Por, në vitin 2012, kur Firpo ishte vetëm 15-vjeç, ka thënë disa gjëra aspak të mira për Lionel Mesin, që me shumë gjasa do e ketë shok skuadre. Mëngjarashi shkroi asaj kohe në rrjetet e tij sociale: “Bir k****. Po të isha në një fushë me ty, do të t’i thyeja këmbët!”

Sot, mbrojtësi i Betis ka shfrytëzuar “Mundo Deportivo” për të pastruar imazhin e tij: “Kam qenë thjesht një fëmijë. Po tallesha me një shokun tim që është fans i madh i Mesit. Nuk kam asnjë dyshim që Leo është lojtari më i mirë në botë”, tha mes të tjerash Firpo.

5 herë fituesi i Topit të Artë është me pushime në Jumby Bay në Antigua dhe sot, i ka bërë ëndrrën realitet MekKenzit të vogël. Së bashku me djalin e tij, Tiago (6-vjeç), Mesi iu bashkua MekKenzit dhe luajtën futboll në rërë për 45 minuta. Një gjest i madh i yllit argjentinas…

Drejtori sportiv i kampionëve të Francës dhe njëkohësisht bashkëkombësi i Nejmar, Leonardo, ka vendosur të bëjë çdo gjë publike në lidhje me situatën aktuale që ekziston midis klubit dhe 27-vjeçarit. Në një intervistë për të përditshmen franceze “Le Parisien”, drejtuesi i lartë i PSG-së ka diskutuar për më shumë se një orë në lidhje me këtë çështje të nxehtë.

Cili është problemi midis Nejmarit dhe PSG-së?

Sot (dje), ai nuk ishte i pranishëm në stërvitje. Supozohej që do ishte kthyer nga Brazili, por nuk ka ndodhur kështu. Ai i dinte se duhej të paraqitej. Do shqyrtojmë se çfarë masash do të marrim, ashtu sikurse do kishim bërë për çdo punonjës tjetër të klubit”.

A ka pasur ndonjë shpjegim nga ana e tij për mosparaqitjen?

Ai ka pasur disa angazhime me një projekt të tijin në Brazil dhe një sponsor, por kjo nuk ishte data që ishte rënë dakord me klubin. Gjithsesi, ai ka luajtur lojën e tij të fundit më 6 qershor. Pushimet mbaronin më datë 8 korrik.

Kur do të kthehet Nejmar në stërvitje?

Nuk e di. Nuk e di akoma. E vetmja gjë që unë di është se ai nuk ishte i pranishëm në datën e planifikuar për fillimin e stërvitjes, 8 korrikun.

A ju ka thënë Nejmar se ku dëshiron të vazhdojë?

Kjo është diçka e qartë për të gjithë tani, por në futboll mund të thuash diçka sot e diçka tjetër të nesërmen. Është diçka e pabesueshme, por ky është realiteti i kësaj industrie ku ne punojmë

Keni mbërritur në 14 qershor në Paris, a keni folur me të?

Po kam folur. S’dua t’u tregoj çdo hollësi të bisedës. Kam folur dhe me babanë e tij. Është diçka që dihet nga të gjithë. Pozicioni i secilës palë është qartë. Megjithatë, në këtë moment që po flasim vetëm diçka është konkrete: Nejmar ka dhe tri kontratë me ne. Përderisa nuk kemi marrë një ofertë s’ka gjë për të diskutuar.

Përse mendoni se ka dëshirë të largohet ?

Iu përgjigja njëherë kësaj pyetje. Kur një lojtar kërkon të largohet nga një klub, po flas në përgjithësi, është diçka mëse normale e jetës së një futbollisti. Përse duhet ta përjetojmë këtë situatë si një përdhosje. Klubi ia ka dalë të bindë shumë lojtarë të qëndrojnë në të shkuarën. Në rastin e Nejmar, nuk është paraqitur në stërvitje, pra është faji tij. Kemi politikat tona të brendshme për raste të tilla. T’i themi gjërat siç janë, në shumë klube ndodh që lojtarët të mos paraqiten në ditën e parë të grumbullimit.

Situata e ofertave?

Nuk kemi marrë asnjë ofertë. Megjithatë është e vërtetë që kemi pasur disa kontakte të thjeshta.

Me Barcelonën?

Po.

Çfarë mund të thoni për strategjinë e drejtuesve të  Barcelonës ?

Ata na thanë që ishin të interesuar të blinin kartonin e lojtarit, por ne u thamë që nuk e kemi në shitje. Nuk e mendojmë që Barcelona është në një pozitë ku mund ta blejë lojtarin tonë.

Me cilat kushte do të pranonte PSG-ja transferimin?

Thjesht na duhet të flasim e të negociojmë. Kjo është e gjitha. Boll me pyetje për Nejmarin, ju lutem.

Një të fundit. A keni vendosur ndonjë afat për këtë çështje?

