20-vjeçari nuk u përzgjodh nga Niko Kovaç në listën e të grumbulluarve për turin amerikan. Shabani është aktivizuar në këto javë të para të sezonit me ekipin B të bavarezëve, që këtë sezon militon në Bundesliga.3.

Gjatë javëve të fundit disa prej lojtarëve më të dalluar të akademisë bavarezë janë huazuar në ekipe modestë të Bundesligës së parë, por një shans i tillë ende nuk po vjen për Shabanin, i cili në dy vitet e fundit ka qenë një ndër lojtarët më të dalluar në sistemet zinxhir të Bajernit.

Our squad for the #AudiFCBTour! ??? #ICC2019

?? https://t.co/ARA1WsN0qK pic.twitter.com/qF1rEYXMOb

— ?? FC Bayern US ?? (@FCBayernUS) July 9, 2019

Vitin e kaluar Niko Kovaç e përzgjodhi të riun me origjinë shqiptare në listën e të grumbulluarve për këtë fazë përgatitore, duke i dhënë mundësinë të marrë minuta në disa ndeshje miqësore ndaj ekipeve si PSG, Juventus dhe Mançester Siti. Tani karriera e 20-vjeçarit ndodhet tashmë në një udhëkryq, pasi është e qartë që hapësirat te Bajerni për të janë inekzistente.

Shumë ndër ish-kolegët e tij te skuadra rezervë dhe ajo U19 e Bajernit janë huazuar te ekipe modeste te Bundesligës së parë ose të dytë, ndoshta të njëjtin fat do të ketë dhe i riu shqiptar. Një opsion tjetër është i aktivizimit te skuadra rezervë. Ekipi B i Bajernit siguroi ngjitjen në Bundesligën e tretë, kategori kjo që është tërësisht profesioniste në ndryshim nga Regionalliga. Shabani luajti rol kyç në këtë sukses duke qenë titullar në 26 ndeshje.

Mesfushori shqiptar shënoi golin që zhbllokoi takimin në minutën e 50-të. Shabani është ndër talentet më premtues të akademisë së Bajernit, por edhe në rangun e të rinjve 20-vjeçari e ka një konkurrent që po lë mbrapa.

Bëhet fjalë për koreanin Jeong, i cili është një lojtar i ngjashëm me Shabanin. Futbollistik aziatik preferohet nga Niko Kovaç, i cili e ka grumbulluar në katër takime të Bundesligës, duke i dhënë mundësinë  e debutimit në elitën e futbollit gjerman në një prej tyre.

Bëhet fjalë për mesfushorët Meritan Shabani (Bajern Mynih), Elvis Rexhbexaj (Volfsburg) dhe Florent Muslija (Hanover).

“Jemi në negociata me Meritan Shabanin, Florent Muslija dhe Elvis Rexhbeçaj që të pranojnë të luajnë me Kosovën”, tha Shaland para gazetarëve. Në të njëjtën kohë trajneri i zviceranëve ka pranuar dhe bisedimet me Bastien Tomën dhe Florent Hadërgjonajn.

Të dy lojtarët janë ftuar nga trajneri Tomas Nërenberg për ndeshjet miqësore kundër Portugalisë dhe Polonisë.

Ndërsa në listën e kombëtares U21 të Gjermanisë mungon sërish emri i Elvis Rexhbecajt. Djaloshi nga Prizreni ka bërë paraqitje të mira me Volfsburgun, por siç duket nuk ka mjaftuar për të bindur të trajnerin Stefan Kunc.

Së fundmi “Kicker” raporton se interesi i Ajaksit për 18-vjeçarin me origjinë shqiptare vazhdon të mbetet i lartë. Sipas medies së njohur gjermane, drejtuesit e Bajernit janë të gatshëm ta shesin talentin e tyre, por vetëm me një kusht.

Në kontratën e shitjes së kartonit të Shabanit, Bajerni kërkon të ketë një klauzolë ekskluzive për ta blerë sërish lojtarin me një çmim të paracaktuar. Një marrëveshje të njëjtë përdori Real Madrid kur shiti Alvaro Moratën te Juventusi dhe e blenë sërish pas një sezoni.

Lojtari më i afirmuar është padyshim Elvis Rexhbecaj. Mesfushori 21-vjeçar është kthyer në një lojtar që shpesh është pjesë e formacionit titullar te  Volfsburgu. I dytë në radhë është Meritan Shabani i Bajernit të Mynihut. Lojtari me origjinë shqiptare konsiderohet si një ndër lojtarët me premtues të akademisë së kampionëve të Gjermanisë. Ofertat për ta huazuar atë nuk kanë munguar madje gjatë merkatos së janarit 19-vjeçari ishte pranë kalimit te Ajaksi i Amsterdamit.

