merkato

Merkato e Premier League, ja lëvizjet më të fundit

Sport Ekspres — Fri, 02 Aug 2019 18:28:44 +0000

Premier Liga ka hapur merkaton para të gjitha kampionateve të tjera dhe dritarja e transferimeve do të mbyllet me datë 8 gusht, një ditë para se Liverpulit të hapë kampionatin anglez me sfidën kundër Leister Sitit. Skuadrat kanë nisur punën për pëforcimin e skuadrave dhe këto janë lëvizjet zyrtare të deritanishme:

AFC Bournemuth
Të afruar – Lloid Kelli (Bristol Siti), Xhek Stejsi (Luton)

Të larguar – Mark Pjuh (Mbarim kontrate), Mikael Ndjoli (Gillingam-Huazim)

Arsenal

Të afruar – Gabriel Martineli (Ituano), Uilliam Saliba (St. Etiene), Dani Sebajos (Real Madrid-huazim), Nikolas Pepe (Lile)

Të larguar – Aron Ramsej (Juventus-Parametra zero), Petër Çeh (Pension), Dani Uellbek (Mbarim kontrate), Kohen Bramall (Mbarim kontrate), Çarli Gilmour (Mbarim kontrate), Stefan Lishtajner (Mbarim kontrate), Julio Pleguezuelo (Mbarim kontrate), Zhordi Osei-Tutu (VfL Bokum-Huazim), David Ospina (Napoli)

Aston Vila
Të afruar – Zhota (Birmingam), Anuar El Ghazi (Lilë), Uesli (Klub Bryzh), Kortnei Hause (Ulverhampton), Tajron Mings (Bornemuth), Ezri Konsa (Brentford), Mat Target (Sauthempton), Bjorn Engels (Stade Reims), Marvelus Nakamba (Klub Bryzh)

Të larguar – Albert Adomah (Mbarim kontrate), Mark Bun (Mbarim kontrate), Riçi De Laet (Mbarim kontrate), Tomi Elfik (Hadersfilld), Alan Huton (Mbarim kontrate), Mile Jedinak (Mbarim kontrate), Ros MekKormak, Mikah Riçards (Mbarim kontrate), Glen Uilan (Mbarim kontrate), Gary Gardner (Birmingam), Matija Sarkiç (Livingston-Huazim)

Brajton
Të afruar – Mat Klarke (Portsmuth), Leandro Trosard (Genk), Tejlor Ricards (Man. Siti)

Të larguar – Bruno (Pension), Uill Kollar (Hamilton), Aleksis MekAlister (Boka Zhuniors-Huazim)

Bërnli
Të afruar – Joel Senior (Kurzon Ashton), Erik Pieters (Stoke Siti)

Të larguar – Xhon Ualters (Pension), Stefen Uard (Stoke Siti-Parametra zero), Anders Lindegard (Mbarim kontrate), Piter Krauç (Mbarim kontrate), Mark Houart (Mbarim kontrate)

Çelsi
Të afruar– Mateo Kovacic (Real Madrid), Kristian Pulisic (B. Dortmund)

Të larguar– Geri Kahill (Mbarim kontrate), Fankati Dabo (Koventry Siti-Parametra zero), Rob Grin (Pension), Eden Hazard (Real Madrid), Tod Kejn (Mbarim kontrate), Ola Aina (Torino), Nathan Bakster (Ros Kauntri-Huazim), Riçard Narti (Bërton Albion-Huazim), Xhej Dasilva (Bristol Siti), Gonzalo Higuain (mbarim huazimi)

Kristal Palas
Të afruar – Stefen Henderson (Notingam Forest)

Të larguar – Xhejzon Punçeon (Mbarim kontrate), Xhulian Speroni (Mbarim kontrate), Bakari Sako (Mbarim kontrate), Oli O’Dejer (Aldershot-Parametra zero), Xhosef Hungbo (Mbarim kontrate), Tajler Braun (Mbarim kontrate), Levi Lumeka (Varzim), Aron Van-Bisaka (Man. Junajtid)

Everton
Të afruar – Xhonas Losël (Hadersfilld-Parametra zero), Andre Gomesh (Barcelona), Fabian Delf (Mançester Siti)

Të larguar – Fil Xhagielka (Mbarim kontrate), Ashli Uilliams (Mbarim kontrate), Herri Çarsli (Mbarim kontrate), Boris Matis (Mbarim kontrate), Mateus Heuelt (Mbarim kontrate), Shajne Lavery (Mbarim kontrate), Xhek Kiersi (Mbarim kontrate), Deni Bramall (Mbarim kontrate), Xho Hilton (Mbarim kontrate), Kris Renshau (Mbarim kontrate), Xhonxho Keni (Shalke-Huazim), Nikola Vlashiç (CSKA Moskë)

Leister Siti
Të afruar – Xhemjs Xhustin(Luton Taun), Ajoze Perez (Njukasell), Juri Tielemans (Monako)

Të larguar – Shinxhi Okazaki (Mbarim kontrate), Deni Simpson (Mbarim kontrate), Lamine Sherif (Akrington)

Liverpul
Të afruar – Sep van den Berg (PEC Zuolle), Harvej Eliot (Fulhem)

Të larguar – Alberto Moreno (Mbarim kontrate), Daniel Starridxh (Mbarim kontrate), Konor Randall (Mbarim kontrate), Adam Bogdan (Mbarim kontrate), Sheji Oxho (Rejnxhërs-Huazim), Rafael Kamaço (Sporting), Deni Ings (Sauthempton)

Man. Siti
Të afruar – Rodri (Atletiko Madrid)

Të larguar – Vinsent Kompani (Anderlect-Parametra zero), Patrik Roberts (Noruiç Siti-Huazim), Tom Dele-Bashiru (Mbarim kontrate), Aron Nemane (Mbarim kontrate), Fabian Delf (Everton), Arijanet Muric (Notingam Forest – huazim), Mat Smith (QPR – huazim)

Man. Junajtid
Të afruar – Daniel Xhejms (Suonsi Siti), Aron Van-Bisaka (Kristal Palas)

Të larguar – Ander Herrera (PSG), Antonio Valencia (LD Kuito), Mathju Olosunde (Rotherham), Xhejms Uilson (Aberden), Regan Pole (MK Dons)

Njukasëll Junajtid
Të afruar – Joelinton (Hofenhaim)

Të larguar – Mohamed Diame (Mbarim kontrate), Kal Roberts (Mbarim kontrate), Xhosef Jarnei (Mbarim kontrate), Tajrike Bartlet (Mbarim kontrate), Ajoze Perez (Leister Siti), Hoselu (Alaves)

Noruiç Siti
Të afruar – Patrik Roberts (Man Siti-Huazim), Daniel Adshead (Roçdale), Josip Dërmiç (Borusia M’Gladbah-Parametra zero), Arçie Mair (Aberden), Sam Byram (Uest Ham), Ralf Farhman (Shalke-huazim)

Të larguar – Karlton Morris (Rotherham-Huazim), Mejson Blumfild (Kraulei Taun-Huazim), Kiaren Xhones (Eastbourn Borou-Huazim), Xhosh Kolej (Dunfermin-Huazim), Marsel Franke (Hanover 96), Shon Raget (Portsmuth-Huazim)

Shefilld Junajtid
Të afruar – Ravel Morrison (Ostersunds), Fil Xhakiekla (Everton), Kallum Robinson (Shefild Uendsej)

Të larguar – Pol Sints (Mbarim kontrate), Martin Kranie (Mbarim kontrate), Konor Uashington (Mbarim kontrate), Daniel Laferi (Mbarim kontrate), Kaolan Laveri (Mbarim kontrate)

Sauthempton
Të afruar – Mousa Djenepo (Standard Liezh), Deni Ings (Liverpul), Che Adams (Birmingam)

Të larguar – Stiven Dejvis (Rejnxhers-Parametra zero), Sam Kallager (Blekburn)

Totenham Hotspur
Të afruar – Kion Etete (Nots Kaunti), Tangui Ndombele (Lion)

Të larguar – Mishel Vorm (Mbarim kontrate), Dilan Dunkan (Mbarim kontrate), Çarli Frimen (Mbarim kontrate), Tom Glover (Mbarim kontrate), Konor Ogilvi (Mbarim kontrate), Xhejmi Rejnolds (Mbarim kontrate), Kieran Tripier (Atletiko Madrid)

Uatford
Të afruar – Beili Spenser (Adams), Kreig Dauson (Uest Brom)

Të larguar – Obi Oulare (Standard Liezh), Miguel Britos (Mbarim kontrate), Tomi Hoban (Mbarim kontrate), Zherome Sinkleir (Venlo-Huazim)

