SEZONI – “Nuk ndihem komod që skuadra diskutoi mbijetesën. Vitin e kaluar ishim në Kupat e Europës, ndërsa këtë sezon për shkak të gabimeve tona përfunduam në këtë situatë. Të them të drejtën rezultatet e fundit më kanë mërzitur”.

KOSTIÇ DHE MEZANI  “Në fillim morëm dy trajnerë që “CV” të pasur, ne prisnim që ata të bënin çudi te Luftëtari, por nuk ndodhi kështu. Pastaj i besuam Gentian Mezanit, ai bëri një deklaratë të papërgjegjshme pas humbjes 5 – 1 dhe u detyruam ta largojmë Mezanin. Kur gjenerali dorëzohet, ushtarët demoralizohen, na u ndesh  të ndërhynim. Unë nuk e kisha parë, por një miku im më mori në telefon dhe më shpjegoi se ai kishte thënë se ekipi do të binte nga Kategoria ”.

AHMATAJ – “Të themi të vërtetën ai bëri një punë shumë të mirë, duke mbledhur ekipin. E mora vendimin për ta pezulluar pas ndeshjen me Kukësin për shkak se kisha dyshime për ndeshjen për Tiranën. Për këtë do flas më gjerë kur të mbarojnë këto dy ndeshjet. Edhe për futbollistët e pezulluar do flas pas ndeshjes me Partizanin, pasi nuk dua të hap plagë”.

ALEKSI DHE XHEKSON – “Albano Aleksi e kishte në kontratë që dy muaj para se t’i mbaronte marrëveshje që të besonte me ne, për kërkesat e tij. Ai nuk pranoi asnjë nga telefonatat e mia. Me Xheksonin do të diskutojmë për vazhdimësinë, gjithçka mund të arrihet”.

E ARDHMJA – “Luftëtari është një skuadër që do të shkruajë histori në kampionatin shqiptar. Do të shikoni lojtarët që do të vijnë, disa prej tyre do të jenë të Kategorisë Superiore, por edhe kampionateve jashtë. Së shpejti do të kemi dhe ekip femrash të Luftëtarit. Jemi duke mbyllur një kontratë me një skuadër të njohur në Europë që është thuajse çdo vit në Champions League. Me këtë marrëveshje ata do të sjellin eksperiencën e tyre dhe në të mirë të akademisë sonë. Nuk mund ta them akoma emrin e klubit. Do ta bëjmë ekipin shumë më të fuqishëm”.

PROBLEMET FINANCIARE – “E vërteta është që kemi pasur probleme me financat. Kemi shlyer shumë detyrime te vjetra, që nga Milinkoviç, Toledo dhe Bojom. Gjithsesi, klubi ka arritur të shesë katër lojtarë deri më tani dha na kërkojnë edhe dy lojtarë të tjerë. Këtë vit kemi arritur të dalim me fitim. Nuk më shkon në mendje kurrë për të shitur Luftëtarin. Ky ekip më dhimbset. E kam pasion, unë kam bërë 19 kilometra në këmbë për të parë klubin në kohën në Bonit, Kallucit dhe Brahos”.

BORDI DREJTUES – “Do krijojmë një bord të ri drejtues. Me 11 veta, ku do të jenë pjesë intelektualë të zonës dhe njohës të sportit. Çdo vendimmarrje do të merret aty”.

E ARDHMJA E RUÇIT – “I respektoj të gjithë futbollistët. Ruçi për shembull është një djalë shumë i mirë dhe profesionist. Ai ka dhe dy vite kontratë me ne, por më tha shpjegoi se kishte një hall familjar dhe unë e mirëkuptova. Kështu si veproi Ruçi të vepronte dhe Aleksi, ai nuk i përgjigjej as telefonatave të mija. Nuk ja mohoj atë që ka dhënë në këto katër vite, gjithsesi nuk është i pazëvendësueshëm”.

LOJTARËT NË FUND TË KONTRATËS – “Nga Luftëtari nuk do iki asnjeri. Ramadani është një njeri i veçantë. Të gjithë çunat kanë dhënë shpirtin për Luftëtarin. Me çdo futbollist që i mbaron kontrata do mundohemi të gjejmë marrëveshje për të vazhduar”.