Kjo është me të vërtetë një çështje shumë e rëndësishme. Janë shumë gjëra në lojë. Së dyti, një rast i këtyre përmasave nuk është vetëm një çështje ndjenjash, është një çështje financiare.

Përfundimisht, a është e mundur që Nejmar të largohet këtë verë?

Nejmar mund të largohet nga PSG-ja, nëse vjen një që gëzon të gjitha palët. Por deri këtë moment, ne nuk e dimë nëse ka ndonjë klub që dëshiron ta blejë atë ose çmimin që mund të ofrojnë. Diçka e tillë nuk mund të kryhet brenda një dite. Kjo është e sigurt.

Pra PSG nuk dëshiron ta mbajë Nejmarin në skuadër me çdo kusht…?

PSG dëshiron të mbështetet në lojtarë që duan të qëndrojnë e të ndërtojnë diçka të veçantë. Nuk duam të kemi lojtarë që i bëjnë ndere klubit me praninë e tyre në skuadër.

PSG duhet të jetë më e pushtetshme se Nejmar, apo jo?

Nuk di ndonjë klub që ka dalë i fituar kur ka pasur një lojtarë të të fuqishëm se vetë klubi. Një klub duhet të ecë përpara, duhet të ketë kontroll mbi gjithçka. Këtu përfshihen edhe lojtarët më të rëndësishëm.

Si do ta punoni në merkato duke pasur parasysh situatën e paqartë me Nejmar?

Nuk ka plan “me Nejmar” dhe plan “pa Nejmar”. Realiteti është që ai ka një kontratë me PSG-në. Për momentin, nuk ka asnjë ofertë konkrete.

“CONMEBOL”, institucioni që qeveris futbollin amerikano-jugor u shpreh shumë i indinjuar me deklaratat e Mesit. Në një komunikatë për shtyp,“CONMEBOL” i cilësoi të papranueshme deklaratat e argjentinasit.

Në ditët në vazhdim pritet që të merret një vendim mbi pezullimin e “pleshtit”. Rregullorja e “CONMEBOL” është e qartë. Lojtarët ose zyrtarët që lëshojnë deklarata fyese ndaj integritetit të garës mund të dënohen deri në dy vite përjashtim nga eventet e “CONMEBOL”.

Mbetet për t’u parë se sa striktë do tregohen zyrtarët e konfederatës amerikano-jugore, megjithëse shumë ekspertë janë të mendimet se për një konflikt i hapur midis “CONMEBOL” dhe Mesit do sillte dëne të mëdha për të dy palët.

“S’ka asgjë për të shqetësuar, e kemi parë dhe herë të tjera këtë gjë. Gjithmonë them të vërtetë pasi kjo më bën të ndihen më i qetë. Mendoj se kjo ndodhi për shkak të atyre qe thashë, ndoshta ky ishte çmimi që duhet të paguaja. Gjithçka mund të mbyllej aty me vetëm një karton të verdhë”.

PËRSE NUK SHKUAT TË MERRNIT MEDALJEN?

“Ndikuan nga pak të gjitha. Nuk kemi përse të jemi pjesë e këtij korrupsioni, e kësaj mungese respekti për të gjithë turneun. Jemi për më shumë se kaq. Korrupsioni, arbitrat dhe të gjitha këto nuk i lënë njerëzit të marrin pjesë në futboll, në spektaklin e këtij sporti, kështu e rrënojmë nga pak”.

AKUZAT NDAJ BRAZILIT –  “Nuk kam asnjë guxim, e gjitha kjo po bëhet për Brazilin. Shpresoj që VAR dhe arbitrat të mos ndikojnë në finale në mënyrë që Peruja të ketë një shans për të konkurruar. Kanë një ekip të mirë, por e shoh të vështirë”.

MEDEL – “Medel i tillë është gjithmonë, bën çdo gjë deri në limite, ka bërë shpesh sherre. Gjithsesi siç e thashë me një të verdhë gjithçka mund të mbyllej aty”.

“Pleshti” nuk e ka përjetuar aspak mirë vendimin e gjyqtarit. Në shenjë proteste 32-vjeçari nuk ka qenë me pjesën tjetër të skuadrës në momentin e dorëzimit të medaljeve të bronzta.

Vendimet e trupës së gjyqatarëve në “Copa America” kanë ndikuar jo pak në eliminimin e Argjentinës në gjysmëfinale ndaj Brazilit, ku vetë Mesi akuzoi publikisht gjyqtarin kryesor të atij takimi.

