Në verë ishte Majorka klubi që e huazoi Mervejl, ndërkohë që para pak ditësh erdhi edhe ndërprerja e kontratës së huazimit. Jo pa qëllim ka ndodhur kështu, pasi Barcelona B e ka zyrtarizuar 20-vjeccarin pjesë të ekipit.

I çmendur pas Mesit dhe katalanasve, për Mervejl është një ëndërr e plotësuar. Kompania SportBack, që ka pjesë të saj edhe agjentin shqiptar David Mema, bëri të mundur këtë lëvizje të ish-futbollistit të Tiranës.

KLAUZOLA – Mervejl te Barcelona ka shkuar në huazim për gjashtë muaj, me katalanasit që kanë në kontratë opsion për ta blerë. Por për çfarë shume? SportEkspres.com mëson se Barcelona duhet të paguajë shumën e 4 milionë eurove nëse Mervejl i bind.

Te Tirana gjatë kësaj periudhe do të luten që të ndodhë diçka e tillë, pasi përfitimet do të ishin të shumta. Në marrëveshjen e bërë me Getafen, bardheblutë përfitojnë 20% të shumës në rast të rishitjes së Mervejl.

Me një llogari të thjeshtë, 800 mijë euro (kuptohet nga kjo shumë zbriten taksat) i takojnë Tiranës. Një shumë e tillë do t’u zgjidhte shumë halle bardhebluve, që borxhet e së shkuarën vijojnë t’i kenë ende barrë.

FLORIAN ALLA

Sipas asaj që raporton specialisti i merkato, Alfredo Pedula, Kievo do të përfitojë në rast se Soue do të shitet sërish nga bullgarët. Sulmuesi një sezon më parë fitoi Kupën dhe titullin kampion me Skënderbeun. Ai arriti të shënonte 21 gola dhe u shpall shënuesi më i mirë në Superiore, duke bërë për vete “Këpucën e Artë”.

ISH-I I TIRANËS – Mervejl Ndokit u shit nga Tirana për shumën e 600 mijë eurove. Me fanellën e Getafes ai luajti gjashtë takime dhe këtë verë klubi spanjoll e çoi në huazim te Majorka. Te klubi i Segunda Division gjërat nuk është se shkuan fort mirë.

Futbollisti nga Kongo pati probleme me klubin dhe ka luajtur vetëm 5 ndeshje. Tre prej tyre i nisi si titullar, ndërkohë që së fundmi ai është rikthyer te Getafe. Klubet kanë gjetur marrëveshjen dhe kontrata e huazimit të Mervejl është ndërprerë.

Të gjithë prisnin që 19-vjeçari të firmoste në Kroaci me Osijekun, por 400 mijë eurot e Getafes kanë bindur klubin e Tiranës.

Veç shumës së mësipërme, klubi i Tiranës do të mbajë edhe 10% të kartonit në rast rishitjeje. Paraqitjet e mira të bëra të Tirana kanë bindur spanjollët ta afrojnë në ekip Mervejlin, anëtar i kombëtares së Kongos.

Sezonin e fundit ai arriti të shënojë pesë gola me Tiranën në Superiore, duke u aktivizuar në total në 29 ndeshjes në kampionat. Gjithashtu ai luajti edhe në Europë ndaj Makabit Tel-Aviv, duke shkëlqyer.

Një lajm që duhet të bëjë të refletojnë klubet shqiptare: një futbollist i kampionatit tonë shkon direkt në Spanjë!

Mervejl Ndokit vjen nga një sezon fantastik, ku shpërtheu që në debutimin në Superiore, duke qenë një ndër elementet e paktë që spikatën te Tirana më e dobët në histori. Paraqitjet e tij tërhoqën vëmendjen e shumë klubeve, por ofertat për Tiranën nuk ishin të kënaqshme, sepse asnjëra nuk shkoi mbi 350 mijë euro, përtej klauzolave.

Osijeku ka përfshirë në marrëveshje edhe mesfushorin Reuben Akua. Ky i fundit është 20 vjeç, luajti 24 ndeshje sezonin e fundit, jo gjithnjë titullar, por me trajnerin Ze Maria duket se gjeti vendin në fushë, sepse në dy përballjet kundër Makabit ishte ndër më të mirët, duke u pëlqyer shumë menaxherëve.