PAGAT – “Presidenti i Tiranës më pyeste gjatë ndeshjes për pagat e lojtarëve tanë dhe unë ia thosha pa mbajtur sekrete. Çuditesha kur më tha se te Tirana, Ngo merrte 8500 euro në muaj, ndërsa kishte lojtarë të tjerë që merrnin nga 6500 euro dhe 6000 euro. Çdo lojtar te Luftëtari do marrë aq sa i takon”.

ELIMINIMI NGA KUPA – “U zhgënjyem shumë. Nuk na takonte ne që të pësonim pesë gola. Nuk i kishim pësuar gjithë sezonit. Nuk është se jam mosmirënjohës që na shpëtoi Kategoria, përkundrazi nëse do të fitonte Kastrioti do të ishim ne në rrezik, ne na shpëtoi barazimi i tyre. Kemi dhe dy ndeshje të vështira ndaj Skënderbeut dhe Partizanit, kjo nuk qëndron”.

AKADEMIA – “Kur u takova me presidentin e ekipit që po bisedojmë për marrëveshjen më përmendi fillimisht për akademinë. Një ekip duhet të nxjerrë nga akademia të paktën një ose dy lojtarë në vit. Akademia do të jetë pikë kyçe e projektit tonë të ardhshëm”.

“Është po i njëjti grup që mbylli dy fazat e para. Jemi në pritje të 2-3 lojtarëve që jemi në bisedime, shpresoj t’i mbyllim sa më shpejt. para fazës përgatitore në Greqi, shpresoj që ta kem grupin e gatshëm. Kështu më ka premtuar dhe drejtuesit e klubit.

në repartet që neve na janë larguar lojtarë, padiskutim që do të mundohemi t’i zëvendësojmë. Po vëzhgojmë me shumë kujdes lojtarët që do të afrohen, pasi duhet të zëvendësojnë denjësisht dy lojtarët e larguar.

Xhekson? Është një lojtar cilësor për ne dhe do të na ndihmonte jashtëzakonisht shumë. Do të vijë me ne në fazën përgatitore”,- përfundoi Mezani.

“Situatat kanë ndryshuar dhe kjo gjë na mungonte. Skuadra po luante futboll. Me një fitore sot nuk do të thotë se kemi dalë nga ajo situatë. Është një hap i mirë dhe na jep moral, ndaj një kundërshtari si Skënderbeu. Është moral i dyfishtë kur fiton në Korçë. Është hap i mirë për vazhdimësinë”.

“Kjo skuadër ka cilësi dhe mund të bëjë dhe më mirë akoma. Nuk dua të kthehem te e kaluara. Dua të flas për këtë ndeshje. Në këtë takim u kam kërkuar lojtarëve luftë për topin e parë, pasi do të na ndihmonte. I kam kërkuar mos të forcoheshim shumë, pasi kundër kishim një ekip me eksperiencë në mbrojtje. Më ka befasuar Demo, pasi e prisja mirë, por jo kaq mirë. Na ka ndihmuar shumë. Ka qenë karakteri dhe forca e kësaj skuadre, pasi lojtarët i zbatuan detyrat të gjitha dhe përqendrimi ka qenë i duhuri. Jemi ndëshkuar nga cilësitë e një lojtari, nga më të mirët në Shqipëri. Do të thosha 5-0 për Luftëtarin, pasi ka kaluar shumë kohë te Luftëtari”.

“Nuk dua ta shoh penalltinë fare. Besoja se nuk do dilja pa pikë, por jo me fitore. E mirëpritëm dhe kjo fitore ka ardhur në momentin më të nevojshëm, pasi vjen pas tre rezultatesh negative. Jemi nisur me besimin se mund të merrnim një pikë. Kam parë gjatë javës një skuadër për të bërë mirë dhe zoti ishte me ne sot. Duke e parë them se është penallti”.

“Ishim nervoz dhe në pushim u kërkova të kishin kujdes në goditjet standarde pranë zonës. Kemi një skuadër që ka bërë vjet mjaft mirë. Kemi një bosht të tërë dhe e kemi të papranueshëm pozicionin ku jemi dhe nervozizmi është më i lartë. Rezultati sjell gjërat e saj. Me eksperiencën që kanë mund të evitonim këtë situatë, por është e pamundur, edhe pse e pranueshme. Kundërshtari ushtronte mjaft presion”.