Megjithatë, pas kaq e kaq shumë kohësh, ka zhgënjyer dhe vetë ai. Në takimin e “Copa America” ndaj Katarit, argjentinasit iu dha një shans i shkëlqyer për të çuar shifrat në 2 – 0, por si rrallëherë e majta e “pleshtit” e fluturoi topin mbi traversë. Fundja, askush nuk është perfekt.

https://twitter.com/AyodejiX2/status/1142901006952517633

Pjesa  e parë foli e gjitha për Kolumbinë. Djemtë e drejtuar nga Karlos Keiroz dominuan në mënyrë të frikshme pjesën e parë, por zotërim i topit nuk u pasua me raste për shënim.

Në fillim të pjesës së dytë Argjentina u duk se u zgjua me Paredes dhe Mesin që i afrohen golit, por në momentin më të mirë të argjentinasve, kolumbianët shënojnë me anë të Roxher Martinez.

Në minutën e 81-të Keiroz heq nga fusha Falkaon për t’i dhënë pak minuta Duvan Zapatës. Sulmuesit të Atalantës i mjaftojnë vetëm 5 minuta për të vënë emrin në listën e shënuesve dhe për të konfirmuar momentin e mirë. Triumf dhe tre pikë për Kolumbinë, kurse Argjentina duhet të reagojë ndeshjen e ardhshme.

Argjentinë 0 – 2 Kolumbi
Shënues:  Martinez 71’, Zapata 86’

https://youtu.be/_JRSDpj4ygY

Për të plotësuar 100 finalizime Mbapesë iu deshën 180 ndeshje. Idhujt e tij Kristiano Ronaldo dhe Lionel Mesi e kanë arritur këtë shifër golash në moshën 22-vjeçare, ndërsa i vetmi futbollit që i afrohet Mbapesë në këtë rekord është sulmuesi brazilian Ronaldo, i cili gjithashtu ka kapur shifrën e 100 golave në moshën 20-vjeçare.

“Guardiola tha pak kohë më parë se Barcelona qëndron besnike filozofisë së lojës së tij, por unë nuk mendoj kështu. Me të në krye po kalonim një moment akoma më të mirë se tani. Është e vërtetë se Barcelona nuk largoi asnjë prej lojtarëve të boshtit të skuadrës, por sot kënaqemi vetëm me golat e Mesit, atëherë ishte ndryshe”.

GRIZMAN – Laporta nuk la pa përmendur dhe bisedimet për Antuan Grizman. Sipas ish-presidentit refuzimi i verës së kaluar nga francezi është një veprim i pafalshëm për të.“Nëse një lojtar do të bënte mua atë çfarë Grizman i bëri vjet Barcelonës, unë kurrë s’do tentoja të merrja përsëri në ekip.”

Pesë përfaqësues ka Liverpuli, po aq sa Ajaksi, por te të kuqtë ka një surprizë të madhe, pasi nuk është përfshirë Momo Salah. Sulmuesi egjiptian shënoi dhe në finalen e Ligës së Kampionëve, por gjithsesi nuk është preferuar.

Një tjetër surprizë është emri i francezit Ndombele. Pavarësisht se Lioni është eliminuar herët nga kompeticioni, emri i mesfushorit nuk është harruar, dhe me të drejtë, pasi paraqitjet e tij kanë qenë mbresëlënëse. Lionel Mesi dhe Kristiano Ronaldo nuk mund të mungonin.

20 lojtarët më të mirë në Champions League sipas UEFA-s:

Alison (LVP), Ter Shtegen (BAR), Van Dijk (LVP), De Ligt (AJA), Vertongen (TOT), Arnold (LVP), Robertson (LVP), Sisoko (TOT), Zijesh (AJA), De Brujne (SIT), De Jong (AJA), Ndombele (LIO), Vijnaldum (LVP), Neres (AJA), Sterling (SIT), Mesi (BAR), Tadiç (AJA), Mane (LVP), Ronaldo (JUV), Moura (TOT)

Për këtë arsye, largimi i Ernesto Valverdes, duket diçka thuajse e sigurt. Sipas raportimeve të “Diario Gol”, drejtuesit katalanas e kanë gjetur zëvendësuesin dhe ai është Masimiliano Alegri, ish-trajneri i Juventusit.

Gjithsesi, pavarësisht këtyre raportimeve, ai që nuk është dakord me një situatë të tillë është kapiteni Lionel Mesi. Ky i fundit duket se ka një raport të shkëlqyer me trajnerin Valverde dhe kërkon që t’i jepet dhe një mundësi e fundit. Gjithçka mbetet për t’u parë…

Barcelona u tregua më e rrezikshme në minutat e para të takimit, por në ndryshim nga Valencia, efikasiteti nuk ishte pika e fortë e Barcelonës në mbrëmjen e sotme.

Kjo është Kupa e tetë që Valencia fiton në historinë e saj më shumë se 100-vjeçare. Humbja e sotme mund t’i kushtojë shtrenjtë trajnerit Ernesto Valverde, i cili pavarësisht se fitoi kampionatin ka zhgënjyer në Champions dhe tanimë në Kupë.