Uest Ham
Të afruar – Roberto (Espanjol-Parametra zero), Dejvid Martin (Miluoll-Parametra zero), Pablo Fornals (Vijareal), Sebastian Haller (A. Frankfurt)

Të larguar – Adrian (Mbarim kontrate), Endi Kerol (Mbarim kontrate), Samir Nasri (Mbarim kontrate), Toni Martinez (Mbarim kontrate), Moses Makasi (Mbarim kontrate), Lukas Perez (Alavesh), Noha Silvestre (Mbarim kontrate), Vashon Neufvill (Mbarim kontrate), Xhosh Pask (Koventri Siti-Parametra zero), Edimilson Fernandes (Mainc), Nejthën Trot(AFC Uimbledon-Huazim), Martin Samuelsen (FK Haugesund-Huazim), Sam Byram (Noruic Siti)

Ulverhempton Uanderers
Të afruar – Raul Himenez (Benfika), Hong (Jovill Taun), Rafael Nia (PSG), Leander Dendonker (Anderleht), Hezus Vajeho (Real Madrid-huazim), Patrik Kutrone (Milan)

Të larguar – Ethën Ebanks-Landel (Shrjusburi Taun), Mikal Ziro (Mbarim kontrate), Karlos Heredia (Mbarim kontrate), Ben Gudlif (Mbarim kontrate), Aron Hajden (Mbarim kontrate), Diego Latie (Mbarim kontrate), Enzo Sauvazh (Mbarim kontrate), Kristian Herk (Viktoria Pëlzen-Huazim), Kortnei Hause (Aston Vila), Ivan Kavaleiro (Fulham)

I bëri “zbor” Torasa, mesfushori pranë kalimit te Borusia Dortmund

Sport Ekspres — Wed, 24 Jul 2019 08:21:41 +0000

Futbollisti i Red Bull Salcburg, Diadie Samaseku, është shumë pranë kalimit te Borusia Dortmund. Sipas medies gjermane “Sport1”, mesfushori nga Mali do të transferohet në Gjermani pasi verdhezinjtë kanë rënë dakord të paguajnë 20 milionë euro për kartonin e 23-vjeçarit.

Disa prej jush mund ta kujtoni këtë lojtar, pasi Samaseku ka qenë një ndër protagonistët e ndeshjes midis Partizanit dhe Salburgut, më 26 korrik të 2017-ës, në takimin e vlefshëm për raundin e tretë të kualifikueseve të Europa League.

Lojtari asokohe 20 vjeç la me 10 lojtarë skuadrën e tij për shkak të dy kartonëve të verdhë në vetëm tre minuta tre minutave. Të dy kartonët u dhanë për faulle ndaj Agustin Torasës, i cili zhvilloi një ndeshje të shkëlqyer, por pa mundur të ndihmojë “demat e kuq”, të cilët humbën takimin me rezultatin 0 – 1 pas një penalltie të fituar nga Valon Berisha në minutën e 70-të.

Akord me Besëlidhjen, Kukësi siguron talentin afrikan

Sport Ekspres — Mon, 22 Jul 2019 12:57:38 +0000

Klubi i Kukësit ka njoftuar arritjen e një marrëveshje me klubin e Besëlidhjes së Lezhës për futbollistin Umar Turad Kamara. Mesfushori nga Guinea është vetëm 20-vjeç, por është aktivizuar në Kategorinë e Parë prej dy sezonesh.

Në sezonin e tij të fundit me ekipin lezhjan, Kamara luajti në 24 ndeshje ku shënoi 9 gola. Futbollisti afrikan është afrimi i e gjashtë i Kukësit për këtë sezon dhe lojtari i dytë që vjen te verilindorët nga një skuadër e Kategorisë së Parë, pas Marko Çemës, i cili iu bashkua Kukësit pasi mbylli bashkëpunimin me Dinamon.

NJOFTIMI I KLUBIT

Klubi njofton arritjen e marrëveshjes me ekipin e Besëlidhjes, për futbollistin Umar Turad Kamara.

Mesfushori vjen në formë huazimi për një sezon futbollistik te skuadra jonë, nga ekipi i cili militon në Kategorinë e Parë.

Afrikani është afrimi i gjashtë i merkatos së verës, pas ardhjes së Ilir Avdylit, Emiljano Mustës, Bruno Lulajt, Marko Çemës dhe Tome Kitanovskit.

Çmenduri merkatoje, klubi turk prezanton sulmuesin e… gabuar!

Sport Ekspres — Wed, 17 Jul 2019 12:20:08 +0000

Merkato është shumë e paparashikueshme. Ndodh që po kërkon një sulmues, bindesh për kualitetin e tij pasi i sheh videot, arrin marrëveshjen dhe prezanton lojtarin e… gabuar!

“Foroyaa Sport” raporton ngjarjen dhe diçka e tillë i ka ndodhur Menemensporit, klub që garon në divizionin e dytë të futbollit turk. Drejtuesit kërkonin një sulmues dhe e kanë gjetur. Ata menduan se bënë një goditje, por një gabim ka bërë që në Turqi të vijë një sulmues tjetër.

Një çmenduri e vërtetë, çka ka detyruar klubin të anulojë pas 24 orësh kontratën me lojtarin afrikan. Menemenspori pa videot e Lamin Jallou dhe u bind nga cilësitë e sulmuesit nga Gambia. Agjentët e 23-vjeçarit u kontaktuat dhe marrëveshja u arrit.

Lamin Jellou, lojtari që kërkohej nga turqit

Jallou është pjesë e Salernitanës në Serie B dhe numëron tetë ndeshje e një gol të shënuar me kombëtaren e tij. Gjithçka perfekt deri në momentin kur kryhet edhe prezantimi i tij. Goditja e merkatos ishte një tjetër lojtar dhe quhet Alfa Jellou.

Edhe ky luan në rolin e sulmuesit, është nga Gambia dhe vinte nga divizioni i tretë i futbollit portugez me Alkoçentense, ekip me të cilin i kishte përfunduar kontrata ditën e parë të korrikut.

21-vjeçari mendoi se siguroi kontratën e jetës, por turqit kuptuan gjithçka. Të ndodhur në një situatë të tillë, ata dolën në një deklaratë zyrtare, duke “pretenduar” se Jellou nuk i kaloi kontrollet mjekësore dhe kontrata u ndërpre pas vetëm 24 orësh. Kohë merkatoje, asgjë nuk përjashtohet…

Një kuksian dhe një beratas për dibranët, Mziu e Çaço firmosin me Korabin

Sport Ekspres — Mon, 15 Jul 2019 15:40:38 +0000

Drejtuesit e Korabit kanë hedhur një hap serioz në merkaton e tyre, pasi të hënën paradite kanë afruar dy lojtarë me eksperiencë në Kategorinë e Parë. Bëhet fjalë për dy mesfushorë që në sezonin e kaluar luajtën me Besën e Kavajës. Sokol Mziu dhe Ervis Çaço do të jenë sezonin e arshshëm pjesë e Korabit dhe këtë e konfirmon për SportEkspres.com vetë Presidenti i skuadrës dibrane, Fehmi Mëziu.

“Ne sapo mbyllëm marrëveshjet me dy mesfushorë që sezonin e kaluar ishin pjesë e Besës së kavajas. Kemi rënë dakord me Sokol Mëziun që kthehet në vendlindjen e tij dhe Ervis Çaço, dy mesfushorë që te Besa në sezonin e kaluar kanë luajtur si titullarë. Për ne jenë dy përforcime që na shërbejnë në synimet tona për sezonin e ri, i cili me ndryshimet që ju bënë nga FSHF-ja 10 ditë më parë, do ketë garë të fortë e të vështirë”, deklaroi Fehmi Mëziu.

AGRON KAJA

Lushnja gjen edhe portierin, ia merr Egnatias

Sport Ekspres — Mon, 15 Jul 2019 12:58:13 +0000

Ndryshe nga të gjitha skuadrat e tjera të Kategorisë së Parë, Lushnja i ka nisur përgatitjet e saj për sezonin e ri, e njëherësh ka patur lëvizje në merkato. Pasi morën Endrien Maganin dhe Ledion Ruçon, lagunarët kanë gati përforcimin e portës me, Oltjan Haremin, i cili ka dy ditë që stërvitet me verdhejeshilët.

Këtë lëvizje të fundit e konfirmon për SportEkspres.com edhe trajneri Ilir Gjyla. “Haremi është një portier me eksperiencë dhe ne mendojmë se do japë kontribut në realizimin e synimeve të Lushnjes për sezonin e ri. Ka nënshkruar për Lushnjën”, deklaroi tekniku Gjyla.

Që nga viti 2011, 26-vjeçari Haremi ka qenë pjesë e Lushnjes për gjashtë sezone resht, ndërkohë që në dy sezonet e fundit ishte pjesë e Egnatias. Në sezonin e kaluar luajti 26 ndeshje si titullar dhe ky është një rikthim i tij te skuadra ku edhe e nisi karrierën.