“Kemi marrë garanci dhe kemi besim te drejtuesit. E morët vesh që kemi një drejtor të ri dhe do jetë afër skuadrës, çka është shumë e rëndësishme. Skuadra ka mundësi të bëjë mirë dhe shpresoj që të ketë ardhur me këmbën e mbarë duke parë dhe fitoren sot. Kemi besimin e plotë të drejtuesve dhe shpresa vdes e fundit”.

HUMBJA – “Na vjen keq, pasi ishte një pikë që na vlente shumë deri në atë moment. Nuk duhet harruar që luajtëm me 10 lojtarë në pjesën e dytë. Mbase nuk bëmë aq sa duhej për ta marrë këtë pikë. Ndikoi dhe lodhja, pasi ishim në inferioritet numerik. Një mos përqendrim, apo një mos shtrëngim në fund dhe u ndëshkuam sërish”.

SITUATA – “Kur je në këtë pozitë dhe në këtë pikë të kampionatit, lodhja, ose ndoshta edhe presioni, ndikojnë dhe rrisin nervozizmin në skuadër. Kam folur gjatë gjithë javës me lojtarët. Po gabojmë dhe po ndëshkohemi nga gabimet individuale, por duhet të bëjmë më shumë për të marrë diçka më tepër. Nuk mund të vëmë fajin vetëm te dikush, pasi kur fitojmë dhe kur humbasim, humbasim të gjithë”.

TAKTIKA – “Kur futa një lojtar difensiv u ndëshkova. Jo për faj të Rapës, mos të keqkuptohemi. U mundova që të vendoja në lojë mbrojtësit që kisha në stol, për të mbrojtur rezultatin, por nuk ia arritëm. Nuk vuajtëm shumë në mbrojtje. Duhet të kemi pak më shumë besim, pasi nuk është ky Luftëtari që mund të humbasë në Gjirokastër. Ne mund të shënonim edhe me 10 lojtarë, pasi patëm raste edhe kur ishim 0-0”.

“Kemi nisur përgatitjet në fillimin e qershorit. Tjetër arsye është dhe tensioni, për pozicionin ku jemi. Duke analizuar ndeshjen, do të dalim në konkluzionet tona”.

E ARDHMJA – “Nuk kam folur për merkaton dhe nuk është arsye e tundimit se dikush mund të largohet apo jo. Ato që janë sot, kanë një kontratë. E kam shprehur se kam lojtarë shumë të mirë. Kemi dhe tre ndeshje dhe më pas do të bëjmë bilancet tona dhe do të shohim ku kemi arritur dhe objektivin final. Më pas do të flasim për këtë pjesë. Kam lojtarë që mund të japin më shumë dhe e kanë shprehur edhe më parë. Të vjen keq që të humbasim në shtëpi. Barazimin e quaj humbje këtu”.

Ishim të papërqendruar dhe në gjumë në minuta e para. Përqendrim është shumë i rëndësishëm dhe shpresoj që kjo të jetë e para dhe e fundit herë që pësojmë shumë shpejt gol. kundërshtari na gjeti të papërgatitur. Them kështu duke marrë shkas nga vitit i kaluar, në 9 ndeshje jam ndëshkuar në minuta e para. Duhet të mënojmë për këtë gjë dhe duhet ta zgjidhim shumë shpejt pasi është e papërshtatshëm në këto momente dhe në këto pozita ku jemi”.

“Lojtarëve po u japin detyra të caktuara për ta markuar Shkurtajn. Sot pati mbështetje nga kolegët, por nuk doli në lojën e tij. I mungoi iniciativa për të goditur portën. Mund të ishte treguar më egoist në disa momente. Duhet të marrim diçka pozitive nga loja e mirë që zhvilluam, por dhe të korrigjojmë gabimet e bëra”.

Mungoi iniciativa, pasi kishim raste. Goditëm pak herë portën. Duhet të ishim më cinik, me Ymerajn, Rapon dhe Rrocën. Në të dyja pjesët kishim shumë raste dhe me kaq shumë raste duhet të shënonim dy gola. Duhet t’i shohim këto gjëra. Më kënaq fakti që prodhojmë dhe që ishim superior në shumë momente. Do doja të luaja keq dhe të fitojë apo të merrja një pikë. Duhet të shohim gabimet për t’u përmirësuar”.

“Kartonët e shumtë? Mund ta kenë lëshuar dorën gjyqtarët me ne. Shaka kjo. Presioni është i madh te ne dhe ndërhyrjet janë më të ashpra se normalisht dhe normalisht që ndëshkohemi kur është për karton. Ka pasur rate kur edhe mund të evitoheshin kartonët. Nuk janë kartonët që na kanë kushtëzuar pozicionin ku jemi. Është diçka që nuk duhet ta mendojmë atë pjesë, pasi do ishte më keq”.

