Këtë e konfirmon edhe vetë trajneri Unai Emeri: “Çdo lojtar është shumë i rëndësishëm në ekip, por gjithashtu çdo moment dhe disa rrethana na bëjnë të marrim disa vendime në të mirë të shëndetit të lojtarëve. Ata erdhën këtë mëngjes, por unë fola me ta dhe vendosa se ishte më mirë të vazhdonin pushimin e tyre me familjet e tyre edhe për disa ditë”, u shpreh Emeri.

Mesut Ozil’s car got jumped, Kolasinac jumped out and backed the beef. #YaGunnersYa pic.twitter.com/CxsJeiCvxw

— James (@smhjaames) July 25, 2019

Kolashinac, siç shihet në video, është munduar të mbrohet, duke u ndeshur me sulmuesit, që ishin dy vetë dhe të armatosur me armë të ftohta. Pas një dyluftimi disa sekondësh, ai është ngjitur në makinën e Ozil për t’u larguar nga vendngjarja.

Dy grabitësit nuk e kanë lënë me kaq, por e kanë ndjekur mjetin nga pas me një motorr, duke e goditur me mjete të forta. Makina përfundoi me dëmtime. Pas rreth 15 minutash ndjekje, Ozil ka ndaluar përpara “Lakya”, restorant turk, të cilin mesfushori e frekuentonte shpesh dhe njihte të gjithë stafin. Në atë moment ai ka kërkuar menjëherë ndihmën e tyre. Të gjithë kanë dalë në mbrojtje të tij dhe grabitësit janë larguar. Pak minuta më pas ka ardhur policia. Grabitësit kanë qenë të pajisur me helmeta dhe të veshur me të zeza.

Staff from Turkish restaurant Likya came running out to help @MesutOzil1088 today after he was attacked by two suspects on mopeds carrying knives. @seadk6 jumped out his car and helped Ozil. Both Mesut & Sead are ok thank god ??? pic.twitter.com/uFsQh8aVNi

— The Arsenal Memz (@TheArsenalMemz) July 25, 2019

Pas ngjarjes janë pyetur edhe dëshmitarë, që ishin të pranishëm në vendin e ngjarjes.

“Ozil ishte i tmerruar dhe po vraponte për të shpëtuar jetën e tij. E pashë të futej brenda një restoranti, ndërkohë që dy djem me motorr e ndiqnin nga mbrapa. Nuk i hoqën kurrë helmetat e tyre dhe ishin të veshur me të zeza. Vetëm Zoti e di se ç’do të ndodhte nëse ata e kapnin atë. Sapo stafi i restorantit doli jashtë, dy atentatorët u larguan duke bërtitur. Policia ishte aty pas pak dhe e gjithë rruga ishte e bllokuar për disa minuta”, u shpreh Azuka Alintah, 36 vjeçare.

DENIS LALA

Një video që po bën xhiron e internetit është ajo e Sean Kolashiac, kur ky i fundit i vërsulet grabitësve edhe pse krejtësisht i paarmatosur.

Mesut Ozil’s car got jumped, Kolasinac jumped out and backed the beef. #YaGunnersYa pic.twitter.com/CxsJeiCvxw

— #james (@smhjaames) July 25, 2019

Në fotot e siguruara në mediet angleze shikohet teksa Ozil bisedon me policët pak minuta pas grabitjes. “Daily Mail” raporton se futbollisti ia mbathi nga makina dhe vrapoi drejt një restoranti të njohur turk, ku njihte thuajse të gjithë stafin. Kamerierët dhe punonjësit e tjerë të lokalit dolën në ndihmë të dy futbollistëve dhe detyruan grabitësit t’ia mbathin nga skena e krimit.

Tre vjet qëndroi fantazisti në “Santiago Bernabeu”, ndërsa ardhja e Karlo Ançelotit i dha fund aventurës së tij me “Los Blancos”. Ozil i rikthehet kujtimeve, zbulon se pse u bë tifoz i Realit dhe flet për takimin e parë me idhullin e tij.