AGRON KAJA

Kuka e Boçi tek Erzeni? Administratori Keçi sqaron gjithçka

Sport Ekspres — Sat, 13 Jul 2019 11:05:05 +0000

Në këtë periudhë të merkatos, te skuadra e Shijakut kanë rreth dy javë që nuk po lëvizin. Pasi kanë siguruar shërbimet e Idakvo, Dikson dhe Zuna, në klubin e Erzenit deklarojnë se tashmë vëmendja është te ardhja e tre lojtarëve nigerianë, të cilët priteshin të mbërrinin në Shijak në fundin e muajit qershor. Ndërkohë që këtë fundjavë dy emra të tjerë u përfolën për Erzenin, porteri Klajdi Kuka dhe mbrojtësi Xhorxhian Boçi.

Këtë lajm e hedh poshtë administratori i Erzenit, Altin Keçi, i cili për SportEkspres.com deklaron se nuk ka asnjë bisedë me ta. “Me gjithë respektin për Kukën e Boçin, por nuk kanë qenë në planet e Erzenit. Në këtë periudhë ne jemi të përqendruar vetëm te pista nigeriane. Jemi në pritje të tre futbollistëve, me të cilët në parim kemi arritur akordin. Emrat e tjerë janë pjesë e thashethemeve të merkatos”.

Për fillimin e përgatitjeve të sezonit të ri, Keçi thekson: “Pas datës 15 korrik do ta mbledhim skuadrën, me ata futbollistë që e mbyllën sezonin kaluar, si dhe me tre afrimet që kemi bërë gjatë kësaj vere: Idakvo, Dikson e Zuna. Përgatitjet do t’i nisim në Shijak, më pas do shohim ku mund të zhvendosemi. Edhe në merkato do jemi aktivë”.

AGRON KAJA

Zyrtare | Tirana pa frena, një “ish” rikthehet te bardheblutë

Sport Ekspres — Wed, 10 Jul 2019 15:06:37 +0000

Tirana është skuadra më aktive e Superiores në këtë merkato vere dhe bardheblutë janë përforcuar ndjeshëm. Sot, ekipi kryeqytetas siguroi firmat e sulmuesit Dunga dhe mbrojtësit Kariqi. Pas këtyre dy zyrtarizimeve, ka ardhur dhe një zyrtarizim tjetër. Portieri Edvan Bakaj është rikthyer te Tirana dhe do të jetë pjesë e bardhebluve në sezonin e ardhshëm. Gardiani 31-vjeçar ka luajtur 3 sezone me skuadrën e Tiranës në të kaluarën dhe sezonin e shkuar, ishte pjesë e Luftëtarit.

View this post on Instagram

?? Edvan Bakaj rikthehet ne shtepi. Portieri 31-vjecar do te jete serish pjese e Tiranes. Sot ka nenshkruar zyrtarisht marreveshjen e re per nje vit. ?? Bakaj ka luajtur si bardheblu per tre vite dhe vjen serish si nje perforcim me vlera per porten. Ne sezonin e fundit ishte pjese e Luftetarit. #welcomeBakaj

A post shared by K.F.Tirana (@kftirana.al) on Jul 10, 2019 at 7:56am PDT

Plori nuk mban sekrete: I dua këta tre lojtarë te Besëlidhja!

Sport Ekspres — Wed, 10 Jul 2019 14:51:37 +0000

Gjatë kësaj periudhe, shumë emra dalin në merkato nga skuadra të ndryshme. Te Besëlidhja kërkojnë të jenë konktretë dhe nuk duan të bëjnë shumë zhurmë për ata që kanë afruar. Këtë e deklaron për SportEkspres.com trajneri Elvis Plori, i cili në pritje të nisjes së përgatitjeve më 17 korrik, thekson se në bashkëpunim edhe me drejtuesit e klubit, puna është fokusuar në merkato dhe nisja e stërvitjes.

“Deri në këtë periudhë ne kemi mbyllur gjithçka me serbin Milan Gjorgjeviç, i cili ka qenë pjesë e kësaj skuadre në sezonet e kaluara dhe është një njohje e vjetër dhe i shërben skuadrës. Javën e kaluar e kemi mbyllur me mbrojtësin e Dinamos, Arian Sheta, me mesfushorin e Tomorit, Aristotel Kolecin. Janë tre përforcime serioze për Besëlidhjen, ndërkohë jemi në kërkim të emrave të rinj”, deklaroi Plori.

Çfarë po synon më shumë Besëlidhja në këtë merkato? Trajneri Plori ka edhe fiksime: “Sulmuesi Ruben Danaj nga Shënkolli, sulmuesi Jurgen Vatnikaj e mbrojtësi Sokol Neziri nga Kastrioti, këta janë emrat e parë që mendojmë të afrohen te Besëlidhja. Më pas, fokusi ynë në merkato do përqendrohet për një mesfushor dhe një sulmues, për t’u fokusuar pastaj më shumë te përgatitjet”.

AGRON KAJA

Merkato “teorike” tek Apolonia, sa shumë emra në listë!

Sport Ekspres — Tue, 09 Jul 2019 18:37:04 +0000

Pas uljes në pankinë të Artan Mergjyshit, te Apolonia ka patur lëvizje. Vendosja e të gjithë ndihmësave të Mergjyshit ishte hapi i parë, ndërkohë që për merkato ka vetëm një listë dëshirash dhe asgjë konkrete. Madje duhet thënë se deri më tani tek Apolonia të konfirmuar janë vetëm tre të larguarit Prifti, Buzi e Braka.

Gjatë një deklarate ditë më parë, trajneri Mergjyshi deklaroi se Apolonia ka arritur akordin dhe është gati të firmosë me mbrojtësit Jurgen Vogli e Marlind Nuriu, si dhe me mesfushorët Gelando Sharavolli e Alked Çelhaka. Në plane është edhe Jurgen Vrapi. Zyrtarizimet e këtyre lojtarëve thuhet se janë vetëm formalitet, por ende nuk ka asnjë firmë.

Pas datës 18 korrik pritet që në Fier të “mësyjnë” 4 futbollistë nga Ekuadori, 3 brazilianë, 2 serbë dhe 1 nigerian, që nënkupton se Apolonia do jetë shumëkombëshe për sezonin e ri. Por edhe këta janë pjesë e listës së dëshirave, pasi ende nuk ka asgjë konkrete. Deri më 20 korrik, kur nisin përgatitjet, priten zhvillime.

AGRON KAJA

Merr fund bashkëpunimi, Bylis ndahet me mesfushorin

Sport Ekspres — Mon, 08 Jul 2019 21:40:19 +0000

Bylis ka bërë të ditur mbylljen e bashkëpunimit me mesfushorin Alfred Zefi. Në njoftimin e bërë nga klubi mallakastriot në rrjetet socialë është bërë e ditur se pas mbarimit të kontratës së lojtarit të dyja palët kanë rënë dakord që rrugët e tyre të ndahen.

Futbollisti kurbinas iu bashkua skuadrës së Bylisit një vit më parë. 27-vjeçari ishte një ndër lojtarë me të aktivizuar të ballshiotëve me 22 aktivizime, ku pjesa dërrmuese e të cilave ishin si pjesë e formacionit titullar.

NJOFTIMI I KLUBIT

Faleminderit Alfred Zefi!

Nga sot klubi dhe mesfushori mjaft punëtor dhe profesionist Alfred Zefi nuk do të bashkëpunojnë më. Përfundimi i kontratës së Zefit, sigurisht që ka gjetur konsensusine klubit për ta mbyllur bashkëpunimin!

Klubi e falenderon për kontributin maksimal dhe do të mbahet mend si një lojtar fjalë pak e punë shumë!

Suksese të mëtejshme Alfred Zefi!

U largua nga Kukësi, Ndreu e do mesfushorin te Kastrioti

Sport Ekspres — Sat, 06 Jul 2019 13:18:10 +0000

Edhe pse po i largohen disa nga futbollistët e sezonit të kaluar në Kategorinë Superiore, Kastrioti i Kategorisë së Parë në këtë sezon të ri i kundërpërgjigjet kësaj situate me afrimet që po bën. Pasi është ulur në stol Ramadan Ndreu, u konfirmua mënjeherë afrimi i Xhuljo Mehmetit, mesfushorit që në sezonin e kaluar ishte pjesë e skuadrës së Kamzës.

Burime pranë klubit krutan të futbollit konfirmojnë interesimin e trajnerit Ndreu dhe presidentit Alban Vogli për mesfushorin 21-vjeçar Kristi Joti. Në sezonin e kaluar ai ishte pjesë e Kukësit në Kategorinë Superiore, me të cilën u bashkua gjatë merkatos së dimrit dhe luajti vetëm në 5 ndeshje, 1 herë si titullar dhe 4 herë si zëvendësues.