“E keni parë dhe ndeshjen me Tiranën, skuadra tregoi rritje në pjesën e dytë si dy javë më parë. Kemi krijuar raste, por nuk i shfrytëzuam edhe nga tensioni. Ekipi u paraqit mirë. Duhet të kemi dhe pak më shumë fat dhe ta kërkojmë te vetja për të qenë më konkret dhe më të përqendruar”.

“Nuk dua të fajësoj askënd për golin. Do e analizojmë edhe atë moment. Ishim në gjumë dhe nuk mund të flas me emra. Faji është i pari i mi dhe më pas i të gjithëve me radhë. Ndoshta na kanë bërë keq 2 javë pushim dhe kjo ka ndikuar në përqendrimin tonë”.

Pas ndeshjes, trajneri Gentian Mezani është shprehur i lumtur për këtë fitore, e cila sipas tij i vlen shumë skuadrës, për anën morale. Tekniku vlonjate i gëzohet faktit se skuadra e tij më në fund ka nisur që të ngjitet në klasifikim.

“Kjo fitore na pozicionon mirë për momentin. Na shkëput nga vendi i parafundit. Është diçka e mirën për ne, është një trepikësh morali për vazhdimësinë dhe një rezultat pozitiv që i bën mirë skuadrës, për ta motivuar për ndeshjen e radhës”.

“Më kënaq loja, nuk diskutohet, agresiviteti që treguam, por jemi të mërzitur. Do të ishte një pikë mjaft e mirë. Ia arritëm në pjesën e parë, por në të dyja pjesët e lojës ishim në ekuilibër, gjithsesi vuajtëm nga krahët ku Partizani ka dy lojtarë si Mala dhe Asani, të shpejt dhe teknikë, aty ku erdhi edhe penalltia”.

“Dunga? Nuk e ka eksperiencën e duhur dhe ka luajtur pak ndeshje. I dimë cilësitë e Shkurtarj dhe dëmtimi i tij i shpejtë na penalizoi në fazën sulmuese, ku po vuanim dhe na u vështirësua puna. Çfarë i mungon ekipit, mbi të gjitha jashtë fushe? Mendoj se është përqendrimi. Në disa momente të lojës neglizhojmë. Padiskutim edhe mungesa e Rrocës që është një lider, i ka munguar shumë skuadrës. Me rikthimet e Rrocës dhe Aleksit në javët në vazhdim shpresojmë të rikthehemi te rezultatet pozitive, të cilat janë shumë të rëndësishme”.

“Dëmtimin e shkurtajt do ta vlerësojmë nesër, kishte një kontraktim dhe nuk duhej të rrezikonim për një dëmtim më të rëndë. Ndërsa, për ndeshjen me Kastriotin është një sfidë shumë e vështirë. Duke parë edhe rezultatin e parë, ata janë një skuadër që pavarësisht pozitës ka vënë në vështirësi edhe Kukësin. Ne do të mundohemi që të rrisim performancën, të shkojmë atje dhe të marrim rezultat pozitiv”.

“Pretendime për golin e parë të Partizanit? E besoj portierin, që me tha se ka patur pak shtytje që mos të kishte kërcimin e duhur. Nuk mendoj që arbitri e ka bërë me vetëdije, por ndoshta nuk e ka parë, ose e ka parë në mënyrë ndryshe nga ne. Por tashmë gjithçka ka përfunduar dhe nuk ia vlen ta diskutojmë më”.

Java e tetë rezervon një përballje të vështirë për bluzinjtë që do të presin në shtëpi Skënderbeun. Tekniku Mezani ka besim se skuadra e tij ka mundësi reale për të marrë një rezultat pozitiv, në mënyrë që të ekipi të ketë vazhdimësi.

Në konferencën e zakonshme për shtyp, numri 1 i stolit të Luftëtarit ka folur dhe për gjendjen e lojtarëve të dëmtuar. Rroca duket se gradualisht po afrohet me gjendjen optimale në ndeshjen me Partizanin mund të ketë mundësinë për t’u rikthyer në fushën e blertë.