“U largova nga Reali, sepse nuk ndjeja më besimin e trajnerit. Gjithmonë kam dashur të luaja me këtë klub falë Zinedin Zidan. Francezi ka qenë idhulli im si futbollist. Kur e takova për herë të parë ishte ndihmës i Murinjos. Dridhesha dhe më ishin djersitur duart.

Isha shumë i emocionuar dhe nervoz, por ishte momenti më i bukur për mua. Doja të bisedoja me të, ai ishte shumë i lirshëm, ndërsa unë jo. Nuk më pëlqeu fare takimi i parë”, përfundon 30-vjeçari.

Në një intervistë, ylli gjerman ja lë fajin vetëm dëmtimeve dhe mohon të ketë një konflikt të hapur me trajnerin. Ai deklaron se ka biseduar me të. Shprehet se Emeri do e ndihmojë të arrijë formën më të mirë. Ka besim se sezonin e ardhshëm do të kthehet ai i dikurshmi.

“Ju e dini që kam pasur shumë trajnerë në karrierën time dhe sigurisht çdo trajner është i ndryshëm dhe dëshiron diçka ndryshe nga ti si një lojtar. Por kam pasur disa dëmtime para se sezoni të fillojë vitin e kaluar, kështu kam pasur një kohë të vështirë. Në fund të sezonit kam luajtur shumë ndeshje. Kam një marrëdhënie vërtet të mirë me trajnerin. Po flasim shumë dhe ai dëshiron të më ndihmojë. Gjithashtu unë dua të ndihmoj ekipin dhe mendoj se do shkojë gjithçka mirë për mua dhe klubin”, u shpreh mesfushori.

Ish-lojtari i kombëtares gjermane kërkohet me insistim nga Fenerbahçe, klub që ka objektiva të mëdha për sezonin e ardhshëm. “Gjiganti” nga Stambolli i ka kërkuar “topçinjve” huazimin me të drejtë blerje të mesfushorit ofensiv, sipas raportimeve të “Futbol Arena”. Anglezët janë dakord me formulën dhe mbetet të përcaktohet shuma dhe bonuset e veçanta.

Ozil është pjesë e Arsenalit që prej vitit 2013 dhe gjatë kësaj periudhe ka shënuar 43 gola dhe ka dhuruar 74 asiste në 231 ndeshje të zhvilluara.

Në ndeshjet e fundit, Ozil duket se e pati fituar besimin e trajnerit. Emeri zgjodhi ta fusë në formacionin e parë gjatë finales së Europa League, të humbur 4-1 ndaj Çelsit. Përkundër besimit të teknikut, ish-ylli i Real Madrid nuk dha asgjë në fushë. Ai zhvilloi një ndeshje monotone, pa marrë iniciativa dhe rreziqe mbi supe.

Emeri vendosi ta zëvendësonte në minutën e 78 me të riun Xho Uillok. Ky veprim i trajnerit e acaroi Ozil. Siç raporton sajti turk “Fanatik”, Ozil reagoi me një shprehje në turqisht. “Betohem që ti nuk je trajner”, ishte ajo çka tha mesfushori në shenjë proteste për daljen e tij nga fusha dhe futjen e një të riu pa eksperiencë.

Këtë sezon ai regjistron vetëm 5 gola dhe 2 asiste. Shifra tepër larg lojtarit që dy vite më parë qëndronte në vendet e para për numrin e pasimeve kyçe dhe asisteve. 30-vjeçari ka goditur vetëm 11 herë portën, nga këto 6 të tilla kanë shkuar në kuadrat.

Ozil ka krijuar vetëm 3 shance për gol këtë sezon. Në kohët e tij të arta aq i regjistronte në vetëm një ndeshje. Bie në sy edhe numri i ulët i mesatares së pasimeve për ndeshje. Ka një mesatare prej 46,58 pasime për ndeshje. Numër i ulët për një lojtar të Arsenalit, ekip që njihet për mbajtjen e madhe të topit. Pra Ozil ka qenë hija e vetvetes këtë sezon.