Kalojmë te Hanoveri, ku Florent Muslija është pjesë e rregullt e skuadrës së parë. I riu shqiptar u ble nga Karlsruhe dhe aktivizohet si mbrojtës ose mesfushor krahu. Më i riu i shqiptarëve të Bundesligës është Leon Dajaku i Shtutgartit. Sulmuesi me origjinë shqiptare është vetëm 17 vjeç dhe ka mbi shpinë dy aktivizime në kampionat.

Kosova dhe Shqipëria janë gjithmonë me një sy nga katër talentet, por duhet treguar durim pasi në lojë është dhe Gjermania. Të katërt futbollistët premtues aktivizohen me kombëtaret e moshave të katër herë kampionë të botës, por në një situate identike është ndodhur dhe Mërgim Mavraj, i cili tani është kapiteni i kombëtares sonë.

Interesi i Ajaksit për talentin 19-vjeçar nuk është diçka e re, por tani negociatat janë në fazën finale. Ndeshja që bindi drejtuesit e klubit të Amsterdamit, ishte një takim i “Uefa Youth League” midis Bajernit dhe Ajaksit, ku Shabani kreu një paraqitje mbresëlënëse.

Hapësirat për 19-vjeçarin te Bajerni janë të paktë dhe bashkëpunimi midis palëve nuk ka përse të vijojë për më tej. Në kampionatin holandez minutat për futbollistin e talentuar do të jenë të shumta.

Përsa i përket aspektit të përfaqësueses, 19-vjeçari mund të zgjedhë midis përfaqësueses së Gjermanisë, Kosovës dhe Shqipërisë. Për momentin ai është pjesë e rregullt e grumbullimeve të moshave të “Pancerave”, por në vitet në vazhdim kjo gjë mund të ndryshojë.

Futbollisti 19-vjeçar është një ndër lojtarët më të talentuar të akademisë bavareze dhe prej gati një viti lojtari me origjinë shqiptare ka filluar të stërvitet me ekipin e parë. Gjithsesi, konkurrenca e madhe te kampionët e Gjermanisë, ka bërë që talenti të mos marrë minuta të mjaftueshme.

Ajaksi pritet të shesë gjatë kësaj merkatoje mesfushorin e talentuar Frenki De Jong dhe Shabani do të jetë një ndër lojtarët që do blihet me fondet e shitjes së De Jong. Për momentin nuk bëhen të ditura shifrat që po negociohen midis palëve.

Mesfushori 19-vjeçar ka qenë pjesë e grumbullimeve të moshave të Gjermanisë, por për shërbimet e tij interesohen dhe përfaqësueset e Shqipërisë dhe Kosovës.

Meritan Shabani shënoi golin e parë për Bajernin e Mynihut në fitoren ndaj 2 – 1 në transfertën ndaj ekipit U19 të Ajaksit. Mesfushori me origjinë shqiptare tundi rrjetën e holandezëve në minutën 24-të dhe luajti për 90 minuta në fitoren e të tijve.

Fatkeqësisht, ekipi U19 i bavarezëve ka përfunduar i treti në grupin e tij edhe pse ndante të njëjtin numër pikësh me dy ekipet e kreut (11)  për shkak të golevarazhit më të dobët. Rrugëtimi i Shabanit mbaron këtu, ndërsa në fazën tjetër të “UEFA Youth League” janë kualifkuar Ajaks dhe Benfika.      

Jang Bojs U19 ka fituar me rezultatin 4 – 2 ndaj homologëve të Juventusit. Mbrojtësi i shpresave të Kosovës, Kreshnik Hajrizi, luajti për 90 minuta në këtë takim ku mbajti shiritin e kapitenit për skuadrën zvicerane, ashtu siç ka bërë dhe në ndeshjet e mëparshme të “UEFA Youth League”.

Kjo nuk është hera e parë që Shabani është grumbulluar nga tekniku kroat, pasi në javët e shkuara ka qenë në stolin e Bajernit në ndeshjet përballë AEK-ut dhe në takimin e kupës së Gjermanisë kundër Rëdinghauzen.

Në të dyja takimet e mëparshme, Shabani qëndroi në stol përgjatë 90-minutave. Nëse bavarezët do të arrijnë të marrin një epërsi të kënaqshme ndaj Benfikës, nuk do të jetë aspak çudi nëse Kovaç vendos t’i jap pak minuta 19-vjeçarit.

Unsere Aufstellung gegen @SLBenfica. ? #FCBSLB #packmas pic.twitter.com/9kbkj2Cjj5

— FC Bayern München (@FCBayern) November 27, 2018

Mesfushori 19-vjeçar është aktivizuar deri më tani me ekipin B të Bajernit, që militon në divizionin e katërt të futbollit gjerman. Në 10 ndeshje, Shabani ka gjetur pesë herë rrugën e rrjetës duke e treguar qartë se është një lojtar që meriton të luajë në nivele shumë më të larta.

Në fund të sezonit të kaluar Shabani firmosi një kontratë të re me kampionët e Gjermanisë që e mbaron në qershor të 2020-ës, ndërkohë që shumë klube të Bundesligës.2 kanë shfaqur interes për huazimin e lojtarit.  Aktualisht Shabani përfaqëson moshat e Gjermanisë në arenën ndërkombëtare, por interesi i Kosovës dhe Shqipërisë për lojtarin mbetet i madh.