“Pas ndeshjes me Kamzën skuadra ka një moral tjetër dhe ka treguar se ka forcë për të arritur tek fitorja. Gjithashtu ka forcë për të mos humbur pikë dhe ka forcë për të bërë më të mirën në fushën e saj. Skuadra është përgatitur mirë në këto dy ditë. Nuk kemi pasur shumë kohë për të bërë gjëra shumë të mëdha. Jemi munduar që të rikuperojmë disa lojtarë që janë shfaqur më të lodhur se disa të tjerë”.

“Nesër do të hymë në fushë për të marrë më të mirën e mundshme ndaj Skënderbeut. Skuadra është gati për këtë ndeshje. Uroj që çdo lojtar që të luajë të japë më të mirën, pasi është një ndeshje shumë e rëndësishme për ne që të kemi vazhdimësinë”.

“Na rikthehet Ramadani dhe është diçka pozitive për skuadrën. Të vetmit që do të mungojnë janë Rroca, Jakovljeviç dhe Aleksi. Rroca është me grupin dhe është në një moment të mirë. Uroj që të ketë disa minuta pas ndeshjes me Skënderbeun, pra pas pushimeve. Për Aleksin duhet të presim ende, pasi është në fazën e rikuperimit”.

Fitorja – “Fituam një ndeshje, jemi gjithmonë në tension. Kjo ndeshje na bëri mirë, na qetëson disi. Por jemi ende në presion të rezultateve. Skuadrat janë aty-aty.”

Të dëmtuarit? – “Duhet kohë të kapin ritmin. Mezi i presim. Në stol kemi djem të rinj. Do na ndihmojnë disi. Jam i kënaqur me pjesën tjetër të skuadrës. Duhet të përmirësohemi dhe të largohemi nga vendi i fundit. Ndeshja e radhës është objektivi ynë deri në fund.”

Hoxha? – “Skuadrat luan mirë në fazën defensive, jemi më mirë. Nuk dua të theksoj vetëm Hoxhën, pasi kam edhe të tjerë. Janiçiç luajti mirë dhe jam i kënaqur me të.”

Tekniku vlonjat ka marrë menjëherë drejtimin e skuadrës. Pas konferencës së prezantimit, ish-trajneri i Flamurtarit dhe Laçit ka zbritur në fushën e stadiumit të Luftëtarit. Ndërkohë, pritet që së shpejti ekipit t’i bashkohet dhe ndihmës trajneri italian Franko Paskualeti, me të cilin Mezani ka punuar më parë te Laçi.

Fillimisht 38-vjeçari është prezantuar me të gjithë lojtarët. Më pas menjëherë kanë nisur puna për takimin me durrsakët. Kujtojmë që Luftëtari ende nuk e ka marrë pikën e parë, kur janë luajtur 4 javë të Kategorisë Superiore.

“Do doja të falënderoj presidentin dhe uroj që të shpërblej besimin. Uroj që të mos zhgënjej askënd. Do mundohemi që të bëjmë më të mirën këtë vit, për ta zgjidhur këtë situatë dhe për të arritur tek pikët dhe të jemi sa më lart në klasifikim”.

“Erdha me një dëshirë të madhe. Kam pasur dhe oferta të tjera. Më kanë folur mirë për ambientin dhe njerëzit. Do mundohem që të bëj më të mirën”.

“Më jep shpresë loja e djemve që në këto katër ndeshje kanë prodhuar futboll. Më jep besim puna ime dhe ajo që unë bëj mendoj se mund të bëj. Po ashtu dhe nga mbështetja e drejtueseve, që të jep qetësi dhe më shumë forcë për të punuar.”

“Në katër ndeshjet e para është një skuadër që ka zhvilluar futboll sulmues. I përshtatet mentaliteti tim dhe dëshirës sime. Shpresoj që ndeshjen e radhës të fitojmë, më pas do të shohim për mrekullitë. Në këtë pikë që jemi është shumë e rëndësishme që të marrim një fitore dhe të dalim nga kjo situatë ku jemi”.

Mbijetesa – “Nuk më pëlqen fjala mbijetesë,. Si te Laçi dhe Flamurtari i kam marrë skuadrat në të njëjtën situatë. Kanë kaluar vetëm 4 javë dhe kemi shumë ndeshje për të zhvilluar. Një fitore të ngjit disa vende. Skuadrat nuk kanë shumë diferenca. Duhet të bëjmë më të mirën. Objektivi im është që çdo ndeshje të marrim një rezultat pozitiv.”

