtësisht në duart e tyre. Në fund flet edhe për të ardhmen, por Ngo nuk zbulon shumë gjëra, ashtu sikurse nuk i intereson as kush është skuadra favoritë për titullin kampion.

NDESHJA – “Fati nuk ishte me ne këtë radhë, ndonëse luajtëm shumë, shumë mirë, veçanërisht në pjesën e parë. I treguam vetes, që pozicionin që kemi në renditje nuk e meritojmë nëse luajmë kështu si me Partizanin. Pjesa e mbetur e sezonit do të jetë shumë e mirë për Tiranën, zhvilluam një ndeshje të madhe dhe u mundova të ndihmoj ekipin. Të gjithë u munduam të luajmë për njëri-tjetrin dhe skuadrën. Ishte ndeshje e mirë”.

RASTET E HUMBURA – Ngo në pjesën e parë mund t’i jepte Tiranës avantazhin, por nuk ia doli dot: “E di, e di dhe më vjen keq për rastet e humbura. Ky është futbolli. Duhet të fokusohem më shumë në çastin e fundit, por në raste të tilla duhet edhe pak fat. Veten e konsideroj të pafat në këtë takim, pasi goli më mungoi për pak gjë”.

ATMOSFERA NË DERBI – “Ishte e mrekullueshme. Tifozët ishin spektakolarë dhe kjo është arsyeja për të cilën luhet futbolli. Atmosfera ishte e papërshkrueshme. Nuk ka fjalë të ta përshkruar atmosferën. për një ndeshje futbolli”, shprehet sulmuesi, i pyetur për atmosferën e krijuar në derbi.

“Tifozët meritojnë më shumë? Po, por Tirana është në ndërtim e sipër. Sapo jemi kthyer nga një periudhë negative, si ajo e sezonit të fundit. Klubi ka nisur ndërtimin e një skuadre për Superioren. Tifozët po i shikojnë kapërcimet që po bëjnë dhe përparimin e lojtarëve. Ata e shohin çfarë mund te bëjnë lojtarët individualisht dhe çfarë mund të bëjmë si ekip. Sa i përket derbit, mendoj se ne luajtëm shumë mirë në disa perioda të ndeshjes. krijuam shanse dhe meritonim ta fitonim takimin”, shtoi anglezi.

TIRANA E KËTIJ VITI – Për të shkuar larg duhen sa më shumë fitore, sikurse edhe shprehet Ngo: “Duhet të ecim në këtë rrugë, që të mos mundemi dhe të fitojmë sa më shumë ndeshje në vijim. Ndaj Partizanit morëm një pikë, por në ndeshjen e radhës duhet të fitojmë. Ne do të provojmë që të fitojmë sa më shumë ndeshje që të mundemi, pasi kemi të bëjmë me një Tiranë të re dhe një atmosferë të re”.

PJESËMARRJA NË EUROPA LIGË – Sulmuesi shtatlartë i bardhebluve mendon se Tirana mund ta arrijë objektivin sezonal, edhe pse e nisën keq sezonin. “Nuk kam asnjë dyshim që ne mund të arrijmë atë që i duhet të arrijë një ekipi si Tirana. I kemi lojtarët, kualitetin, trajnerin, mbështetjen e presidentit dhe drejtuesve, si dhe të tifozëve. Kështu që pjesëmarrja në Europë varet nga ne”, u shpreh futbollisti i bardhebluve.

E ARDHMJA – “Jam i lumtur me momentin që po kaloj te Tirana, kështu që do i marrë ndeshjet dhe hapat me radhë. Nuk i shikoj gjërat kaq larg. Mendja ime është e përqendruar te ndeshja e radhës e Tiranës dhe që të shënoj gol. Nuk shikoj kaq larg, por jam i lumtur tani. Do e pranonit një ofertë nga Partizani sezonin e ardshëm? Dëgjo! Jam lojtar i Tiranës dhe jam shumë i lumtur këtu. E kam në gjakun tim këtë skuadër dhe nuk mendoj për asgjë tjetër”, deklaron qartazi Ngo.

FAVORITI PËR TITULLIN – Tirana është jashtë garës për titull, ndërkohë që Ngo, kur pyetet se kush është favoriti për titull, Partizani, Kukësi apo Teuta, ai thotë: “Nuk e di, ju e shikoni vetë. Dëshira ime është që të ishte Tirana. Të jem i sinqertë, gjersa nuk është Tirana në këtë betejë, nuk më intereson fare se kush është favorit”.