Vlera e transferimit është 550 mijë euro për të dy, pra një marrëveshje mjaft e mirë për Tiranën, që do të mbajë edhe 10% nga shuma e transferimit të ardhshëm të Mervejlit, nëse shitet më shtrenjtë.

Të hënën nisin procedurat për vizat, ndaj në parim gjithçka ka marrë fund. Mervejl do të marrë një pagë rreth 120 mijë euro në vit, ndërsa Akua 50 mijë. Për të dy është një trampolinë e shkëlqyer drejt Europës së madhe, pasi përdorën Tiranën për të futur këmbët në Europë.

Vladimir Prenga

Tirana e fushës është me pushime, por në zyra nuk ka qetësi, pasi shitja e Mervejl Ndokit është misioni kryesor këtë verë. Ofertat për të nuk mungojnë dhe bardheblutë kërkojnë që të mos u ikë nga duart kjo mundësi për të përfituar një shumë të konsiderueshme financiare. LASK Linz dhe Goztepe kanë trokitur në dyert e Tiranës, duke bërë edhe ofertat zyrtare, por presidenti Halili nuk është dorëzuar para 350 mijë eurove të turqve, të gatshëm për t’ia derdhur këtë shumë menjëherë në llogaritë e klubit 24-herë kampion në vend. Nga Austria janë munduar t’i bindin me bonuse dhe 10% të përfitimeve nëse ata do e shesin sërish Mervejl. Nuk kanë mjaftuar kaq para dhe numri një i klubit bardheblu e kanë vënë limitin: 400 mijë euro. Për asnjë cent poshtë kësaj shume Halili nuk e shet futbollistin, ndaj po pret ofertën e duhur.

OFERTAT E REJA

Kompania që menaxhon Mervejl po punon gjatë kësaj periudhe për të gjetur një ekip të ri për mesfushorin me tipare sulmuese dhe së fundmi dy klube franceze po interesohen për 19-vjeçarin e talentuar. Gazeta mëson se Guingamp dhe Dijon po e ndjekin Mervejl, duke shqyrtuar mundësinë për të bërë një ofertë zyrtare te Tirana. Të dyja klubet garojnë në Ligue 1 dhe kongolezin kjo sigurisht që e “josh”, por duhet kënaqur edhe Tirana, që me të drejtë kërkon të përfitojë nga shitja e tij. Më parë në mediat franceze është shkruar edhe për një interesim nga Anxhers dhe Amiens.

SHITJA

Te Tirana nuk nxitojnë, por nga ajo që thuhet prej burimeve pranë klubit, është krijuar një bindje që këto ditë janë vendimtare për transferimin e Mervejl dhe kjo gjë pritet të ndodhë deri të hënën.

Ekipi i ri mbetet për t’u mësuar nga të gjithë, por puna për shitjen e mesfushorit nga Kongo është intensive. Mervejl u paraqit mjaft mirë vjet në kampionat, duke u aktivizuar në 29 takime. Ai arriti të shënojë edhe pesë gola në Superiore, por me shpejtësinë dhe driblimet “dehëse’ ishte një problem konstant për lojtarët kundërshtarë. Cilësitë e tij nuk mbeten pa rënë në sy dhe tanimë ai është drejt kalimit në një kampionat më të fortë, ku edhe përfitimet financiare të tij do jenë disa herë më të mëdha.

Nëse oferta nga LASK u refuzua, Tirana e ka ende në lojë ofertën nga Turqia dhe këtu po mendohet.

Klubi bardheblu ka marrë një ofertë edhe nga sllovakët e Zhilinës, por interesim ka pasur edhe Hajduku. Gjithsesi, asnjë ofertë nuk po e barazon atë të klubit turk, që për momentin po pret.

Ka pasur zëra edhe për Seviljen, por është realisht e pamendueshme që një klub gjigant si Sevilja të peshkojë në Shqipëri, ndaj Tirana po përqendrohet te ofertat e vërteta: Gëztepe është e tillë dhe nëse shton edhe pak ofertën, apo i jep Tiranën ndonjë përqindje të vogël të kartonit në rast rishitjeje, gjithçka mbyllet me shpejtësi.

“Sport Ekspres” publikoi para pak ditësh ofertën e ardhur nga LASK-u në Austri dhe tashmë zbulohet edhe dokumenti zyrtar, oferta që austriakët i kanë bërë Tiranës që në muajin maj dhe ka mbetur në fuqi për disa javë, por që Tirana e ka refuzuar.

