merih demiral

Dy shkaqe kryesore, Juventusi heq Demiral nga merkato

Sport Ekspres — Fri, 26 Jul 2019 15:09:46 +0000

Milani insiston për të siguruar shërbimet e Merih Demiral, por Juventusi ka vendosur ta heqë nga merkato mbrojtësin turk. Paraqitjet pozitive në turin aziatik i kanë bindur të gjithë në kampin e bardhezinjve për cilësitë e tij.

Jo vetëm kaq, pasi Corriere dello Sport zbulon edhe një shkak tjetër. Problemet fizike të Xhorxho Kielinit e detyrojnë “Zonjën” të mos heqë dorë nga shërbimet e 21-vjeçarit.

Kapiteni mbush 35 vjeç me datë 14 gusht dhe pavarësisht grintës dhe gatishmërisë për të luftuar gjithmonë për kauzën e Juves, fiziku i tij nuk premton akoma rreth 50 ndeshje në sezon.

Dy alternativa për mbrojtjen e Milanit, vendos… Mauricio Sarri

Sport Ekspres — Tue, 23 Jul 2019 13:54:18 +0000

Shitja e Andre Silvës te Monako (30 milionë euro) i ka siguruar Milanit pjesën më të madhe të parave për blerjen e Angel Korreas. 24-vjeçari argjentinas pritet të zbarkojë shumë shpejt në Milano, ndërsa në arkat e Atletiko Madrid do të përfundojnë 45 milionë euro.

Akordi është arritur dhe kuqezinjtë kanë hedhur sytë drejt objektivit të radhës. Korrea pritet të formojë një repart ofensiv fantastik me Piatek dhe Paketën. Tani synohet përforcimi i mbrojtjes.

Objektivi i Milanit është pjesë e Juventusit. Merih Demiral pëlqehet shumë. Bardhezinjtë sapo e kanë blerë turkun nga Sasuolo, por hapësirat e pakta mund të huazojnë atë drejt Milanit.

“Djalli” preferon 21-vjeçarin në rolin e qendërmbrojtësit. Nëse nuk gjendet akordi, atëherë Milani do të kënaqej edhe me Daniele Ruganin. Njëri prej tyre pritet të largohet nga “Zonja” dhe Maldini është gati ta veshë kuqezi. Fjala e fundit i takon Mauricio Sarrit…

Kina nuk e lejonte të hynte, Juventusi merr lajmin e mirë

Sport Ekspres — Sun, 21 Jul 2019 10:51:03 +0000

Juventusi ndodhet në Kinë për të marrë pjesë në turneun miqësor mes disa prej skuadrave më të mëdha të kontinentit evropian. Blerja e re, Merih Demiral ishte në dyshim për prezencën e tij në miqësore, për shkak të marrëdhënieve jo të mira të Turqisë, vendlindjes së tij dhe Kinës.

Shkaku është tensioni i vendit të madh me Turqinë, me këta të fundit që akuzojnë Pekinin për shtypjen e pakicës turko-myslimane të ujgurëve. E gjithë kjo e bënte të vështirë autorizimin e tij me një vizë qëndrimi në shtetin aziatik.

Pas kësaj qe njoftuar se mbrojtësi do të kthehej në Itali. Megjithatë, nuk do të ndodhë kështu. Demiral do të vazhdojë të jetë pjesë e Juventusit në turneun kinez. Klubi italian njofton nëpërmjet një postimi në “Twitter” se Demiral është pajisur me vizë dhe do të qëndrojë me ekipin deri në përfundim të ndeshjeve miqësore.

Concesso il visto per la Cina a Merih Demiral. Il difensore sarà disponibile anche per la partita di Nanchino pic.twitter.com/G2mWHH5vJz

— JuventusFC (@juventusfc) July 21, 2019

Kina bllokon një juventin, zbulohet arsyeja!

Sport Ekspres — Sat, 20 Jul 2019 10:11:15 +0000

Merih Demirel është një nga blerjet e Juventusit për sezonin e ardhshëm. Mbrojtësi turk erdhi nga Sasuolo. 21-vjeçari, i cili numëron 6 ndeshje me kombëtaren e tij, pëlqehet nga Milani dhe mund të huazohet tek ekipi i Xhampaolos, duke parë rivalitetin e madh që ekziston në mbrojtjen e bardhezinjve.

Një episod i pakëndshëm i ka ndodhur qendërmbrojtësit. Juventusi u nis në turneun aziatik. Në Singapor do të zhvillohet miqësorja me Totenhemin, ndërsa Demirel nuk mundi të pajisej me vizë nga… Kina!

Shkaku është tensioni i vendit të madh me Turqinë, me këta të fundit që akuzojnë Pekinin për shtypjen e pakicës turko-myslimane të ujgurëve. Politika ndërkombëtare triumfon mbi futbollin dhe Demirel pret rikthimin e Juves në Itali ose transferimin te Milani.

Milan troket te Juventusi, synohet huazimi i mbrojtësit

Sport Ekspres — Tue, 16 Jul 2019 13:42:08 +0000

Qendërmbrojtësi turk Merih Demiral u zyrtarizua pak ditë më parë si lojtari më i ri i Juventusit. Kampionët e Italisë paguan 18 milionë euro për të bërë të tyrin të riun turk, i cili ka nënshkruar një kontratë 5-vjeçare.

Megjithëse, 21-vjeçari sa ka mbërritur te Juventusi, në Itali kanë filluar të qarkullojnë lajme që flasin për një mundësi huazimi të Demiral te skuadra e Milanit. Hapsirat për turkun te Juve nuk janë të shumta. Kielini, Bonuçi, Rugani dhe së shpejti De Ligt, janë konkurrenca e frikshme të cilët do të duhet që Demiral të luftojë për minuta.

“RAI Sport” raporton se për të bërë të mundur këtë dëshirë të Juventusit, duhet dhe leja e Sasuolos, e cila ka vendosur një klauzolë specifike në rast huazimi të lojtarit. Aktualisht në skuadrën e Milanit ndodhen vetëm 3 qendërmbrojtës: Romanjoli, Kaldara, Musakio.