FINALJA E KUPËS SË MBRETIT  

BARCELONA 1 –  2 VALENCIA
Shënues: Mesi 73’/ Gameiro 21, Rodrigo 33’

Mesi barazon kështu rekordin e Telmo Zarra, që po ashtu e ka fituar 6 herë çmimin e golashënuesit më të mirë në kampionatin spanjoll. Mesi është shpallur golashënues në La Liga në sezonin 2009-10 (34 gola), 2011-12 (50 gola), 2012-13 (46 gola), 2016-17 (37 gola), 2017-18 (34 gola) dhe 2018-19 (36 gola). Fenomen…

“Nuk më pëlqen të flas dhe të bëj shumë sqarime, por kur më atribuohen fjalë që kurrë nuk i kam thënë, më duhet ta bëj diçka të tillë”, shkruan Aguero në llogarinë e tij në “Tëitter” dhe thekson se në fund ai që e meriton “Topin e Artë” është Lionel Mesi.

“Të jem i qartë, dhe gjithmonë përgjigja ka qenë e njëjtë, për sa kohë Mesi vazhdon të luajë dhe veçanërisht me mënyrën se si po paraqitet këtë sezon, ai meriton të fitojë Topin e Artë”, shkruhet në qëndrimin e Agueros, i cili u shpall kampion në Angli me Sitin.

No me gusta tener que salir a aclarar pero cuando se me atribuyen palabras que nunca dije, lo tengo que hacer. Para que quede claro, y siempre respondí lo mismo, mientras Messi siga jugando, y más cómo en esta temporada, merece ganar el Balón de Oro.

— Sergio Kun Aguero (@aguerosergiokun) May 14, 2019

I pari është Filipe Kutinjo. Që nga ardhja e tij në Camp Nou, sulmuesi brazilian nuk është se ka shkëlqyer, pavarësisht se ka treguar me grimca klasin e tij të lartë. Mungesa e vazhdimësisë ka bërë që shokët e tij të skuadrës ta humbasin besimin te ai dhe Barcelona me shumë gjasa do e nxjerrë në shitje.

Përveç yllit brazilian, edhe Ivan Rakitiç dhe Samuel Umtiti janë dy lojtarë që nuk preferohen më në Barcelonë, me Lionel Mesin që e ka shprehur haptazi në fushën e lojës se loja e këtyre dy futbollistëve lë për të dëshiruar. Rakitiç duket shumë pranë PSG-së, ndërsa për Umtiti ka interes nga skuadra e Arsenalit dhe klube të Serie A.

Champions-i i pestë mbetet ende në sirtar për Leo Mesin, i cili duket qartazi i rrënuar teksa po dilte nga ambientet e stadiumit “Anfield” .

Leo Messi, el último en abandonar Anfield pic.twitter.com/tj5K0IUdAA

— Edu Polo (@EduPolo) May 7, 2019

Tekniku gjerman ka bërë ndryshime në çdo repart. Në mbrojtje Gomez është zëvendësuar me Alekandër-Arnold, ndërsa mesfusha nuk është me katër lojtarë, por me tre: Milner, Fabinjo dhe Henderson.

Mbi treshen e mesfushës vendoset një “trinom” i improvizuar për shkak të dëmtimeve të Firminos dhe Salah. Brazilianin e zëvendëson sulmuesi belg Origi, ndërsa Shaqiri i është besuar vendi i lënë bosh nga Salah.

Liverpul – Barcelona  4-0 (0-3)
Origi 7’ 80′, Vijnaldum 54’ 56’

EPISODET – 

80’ – Gooool Liverpuli, përmbysje e çmendur në “Anfield”. Origi shënon të dytin personal dhe të katërtin për Liverpulin. Fantastikë të kuqtë e Jurgen Klop

56’ – Goool Liverpuli, Vijnaldum shënon sërish. Pas një krosimi perfekt nga e majta, mesfushori kërcen më lart se të gjithë dhe shënon me kokë. Baraspeshë totale!

54’ – Goool Liverpuli, përmbysja shumë pranë. Vijnaldum, i futur në pjesën e dytë, shfrytëzon mjaft mirë krosimin e Arnold dhe ndëshkon Ter Shtegen. Rihapen fatet e kualifikimit

7’ – Goool Liverpuli! Divok Origi arrin të gjejë rrjetën që në minutën e 7’ të takimit, duke mposhtur Ter Shtegen. Gjuajtja e Henderson pritet nga portieri gjerman, por Origi është në vendin e duhur për të shënuar me portën e boshatisur.

Formacionet e takimit:

Liverpul – Alison, Aleksander-Arnold, Matip, Van Dijk, Robertson, Fabinjo, Milner, Henderson, Shaqiri, Mane, Origi. Trajner: Jurgen Klop

Barcelona – Ter Shtegen, Roberto, Pike, Longle, Alba, Rakitiç, Buskets, Vidal, Kutinjo, Suarez ,Mesi. Trajner: Ernesto Valverde

Një intervistë e ish-futbollistit kolumbian Fabian Vargas ka nxjerrë në dritë një veprim të admirueshëm të bërë nga pleshti.