300 mijë euro është oferta e LASK-ut për Tiranën, me pagesë në dy këste, por gjithashtu, në ofertë përfshiheshin disa bonuse: 25.000 euro nëse Mervejl luan 25 ndeshje sezonin e ardhshëm, 50 mijë euro nëse LASK shkon në grupet e Europa League dhe Mervejl luan 75% të ndeshjeve, 100 mijë euro nëse LASK shkon në grupet e Champions League.

Në letër ofertë serioze dhe interesante, por Tirana e ka refuzuar, duke parë se bonuset për grupet e kupave të Europës janë praktikisht të paarritshëm.

Ndërkaq, oferta tjetër zyrtare që është vendosur në tryezën e presidentit Refik Halili ka ardhur nga Turqia, nga Gëztepe. Klubi turk sapo është ngjitur në Superligë dhe synon të ndërtojë një ekip dinjitoz për të qëndruar në elitë, ndaj po kërkon përforcime dhe i ka nisur ofertë zyrtare Tiranës, 350.000 euro për talentin kongolez.

Këtu Tirana ka hezituar, por edhe kjo ofertë refuzohet, sepse klubi bardheblu e ka bërë të qartë: ofertat do të merren në shqyrtim vetëm nëse prekin shifrën e 500.000 eurove.

Edhe paraqitja në Izrael ishte pozitive dhe vëzhguesit e ndryshëm janë bindur për vlerat e tij, por Tirana ka vendosur një çmim të lartë, mbi 500 mijë euro, që ka trembur shumë klube.

Klubi që në fakt nuk trembet është Osijeku ambicioz, që këtë verë ka blerë edhe Eros Grezdën dhe tashmë kërkon talentin e Tiranës, duke e ditur se nëse gjithçka shkon mbarë, për një ose dy vjet Mervejl do të vlejë të paktën 2-3 milionë euro.

Problemi është se Tirana e ka pranuar ofertën e Osijekut, por Mervejl heziton, mëson “Sport Ekspres”. Kongolezi është joshur nga oferta e LASK-ut, klub nga Linzi i Austrisë, që sapo është kthyer në Bundesligë.

Kampionati austriak duket se e josh më shumë Mervejlin, që ndoshta ëndërron një kërcim në Gjermaninë fqinje brenda pak vitesh, ose ndoshta ka marrë një ofertë më të mirë financiare, por gjithçka ngec te bisedimet mes dy klubeve, sepse LASK nuk e ka barazuar ofertën e Osijekut.

Janë orë vendimtare dhe te Tirana po merren vetëm me këtë çështje për momentin, sepse gjithçka duhet zgjidhur sa më shpejt, për të mbyllur shitjen e mesfushorit brenda pak ditësh dhe për të filluar pastaj planifikimin për zëvendësimin e tij.

Olsi Avdiaj
Kaljari është gati të blejë Mervejl Ndokitin. Klubi kuqeblu, pjesë e Serisë A italiane, është gati të afrojë në ekip lojtarin kongolez pjesë e Tiranës. Klubi bardheblu dhe futbollisti, që luan me bardheblutë tani ka seriozisht oferta në tavolinë. Është Kaljari, i cili interesohet për futbollistin kongolez. Lajmi konfirmohet nga “cagliarinews24” dhe “FootMercato”. Sipas të dyja burimeve, vlera e kartonit llogaritet 750.000 euro.

KALIARI – Klubi nga Sardenja është mjaft mirë në aspektin financiar dhe në sezonin e fundit tregoi se jo vetëm që di të mbijetojë pa vuajtje dhe të luajë futboll të bukur, por edhe u jep hapësirë të rinjve. Janë shumë lojtarë U-21 të federuar te ky klub, por mbi të gjitha bie në sy emri i koreano-veriorit Kuang-Song Han, vetëm 18 vjeç, i cili ka shënuar një gol në Serinë A. Në këtë linjë, Kaliari mund të investojë edhe tek Mervejl, i cili në Shqipëri ka treguar se ka shumë cilësi dhe me punën e duhur mund të bëhet vërtet i rëndësishëm, duke parë moshën shumë të re. Në një ambient të qetë si Kaliari mund të rritet qetësisht dhe t’i jepet koha për të lulëzuar.