Karriera e Jotit ka nisur te Tirana në sezonin 2015-2016, për të kaluar sezonin tjetër te Kukës, i cili e huazoi te Tomori për një fazë në sezonin pasardhës. Për Kastriotin, Kristi Joti është lojtari i dytë në këtë merkato pas Xhuljo Mehmetit, ndërkohë që në fokus janë sulmuesi Ermir Rezi dhe mesfushori Xhuljo Mirani.

AGRON KAJA

Erzeni pazar te Dinamo, akord me Marlind dhe Rei Nuriu

Sport Ekspres — Mon, 01 Jul 2019 18:40:57 +0000

Mbrojtësi Marlind Nuriu dhe mesfushori Rei Nuriu janë dy largimet e mundshme nga Dinamo e sezonit të kaluar. Destinacioni i tyre është Erzeni, klub me të cilin të dy futbollistët kanë rënë parimisht dakord. Lajmin e konfirmon për SportEkspres.com vetë administratori i klubit shijakas, Altin Keçi. Mbetet të hidhen vetëm firmat në kontrata.

“Sot paradite kam mbyllur bisedimet me dy lojtarë cilësorë të Dinamos, mbrojtësin Marlind Nuriu dhe mesfushorin Rei Nuriu. Të dy lojtarët parimisht janë dakord që të luajnë me fanellën e Erzenit. Këtë lëvizje e miratuan edhe familjarët e tyre. Janë dy futbollistë, të cilët i shërbejnë planeve të skuadrës sonë. Superiorja mbetet synimi kryesor”, u shpreh administratori Keçi.

AGRON KAJA

Ka çmim të kripur, PSG dorëzohet për yllin e Lacios

Sport Ekspres — Mon, 01 Jul 2019 08:05:30 +0000

Mesfushori serb i Lazios, Sergej Milinkoviç-Saviç, ka qenë një temë e përsëritur gjatë vitit të kaluar. 24-vjeçari ishte i lidhur ngushtë me kalim te Juventusi dhe Mançester Junajtid verën e kaluar dhe në muajin janar. Tani, gjigantët e PSG-së duket se janë në pole position për firmën e tij.

Presidenti i Lacios, Klaudio Lotito, ka reputacionin për të qenë një biznesmen i zgjuar dhe duket se ky i fundit nuk ka ndërmend të ulë çmimin e mesfushorit, që është vendosur 100 milionë euro. Milinkoviç-Saviç nënshkroi një kontratë afatgjatë me Lacion në shtator, duke e mbajtur atë në kryeqytet deri në vitin 2023.

Ndërkohë, PSG ka disa probleme financiare të FFP-së dhe skuadra franceze nuk mendohet se do e paguajë shumën e kërkuar nga presidenca e Lacios për mesfushorin serb.

Uan Bisaka i gjashti, kush janë mbrojtësit më të shtrenjtë në botë?

Sport Ekspres — Sat, 29 Jun 2019 15:35:05 +0000

Në futboll, para të çmendura janë shpenzuar kryesisht për fazën ofensive, me sulmues që mbajnë ende transferimet më të shtrenjta në botë. Megjitha, vitet e fundit është investuar shumë edhe për prapavijën, me skuadra që kanë shpenzuar shifra të çmendura për të përforcuar mbrojtjen.

Van Dijk mbetet mbrojtësi më i shtrenjtë në botë, me holandezin që i kushtoi Liverpulit 75 milionë paundë në janarin e vitit 2018. Lukas Hernandez u bë mbrojtësi i dytë më i shtrenjtë në botë me kalimin e tij këtë verë nga Atletiko te Bajerni, ndërsa podiumin e plotëson francezi Laporte, i cili u ble 57 milionë paundë nga Mançester Siti.

Në vend të katërt dhe të pestë, renditen dy mbrojtësit e tjerë të Mançester Sitit, Benxhamin Mendi dhe Kajl Uolker. Transferimi më i fundit i Mançester Junajtid, Aron Uan-Bisaka mban vendin e gjashtë, pasi për firmën e tij, Mançester Junajtid i pagoi Kristal Palas plot 50 milionë sterlina.

Virxhil van Dijk (Liverpul) £75m
Lukas Hernandez (Bajern Mynih) £70m
Amerik Laporte (Man. Siti) £57m
Benxhamin Mendi (Man. Siti) £52m
Kajl Uolker (Man. Siti) £50m
Aron Uan-Bisaka (Man. Junajtid) £50m

Kastrioti do rikthimin në elitë, gati dy afrimet e para

Sport Ekspres — Sat, 29 Jun 2019 08:55:45 +0000

Një mbrojtës dhe një sulmues, kjo është merkato e ditës së sotme për skuadrën e Kastriotit. Këtë herë me ish-lojtarë të Superiores, teksa mesfushori Xhulio Mehmeti dhe sulmuesi Emir Rezi, të cilët luajtën me Kamzën sezonin e fundit, tashmë kanë arritur akordin për të qenë pjesë e skuadrës krutane për sezonin e ri futbollistik.

“Kemi zhvilluar disa herë bisedime me të dy këta futbollistë. Besoj se jemi shumë afër marrëveshjes, që do të vijë shumë shpejt. Unë i kam patur futbollistë kur drejtoja Kamzën dhe i njoh mirë vlerat e tyre. Mehmeti është një mesfushor shumë i saktë dhe energjik, ndërsa Rezi një sulmues tipik goli”, kështu deklaroi Ramadan Ndreu për SportEkspres.com.

Shijakasi Ermir Rezi luajti tre sezone me Kamzën, pa marrë parasysh dënimin e saj në fazën e tretë të Superiores, ndërkohë që Mehmeti në karrierën e tij vetëm me skuadrën kamzalie është aktivizuar. Kastrioti është skuadra e tij e parë jashtë Kamzës. Këto janë dy përforcime cilësore për skuadrën krutane, pas ardhjes së Ramadan Ndreut në bankinë.

AGRON KAJA

Takaj nis të veprojë, blindon portën me portierin e njohur

Sport Ekspres — Thu, 27 Jun 2019 15:09:49 +0000

E ardhmja e Skënderbeut është në dorë të vendimit të “CAS”. Të gjithë në Korçë po presin datën 12 korrik, kur trupa gjyqësore në Lozanë të Zvicrës do të japë vendimin final të gjyqit midis klubit shqiptar dhe qeverisë së futbollit evropian, UEFA.

Megjithatë drejtuesit e klubit korçar janë tepër optimistë dhe kanë filluar të veprojnë në merkato. Krahas marrëveshje të rinovimit me disa nga futbollistët aktualë, presidenti Ardian Takaj po punon për të afruar lojtarët më të dalluar të Superiores.

Sipas “RTSH Sport”, Skënderbeu ka arritur akordin me portierin Enea Koliqi. “Gardiani” pogradecar ka qenë një ndër portierët më të spikatur të Superiores gjatë viteve të fundit. 33-vjeçari ka pranuar ofertën e Takajt dhe zyrtarizimi pritet në ndodhë pas vendimit të “CAS”.

Porta ka qenë një ndër repartet më të problematike të Skënderbeut gjatë vitit të kaluar, por me ardhjen e Koliçit midis dy shtyllave të korçarëve do të vendoset një ndër më të dalluarit e këtij roli në Shqipëri.

Guardiola kërkon yllin e Realit, Siti hidhet në sulm!

Sport Ekspres — Thu, 27 Jun 2019 09:50:19 +0000

Pep Guardiola dhe Mançester Siti i tij ende nuk janë zgjuar këtë merkato, teksa akoma nuk ka asnjë lojtar të ri që ka firmosur në “Etihad Stadium”.

Kërkesat e numrit një të pankinës së “Citizens” duket se janë të qarta, me spanjollin që kërkon me çdo kusht në ekip një mesfushor. Ideja më e fundit duket se është Isko Alarkon.
Sipas asaj që raporton “Marca”, Guardiola i ka kërkuar drejtuesve të Sitit që të tentojnë mesfushorin, me këtë të fundit që duket me valixhe në duar prej kohësh.

Negociatat mes dy klubeve pritet të nisin mjaft shpejt, me anglezët që mund ta shohin Iskon si një objektiv më të lehtë se Rodri i Atletikos, për të cilin po hasin rezistencë nga madrilenët, por edhe konkurencë të ashpër nga Bajerni i Mynihut.

Pogradeci godet në merkato, Terrolli zbulon dy afrimet!

Sport Ekspres — Wed, 26 Jun 2019 11:23:29 +0000

Në hapësirën e merkatos, te Pogradeci më shumë po synojnë futbollistët e dalë nga ekipet e tyre zinxhir ndër vite, por edhe ish-lojtarë që kësaj skuadre i kanë shërbyer sezone më parë.