Duhet të kthehemi pas në kohë, në vitin 2010. Vargas luante me Almerian dhe Kolumbia po merrte veten nga një fatkeqësi natyror. Një sezon shirash i pazakontë rezultoi fatal për jetën e 300 kolumbianë. Përmbytjet që gllabëruan gjithë vendin lanë 1.5 milionë vetë të pastrehë dhe sollën një dëm kolosal prej 6 miliardë dollarësh.

Vargas mendoi një ide gjeniale për të mbledhur fonde në ndihmë të bashkatdhetarëve të tij. Në një intervistë për “El Pais”, ish-futbollisti tregoi bisedën që ai dhe “pleshti” patën në tunelet e “Camp Nou” para zhvillimit të një ndeshje.

“Po përgatisja një fushatë për mbledhje fondesh për të prekurit nga përmbytjet në Kolumbi. Përfitova nga fakti që luanim kundër Barcelonës dhe i shkova t’i flisja Mesit para ndeshjes. I kërkova nëse mund të më jepte fanellën e tij, por edhe atë të Ksavit dhe Iniestës, i shpjegova që të tre bluzat do vendoseshin në ankand dhe të ardhurat do shkonin për të prekurit nga tragjedia. Ai më tha: Po patjetër, do të jap dhe të tjera”.

“Megjithatë, u futëm në lojë dhe u turpëruam. Barcelona na mundi  8 – 0. Isha aq i nevrikos pas ndeshjes saqë harrova bisedën për fanellat. Shkova më pas në dhomat e zhveshjes kur pak minuta më vonë, përgjegjësi  i bazës materiale, më thotë me një zë të hutuar: Hej Mesi është jashtë derës dhe të kërkon ty.

“Dola jashtë dhe ai kishte kishte një çantë me vete. Më tha: Kaq mund të të sjell. Brenda secilës ishte fanella e tij sëbashku me atë të Ksavit, Iniestës, Dani Alvesh, Pike dhe Pyjol. S’do ja harroj kurrë këtë veprim. Prandaj shpresoj që të vazhdojë të thyejë çdo rekord të mundshëm”, përfundoi kolumbiani.

Bëhet fjalë për komunën e Rekanatit, vendi ku më shumë se më shumë se 155 vite më parë lindi stër-stërgjyshi i Leos, Anxhelo Mesi, i cili më pas mori rrugën e emigrimit për në Amerikën e Jugut si shumë italianë të tjerë të asaj kohe.

Drejtuesit e Komunës, ndoshta të shtyrë nga paraqitje fenomenale e 31-vjeçarit kundër Liverpulit menduan për një dhuratë të veçantë: Një certifikatë votimi!

Në postën e argjentinasit ka mbërritur ky dokument i nënshkruar nga komuna, që i lejon atij të votojë në zgjedhjet komunale të këtij vite, por edhe në zgjedhjet e vlefshme për parlamentin evropian.

Sot është marrë edhe vendimi për të. Komisionet e Disiplinës të futbollit francez kanë dënuar me tre ndeshje pezullim sulmuesin 20-vjeçar.

E para është shlyer kundër Montpeljesë, ndërsa Mbape do të jetë i gatshëm për dy ndeshjet e fundit kundër Dijon dhe Reims. Ky vendim i ul shanset për të fituar këpucën e artë për këtë sezon.

Francezi ndodhet në kuotën e 30 golave dhe po garon me Leo Mesin. Kapiteni i Barcelonës numëron 34 gola të shënuar në kampionat dhe ka mundësi ta rrisë edhe më shumë diferencën me Kilian Mbape.

Nga ana tjetër, dënimi për Nejmar do të jepet më vonë. Braziliani goditi një tifoz gjatë marrjes së medaljeve të argjendit dhe rrezikon nga 3-8 javë pezullim.

Mbrëmë, ylli argjentinas bëri një paraqitje të shkëlqyer përballë Liverpulit në gjysmëfinalen e Champions League dhe bëri që edhe njëherë tjetër e gjithë bota e futbollit të flasë për të. Pas paraqitjes së shkëlqyer, Zapata e postoi sërish këtë foto me Mesin, duke shkruar:

“Madhështor Mesi, fitoji të gjithë trofetë këtë sezon me Barcelonën dhe vitin tjetër të presim këtu te Milani”.

