Sipas FieriSot, tek Apolonia do të afrohet një sulmues amerikan dhe dy futbollistë nga Ekuadori, por emra konkret nuk ka. Megjithatë, të dhënat e lojtarëve janë publikuar. Sulmuesi amerikan do të zbarkojë sot në Fier. Ai është 27-vjeç dhe ka luajtur në kampionatin belg dhe atë lituanez.

Ndërsa dy ekuadorianët, kanë rënë parimisht dakort me klubin e Apolonisë që të firmosin. I pari është 23-vjeç dhe aktivizohet në krahun e majtë të fushës, ndërsa i dyti është 22-vjeç dhe luan si mbrojtës. Për të tre lojtarët, Mërgjyshi nuk ka vendosur ende.

Zgjedhja e Dinamos – “Jam në shtëpinë time si me thënë, pasi ndihem dinamovit. Unë dua të tregohem gjithmonë modest, por te Dinamo kam arritur shumë gjëra. Kam luajtur si futbollist, kam qëndruar si drejtues, si trajner, jam shumë i lidhur me këtë klub”.

Synimi – “E ndjej për detyrë të kontribuoj për Dinamon dhe dua të rikthej Dinamon aty ku i takon dhe aty ku të gjithë tifozët kanë vite që presin. Është një detyre dhe obligim për të bërë më të mirën dhe për tu rikthyer aty ku na takon”.

Tifozët – “Është e vërtetë që qëndrimi për një kohë relativisht të gjatë ka ulur besimin te tifozët e Dinamos, por dhe te pjesëtarët e stafit. Duhet punë që të thyhet ky mentalitet, por ajo që më ngroh dhe më mbush me optimizëm është fakti që projekti i klubit synon me doemos të rikthehet në Superligë”.

Strategjia e klubit – “Tani që jam pranë skuadrës, them me bindje se të gjithë po punojnë që Dinamo të rikthehet në Superiore. Do t’i marrim gjërat me qetësi dhe të kemi një strategji që të krijomë një ekip konkurrues dhe me premisa, si në këtë merkato, si në merkaton e ardhshme. Po shtrojmë shinat për të kthyer Dinamon aty ku i takon”.

Sezoni aktual – “Jo se neve jemi të dorëzuar këtë sezon për ngjitjen në Superligë, pavarësisht se diferenca me Vllazninë është disi e madhe. Ne do t’i marrim ndeshjet me radhë dhe do të bëjmë maksimumin. Merkatoja është fokusi im, duhet të njoh mirë skuadrën dhe të shikoj ku ka nevojë për tu përmirësuar”.

Merkato – “Këtë periudhë do të jem në ndjekje të Kategorisë së Parë dhe të Superiores, për të marrë lojtarët e duhur për të ngritur Dinamon. Deri më tani, nuk mund të them emra, pasi jemi në bisedime me shumë lojtarë, por asgjë konkrete. Jemi në bisedime më të avancuara me 2-3 lojtarë, por fokusim im kryesor është që të rregullohen mangësitë, e jo vetëm të bëjë merkato boshe”,- tha Mërgjyshi.

“Ishim diçka më shumë superior në menaxhimin e hapësirës dhe topit, por nuk ishim konkret dhe agresivitetin e duhur në metrat e fundit, i kishim mundësitë për të shënuar, por i shpërdoruam. Në momentin që Kastriotit që mbeti me 10 lojtarë nuk e menaxhuam mirë situatën dhe Kastrioti përfitoi nga çorientimi ynë dhe shënoi”.

“Donim që të ndryshonim diçka faktikisht për të pasur më shumë mundësi për të rrezikuar. Kjo lëvizje nuk u kuptua mirë dhe kundërshtari na vuri në vështirësi me një lojtar më pak. Ne treguam karakter dhe një marsh më shumë në minuta  mbetura. Shfrytëzuam një mundësi të mirë dhe shënua. Ne nuk na kënaq kjo pikë, pasi donim fitore. Ndeshjet e tilla janë të vështira. Një pikë jashtë është pozitive që nuk po humbasim. Ka gjëra që mund t’i ndryshojmë”.

“Lojtarët e sulmit nuk janë në gjendjen e tyre më të mirë fizik. Nëse nuk kemi shumë zgjedhje do e kemi të vështirë që të shënojmë edhe pse kemi gjetur golin në çdo ndeshje, i kishim mundësitë, madje raste të pafalshme. Është minus që nuk e fituam ndeshjen sot”.