Këtë herë “grepat” e drejtuesve liqenorë janë hedhur te mesfushori Ildi Shyti, që sezonin e kaluar luajti me Bylisin, dhe te sulmuesi Albi Çekiçi, i cili ishte në përbërje të Besës. Të dy futbollistët kanë nënshkruar këto ditë një parakontratë me Pogradecin.

Për SportEkspres.com, sekretari i klubit liqenor, Arjan Terrolli deklaron se me të dy këta futbollistë është kontaktuar disa javë më parë, por zyrtarisht në fundjavë është nënshkruar një parakontratë.

“Si Albi Çekiçi, ashtu edhe Ildi Shyti janë dy futbollistë me vlera që i shërbejnë Pogradecit. Rikthimi i tyre në skuadrën tonë është një përforcim cilësor, dhe duke qenë se ende nuk kemi nisur nga sezoni, me të dy nënshkruam një parakontratë”.

“Duke qenë të kushtëzuar në startin e sezonit të ri, pasi mendojmë të nisim në muajin korrik, me Çekiçin e Shytin menduam ti mbyllim në 99% marrëdhëniet. Parakontrata nënkupton ndonjë lëvizje të tyre vetëm jashtë Shqipërisë, ose në Superiore, sepse në të Parën ata janë vetëm futbollistë të Pogradecit”.

AGRON KAJA

Nga Hungaria në Kroaci, Matraxhiu zbulon prapaskenat e Asanit dhe Ngo

Sport Ekspres — Tue, 25 Jun 2019 17:41:17 +0000

Andi Matraxhiu, një prej menaxherëve më të njohur të Superiores ka komentuar mbi merkaton e klubeve shqiptare në emisionin “Pressing” në “Abc News”. Në emision, Matraxhiu zbuloi disa prapaskena interesante.

ASANI – “Futbollisti i Partizanit Jasir Asani nuk është në menaxhimin tim, por di që është parë nga një skuadër në hungareze që merr pjesë në Kupat e Europës. Erdhi një përgjigje shumë pozitive për kualitetin e lojtarit, por kishte një problem në thonjëza racist. Trajneri i tyre është serb dhe po kështu i gjithë stafi i tij dhe një pjesë e lojtarëve. Nuk e bënë përfundimtare që kjo ishte një problem, por logjika të çon që ata nuk e dëshirojnë diçka të tillë. Asani është në kontratë me Partizanin dhe ka një klauzolë largimi shifrën e secilës s’mund ta bëj të ditur”.

TIRANA DHE NGO – “S’mund të them se Tirana ka bërë lëvizje të mira për një arsye, sepse ka mbuluar kokën dhe është zbuluar nga poshtë. Me aq sa kam unë informacion Majkëll Ngo është pranë një transferimit te Lokomotiva e Zagrebit. Kontrata e tij 2-vjeçare me Tiranën ka përfunduar. Kam një informacion që midis menaxherëve të Dungës dhe presidentit Refik Halili ka pasur një bisedë dhe ka akord, por ka një problem pasi për lojtarin ka dhe një ofertë nga Kukësi”.

Tirana nuk ndalet, akord me bomberin e Superiores

Sport Ekspres — Sat, 22 Jun 2019 17:37:35 +0000

Përforcimet s’kanë të ndalur te Tirana. Pas firmave me treshen e Flamurtarit, Batha, Kale, Torasa, bardheblutë synojnë të përforcojnë repartin e sulmit me një emër të njohur të kampionatit shqiptar.

Teksa bisedimet me Majkëll Ngo janë rrugën e duhur, drejtuesit e klubit po mendojnë për një “armë” më shumë për trajnerin Ardian Mema. Bëhet fjalë për sulmuesin kenian Ismael Dunga. Sipas “Supersport”, palët kanë gjetur akordin financiar dhe firma në kontratë është çështje kohe.

26-vjeçari ishte pjesë e Luftëtarit në sezonin e kaluar. Pas një fillimi të vështirë keniani filloi të spikaste me golat e tij ku në nëntë ndeshjet e fundit në Superiore shënoi shtatë herë.

Kontratë pensioni për Kosielnin, largimi nga Arsenali i sigurt

Sport Ekspres — Fri, 21 Jun 2019 15:23:28 +0000

Kapiteni i Arsenal Lorent Kosielni është shumë pranë largimit nga “topçinjtë. Qendërmbrojtësi është prej nëntë vitesh pjesë e klubit londinez dhe mesa duket francezi s’do e plotësojë dot një dekadë i veshur me fanellën e skuadrës angleze.

Sipas “footmercato” oferta që ka bindur francezin vjen nga vendlindja. Bëhet fjalë për ekipin e Lionit. Presidenti Zhan-Klod Olas i ka ofruar një kontratë 3-vjeçare Kosielnit. Megjithatë, duhet ende miratimi nga Arsenali.

Kosielni ka dhe një vit kontratë me “topçinjtë”. Rëndësia e francezit për mbrojtjen e Arsenalit ka ardhur në zbehje me lojtari si Sokratis, Mustafi dhe Holding, të cilët ia kanë kaluar në hierarki.

Zbulimi i Serie A lëshon bombën: Koha që të largohem!

Sport Ekspres — Wed, 19 Jun 2019 20:29:58 +0000

Në kampionatin italian të futbollit, zbulimet këtë sezon kanë qenë të shumta, me disa talentë që kanë tërhequr vëmendjen e shumë klubeve të mëdha europiane. Një nga ta, ka qenë dhe mbrojtësi i Sampdorias, Hoakim Andersen.

Danezi ka qenë një mur në prapavijën e skuadrës së Sampit dhe ka tërhequr vëmendjen e disa skuadrave në Premier League, me Arsenalin që shihet si ekipi favorit për të siguruar firmën e tij. Sa i takon së ardhmes, vetë Andersen tha hapur sot për mediat italiane se aventura e tij te Sampdoria ka mbaruar:

“Kam kaluar një periudhë të shkëlqyer te Sampdoria, por besoj se ka ardhur koha që të largohem dhe të provoj diçka të re. Janë disa klube që më kanë kontaktuar dhe aktualisht, agjenti im është në bisedime me 3 klube shumë të mëdha europiane. Kjo ka qenë dhe ëndrra ime”, u shpreh Andersen.

Dortmundi për titull, firmos dhe me talentin e Barçës

Sport Ekspres — Wed, 19 Jun 2019 18:58:05 +0000

Dortmundi duket se nuk di të ndalet në këtë merkato. Pasi siguroi firmën e Julian Brand, Niku Shulc, Thorgan Hazard dhe Mats Humels, verdhezinjtë kanë gjetur akordin dhe me futbollistin e dalë nga akademia e Barcelonës, Mateu Morej.

Mbrojtësi i djathtë, i lindur në vitin 2000, kaloi disa sezone në “La Masia”, por nuk iu sigurua një vend në ekipin A, çka bëri që 19-vjeçari të mos rinovojë dhe të studiojë ofertat. Dortmundi ka kontaktuar me agjentin e tij dhe parimisht, është arritur një marrëveshje, me Morej që do të nënshkruajë një kontratë 5-vjeçare në “Signal Iduna Park”.

Mateu Morej me fanellen e Spanje U19

Konfirmime dhe tre përforcime, Tërbuni futet fuqishëm në merkato

Sport Ekspres — Wed, 19 Jun 2019 17:21:30 +0000

Tërbuni fitoi kampionatin e Kategorisë së Dytë dhe menjëherë drejtuesit premtuan se sezoni i ardhshëm do të jetë shumë serioz, me punën që do të fillonte që në qershor. Fjala e dhënë është mbajtur, sepse këtë muaj trajneri Oltijon Kërnaja ka pasur shumë punë, duke nisur nga rinovimet.

Kështu, “SportEkspres.com” mëson se Tërbuni ka gjetur gjuhën e përbashkët me shumë nga titullarët e sezonit të fundit, si Saliaj, Mezini, Isaraj, Zagani, Hithi, Metani, Dodaj, Myrta e Taku.

Në ditët e ardhshme pritet rinovimi me Baçin, Kumanovën e Merdinin, ndërkohë që kanë nisur edhe përforcimet, sepse mesfushorët Majkël Peçi (ish-Kamza), Klaudio Hyseni (ish-Burreli) e Dejvis Çangu (ish-Elbasani) kanë gjetur marrëveshjen tashmë me pukjanët.

Trajneri Kërnaja shprehet: “Jemi në rrugën e duhur, gjithçka po ecën sipas planit. Deri javën e ardhshme do të mbyllim bisedimet me një portier, dy mbrojtës dhe disa lojtarë për pjesën ofensive, emrat e të cilëve natyrisht nuk i zbuloj dot pa firmosur, por janë lojtarë me eksperiencë në Superiore. Besojmë se Tërbuni do jetë bukuria e këtij sezoni, sepse po punojmë me shumë seriozitet”.