 

View this post on Instagram

 

Grande @leomessi vinci tutto quest’anno che poi ti aspettiamo al @acmilan ? #Messi #top #player #Barcelona #soccer #classe #dream

A post shared by Cristian Zaccardo -??- (@cristianzaccardo) on May 2, 2019 at 4:20am PDT

Për momentin Mesi është në krye me 33 gola, ndërsa 20-vjeçari i PSG-së ka shënuar 30 gola. Të dy lojtarët kanë edhe pesë ndeshje në kampionatet përkatëse. Në rast se “pleshti” do mbetet në krye kjo do të jetë këpuca e tij e gjashtë, ndërsa Kristiano Ronaldo e ka fituar katër herë këtë trofe.

Interesante është dhe diferenca e madhe e Mesit dhe Mbapesë me pjesën tjetër të sulmueseve të Europës. Sulmuesi i tretë për nga numri i golave është 36-vjeçari Fabio Kualjarela, i cili ka shënuar tetë gola më pak se Mbape.

Në një prej emisioneve të fundit, ai analizoi humbjen 3 – 0 të Mançester Junajtid ndaj Barcelonës në “Camp Nou”.

“Mendoj se në takimin e parë Junajtid u mundua të bllokonin me sa më shumë lojtarë pjesën qendrore të fushës. Të gjithë e dimë se si luanin Mesi dhe ku pëlqen të qëndrojë, por është e pamundur ta neutralizosh atë. Siç e thashë në takimin e parë, sa herë që Mesi futej brenda në zonë ai kishte përpara vetes mesfushorë si Fred e Mektominej për të mos përmendur mbrojtësit. Në ndeshjen e dytë strategjia e Junajtid ishte ndryshe”.

“Vetëm Fred ishte i vendosur para mbrojtjes. Ai është vendi ku Mesi merr shpesh topin. Nëse topi përfundon në këmbët e tij në situata një kundër një, je i vdekur. Për këtë arsye nuk kam preferuar kurrë ta markoj Mesin një për një. Për atë të duhet të ndërtosh një kafaz. Në fund Barcelona është një skuadër më e mirë se Mançester Junajtid dhe është normale që fituan”, përfundoi Murinjo.

Në fjalën e tij për “Goal”, Rivaldo u shpreh: “Është e pamundur ta përshkruash Lionel Mesin. Më pëlqen shumë dhe dua ta shoh gjithë jetën duke luajtur futboll. Më vjen shumë keq që nuk ka fituar asgjë me Argjentinën. Për mua, ai e meriton plotësisht Topin e Artë këtë vit.

Një lojtar që i bën të gjitha në fushë, asiston, shënon, në kampionat dhe në Champions League. Ai është perfekt dhe e fiton ose jo Ligën e Kampionëve, Topi i Artë është i tij. Për mua, kjo gjë është e padiskutueshme”, përfundoi ish-futbollisti brazilian.

Trajneri norvegjez tha se Barcelona është një klub disa nivele më lart se Junajtid, ndërsa vëmendja tani fokusohet e gjitha te kampionati ku vendi i katërt është një objektiv i vështirë për t’u realizuar.

“Më duhet të them se Mesi është maja e futbollit dhe sigurisht që ai bëri diferencën. Kur rezultati shkoi 2 – 0 gjithçka mori fund. Ai është i një niveli tjetër. Ai dhe Ronaldo janë lojtarët më të mirë të dekadës së fundit dhe këtë, të gjithë bien dakord për këtë gjë. Mesi sot tregoi kualitetin e tij.

“Na duhet të aspirojmë që të shkojmë në nivelin e Barcelonës. Mund ta arrijmë këtë, por kemi shumë punë për të bërë që ta rikthejmë Mançester Junajtid aty ku e meriton. Ata ishin disa nivele mbi ne në të dyja ndeshjet. Duam që të luajmë sërish në Champions vitin tjetër, kështu që duhet të përveshim mëngët këto javë në kampionat”, tha Solskjaer.

Në të 16-ën një gabim i Eshli Jang u shfrytëzua mjaft mirë nga “pleshti”, i cili pasi driblon Fred nuk i lë asnjë shans me anë të një goditje perfekte me të majtën. Katër minuta më vonë argjentinasi tenton sërish, kësaj here me këmbën e djathtë. Goditjes i mungon forca dhe saktësia, por portieri De Gea bën një gafë dhe i jep fund par kohe diskutimeve për skuadrën që do të presë biletën për në çerekfinale.

Seriali ka filluar xhirimet e para 10 vite më parë dhe numri i aktorëve i kalon të 200-at. Çuditërisht disa prej tyre kanë ngjashmëri me persona të botës së futbollit. Siç do e shikoni te fotot e mëposhtme.

Mesi / Bran

Francesco Totti / Jamie Lannister

Walter Sabatini / Jorah Mormont (Këta kanë ngjashmërinë më të madhe)

Andrea Pirlo / The Hound

Mats Hummels / Oberyn Martel 

Dani Osvaldo / Kahl Drogo

Në një intervistë për “TVE”, presidenti i Barcelonës, Zhozep Maria Bartomeu, ka shpjeguar se si qëndron e vërteta e këtij e bisedimeve të rinovimit. Në intervistë numri një i Barcelonës ka folur dhe mbi statusin e lojtarëve si Kutinjo dhe Dembele.