Ndeshja – “Luajmë në fushën tonë. Humbja nuk do të jetë e mirëpritur. Çdo gjë duhet të jetë pozitive. Do të futemi për të fituar. Kam besim tek këta çuna. Janë siç kanë emrin: “Luftëtarë” do luftojmë për të marrë fitoren.”

Kundërshtari- “Teuta ka një skuadër shumë të mirë dhe një trajner që mendon për fazën ofensive. Në mbrojtje ka lojtarë me eksperiencë dhe ka siguri. Është një skuadër që vrapon dhe kërkon të sulmojë në çdo moment. Nuk duhet të neglizhohet. Teuta ka treguar se është një skuadër e mirë por jo që nuk mundet. Këdo skuadër që do kishim përballë do ta, mendonim si ndaj Teutës, pasi nuk duhet të neglizhojmë.”

“Ndihmësi im do të jetë i njëjti që ka qenë tek Laçi, Franko Paskualeti. Jemi në pritje të ardhjes së tij. Është një projekt afatgjatë me presidentin dhe çdo gjë do të duket në vazhdimësi.”

“Kemi një ndeshje shumë afër dhe është shumë pak për të ndryshuar. Është çështje psikologjike. Sot do ta shoh skuadrën për të parën herë dhe do punojmë në këto dy ditë nga ana psikologjike. Është e rëndësishme që të mos pësojmë gol, por rëndësi ka dhe ana ofensive, pasi skuadra që shënon fiton.”

I fundit që u transferua në Kosovë ishte Shpëtim Duro, por duket se mund të kemi një tjetër lëvizje në “Rrugën e Kombit”. ”Gazeta Olle” raporton se skuadra e Prishtinës ka kontaktuar ditën e djeshme ish-trajnerin e Flamurtarit dhe të Laçit, Gentian Mezanit.

Ka qenë vetë presidenti Remzi Ejupi që ka takuar trajnerin vlonjat, por duket paksa e çuditshme kur Mirel Josa vijon punën në krye të skuadrës kryeqytetase. Duket se situata nuk është aspak e mirë, pas rezultateve të fundit dhe aventura e Josës tek Prishtina po shkon drejt fundit.

Nuk do të jetë e lehtë gjetja e një trajneri me eksperiencë dhe të gatshëm të marrë drejtimin, pasi është e qartë që në përgjithësi trajnerët duan t’i ndërtojnë vetë ekipet dhe të kryejnë fazën përgatitore. Përveç kësaj, është edhe aspekti financiar në mes, pasi Kamza synon të mos kalojë disa parametra financiarë.

Në orët e paradites u fol për një trajner rus, i cili është kontaktuar nga drejtuesit e Kamzës, por ndërkohë drejtori sportiv Andi Matraxhiu po studion disa pista dhe duket se po tenton të afrojë emra që e njohin mirë Superioren.

Kështu, “Sport Ekspres” mëson se pasditen e sotme është kontaktuar edhe Gentian Mezani, me vlonjatin që vjen nga një sezon fantastik me Laçin. Duhet kujtuar se Mezani e mori drejtimin e Laçit në fund të tetorit vjet, pas largimit të Stavri Nicës, ndaj qartësisht nuk e ka problem të drejtojë një ekip jo të ndërtuar prej tij, mjafton të kujtohet që edhe në Vlorë ka punuar disa herë si trajner i përkohshëm dhe ka bërë një punë të shkëlqyer.

38-vjeçari pati një mesatare prej 1.66 pikësh sezonin e shkuar, ndërsa shkoi deri në finalen e Kupës së Shqipërisë, duke qenë shumë pranë trofeut dhe duke e kualifikuar Laçin për në Europa League, një arritje madhështore. Megjithatë, në përfundim të sezonit vlonjati preferoi të ndahej me kurbinasit dhe gjatë verës ka pritur qetësisht, duke pushuar në jugun e Shqipërisë.

Si zakonisht, në Shqipëri fillojnë shpesh “valset” e stolit dhe Mezani ka marrë që tani ofertë nga Kamza, por pasi ka biseduar gjerë e gjatë me drejtuesit kamzalinj, në fund nuk është arritur ndonjë marrëveshje, për arsye të ndryshme. Në këtë mënyrë, Kamza mbetet në kërkim dhe pritet me interes cili do të jetë trajneri i ri.