Ditën e djeshme në takimin kundër Bornmuth që u mbyll me fitoren 5 – 1 të “topçinjve”, Ozil u rikthye të shënojë në kampionat pas më shumë se katër muajsh.

Ky ishte goli i katërt i Ozil, por pas golave të 30-vjeçarit fshihet një statistikë e pabesueshme. Ozil ka gjuajtur vetëm katër herë portën e kundërshtarëve në 16 ndeshjet e këtij sezoni dhe në të katërta rastet topi ka tundur rrjetën e kundërshtarëve.

Më poshtë, video të katër golave të Ozil në këtë edicion të Premier League.

Goli kundër Njukasëll

Goli kundër Uotford

https://www.facebook.com/Arsenal/videos/2127850054199979/

Goli kundër Lestër Siti

Goli kundër Bornmuth

30-vjeçari është lojtari më i paguar tek Arsenali, ku përfiton 350 mijë sterlina në javë. Lojtarët e “Topçinjve” e shohin Ozilin si lider dhe këtë gjë e ka pranuar dhe mbrojtësi i ardhur nga Dortmundi, Sokratis. Greku i ka thurur elozhe Ozilit, duke e shpjeguar mendimin e tij.

“Mesut është jetik për Arsenalin. Një lojtar me cilësitë e tij i duhet çdo skuadre. Kur i pason topin, je i sigurt, pasi ai nuk e humbet asnjëherë. Shpresoj të jetë deri në fund të sezonit në formën fizike optimale, pasi vetëm me të do të arrijmë tek objektivat tona”, përfundoi Sokratis.

Sipas mediave në Gjermani dhe në Angli, ka qenë vetë Mesut Ozil, i cili ka refuzuar një kalim te PSG. Drejtuesit e ekipit francez, duket se e kanë kërkuar turko-gjermanin, pasi ka qenë një kërkesë e trajnerit Tomas Tuhel.

Dëmtimi i Nejmar, ka prishur shumë punë për trajnerin gjerman, i cili ka drejtuar gishtin nga Ozil, si zëvendësuesin ideal të brazilianit, por mesfushori i Arsenalit thuhet se e ka hedhur poshtë këtë ofertë. 30-vjeçari, me sa duket do të vijojë karrierën e tij në Londër, teksa në ndeshjen e luajtur një natë më parë ndaj Kardif Sitit, ishte kapiten.

Kështu, sipas mediave në Angli, londinezët e Arsenalit, kanë menduar t’i ofrojnë francezëve një shkëmbim kokë më kokë. Mesut Ozil të kalojë në kryeqytetin francez, ndërsa Adrien Rabiot të drejtohet për në Londër.

Tashmë pritet të shqyrtohet kjo ofertë nga ana e drejtuesve të PSG-së, ku propozimi i Arsenalit, mund t’i bindë, pasi Rabiot është thuajse i larguar dhe përfitimet do të jenë minimale në rast se shitet, pasi kontrata e mesfushorit përfundon në fund të këtij sezoni. Ndoshta PSG mund të bindet dhe kjo do të ishte padyshim lëvizja më e bujshme e kësaj merkatoje.

Nëse Arsenali po insiston ta ofrojë në ekip, Interi është gati të sigurojë shërbimet e Mesut Ozil. Sipas raportimeve të “Daily Star”, zikaltrit kërkojnë të marrin në huazim fantazistin gjerman. Paga e 30-vjeçarit mbetet problem, pasi ai përfiton 350 mijë sterlina në javë, por Interi ka një propozim dhe i ka kërkuar “topçinjve” të paguajë gjysmën e rrogës së lojtarit.