SIONI – Mervejl është edhe në listën e Sionit, ku trajneri i ri është një njohje e vjetër e Shqipërisë, Paolo Tramexani. Është pikërisht ndihmësi i De Biazit që e kërkon ta ketë në skuadër. Mësohet gjithashtu se oferta e Kaljarit është më bindëse, ndërsa Sioni kërkon me Tramexanin ta bëjë të vetin. Në Zvicër dihet që klubet nuk mendojnë vetëm për rezultatet sportive, por sidomos për ato financiare dhe duke nisur nga Bazeli i famshëm, të gjithë mundohen të evidentojnë lojtarë të rinj e me të ardhme, për t’i shitur sa më shtrenjtë. Ndoshta shifra e përmeëndur më sipër është e tepërt, por Sioni është një klub i pasur.

AMIENS DHE ANZHER – Nëse ka futboll që është perfekt për talentet afrikanë në Europë, ai është në Francë, sepse që nga Liga 1 e poshtë të gjitha klubet kanë një numër të madh afrikanësh në përbërje dhe shpesh i shesin disa herë më shumë nga sa i blejnë. Në këtë aspekt, edhe Mervejl duket një investim shumë interesant dhe Amiens e Anzher duket se kanë nisur bisedimet me përfaqësues të klubit të Tiranës. Amiens sapo është ngjitur në Ligën 1, pas një sezoni madhështor, ndërsa Anzher ishte edhe sezonin e fundit në Ligën 1 dhe mbërriti deri në finalen e kupës, ku u mund nga PSG. Amiens ka 4 lojtarë afrikanë në ekipin e parë, ndërsa Anzher plot 10 të tillë, ndaj Mervejl do të gjendej si në shtëpi, kudo që të shkonte.

NGUTI I TIRANËS – Mervejl duhet shitur këtë verë, pikë. Refik Halili e ka të qartë se çmimi i talentit afrikan nuk do të rritet duke luajtur në Kategorinë e Parë dhe nuk i intereson që t’ia japë ndonjë klubi tjetër për ta reklamuar. Lista për të blerë yllin bardheblu është e gjatë dhe tashmë Halili duhet vetëm të vendosë: ta mbajë për dy ndeshjet kundër Makabit, apo ta shesë urgjentisht xhevahirin 18-vjeçar, i cili është futbollist i kombëtares së Kongos.

Zakonisht gurët e çmuar nuk shiten! Por në momente “halli” ata të shpëtojnë. Të tillë për Tiranën janë edhe Mervejl Ndokit, Albi Doka dhe Erion Hoxhallari. Të tre të rinj, shumë premtues dhe me të ardhme të ndritur. Këtë e di shumë mirë Refik Halili dhe ai së bashku me njerëzit e tij ka hartuar një plan. Të shesë gjatë verës “triadën e parave” për të shpëtuar ekipin nga borxhet dhe për të garantuar sezonin e ri. Të tre lojtarët duhet të sjellin një milionë euro në arkat e klubit, pasi për lojtarët ka oferta pa fund. I fundmi është Albi Doka, që është futur në listën e atyre, që do të shiten. Radha për mbrojtësin është e gjatë. Po kështu, Tirana mendon që të largojë në çdo rast, qëndron apo jo në Superiore, tre lojtarët. Të tre, me të gjitha gjasat do të largohen deri në gusht, por bardheblutë duan që përveç shitjes të mbajnë pronësinë edhe për 20 përqind të kartonëve të tre lojtarëve. Një investim shumë i mirë për të ardhmen, pasi në një transfertë të dytë ata do të përfitonin sërish para.  

Mervejl Ndokit

Presidenti i Tiranës kohë më parë deklaroi në TV që ka oferta deri në 700 mijë euro për talentin afrikan, por nuk e ka shitur. Dhe realisht Mervejl Ndokit këtë sezon ishte një ndër lojtarët më interesantë të Tiranës. Disa klube të huaj ishin interesuar për të. 18-vjeçar, futbollist i kombëtares së Kongos dhe titullar që në sezonin debutues në Superiore, ku shënoi edhe 5 gola, me të drejtë Mervejl është “xhevahiri” i klubit bardheblu. Por tani atij i ka ardhur ora për t’u shitur. Tirana shpreson ta reklamojë në Europa League, por nëse më herët vjen ndonjë ofertë joshëse, do ta pranojë pa thënë dy fjalë. Dy menaxherë të huaj, me dijeninë e Tiranës, kanë ndjekur Mervejlin në finalen e kupës, ku paraqitja e afrikanit ishte mjaft pozitive. Në teori, Tirana kërkon rreth 500.000 euro, por është e qartë që edhe për më pak se aq gjithçka mund të mbyllet me sukses dhe të gjithë të jenë të lumtur.