U fol për dhunë fizike, por sot trajneri Gentian Mezani ka dalë para medieve për të sqaruar këtë çështje, duke mohuar gjithçka: “Rexhinaldo nuk është dhunuar, nuk është aspak e vërtetë ajo që është shkruar sot në gazeta. Nuk ka ndodhur absolutisht asgjë. Kam qenë unë ai që e kam larguar nga dhomat e zhveshjes sepse Rexhinaldo nuk ka dhënë asnjë përgjigje në lidhje me veprimet e tij në fushë në ndeshjen kundër Partizanit, ndaj vendosa që ai të mos ishte pjesë e analizës të ndeshjes.

“Rexhinaldo do të stërvitet i diferencuar dhe unë së bashku me klubin e kemi marrë këtë vendim pas deklaratave në media dhe veprimeve të tij, duke filluar që nga ndeshja e Durrësit, ku ka dalë nga loja më dëshirën e tij. Është larguar nga hoteli ku ne ishin grumbulluar pa lejën e askujt. Rexhinaldo duhet të kuptojë që duhet të sillet si profesionist, gjë që nuk e ka bërë në 3 javët e fundit”.

“Jam i lumtur për këtë start. Kam pasur pak ditë në dispozicion, jam munduar të zgjidh pak gjëra dhe më kënaq ky start. Megjithatë, është vetëm fillimi, nuk kemi bërë ndonjë gjë të madhe dhe kemi ende shumë punë për të bërë.

“Pse e zgjodha Laçin? E kam ndjekur Laçin edhe më parë dhe një nga arsyet që pranova të merrja Laçin ishte prania e shumë lojtarëve të rinj, të cilët kanë shumë dëshirë e energji. Megjithatë, duhet të qëndrojmë me këmbë në tokë, sepse kampionati sapo ka nisur dhe çdo ndeshje është më e vështirë se paraardhësja. Unë jam një person që i pëlqej aventurat dhe nuk kam frikë të marr përsipër detyra të tilla, duke bërë maksimumin e mundshëm, pastaj nëse vijnë fitoret, akoma më mirë.

“Synimet e Laçit? Nuk mund të flasim për synime madhore. Kam pak ditë këtu, kam parë djem me dëshirë, edhe disa janë me shumë eksperiencë. Duhet të marrim ndeshjet një nga një, mos të shohim shumë larg dhe të mos flasim për Europë e synime madhore.

“Flamurtari përballë pas dy javësh? Në këtë moment mendoj vetëm për Laçin, nuk e shoh kalendarin. Normalisht që e ndiej si ndeshje, jam vlonjat dhe Flamurtari më ka hapur rrugën që kam nisur, por jam trajner profesionist dhe ndonëse Flamurtari është skuadra ime e zemrës, kur ta kem përballë do të kërkoj fitoren për Laçin, si trajner i kësaj skuadre.

“Nica ka akuzuar lojtarët për mungesë profesionalizmi? Nuk dua të komentoj deklaratat e tij, unë i them faleminderit për punën që ka bërë, është një trajner shumë i zoti dhe ka ndërtuar një skuadër shumë të mirë, të stërvitur mjaft mirë”.

Fjalë të thëna shpesh prej tij në të shkuarën, ndaj zor se i mori njeri seriozisht, por sot Nica e ka vendosur përfundimisht: nuk do të jetë më trajneri i Laçit në vazhdim, duke u bërë trajneri i parë që lë stolin në sezonin e ri në Superiore.

Një vendim i prerë, i pranuar edhe prej presidentit Pashk Laska, i cili e njeh mirë Nicën dhe e ka kuptuar prej ditësh se bën mirë të gjejë zëvendës. Nica ndoshta do të ndryshojë mendim, ose do të rikthehet në rast krize, si sezonin e shkuar, por në këtë moment duhet një ndryshim, për të evituar thellimin e krizës.

Kështu, Laçi ka zgjedhur Gentian Mezanin, trajnerin vlonjat i cili është ende në hapat e parë të karrierës në ekipe të para, por ndërkohë ka grumbulluar eksperiencë duke drejtuar në periudha të ndryshme krize Flamurtarin. Për herë të fundit e drejtori prej tetorit të vitit të shkuar deri në shkurt të këtij viti. Lojë e bukur dhe shumë sulmuese, paksa e çekuilibruar në prapavijë, ndërsa eliminimi nga Besëlidhja në kupë ishte zhgënjimi i madh, por Mezani kishte disa justifikime madhore: Flamurtari ishte në krizë financiare, lojtarët kërcënonin me bojkot, Donjet Shkodra ishte i dëmtuar e lojtarë të tjerë kishin shumë probleme.