MESI – “Mesi nuk do të largohej edhe sikur ta kishte klauzolën e largimit 1 euro. Ai është Barcelona. Rinovimi i Mesit do të ndodhë që në ditën e parë që ne do të ulemi në tryezën e bisedimeve. Ai ka jetuar në Barcelonë për pjesën më të madhe të jetës së tij. Gjithmonë do të jetë i lidhur me Barcelonën”.

NEJMAR, KUTINJO DHE DEMBELE – “Me paratë që morëm nga shitja e Nejmarit filluam një projekt të ri me Kutinjon dhe Dembelenë. Ky i fundit tani po tregon një nivel më të lartë se Nejmar, ndërsa Kutinjo po përshtatet. S’duhet të harrojmë që nuk është e lehtë të luash për Barcelonën”, tha Bartomeu.

Takimi filloi mbrapsht me skuadrën e Simeones. Diego Kosta tradhtohet nga nervat dhe lëshon një furi ofendimesh drejt gjyqtarit, Gil Manzano, ky i fundit i tregon menjëherë kartonin e kuq në minutën e 28-të.

Edhe pse me 10 lojtarë, Atletiko përshtat mirë dhe vë disa herë në siklet Barcelonën me disa kundërsulme të rrezikshme, ndërsa Jan Oblak bëhet një makth për sulmuesit “Blaugrana”, por deri në minutën e 85-të, kur Suarez e mposht me një goditje të hidhur. Nuk mund të mungonte magjia e Lionel Mesit, i cili dyfishon shifrat vetëm tri minuta pas golit të uruguaianit.

Barcelona 2 – 0 Atletiko Madrid
Shënues: Suarez 85′, Mesi 87′

Gjatë karrierës së tij si futbollist profesionist, Mesi, ka shënuar 48 gola me goditje dënimi. Në një studim të bërë nga revista franceze “Onze Mondial”, Mesi mban vendin e 13-të përsa i përket renditjes së përgjithshme të golave të shënuar nga goditjet e dënimit.

Si për ironi mbi të është Kristiano Ronaldo, i cili ka regjistruar 53 gola, por duhet thënë se në shtatë vitet e fundit portugezi ka pësuar një regres të frikshëm, duke shënuar vetëm 10 goditje dënimit, ndërsa në të njëjtën kohë Mesi ka realizuar më shumë se dyfishin e Luzitanit: 24.

Voici le classement des joueurs ayant inscrit le plus de coups francs en carrière ! ? pic.twitter.com/DEOS1bNob8

— Onze Mondial (@OnzeMondial) April 5, 2019

Tri vendet e para të listës i mbajntë tri brazilianë: Ronaldinjo (66), Pele (70) dhe Zhuninjo me një rekord prej  77 golash, ky i fundit njihet si një eksperti numër një i goditjeve të dënimit në të gjithë historinë e futbollit. Janë të shumta rastet kur braziliani nderonte Lionin ose Brazilin me ekzekutime perfekte. Largësia nga porta nuk përbente problem për Zhuninjon, ai dinte gjithmonë si të gjente rrugën e rrjetës.

Në 28 ndeshje “pleshti” ka gjetur 32 herë rrugën e rrjetës, duke qenë lojtari kyç në çdo ndeshje të katalanasve. Kjo ecuri e mirë ka bërë argjentinasi të thyejë një tjetër rekord të Kristiano Ronaldos.

Portugezi ka shënuar 19 gola në Itali, një shifër që do ishte e kënaqshme për çdo sulmues, por  jo për standardet që “CR7” na ka mësuar të shohim në dekadën e fundit. 34 vitet e luzitanit po bëjnë të vetëm, mjafton të themi se në dy sezonet e fundit ai nuk e ka kaluar shifrën e 30 golave.

415 – Messi is now the top goal-scorer ever in the Top 5 European leagues (415), ahead of @Cristiano (414). Legend. pic.twitter.com/JGxyP3Am61

— OptaJose (@OptaJose) April 3, 2019

Me golin që Mesi shënoi ndaj Vijarealit ai kaloi rekordin e Ronaldos përsa i përket golave të shënuar në pesë kampionatet elitare (Itali, Angli, Spanjë, Gjermani, Francë), duke shënuar regjistruar shifrën 415 finalizime. Për të kaluar rekordin e përgjishëm të Ronaldos, Mesit i duhen dhe tri gola të tjera, pasi portugezi ka shënuar në total 417 gola, po të marrim parasysh dhe tri golat e tij në sezonin 2002/2003.

Një goditje dënimi e Leo Mesit u devijua nga Viktor Sançez, i cili dërgoi topin në rrjetën e tij. Në minutat e fundit të takimit ishte përsëri “pleshti” që goditi siç duhet topin e shërbyer nga braziliani Malkom.