Perishiç mund të mos jetë largimi i vetëm i Interit, pasi Olimpiku i Marsejës po kërkon shërbimet e Dalbert. “La Provence” raporton interesimin e ekipit francez, por Interi dëshiron vetëm shitjen e tij dhe nuk pranon opsionin e huazimit të 25-vjeçarit.

Mbrojtësi i majtë nuk po gjen hapësira në formacionin e Spaletit, u përjashtua nga lista e Champions Ligës në fillim të sezonit dhe është aktivizuar në vetëm 7 ndeshje midis kampionatit dhe kupës së Italisë (ka shënuar dhe një gol kundër Beneventos).

“Tuttosport” raporton se agjentët ia kanë ofruar 30-vjeçarin klubit të Milanit, por në Milanelo kanë mendime të ndryshme. Paolo Maldini dhe Leonardo janë pro-afrimit të Ozil dhe mendon se ai do t’i japë një dorë ekipit të Gatuzos për t’u rikthyer në Champions, ndërsa ndryshe mendon Ivan Gazidis.

Ky i fundit ka ide të tjera në kokë. Gazidis dhe pronarët e klubit kërkojnë lojtarë të rinj, ose maksimumi lojtarë të moshës 25-26 vjeç.

Të shumtë kanë qenë njerëzit dhe futbollistët, që fotot e tyre i kanë postuar në “Instagram” apo Twitter”. Fotot që kanë rënë në sy kanë qenë në numër të madh, por ai që ka bërë më shumë bujë ditën e sotme ka qenë padyshim Mesut Ozil.

Turko gjermani, ka postuar në llogarinë e tij në “Twitter” dy foto, njëra para 10 vitesh dhe njëra foto ishte nga sot. Karshi postimin, mesfushori kishte shkruar: “E vetmja ’10 years challenge’ që ne duhet të shqetësohemi”. Ndërsa në dy fotot, ilustroheshin pamje nga akullnajat, të cilat kanë shkrirë si pasojë e ngrohjes globale.

The only #10YearChallenge we should care about ??? #M1Ö pic.twitter.com/S8hU7gNgZJ

— Mesut Özil (@M10) January 17, 2019

NDESHJA – “Humbëm mundësi të mirë për të marrë tre pikët. Donim të bënim një ndeshje më të mirë, duke parë se sa shumë raste krijuar në krahasim me kundërshtarin, mendoj se nuk e meritonim këtë rezultat. U lamë shumë hapësira lojtarëve të Uest Hemit. Më pas ata shënuan nga një goditje këndi dhe nuk ia dolëm të shënonim në rastet që krijuam në vazhdim”

MUNGESA E OZIL – “Zgjodha lojtarët më të mirë për këtë ndeshje. Fitojmë se bashku e humbin së bashku, ne nuk duam të shesim asnjë lojtar. Ai u stërvit me skuadrën përgjatë të gjithë javës. Thjesht vendosa që të vij me këta lojtarë në ndeshje”, përfundoi tekniku spanjoll.

Kontrata e tij me “topçinjtë” skadon në verën e vitit 2021 dhe Arsenali po mendon ta huazojë te Bashakshehiri, ekipi i zemrës së Rexhep Taip Erdogan, presidentit të Turqisë. Vështirësitë për Ozil nisën pas fotos me Erdoganin, gjë që solli kritika të shumta në Gjermani.

Kalimi i lojtarit te Bashkashehiri do të ishte një goditje fantastike për kryesuesit e kampionatit turk dhe një gjë e tillë e bën entuziast presidentin e klubit.

“Ozil është një lojtar i nivelit të lartë. Shpresoj që një ditë rrugët tona të takohen në këtë klub. Nëse Mesut dëshiron të vijë te ne, do të bëjmë gjithçka për ta marrë”, është shprehur për “Bild”, Goksel Gymyshdag, presidenti i Bashkashehirit.