VLADIMIR PRENGA

TRAJNERI MEMA – “Trajneri ka bërë një punë të mrekullueshme. I heq kapelen, pasi ka ndryshuar mentalitetin e skuadrës. në fillim patëm një keqkuptim. Nuk e njihja atëherë. Njerëzit s’duhen gjykuar”.

BARAZIMI – “Jam i gëzuar që morëm një pikë sot. Vazhdojmë të mbajmë ritmin dhe tani mendojmë për ndeshjen tjetër, më e rëndësishmja është që nuk humbëm”.

GOLAT – “Sigurisht unë futem në çdo ndeshje për të shënuar, këtë kam në mendje. Gjithsesi më e rëndësishme është që skuadra të fitojë të dhe ngushtojmë diferencën me skuadrat e kreut. Nëse nuk shënoj mundohem të shërbej shokët e ekipit”

TEUTA – “Ata kanë mbrojtës të mirë. Luajtën me pesë mbrojtës dhe tre qendërmbrojtësit po më markonin, ishte një mbrëmje e vështirë, por më e rëndësishme është që shënova, sigurisht nuk pata as kolegun tim në sulm Hasanin”.

KOMUNIKIMI – “Natyrisht unë kam luajtur në ekipe të mira, që të luash në këtë lloj niveli duhet të kesh mentalitetin e duhur. Komunikimi është shumë i rëndësishëm në çdo moment shkëmbejmë informacione me njeri-tjetrin”.

Jusufi ka mbushur më 17 dhjetor 23 vjeç dhe luan në të dyja krahët e sulmit, por edhe si sulmues i dytë. Prej vitit 2013 ai është pjesë e Renovës në Maqedoni, teksa këtë sezon është aktivizuar në 14 ndeshje nga 18 që janë zhvilluar deri më tani në kampionat.

PRAPASKENA ME MAJKËLL NGO – Duke qenë se Rubin Hebaj nuk ka shënuar shumë, te Partizani kanë nisur prej kohësh të shohin për një tjetër sulmues qendror.  Shkodrani ka realizuar vetëm një dygolësh në derbi kundër Tiranës, e pamjaftueshme për pretendimet që ka Partizani.

Një pistë merkatojë ka qenë edhe anglezi Majkëll Ngo. Te Tirana ai ka pasur probleme disiplinore, ndërkohë që vinte edhe nga një operim në gju që e la për disa muaj jashtë fushave të blerta. Partizani e kaloi në “sitë” emrin e sulmuesit të bardhebluve, por ai që ka vendosur veton ka qenë drejtori Olsi Rama.

Ky i fundit nuk ka qenë dakord për transferimin e Ngo, i cili mund të lihej i lirë nga Tirana pas problematikave që kishte. Gjithsesi anglezi duket se ka rigjetur veten dhe mund të mbetet pjesë e bardhebluve deri në fund të kampionatit.

Ndaj Laçit dhe Kamzës ai u pa në stadiumin “Flamurtari” dhe tanimë duhet t’i japë skuadrës së tij direktivat e duhura për të marrë pikët maksimale. Për ndeshjen e së premtes trajneri Mema do të ketë të gatshëm edhe sulmuesin Junus Sentamu.

Futbollisti nga Uganda mungoi në Laç për shkak se ishte i pezulluar me kartonë të verdhë. Këtë javë asnjë lojtar nuk mungon për shkak të kartonëve, ndërkohë që stafi teknik i bardhebluve i gëzohet formës së mirë të Majkëll Ngo.

Gjiganti anglez bëri një paraqitje të mirë javën e shkuar ndaj bardhezinjve dhe me shumë mundësi do të jetë titullar. Një lajm i mirë për Tiranën është edhe rikthimi i tifozëve. Dënimi i dhënë nga Disiplina pas trazirave në ndeshjen me Kukësin është shlyer dhe tanimë fansat bardheblu mund të jenë në mbështetje të skuadrës.

Pas ndeshjes, trajneri Mema ka folur edhe për Ngo. Ai ka theksuar se gjithçka mes tij dhe lojtarit është sheshuar, ndërkohë që ka paqe edhe me klubin. Tekniku i bardhebluve ka treguar situatën me sulmuesin.

“Nuk e kam thënëqë Majkëll Ngo nuk do të aktivizohet sa të jem unë në drejtim. Në fillim ka pasur një masë disiplinore nga klubi. Nuk e kujtoj ta kem thënë diçka të tillë. Nëse e kam thënë, i mbahem asaj që them. Por midis meje dhe Majkëllit është sheshuar çdo gjë. Kemi arritur një mirëkuptim të dy bashkë, sikurse edhe lojtari me klubin. Ana disiplinore është e para, pastaj vijnë të tjerat”, është shprehur trajneri Mema për “SportEkspres.com” dhe mediat e tjera të pranishme.