“Lëshohet” Demi: Nuk po na e bëjnë stadiumin! Tirana? Ne gjithmonë më të fortë!

Sport Ekspres — Wed, 19 Jun 2019 13:56:21 +0000

Presidenti i Partizanit, Gazmend Demi, ka dhënë një intervistë për “Report TV”, ku ka folur për disa nga temat që rrethojnë klubin e kuq, duke filluar nga emërimi i trajnerit Franko Lerda, largimi i Skënder Gegës, merkato e Partizanit dhe përballjet me Karabagun në fazën kualifikuese të Champions League.

Trajneri i ri Franko Lerda, zgjedhja e juaj apo e drejtorit Olsi Rama?

Siç e dini, e ka thënë edhe drejtori, mbas ikjes së Gegës për një problem familjar mbetëm dhe bëmë disa interesime. E morëm italian sepse duam të arrijmë një nivel më lart sepse kuptohet për teknikën dhe të gjitha. Kishim disa trajnerë, por drejtori zgjodhi Franko Lerdën, të cilit unë i kam dhënë besimin e plotë. Mendojmë se do bëjmë një ekip më të mirë se sa e kemi pasur në aspektin taktik, rregullit dhe disiplinës.

Shorti në Champions me Karabak, do dëshironit një skuadër tjetër?

Kuptohet që Karabak është një ekip me më eksperiencë se ne. Ka shumë vite kampion i Azerbajxhanit, me kualitete të mira, ka qenë deri në grupet e Champions League. Gjithsesi unë nuk kisha pretendim për ndonjë ekip tjetër sepse tek e fundit 11 me 11 luajmë. Unë kam besim te ekipi im, te stafi im, te drejtori. Me disa përforcime që do bëjmë, besoj se është i kalueshëm.

Kompleksi i Partizanit. Gjici ka thënë se stadiumi i Kukësit do përfundojë më shpejt. Keni një koment?

Nuk e di çfarë ka thënë presidenti Gjici sepse atij stadiumin ia bën bashkia dhe federata. Ne si Partizanin po e bëjmë vetë. Unë nuk jam në garë se çfarë bën Gjici, unë shpresoj që ta mbaroj sa më shpejt.

Ka ndonjë datë se kur do të rinisin punimet?

Shpresoj shumë që kampionatin ta nisim te ky ministadiumi jonë.

Gega, përse u largua trajneri? Thuhet për arsye personale, por këto ditë ai është parë në Shqipëri…

Trajnerin Gega e uroj për fitoren e titullit. Ka qenë një trajner i respektuar. Gegën e kam sjellë unë te Partizani. Kjo është hera e parë dhe e vetme që unë sjell trajner te Partizani. Kemi dhënë dorën si burrat dhe ka ardhur pa kontratë te Partizani. Pas disa muajsh me drejtorin Rama, pa më thënë mua, bënë kontratën. Që të jemi korrekt ajo kontratë u bë me të gjitha kushtet që donte Gega.

Më ka ardhur një ditë bukur, mbasi ka folur me drejtorin, për një problem familjar. I kam dhënë dorën dhe i kam thënë familja është mbi të gjitha. Kështu që ka qenë një ndarje xhentëllmenësh. Ka pasur vetëm një problem familjar. Asnjë prapaskenë tjetër unë nuk e di të ketë. E dija që ka ikur në Amerikë, ju po thoni që është këtu, nuk kam informacion. Megjithatë unë i uroj fat dhe gjithë të mirat. Nëse ikën në një skuadër tjetër, pastë fat dhe ishalla mos të ketë ato problemet që më tha mua.

Tirana shumë aktive në merkato. Ka marrë dy lojtarë të Partizanit. Mendoni se do ndryshojë historia në derbi? Keni thënë që nuk fitojnë sa të jeni ju president…

Tani, derbi dihet që është derbi. Unë i pari po gëzohem shumë që Tirana po përforcohet. Tek e fundit këto dy ekipe kanë qenë vlera e shumë viteve në kampionatin shqiptar. Me oshilacionet e të dyjave, sepse Partizani ka pasur të vetat dhe gjithashtu edhe Tirana. Për këto lojtarët që ka marrë nuk kam informacion sepse unë nuk i ndjek skuadrat e tjera. Derbi do të jetë prapë derbi, të treja rezultat janë brenda. Besoj se ne do të jemi gjithmonë më të fortë.

Për merkaton. Flitet se do të afrohet Balaj dhe Ramadani

Në informacionin tim, sepse me këtë punë merret drejtori, e ka ekskluzive, e ka marrë vetë përsipër. Shpresoj se do sjellë lojtarë shumë të mirë të cilët besoj se do bëjnë diferencën. Është në punë çdo ditë për të sjellë lojtarë cilësor, siç e dinë të gjithë nuk është e lehtë sepse dihet opinion për Shqipërinë, megjithatë jemi në rrugë të mbarë.

Për dy prurjet nga kampionati shqiptar flitet se janë lojtarë shumë cilësor. Si Melo (Uilliam Kordeiro ashtu edhe ish-lojtari jonë që luante te Teuta (Hakaj). Drejtori është shumë entuziast për të sjellë disa prurje shumë serioze dhe shumë të forta.

U përfol për stolin e Apolonisë, Kashami sqaron situatën

Sport Ekspres — Tue, 18 Jun 2019 11:39:20 +0000

Apolonia u nda me Gentian Stojkun në fund të sezonit dhe nuk e ka gjetur akoma trajnerin e ri. Një nga emrat e lakuar për stolin fierak është edhe kavajasi Ndriçim Kashami, i cili e drejtoi Apoloninë edhe dy sezone më parë. Gjatë sezonit të kaluar Kashami thuajse ka qenë pa skuadër, por gjatë kësaj periudhe të merkatos, u përfol kryesisht për pankinën e Apolonisë.

Por për SportEkspres.com, Kashami e mohon te jetë kontaktuar nga drejtuesit e klubit fierak. “Nuk kam asnjë kontakt me drejtuesit e Apolonisë. Edhe unë kam lexuar në media se ata më kishin në planet e tyre, por me sa duket këto janë thashetheme mediatike të merkatos dhe jo reale. Gjithsesi, unë kam patur para disa javësh ofertë nga një skuadër e Kategorisë së Parë, por duke qenë me administrim nga bashkia nuk e pranova”.

Ndriçim Kashami u bë i njohur në pankinat e futbollit shqiptar para tre vitesh, teksa drejtoi Apoloninë dhe në sezonin e kaluar Besëlidhjen për një periudhë të shkurtër. Në sezonin që sapo u mbyll, Kashami më shumë ka qenë i pranishëm në media, kryesisht në rolin e opinionistit e parashikuesit të ndeshjeve, vetëm për ato në Kategorinë e Parë.

AGRON KAJA

ZYRTARE | Largimi i radhës, Vajushi i jep fund te Teuta

Sport Ekspres — Mon, 17 Jun 2019 17:44:47 +0000

Teuta e Europës do të jetë pa Armando Vajushin. Klubi durrsak ka njoftuar ndërprerjen e bashkëpunimit me 28-vjeçarin. Futbollisti shkodran ishte një ndër afrimet më të bujshme të merkatos së janarit në Kategorinë Superiore, por rikthimi i sulmuesit në kampionatin shqiptar nuk dha rezultatet që dy palët prisnin.

Vajushi u aktivizua në 10 ndeshje nga Bledi Shkëmbi, ku nuk arriti të gjente rrugën e rrjetës. Dëmtimet e njëpasnjëshme në dy muajt e parë dhe forma e dobët në ndeshjet e mëpasshme bënë që shkodrani të përjetonte një sezon për t’u harruar në Durrës.

Bruno Fernandesh: Iki vetëm kur Sportingu të paguhet atë që meriton!

Sport Ekspres — Sun, 16 Jun 2019 18:04:13 +0000

Bruno Fernandes ka këmbëngulur se ai nuk ka kërkuar të largohet nga Sporting Lisbona, pavarësisht se ëndërra e tij është për të luajtur diku tjetër. Mesfushori portugez bëri sezonin e tij më të mirë në karrierë, duke shënuar 32 herë dhe duke asistuar 18 herë në 53 ndeshje.

“Unë kurrë nuk kam thënë se doja të largohem nga Sporting. Jam mirë këtu, por ka klube dhe oferta që nuk mund të refuzohen”, ka pranuar në një intervistë Fernandesh. “Do të largohem vetëm nëse Sportingu përfiton ato që meriton.