Rexhinaldo dhe Uzuni janë nivel të lartë. Është e vështirë që t’i zëvendësosh. Lojtarët e rinj duan të bëhen pjesë e skuadrës si Xhixha dhe Smaçi dhe duke u stërvitur mirë do t’i zëvendësojnë në këtë edicion

Barazim – Për mënyrën si shkuan gjërat ishim më afër fitores. E kishim përgatitur mirë ndeshjen dhe e kërkuam gjatë gjithë lojës fitoren. Edhe terreni na e vështirësoi pak punë, por ne i kishim rastet tona. Më kënaq se si luajtëm, por jo rezultati. Edhe pse nuk shënuam, krijuam dhe skuadra kërkoi gjatë gjithë lojës, edhe ndaj një kundërshtari si Partizani suksesin. Jemi në rrugën e mbarë dhe pavarësisht se nuk shënuam, duhet të mbajmë këtë mënyrë loje.

Afrimet – Të dy lojtarët e afruar (Naidenov dhe Altiparmakovski) që ishin në fushë nuk e njohin mirë kampionatin dhe debutuan si titullar. Kanë cilësi edhe pse në anën fizike nuk janë 100%. Sukaj po ashtu nuk është në gjendjen optimale. Ishin brenda pritshmërive dhe jam i kënaqur nga ata.

Xhixha – Pas largimit të Uzunit kemi pak boshllëk.  Galiç nuk do të jetë pjesë e jona për një periudhë të gjatë, Xhixha di të përshtatet mirë në të treja pozicionet e sulmit.  Them se rrezikshmërinë më të madhe e ka kur luan majtas. I pati mundësitë dhe rreziko disa herë, por ndihmoi dhe në mbrojtje.

Mersinaj – Mund të them fjalë të mira. Është paraqitur mirë, por është ende i ri dhe duhet t’u a kursejmë fjalët e mira, pasi kemi një kampionat të gjatë.

Sulmi – Të gjitha ndeshjet janë të vështira. Nuk ka ndeshje që mund ta fitosh kollaj. Është hera e parë që ne nuk shënojmë. Kemi krijuar raste dhe e meritonim të shënonim, por përderisa shfaqemi po ndërtojmë manovrën sulmuese. Ndonjëherë duhet dhe fat, eksperiencë dhe faktorë të tjerë.

– Çfarë ka ndryshuar në krahasim me sfidën e Superkupës, ku Laçi u mund nga Skënderbeu?
– Dua të përgëzoj skuadrën për grintën ndaj një kundërshtari që meriton respekt, për të shkuarën dhe për ekipin aktual. Ndeshja që luajtëm për Superkupë ishte ndoshta një plus, sepse e njihnim më mirë kundërshtarin. Edhe në Superkupë luajtëm mirë, por sot arritëm të merrnim pikë, duke luajtur me kujdes, duke pritur për rastet në sulm, që i patëm. Të dyja skuadrat luajtën mirë, mund të fitonin. Skuadra më jep besim, sepse është një grup që të bën optimist me atë që tregon në fushë.

– E mendoje fitoren në fund, në epërsi numerike?
– Jo pa qëllim bëmë edhe ndërrime duke aktivizuar sulmues. Megjithatë, nëse do ta na thoshin se do të barazonim para ndeshjes do ishim të kënaqur. Ndoshta lojtarët ishin përgatitur psikologjikisht për barazim dhe as nuk e panë lojtarin e dëmtuar që doli jashtë në fund, kur shkuam në epërsi të dyfishtë numerike.

– Mos duhej pak më shumë guxim për fitore?
– Ne i bëmë lëvizjet, ai është stoli. Një nga lojtarët që u fut në fund sapo ka ardhur dhe nuk ka gjendjen e duhur fizike. Bëmë rregullime me ata që kishim në fushë, krijuam disa mundësi për gol, por bëmë edhe gabime. Nuk është e lehtë ta ndryshosh ndeshjen në pak minuta në fund, përtej dëshirës sime.

– Si u ndjeve me rastin që humbi Skënderbeu në fund?
– E vërtetë, mund të pësonim një gol në fund me një top të gjatë dhe do të më vinte shumë keq, sepse deri tani kemi shënuar me goditje standarde, pa pësuar, ndryshe nga sot, ku pësuam gol.

– Merkatoja, si e ndryshojë Laçin, sepse priten Sukaj, Pjeshka, Berisha e Hoxha?
– Presim disa lojtarë, sepse skuadra duhet e plotë në stol. Tani na shtohet konkurrenca, dëshira për të shkuar përpara, por ka edhe vështirësi, sepse nuk e dimë gjendjen fizike të lojtarëve që presim të afrohen.

Pak minuta më parë ekipi ka zbritur në fushë dhe presidenti Pashk Laska ka prezantuar trajnerin e ri. Po ashtu me grupin mund të shihet dhe në video që është edhe portieri, njëkohësisht kapiteni i skuadrës Gentian Selmani, si dhe sulmuesi Myrto Uzuni.

Që të dy këto lojtarëjanë përfolur se mund të largohen nga Laçi, por sot kanë qenë nën urdhrat e trajnerit të ri dhe me shumë mundësi do të jenë së paku dhe për ndeshjen finale të Superkupës së Shqipërisë.