Turku mund të rikthehet në Madrid, aty ku ka luajtur gjatë sezoneve 2010-2013, por mbetet problem paga e tij prej 300 mijë sterlinash në javë. Nga ana tjetër, Isko është pranë largimit nga Reali dhe Arsenali do e priste me krahë hapur spanjollin.

Isko është një nga të preferuarit e Unai Emeri dhe ai do të ishte një përforcim fantastik për repartin ofensiv të “topçinjve”, ndërsa Ozil do ta mirëpriste një rikthim në kryeqytetin spanjoll.

Klasi i tij nuk diskutohet, por vazhdimësia është një problem i vjetër për Ozil. Siç raporton “The Sun”, e ardhmja e organizatorit mund të jetë Serie A, konkretisht Interi. Arsenali kërkon 28 milionë euro për kartonin e lojtarit, të cilit i skadon kontrata me ekipin londinez në vitin 2021.

Mutlu Ozil, menaxheri dhe vëllai i lojtarit, ka programuar një takim në Itali me drejtuesit e klubit zikaltër dhe palët mund të arrijnë marrëveshjen mes tyre, me objektivin për të transferuar Ozilin në Itali që në muajin janar.

Gjatë ditëve të fundit, media të ndryshme në Angli dhe Gjermani po flasin gjithnjë e më shumë për varësinë që futbollisti ka ndaj video-lojës së famshme, “Fortnite”. E përditshmja angleze zbuloi se në llogarinë e lojtarit janë të regjistruara deri më tani 5221 ndeshje, një shifër kjo jashtëzakonisht e lartë.

Sipas një doktori gjerman, i cili u intervistua nga “Bild”, kjo rutinë e përditshme e Ozil, ka shkaktuar që riaftësimi i tij të ngadalësohet. Sipas ekspertit, nëse ky aktivitet zgjat mbi pesë orë në ditë si në rastin e lojtarit, dëmet janë të mëdha, sidomos kur kemi të bëjmë me një futbollist profesionist.

“Nuk e kuptoj se kush ishte problemi i fotos së famshme që bëra me Mesut. Mateus takoi Putinin dhe askush nuk i tha gjë. Futbollistët duhet të jenë të lirë të bëjnë atë që mendojnë se është e drejtë. Nuk arrij t’i kuptoj kritikat. Takoj shpesh turq, të cilët jetojnë jashtë vendit.”

“Ato ditë isha në Londër, qytetin ku Mesut jeton, pse nuk duhet ta takoja? Ndoshta duhet ta vrasim në shesh një futbollist gjerman, i cili jeton në Turqi dhe del në foto me Merkel? Nuk u kuptoj këtë logjikë. Ozil ndihet i lidhur me të dy vendet: Gjermaninë, ku ka lindur dhe Turqinë, vendin nga vijnë prindërit e tij”, përfundon presidenti turk.

Nga ana tjetër, Hoakim Lëv dhe Oliver Bierhof kishin programuar të hënën një vizitë te ekipi i Arsenalit për të takuar lojtarët gjermanë të këtij ekipi. Klubi anglez kishte lajmëruar Lenon, Mustafin dhe Ozil (nëpërmjet menaxherit të tij) për këtë vizitë, por me vendim të trajnerit Emeri, Arsenal nuk ka lejuar trajnerin dhe menaxherin e Gjermanisë të marrin pjesë në stërvitjen e ekipit.

Një vendim befasues, por siç citon “Bild”, trajneri spanjoll ka dashur të evitojë kontaktin e Ozil me dyshen e kombëtares gjermane. Pasi kanë takuar lojtarët Lenon, Mustafin dhe kanë drekuar me Mertesaker, Bierhof ka dhënë një deklaratë, ku thekson qëllimin e kësaj vizite.

“Dëshironim të flisnim me Ozil, por e pranuam faktin që ai nuk dëshiron të takohet me ne në këto momente”, sqaron menaxheri i Gjermanisë.