Tani Mezani merr drejtimin e Laçit dhe pasditen e sotme do të drejtojë stërvitjen e parë, ndërsa provën e zjarrit e ka të shtunën, kur Laçi të presë Vllazninë.

Kampionati shqiptar, skuadra ende në organizim dhe mes kupave të Europës, kjo është panorama e deritanishme në futbollin shqiptar. Ish-trajneri i Flamurtarit, Gentian Mezani, ndalet në situatën e skuadrave shqiptare, merkaton që është duke u kryer deri më tani, shtyrjen e kampionatit, ndërkohë edhe Flamurtari është temë diksutimi. Sipas Mezanit, jemi ende në një periudhë, kur skuadrat, me përjashtim të atyre që luajnë në Europë, janë duke u organizuar për sezonin e ardhshëm futbollistik.

-Profesor Mezani, jemi në një periudhe kur merkato ka prekur të gjithë skuadrat e kampionatit. Si i komentoni lëvizjet e deritanishme?

Po, janë pothuajse të gjitha skuadrat shqiptare të përfshira në merkato, ndoshta me përjashtim të skuadrave që luajnë në Europë, por po të shohësh edhe këto skuadra kanë kryer lëvizje, që sërish do t’i prekin para nisjes së sezonit të ardhshëm futbollistik.

-Si e shihni ecurinë e skuadrave tona në Europë?

Në radhë të parë do të uroja që të gjitha skuadrat shqiptare të shkojnë sa më larg, pasi kjo i bën mjaft mirë kampionatit shqiptar dhe na ngre në Europë. Kjo është shumë e rëndësishme, ndaj unë i uroj të gjithë skuadrat që marrin pjesë në kupat e Europës. Natyrisht tashmë janë ndeshjet e kthimit për t’u zhvilluar dhe kush më shumë e kush më pak ka shanset e veta. Të shpresojmë se do të realizojnë atë që kanë si objektiv.

-Ndërkohë kampionati është shtyrë për të nisur në shtator. Si do ndikojë ky vendim?

Mendoj se ky fakt do t’i ndihmojë skuadrat deri në startin e kampionatit, pasi janë drejt organizimit të tyre dhe kanë kohën e mjaftueshme për të shkuar drejt nisjes së kampionatit me përgatitje të plota dhe të jenë përforcuar edhe në merkato, pasi mendoj se për të gjitha skuadrat e kampionatit shqiptar, merkato do të vijojë deri në ditën e fundit të saj.

-Flamurtari natyrisht nuk mund të qëndrojë larg vëmendjes suaj, apo jo?

Padyshim, dhe mendoj se deri më tani ka zhvilluar një merkato mjaft të mirë, duke parë afrimet e lojtarëve që janë bërë pjesë e Flamurtarit. Natyrisht që ka ende mjaft kohë përpara edhe për Flamurtarin. Pastaj nëse i referohemi merkatos, Flamurtari asnjëherë nuk ka vuajtur në merkato. E rëndësishme për skuadrën mbetet të bëjë një start të sezonit sa më pozitiv, pasi kjo është e rëndësishme.

-Merkato e verës prek jo vetëm lojtarët, por edhe trajnerët…

E kuptoj ku e keni fjalën. Natyrisht që po. Megjithatë sa i përket Gentian Mezanit, jemi ende në fazat kur nuk kemi konkretizuar asgjë, pavarësisht interesimit që ka pasur këtë periudhë, që siç e thatë edhe ju, prek si lojtarët, ashtu edhe trajnerët.

—Nga ku ka qenë interesimi, Shqipëri apo…

Superiore, Kategoria e Parë, por edhe rajoni, megjithatë asgjë ende nuk është konkretizuar. Janë kontakte, biseda, por konkludimi ende ka ardhur.

—Cila skuadër mbetet pretendente për sezonin tjetër?

Është ende shpejt për këtë gjë, pasi jemi ende në një periudhë, kur ka skuadra që mendojnë kupat e Europës dhe të tjera që janë drejt organizimit. Kampionati nis në shtator dhe ka ende kohë për të  menduar se kush do të jetë ndër skuadrat pretendente për sezonin tjetër.