Unë kam ëndërra për të përmbushur, një prej tyre është të luaj në Angli. Nuk e them vetëm për shkak se ne klubet angleze janë të interesuara për mua, por se gjithmonë ka qenë ëndrra ime. Nuk e di se sa e vërtetë është ajo që shkruhet në gazeta, por për momentin, nuk kemi rënë dakort me asnjë skuadër”, përfundoi ylli portugez.

Filipe Luis nuk vjen, Barcelona synon mbrojtësin e Dortmundit

Sport Ekspres — Sun, 16 Jun 2019 17:49:11 +0000

Një lëvizje e Barcelonës për Filipe Luís ishte shumë pranë pak javë më parë, me kontratën e 33-vjeçarit të Atletikos që skadoi. Por Barcelona ka identifikuar një alternativë tjetër.

Para se të nënshkruante për Borussia Dortmund, Raphael Guerreiro ishte një objektiv i Barçës. Ai i kishte impresionuar me skuadrën e Lorient dhe paraqitjet e tij me Portugalinë në Euro 2016, ku u shpall dhe kampion Europe, bënë që të gjitha klubet të vihen pas tij.

Guerreiro është paraqitur mjaft mirë në Dortmund, pasi ka zënë vend titullar për 3 sezone radhazi. 25-vjeçari portugez ka treguar gjithashtu aftësinë e tij për të luajtur në shumë pozicione, duke u aktivizuar në mesfushë nga ish-trajneri i ekipit verdhezi, Tomas Tuhel.

Largimi i dytë në Mallakastër, Bylis ndahet me mesfushorin

Sport Ekspres — Sat, 15 Jun 2019 22:13:03 +0000

Bylis ka zyrtarizuar largimin e mesfushorit Ildi Shyti. Futbollisti pogradecar iu bashkua skuadrës mallakastriote në fillim të sezonit që lamë pas. 26-vjeçari u aktivizua 14 herë nga trajneri Veljko Dovedan.

Shyti është lojtari i dytë që largohet nga skuadra mallakastriote. Pak ditë më parë klubi njoftoi ndërprerjen e bashkëpunimit me sulmuesin togolez Doseh Kofi. Përsa i përket afrimeve, në Ballsh duhet të presin edhe akoma.

“Bum” blerjesh te Teuta, zyrtarizohet goditja e pestë

Sport Ekspres — Sat, 15 Jun 2019 18:05:52 +0000

Plot 5 lojtarë ka afruar Teuta deri më tani në këtë merkato vere. Afrimi më i fundit është Arlind Kalaja, mesfushori që sezonin e shkuar luajti si i huazuar te skuadra e Kastriotit. Kalaja u largua nga Kukësi dhe Teuta siguroi firmën e tij. Mesfushori ka cilësi të mira dhe është një përforcim i rëndësishëm për “Djemtë e Detit”. 23-vjeçari luajti 24 ndeshje sezonin e shkuar në Superiore, 12 me Kukësin dhe 12 me Kastriotin, por nuk arriti asnjëherë të gjejë rrugën e rrjetës.

Zyrtare

“Ka firmosur sot pasdite kontratën që e bën zyrtarisht pjesë të Teutës. Arlind Kalaja është përforcimi i pestë zyrtar për skuadrën durrsake. Më parë, Kalaja ka luajtur me ekipin e Kukësit.”

Barcelona e nxjerr në shitje mesfushorin, Interi fërkon duart

Sport Ekspres — Fri, 14 Jun 2019 21:59:11 +0000

Në Spanjë janë të sigurt: Rakitiç dhe Barcelona janë gati të divorcohen. Klubi ka vendosur që lojtari kroat nuk bën më pjesë në planet e tyre dhe se ata mund të përballojnë ta shesin atë në këtë merkato vere. Sipas “Cadena Ser”, Valverde u takua me presidentin e Barçës, Bartomeu të martën dhe ranë dakord se mesfushori mund të largohet nga klubi.

Barcelona ka sjellë në ekip tashmë Frenki de Jong dhe në rast se duan të nënshkruajnë me Antuan Griezman nga Atletiko, duhet të shesin disa lojtarë. Barça e vlerëson Rakitiç rreth 50 milionë euro dhe Interi prej kohësh ka qenë i interesuar për shërbimet e tij.

Megjithatë, zikaltërit mendojnë se shuma që Barcelona kërkon, mund të jetë paksa i lartë për një 31-vjeçar. Mançester Junajtid gjithashtu mendohet të ketë një interes kohët e fundit dhe mund të sfidojë Interin për kartonin e Ivan Rakitiç.

Koha e spastrimeve te Reali, 17 lojtarë me valixhe në duar!

Sport Ekspres — Thu, 13 Jun 2019 12:07:29 +0000

Reali i Madrid është padyshim mbreti i merkatos aktualisht, me “Los Blancos” që kanë shpenzuar më shumë se 300 milionë euro për afrimin e pesë lojtarëve.

Tashmë në “Bernabeu”, duket se ka ardhur koha e spastrimeve dhe lojtarët që janë me valixhe në duar janë të shumtë. Plot 17 emra janë publikuar në mediat spanjolle. Duke nisur që nga Isko e Marselo, e për të përfunduar me emra si Gareth Bejl, Lukas Vaskez apo Mariano Diaz.Lista përmban edhe yje të tjerë si Hames Rodrigez e Mateo Kovaçiç, të cilët sipas gjasave pritet të zgjedhin Serie A për të vijuar karrierën e tyre. Kolumbiani pritet të kalojë te Napoli, ndërsa kroati do të rikthehet te ish-ekipi i tij, Interi.

Lista e 17 lojtarëve që pritet të largohen nga Reali këtë merkato

Isko Alarkon, Gareth Bejl, Marselo, Lukas Vaskez, Mariano Diaz, Hames Rodrigez, Mateo Kovaçiç, Kejlor Navas, Dani Sebajos, Marko Jorente, Naço Fernandez, Hesus Vajeho, Teo Hernandez, Borha Majoral, Raul de Tomas, Luka Zidan, Lukas Silva

Përforcim luksi për Feronikelin, pranë firmës me lojtarin e përfaqësueses së Kosovës

Sport Ekspres — Wed, 12 Jun 2019 21:43:57 +0000

Feronikeli, ekipi kampion i IPKO Superligës së Kosovës po bëhet gati për pjesëmarrjen në raundin paraeliminator të UEFA Champions League. Pasi zyrtarizuan rinovimet me pjesën më të madhe të grupit, drejtuesit e skuadrës nga Drenasi kanë hedhur sytë nga merkato për përforcime.

Portali “korneri.net” raporton se Feronikeli është pranë akordit me lojtarin e përfaqësueses së Kosovës, Anel Rashkaj. 29-vjeçari aktivizohet prej më një viti e gjysmë me suedezët e Eskilstunës. Nëse palët gjejnë akordin, Rashkaj do të jetë përforcimi i dytë në mesfushë për Feronikelin që pak ditë më parë zyrtarizoi firmën me Argjend Malajn.

Më datë 25 qershor Feronikeli do të përballet me Linkoln Red Imps. Në rast të fitores ndaj kampionëve të Gjibraltarit, skuadra nga Drenasi do të ndeshet tri ditë më vonë në finalen e kësaj faze ndaj fituesit të çiftit Tre Pene – Santa Koloma. Të gjitha takimet e kësaj faze do të zhvillohen në stadiumin “Fadil Vokrri”, Prishtinë.

Merkato e Bylisit, në bisedime me ish-mesfushorin e Besës

Sport Ekspres — Sun, 09 Jun 2019 18:59:24 +0000

Bylisi ka filluar të mendojë seriozisht për merkaton dhe synon të përforcohet sa më shumë për sezonin e ri, që do e shohë në Superiore. Edhe pse u shpallën kampionë të Kategorisë së Parë, drejtuesit po mendojnë të krijojnë një skuadër thuajse të re, që të konkurrojnë në Superiore.

Një nga emrat e përfolur për t’iu bashkuar ballshiotëve është Donald Mëllugja, futbollist që e mbylli sezonin e shkuar me Besën e Kavajës. 24-vjeçari luajti 19 ndeshje në Kategorinë e Parë, ku 18 prej tyre i nisi si titullar. Mëllugja ka shënuar dhe një gol me fanellën e kavajasve.

Mesfushori dhe klubi i Besës nuk kanë preferuar të mos vazhdojnë bashkëpunimin dhe me shumë gjasa, 24-vjeçari i lindur në Burrel do të vazhdojë karrierën e tij te Bylisi.