Gjithsesi është mbrojtësi Zherom Boateng, i cili është ndër të parët lojtarë gjerman, i cili del në mbrojtje të turko-gjermanit. Mbrojtësi i Bajern ka deklaruar se Ozil është një ndër lojtarët më të mirë që ka pasur ndonjëherë Gjermania dhe mënyra se si mesfushori u largua nga kombëtarja ishte me të vërtet diçka për të ardhur keq.

“Ku ishin lojtarët që duhet ta falënderonin Mesut?  Me sa duket, shumë veta nuk guxonin të komentonin, sepse mendonin se nuk do t’u pëlqente tifozëve gjermanë. Po flasim për një lojtar të madh që u bë kampion bote me ne, i cili fitoi një numër të madh ndeshjes dhe gjithashtu ka ndryshuar futbollin gjerman. Largimi në mënyrën si i ndodhi Ozil, mendoj se është diçka për të ardhur keq”, mbylli fjalët e tij Zherom Boateng.

“Është shumë e rëndësishme që Ozil shënoi, sepse kualiteti i tij e ndihmon ekipin”, u shpreh trajneri spanjoll pas përfundimit të ndeshjes.

Murinjo dhe Ozil kanë punuar së bashku tek ekipi i Realit të Madridit, por duhet theksuar që marrëdhënia e tyre nuk ka qenë shumë e mirë. Megjithatë, trajneri i Junajtid kërkon të përmirësojë ofensivën e skuadrës dhe do të tentojë të arrijë akordin me Arsenalin, për ta transferuar lojtarin në janar në “Old Trafford”.

30-vjeçari vjen nga një periudhë e vështirë me kombëtaren gjermane, nga e cila vendosi të tërhiqej përfundimisht. Ai shquhet për cilësitë që zotëron, por ka probleme sa i përket vazhdimësisë. Murinjo e njeh mirë dhe me hapjen e merkatos së janarit do të tentojë të sigurojë shërbimet e Ozil .

Siç citon “Daily Mail”, shkolla në të cilën ka studiuar dhe është formuar Ozil, i cili ka investuar dhe 55 mijë euro për të, ka anuluar vizitën e mesfushorit të Arsenalit. Shkaku? Frika nga sulmet e grupimeve të ekstremit të djathtë.

Një situatë jo e mirë paraqitet dhe për Ilkai Gyndogan, i cili ishte pjesë e fotos së famshme. Një nga prindërit e mesfushorit është takuar në një restorant me një ish-anëtar të parlamentit gjerman, i cili ka lëshuar këto fjalë drejt familjarit të Gyndogan: “Uroj të përkeqësohet situata juaj”.

29-vjeçari i Arsenalit vendosi të tërhiqej nga kombëtarja, duke akuzuar për racizëm dhe mos respektim të tij, për shkak të origjinës turke. Trajneri është zhgënjyer në planin human dhe nuk ia fal lojtarit diçka të tillë.

“Prisja të më telefononte personalisht dhe të ma tregonte vendimin që kishte marrë. Për këtë shkak jam i zhgënjyer me Ozil në aspektin human, sepse kemi qenë bashkë prej shumë vitesh”, u shpreh Lëv për “ZDF”, mbas ndeshjes miqësore me Francën. Megjithatë, trajneri nuk dëshiron t’ia mbyllë derën përfundimisht mesfushorit.

“Do të marr përsëri iniciativën për ta telefonuar”, shprehet Hoakim Lëv. Çështjes në fjalë i është rikthyer dhe mbrojtësi i Bajernit të Mynihut, Mats Humels, i cili nuk e besoi se foto e bërë nga Ozil dhe Gundogan me presidentin e Turqisë, Rexhep Taip Erdogan, do të krijonte aq shumë polemika.

“E diskutuam brenda ekipit, por nuk ma mori mendja që do të kishte ndikim aq të madh në performancat tona, sa ndikoi në të vërtetë. Mendoj që kjo ishte gjëja e gabuar”, përfundon Mats Humels.