Albi Doka

Albi Doka është një tjetër futbollist që mund të lërë Shqipërinë. Lugano, Grasshoppers, kroatët e Hajdukut të Splitit dhe belgët e Gentit e kërkojnë futbollistin. Madje pardje ishte edhe një ushtrim menaxherësh në stadium për ta parë nga afër. Për lojtarin e Tiranës në tavolinën e klubit bardheblu thuhet se ka një ofertë 350 mijë euroshe. Kualiteti dhe garancia që ka dhënë në fushë në gjysmën e dytë të sezonit u shoqëruan me interesin e disa klubeve europiane për mbrojtësin e djathtë, ndërsa te Tirana ka ardhur edhe oferta e parë konkrete. Në këtë sezon, Doka debutoi në çerekfinalet e Kupës ndaj Kukësit, të luajtur më 1 shkurt, duke regjistruar 5 ndeshje në këtë aktivitet. Aq mjaftoi që ai të kthehej në titullar fiks te skuadra e Josës, duke u aktivizuar edhe në 17 ndeshje të kampionatit. Oferta prej 350 mijë eurosh për kartonin e Dokës për momentin nuk është prekur nga Tirana, por gjasat janë që ajo të pranojë të shesë futbollistin e saj, zbulim i 2017-ës, që ka bërë bujë edhe jashtë kufijve.

Erion Hoxhallari

Pogradecari i bardhebluve është një nga më të mirët e sezonit. Ka luajtur vetëm dy ndeshje më pak se Ilion Lika dhe ndoshta është lojtari me më shumë minuta në Superiore, veç portierëve. Prej kohësh lojtari shkëlqen në fushë, pikërisht në krahun e majtë. Erion Hoxhallari, në korrik hodhi firmën 2-vjeçare dhe është nën kontratë. Ish-mbrojtësi i skuadrës Shpresa vazhdon rrugën e nisur vite më parë në ekipet zinxhir të Tiranës. Por tani çështja është e ndërlikuar dhe duhet të lërë bardheblutë, edhe pse Hoxhallari është një nga investimet më të vlefshme që klubi ka bërë gjatë viteve të fundit, pasi ai ka gjetur hapësira aktivizimi në ekipin e parë që në moshë të vogël. Edhe për Hoxhallarin ka pasur oferta dhe gjasat janë që lojtari të largohet nga bardheblutë. Shkurt, të tre futbollistët janë në shitje. Tirana kërkon të marrë nga të tre 1 milionë euro. Kështu realisht do të shpëtohej sezoni. Të paktën një gjë po i shkon mirë kësaj Tirane. Futbollistët, por Halili me shokë duhet të jenë të zgjuar në merkato…gjithmonë nëse duan 1 milionë eurot.

Mervejl Ndokit

Vjeç: 18

Ndeshje: 36

Minuta: 3054

Gola: 5

Albi Doka

Vjeç: 19

Ndeshje: 22

Minuta: 1887

Gola: –

Erion Hoxhallari

Vjeç: 21

Ndeshje: 41

Minuta: 3690

Gola: 3

Megjithatë, tashmë ky xhevahir nuk do të ketë më asnjë vlerë, nëse nuk shitet këtë verë. Një sezon tjetër në Kategorinë e Parë do të ishte fatal për klubin dhe vetë lojtarin, pasi është e qartë që askush nuk ka interes për një lojtar të Kategorisë së Parë. Tirana shpreson ta reklamojë në Europa League, por nëse më herët vjen ndonjë ofertë joshëse, do ta pranojë me vrap. Dy menaxherë të huaj, me dijeninë e Tiranës, kanë ndjekur Mervejlin në finalen e kupës, ku paraqitja e Mervejlit ishte mjaft pozitive. Në teori, Tirana kërkon rreth 500.000 euro, por është e qartë që edhe për më pak se aq gjithçka mund të mbyllet me sukses.