Prej atij momenti, ka qenë shumë e vështirë që në skuadrën e Bajernit të arrinin të promovoheshin të rinjtë e rritur në klub. Situata ka ndryshuar në muajt e fundit, me bavarezët që kanë rinisur të “prodhojnë” yje të rinj, ku më i fundit është Meritan Shabani.

Mund të jetë një rastësi e futbollit, që jo çdo vit të dhuron kampionë të rinj, të gatshëm për të luajtur në nivele shumë të larta. Ndoshta mund të jetë faji i politikave të klubit, të cilat kanë ndryshuar, për t’u përshtatur me ato të gjigandëve të tjerë të Europës. Por, kur talentët zbulohen, është e vështirë që kualiteti i tyre të kalojë pa u vënë re.

Aq më tepër, në rastet kur në stol ke fatin të ndodhet një “ujk i vjetër” si Jup Hejnkes. Trajneri tashmë i dalë në pension, ishte njeriu që më 28 prillin e kaluar i dhuroi Shabanit debutimin në Bundesligën gjermane. Aktualisht është vetëm 19 vjeç, ndërsa në fushë luan si mesfushor me tipare ofensive. Interi ëndërron t’ia rrëmbejë gjermanëve dhe lufta do të jetë mjaft e fortë.

Në Gjermani e kanë pagëzuar “Shvajnshtajgeri i ri”, sepse përveç cilësive teknike, vlera e tij e shtuar është se mund të luajë edhe si sulmues i dytë, ose si organizator në qendër të mesfushës, ashtu si shpesh ka ndodhur të aktivizohet në përfaqësueset e moshave të Gjermanisë. 185 centimetra forcë fizike, elegancë me topin dhe vizion loje. Cilësi të cilat Shqipëria dhe Kosova ëndërronin ti kishin në dispozicion.

Vetëm një muaj më parë, stafi i Kombëtares kuqezi kishte shumë shpresa te afrimi i lojtarit. Mes të interesuarve direkt ishte edhe trajneri Kristian Panuçi. Prindërit e talentit janë shqiptarë të Kosovës, por Meritani ka lindur në Mynih. Deri më tani, Shabani ka luajtur vetëm një ndeshje me përfaqësuesen e 20-vjeçarëve të Gjermanisë.

Vetëm pak javë më parë, trajneri i Shpresave të Shqipërisë, Alban Bushi deklaronte se talenti i Bajernit është gati ti përgjigjet thirrjes së gjakut. Të gjithë mendonin se ftesa do të pranohej, por një muaj më parë, lojtari publikoi një fotografi me përfaqësuesen e moshave të “pancerave”. Meritan Shabani ka ende shanse të bëjë zgjedhjen e tij, për të luajtur me Shqipërinë. Tashmë ka ardhur momenti i zgjedhjes, e cila nuk pritet të jetë aspak e lehtë.

Mesfushori me tipare sulmuese është vetëm 19-vjeç dhe për të kanë shfaqur interes të madh përfaqësueset e Kosovës dhe Shqipërisë. Një opsion tjetër për talentin e Bajernit është edhe kombëtarja e Gjermanisë, pasi ai disponon një pasaportë gjermane.

Ndërkohë, ka shumë gjasa që djaloshi i lindur në Mynih, të huazohet në muajin janar në një ekip të Bundesligës.2 gjatë ,merkatos së muajit janar.

Në listën e klubit bavarez bie në sy dhe emri i mesfushorit me origjinë shqiptare Meritan Shabani. Mesfushori 19-vjeçar përligji besimin e Jup Hajnkes në ndeshjet e fundit të sezonit të kaluar dhe që prej atëherë stërvitet rregullisht me ekipin e parë, ndërsa minutat i merr te skuadra rezervë.

Shabani është një ndër talentet për të cilin ka një “përplasje” midis federatave të Shqipërisë dhe Kosovës. Të dyja palët po mundohen të joshin lojtarin, ndërsa pritet që vendimi i tij përfundimtar të jetë çështje javësh.

https://www.instagram.com/p/BnWXFA8AN8C/?utm_source=ig_web_copy_link

Trajneri i Kosovës, Bernard Shalande, shprehet i bindur se Shabani do të jetë pjesë e Kosovës, por në momentin e duhur. Gjithsesi i riu pret edhe Gjermaninë. Ka ende shpresa dhe akoma nuk ka vendosur. Shqipëria dhe Kosova presin.

“Ka shuam lojtarë që i kemi në fokus dhe një nga ata është edhe Meritan Shabani. E do edhe Shqipëria, unë kam pasur një takim me familjarët e tij që janë shprehur se do të luajë me Kosovën. Do t’i lëmë kohën e duhur për të vendosur. Kur të ndjehet gati, do të vijë”, tha Shalande në konferencën për shtyp.