“Mesut ka bërë një zgjedhje të qartë, duke i mbyllur derën vetes. Deri më sot nuk më ka telefonuar akoma. Kam kërkuar të kontaktoj me të gjatë javëve të fundit, nëpërmjet telefonit dhe mesazheve, por ai vendosi të marrë këtë rrugë dhe unë duhet ta respektoj.

Ozil ka qenë lojtari im për nëntë vite, kemi kaluar bashkë shumë momente të bukura, fituam Botërorin në 2014, diçka që nuk do të harrohet kurrë. I qëndroj idesë që ai mbetet një nga lojtarët më të mirë që kemi pasur në Gjermani gjatë 20-30 viteve të fundit. Një ditë do të ulemi dhe do të flasim dhe sqarohemi, edhe pse do të dëshiroja që të më lajmëronte personalisht për vendimin e marrë, gjë nga e cila u zhgënjeva shumë në fillim”, përfundon trajneri i kombëtares gjermane, Hoakim Lëv.

“Mesut nuk më ka telefonuar deri më tani. Vendimin e tij duhet ta pranoj, por ai e teproi pak me akuzat për racizëm. E nënvlerësuam impaktin që do të kishte çështja e tij me mediat, sepse ishim të impenjuar me përgatitjet për Botëror.

Ju siguroj që nuk ka patur kurrë sulme ose deklarata racistë në skuadrën tonë. Kjo gjë na dhemb ne të gjithëve, por edhe Ozilit”, përfundon trajneri i Gjermanisë.

Lojtari i Arsenalit u akuzua për foton e bërë me presidentin e Turqisë dhe ndaj atij shpërthyen akuza nga tifozë të shumtë, por dhe personalitete të futbollit gjerman. 29 vjeçari nuk duroi më dhe shpalli vendimin e tij për t’u tërhequr nga kombëtarja gjermane.

“Pas sulmeve racistë, do të kisha dashur të shprehja veten në mënyrë më të qartë në mbështetje të Ozil, i cili pësoi diçka krejtësisht të papranueshme. Më vjen keq që ai u ndje i braktisur nga Federata”, përfundon kreu i futbollit gjerman.

Në një konferencë për shtyp nga Singapori, aty ku Arsenali vazhdon përgatitjet për sezonit e ri, Emeri flet për situatën e krijuar dhe mesfushorin e tij. Akoma nuk ka folur nga afër me Ozil, por trajneri është i lumtur me rikthimin e lojtarit, mbështet vendimin e tij dhe ka një përgjigje dhe për Uli Hënës, i cili ishte ndër më të ashprit ndaj Ozil.

“Ne jemi si një familje dhe të gjithë duam ta ndihmojmë Mesutin. Ai duhet të ndihet si në shtëpinë e tij dhe gëzon respektin e të gjithë shokëve. Akoma nuk kam biseduar me të, pasi u bashkua të dielën me ne. Dua t’i jap kohën e mjaftueshme për të lënë pas gjithçka ndodhi. Jam i lumtur që e kam në ekip dhe e rëndësishme është që lojtari të ndihet mirë.”

“Ai mori një vendim personal për t’u larguar nga kombëtarja gjermane dhe e respektoj vendimin e tij. Ozil ka eksperiencë dhe një mentalitet të fortë dhe në do mundohemi ta bëjmë të ndihet mirë dhe të tregojë kualitetin që zotëron. Jam i sigurt që ai do të zhvillojë një sezon të madh me ne.”

Në fund dy fjalë dhe për presidentin e Bajernit, Uli Hënës. “Respektoj mendimin e çdokujt, por ne jemi profesionistë dhe duhet të kuptojmë çdokënd. Bota e futbollit është e mbushur me opinione dhe kritika, por ne kemi mentalitetin dhe kualitetin për të vazhduar punën, pavarësisht kritikave”, mbyll tekniku spanjoll i Arsenalit.