Bylisi feston fitoren me Vllaznine 3-1

Sa zhurmë te Interi, po mendohet rikthimi i bujshëm

Sport Ekspres — Sun, 09 Jun 2019 07:32:36 +0000

Mateo Kovaçiç është i gatshëm të rikthehet te Interi, raporton “La Repubblica”. Emri i kroatit është në qendër të vëmendjes së skuadrës zikaltër. Bisedimet midis drejtuesve të Interit dhe atyre të Real Madridit kanë nisur, me “Los Blancos” që duken të bindur për vlerën e mesfushorit.

Kovaçiç vlerësohet me 60 milionë nga Reali i Madridit, shumë për të cilën po negociohet. Gjithashtu, Interi po synon të bëjë një marrëveshje indirekte, pasi po mendohet për një huazim me të drejtë blerje për 25-vjeçarin, i cili kaloi dy vite e gjysmë në San Siro, para se të bashkohej me Realin e Madridit në vitin 2015.

Kovaçiç kaloi sezonin e shkuar në huazim në klubin e Premier Ligës, Çelsi dhe duket se nuk është në planet e Zinedin Zidan. Gjatë sezonit 2018-19, Kovaçiç luajti plot 51 ndeshje në të gjitha kompeticionet. Në pothuajse 3100 minuta, ai shënoi dy gola dhe ishte pjesë e formacionet të Çelsit që fitoi Europa League.

Milani dorëzohet për sulmuesin e Romës, i beson Kutrones

Sport Ekspres — Fri, 07 Jun 2019 15:34:38 +0000

Në muajt e fundit, Milani është konsideruar si një destinacion i mundshëm për sulmuesin e Romës, Patrik Shik. Çeku nuk e ka justifikuar investimin e tij te Roma, me klubin kryeqytetas që dëshiron ta shesë atë. Milani ishte një nga skuadrat në garë për shërbimet sulmuesit, por tani duket se kuqezinjtë janë dorëzuar.

Sipas asaj që raporton “CalcioMercato”, skuadra e Milanit ka hequr dorë nga kartoni i Shik, duke i besuar talentit Patrik Kutrone, polakut Piatek dhe Andre Silvës, që është rikthyer nga huazimi.

Drejtuesit e Romës janë të gatshëm të shesin Shik te skuadra që bën ofertën më të lartë, por mes duket, kjo skuadër nuk do të jetë Milani.

Marota fluturon drejt Madridit, Interi tenton goditjen e trefishtë

Sport Ekspres — Fri, 07 Jun 2019 13:54:48 +0000

Antonio Konte nuk dëshiron të humbasë kohë. Trajneri i ri i Interit i ka dhuruar dyshes Marota-Auzilio listën e lojtarëve që kërkon në ekip dhe emrat e atyre që duhet të largohen.

Dy drejtuesit kanë fluturuar për Madrid, aty ku ndodhen objektivat kryesorë. Tre janë dëshirat e mëdha të Interit dhe të tre lojtarët janë pjesë e Realit. Merkato e madhe që po bëjnë “Los Blancos” do të ketë firo dhe zikaltrit janë gati të përfitojnë.

Dëshira e madhe quhet Marko Asensio. Spanjolli ka zhvilluar vetëm 15 ndeshje si titullar dhe po kaq herë është futur në fushë si zëvendësues sezonin që sapo u mbyll. Ardhja e Luka Joviç dhe Eden Hazard do ia ngushtojë më shumë hapësirat.

Asensio në një dyluftim me Naçon në stërvitje

Interi mbetet një opsion i mirë, por Reali kërkon shumë para dhe nuk do të jetë aspak e thjeshtë të arrihet një akord. Drejtuesit e Interit kanë kontaktuar edhe agjentin e 23-vjeçarit për të mësuar më shumë rreth kërkesave të tij.

Dy emrat e tjerë janë Mateo Kovaçiç dhe Naço. Kroati është një njohje e vjetër, pasi është aktivizuar për dy sezone me Interin më parë. Reali mund të vendosë ta huazojë sërish dhe rikthimi në San Siro do të ishte zgjidhja më e mirë për të gjithë.

Konte pëlqen edhe Naçon. 29-vjeçari mbulon të gjithë rolet e repartit defensiv dhe është i përshtatshëm për çdo skemë: si në atë me tre mbrojtës, ashtu edhe në atë më katër të tillë.

Rikthehemi te largimet. Konte i ka kërkuar drejtuesve të shesin Mauro Ikardin dhe Raxha Naingolan. I pari po tenton të gjejë klubin e duhur për të vazhduar karrierën, ndërsa belgu mund të rikthehet te Roma.

Hebaj: E ardhmja? Po pres Partizanin, kombëtarja ëndrra e çdo shqiptari

Sport Ekspres — Mon, 03 Jun 2019 21:07:09 +0000

Rubin Hebaj ka dhënë një intervistë për emisionin ”Pop Culture” në “Top Channel”, ku ka folur në lidhje me tema të ndryshme që rrethojnë jetën e një futbollisti shqiptar. Idhulli, e ardhmja dhe ëndrra e kombëtares shqiptare janë disa ndër gjërat që shkodrani diskutoi në këtë intervistë.

TITULLI KAMPION – “Vuajtjet dhe sakrificat e gjithë vitit na u shpërblyen me fitoren e kampionatit në fund. Ishte një fund i lumtur, u gëzuam të gjithë”.

STËRVITJA – “Në stërvitemi pothuajse çdo ditë. Një seancë zgjat diku te një orë o gjysmë ose dy orë. Pjesa tjetër është kohë e lirë. Po të kemi dëshirë mund të bëjmë stërvitje ekstra. Ndonjëherë trajneri vendos të na japë një ditë pushim pas një ndeshje”.

RËNDËSIA E REGJIMIT –“Nëse nuk mban regjim kjo gjë do të pasqyrohet menjëherë në paraqitjet në ndeshje ose stërvitje. Gjithçka është në dëmin tënd”.

HAPAT E PARË – “Futbollin e kam filluar shumë i vogël, diku te 8 vjeç. Babai më thoshte se do i hyja futbollit, pasi ai i kishte luajtur vetë, dhe ky sport do më bënte mirë për shëndetin. Më pas e kuptova se mund të shkoja më larg. Daja më bëri tifoz më Brazilin. Në përgjithësi më pëlqenin të gjithë brazilianët, veçanërisht Ronaldinjo. Më pas u dashurova me Ronaldon, jo me Mesin”.

A KA ZËNKA NË SKUADËR – “Të them drejtën këtë vit kemi pasur shumë harmoni në ekip. Normalisht nuk është e thënë të rrish me 25 çuna. Mund të kesh një grup djemsh që je më i afërt. Këtë vit ka pasur shumë harmoni, prandaj besoj arritëm te ky sukses. Futbolli i njeh acarimet. Janë gjëra që ndodhin në nerva e sipër, por shuhen aty menjëherë”.

E ARDHMJA – “Nuk e di të them të drejtën. Këtu te Partizani jam në huazim. Kam dhe një vit kontratë me Domzhalen në Slloveni. Tani do shoh sa të fillojë merkato. Partizani ka të drejtë të aplikojë të drejtën e blerjes së kartonit. Në rast se jo, atëherë do kthehem në Slloveni e do vazhdoj atje”.

KOMBËTARJA – “Është një ëndërr që e ka çdo shqiptar besoj, sidomos ne që jemi marrë përherë me futboll. Nuk ka arritje më të madhe se sa të luash në kombëtare”.

MIQËSIA ME LOJTARË TË KOMBËTARES – “Po Balajn e kam kushëri, ndërsa Roshin e njoh prej Bekimit. Jam shumë i afërt me ata, komunikoj shpesh. Kur kam qenë pjesë e moshave të Rijekës, ata ishin në ekip të parë dhe më kanë dhënë një ndihmë shumë të madhe. Kalonim çdo ditë bashkë. Më kanë këshilluar si të jem më i qetë dhe si të stërvitem më shumë”.

SKUADRA E ZEMRËS – “Unë jam formuar si futbollist në Shkodër dhe normalisht kam qenë tifoz i Vllaznisë. Vitin e parë si profesionist e kam kaluar te Vllaznia. Është normale të jem tifoz me Vllazninë. Për Partizanin kam pasur gjithmonë simpati, pasi pavarësisht se ra në kategoritë më të ulëta, u ngrit prapë dhe doli kampion. Është krenari dhe nder për ne që e arritëm ta kthenim në majë të futbollit. Kështu bëjmë që moshat e reja te bëhen tifozë me Partizanin, pasi ka shumë me Tiranën”.

THUHET SE FUTBOLLISTËT JANË TIPA TË TURPSHËM? – “Varet, nuk janë të gjithë njësoj ka dhe tipa që s’i pushon goja. Unë ndoshta hyj më shumë te të turpshmit, por më mirë të them diku në mes”.

MESAZHI PËR TË RINJTË – “Do i thosha të rinjve që të besojnë në vetvete dhe me punë e përkushtim mund të arrijmë çdo gjë”.