Me këtë fitore Barcelona çon në 13 pikë diferencën me Atletikon e vendit të dytë, kur kanë mbetur edhe nëntë javë kampionat.

LOJTARI MË I MIRË“Është e vështirë të zgjedhësh një emër të vetëm. Ka shumë lojtarë të mirë si Nejmar, Mbape, Hazard, Suarez, Aguero…Kristianon e diferencoj nga të tjerë ai është në të njëjtin nivel të lartë me mua”.

JUVENTUS — “Juventusi është një ekip shumë i mirë, ndërsa Ronaldo është një plus. Ishte diçka e mirë për të gjithë kampionatin spanjoll për prestigjin që ai jepte këtij kompeticioni”.

“Doja të distancohesha nga skuadra, ishte koha që të qetësoheshin disi gjërat. Një moment shumë i vështirë për mua, pasi shumë njerëz filluan të më kritikonin. Djali më pyeti një ditë pse duan të më vrasin në Argjentinë dhe nuk dija çfarë t’i thoja.

Shumë thonë që nuk duhet të rikthehesha, por unë nuk dorëzohem, pavarësisht se kam arritur gjëra të mëdha me Argjentinën. Një finale e Kupës së Botës dhe dy finale të Kupës së Amerikës. Këto gjëra nuk arrihen lehtësish. Më vjen keq që dëgjoj zëra sikur unë drejtoj kombëtaren, zgjedhi lojtarët që do të luajnë. Ndoshta unë drejtoj dhe Federatën”, përfundoi me ironi ylli i Barcelonës.

Një sondazh që ka zgjatur më shumë se një javë në faqen zyrtare të Barcelonës është bërë me qëllim që të zgjidhet goli më i bukur i të gjitha kohërave të shënuar nga një futbollisti Barcelonës dhe tifozët votuan. Surpriza nuk kishte dhe dominimi i Mesit u pa edhe një herë. Kjo për shkak se vendin e parë, të dytë dhe të tretë të golave më të bukur mbanin firmën e argjentinasit.

Goli më i bukur në historinë e Barcelonës është ai i Lionel Mesit kundër Getafes në vitin 2004, ku argjentinasi driblon të gjithë skuadrën kundërshtare dhe shënon një gol fantastik.

Në 24 takime të luajtura deri më tani, Mesi kryeson renditjen e golashënuesve me 29 gola, 11 më shumë se Luis Suarez i vendit të dytë. Argjentinasi “sundon” edhe në tabelën e asisteve me 12 të tillë.

Në një grafik dysh ku tregohen golat dhe asistimet e lojtarëve të La Ligas dallohet që Mesi është në një tjetër planet nga të tjerët. Gjithsesi në këtë grafik mund të vërejmë dhe surpriza siç është mesfushori i Alavesh, Xhoni, i cili është lojtari i dytë përsa i përket asistimeve me 9 të tillë.

Një milion euro për një miqësore të zhvilluar në kryeqytetin e Rabatit. Mirëpo marrëveshja kishte një kleçkë në kontratën e firmosur mes dy palëve, ekzistonte një klauzolë specifike për Leo Mesin.

Në rast se “pleshti” nuk do të grumbullohej për atë takim, shuma do të përgjysmohej. Për fatin e keq të drejtuesve të federatës argjentinase, Mesi pësoi një dëmtim në ndeshjen ndaj Venezuelës, çka ia bën të pamundur prezencën në Marok.

“Barcelona dhe Juventusi janë skuadrat që do t’i shkojnë deri në fund këtij kompeticioni. Kanë treguar për disa vite tashmë që futbolli i tyre vetëm po rritet dhe me të drejtë janë favoritë. Shumë do ta shohin si një sfidë Mesi-Ronaldo, por unë nuk mendoj kështu.

Pavarësisht se ata janë dy lojtarë fantastikë dhe kanë arritur shumë gjëra, vazhdoj të mendoj se futbolli është një sport kolektiv dhe e gjitha skuadra është e rëndësishme. Si Barcelona, ashtu dhe Juventusi kanë krijuar skuadra shumë të forta dhe do të jetë një finale që do të ndiqet me mjaft interes”, u shpreh strategu portugez.

Ylli argjentinas i mori një rekord Ronaldos, pasi me tripletën e djeshme të shënuar kundër Real Betisit, ia kaloi portugezit për numrin total të golave pa penallti.

Numri 10 i Barcelonës arrin në kuotën e 573 golave pa përfshirë penalltitë në 802 ndeshje, një statistikë shumë e kënaqshme pasi është arritur në 149 ndeshje më pak se sa rivali i tij portugez. Rekord i Ronaldos përsa i përket golave pa penallti është  572 gola në 951 ndeshje.

https://www.youtube.com/watch?v=bNFBenDHEx0