FLORIAN ALLA

“Tribunën A dhe sektorët H1, H2 do të jenë në dispozicionin tonë. D2 do të jetë i mbyllur, sipas marrëveshjes mes klubeve. Është ndarje e mirë. 1600-1700 bileta do të jenë për tifozët e Tiranës. Ato sektorë do mbushen dhe shpresoj se do jenë në mbështetje të ekipit si herën e parë”.

Më pas ai foli në lidhje me derbin e parë: “Policia ishte në gatishmëri. Nuk pashë që të thotë njeri bravo për organizimin, gjithçka shkoi mirë përveç rezultatit. Janë shumë gjëra në prapavijë, që tifozët apo të tjerët nuk i dinë. Ndaj edhe duhet edhe ndonjë fjalë e mirë”.

“Akreditimet e gazetarëve në derbi? Ka pasur shumë kërkesa, madje edhe debate brenda nesh. U dhamë prioritet atyre që i kemi të përditshëm në konferenca dhe në stërvitje. Ka edhe nga ato raste, që vijnë e thonë: ‘unë veç në derbi vij, dua tre akreditime’. Por ne na interesojnë ata që qëndrojnë pranë Tiranës në vazhdimësi. Pasi rregulluam gazetarët sportivë, kemi akredituar edhe ndonjë të politikës. Të njëjtat probleme do i ketë edhe Partizani”.

SITUATA NË EKIP – Ekipi ka zbritur në fushë me 30 minuta vonesë, për shkak të gjendjes së fushës në “Skënder Halili”. Shirat e shumtë kanë ndikuar dhe në klub po mendojnë për ndërhyrjen në fushën stërvitore. Plot 14 vite ka që është vendosur tapeti dhe tanimë ta ardhur koha për të vënë të riun.

Sa i takon formacionit, me shumë mundësi Greca do të zëvendësohet nga Dejan Blazhevski. Sulmuesi maqedonas është rikuperuar edhe është gati për lojë. Ndërkohë ka të reja edhe në lidhje me Majkëll Ngo.

Sulmuesi në fundjavë u aktivizua me ekipin e dytë, ndërkohë  që tanimë po punon sërish me ekipin e parë. Në fakt edhe në seancat e javës së shkuar e ka bërë diçka të tillë, por është gjetur gjuha e përbashkët që deri në dhjetor sulmuesi anglez të japë kontributin e tij për Tiranën. Më pas do të ketë sërish bisedime, pasi sikurse dihet problemet disiplinore me të nuk kanë qenë të pakta.

Mendimi i parë ishte përjashtimi, pasi është e disata herë që sulmuesi ka probleme. Më parë për arsye disiplinore ishte dërguar tek ekipi i dytë. Kishte vetëm pak ditë që ishte falur dhe duhen ruajtur balancat brenda grupit.

Nëse Ngo falet sërish, çfarë do të ndodhë nëse dikush tjetër vepron njëlloj? Këto ditë do të jenë vendimtare për të ardhmen e sulmuesit te Tirana dhe presidenti Refik Halili tanimë duhet të mendohet mirë dhe të konsultohet po aq mirë edhe me trajnerin Ardian Mema.

Pritet që të mësohet nëse anglezi do të përjashtohet, apo do të merret ndonjë masë tjetër për të. Duhet njëherë e përgjithmonë t’i jepet drejtim kësaj çështjeje. Me situatën që Tirana po përjeton, duke u renditur në vendin e tetë, problematika të tilla nuk kanë vend në kampin bardheblu.

Sulmuesi ka goditur dhe nuk ka shënuar, ndërkohë që nuk ka munguar debati mes Ngo dhe Muçës. Kjo ngjarje ka gjasa të sjellë përjashtimin e gjigantit të bardhebluve mëson SportEkspres.com. Prej disa kohësh ai po përgatitej me ekipin e dytë dhe u mendua se do të reflektonte pas gjobës dhe pezullimit të përkohshëm.

Në kushtet aktuale te Tirana nuk kanë rrugë tjetër, veçse ta përjashtojnë sulmuesin. Gjoba është e pashmangshme dhe mbetet për t’u parë se si do të zgjidhet kjo çështja. E sigurt duket se Ngo nuk do të zbresë më në fushë me fanellën e Tiranës.