Mentor Mazrekaj

Dështon transferimi në Norvegji, Mazrekaj gjen skuadër në kryeqytet

Sport Ekspres — Tue, 19 Feb 2019 17:40:40 +0000

Mentor Mazrekaj është një emër mjaft i njohur për futbollin shqiptar. Sulmuesi nga Kosova ishte një ndër lojtarët më të mirë të Partizanit të viteve të shkuara, por bashkëpunimi me të kuqtë u mbyll me lojtarin që preferoi të vijonte karrierën në Kosovë.

Muaji janar e gjeti 30-vjeçarin pa ekip, pasi ndërpreu kontratën me Ferizajn. Sulmuesi tentoi të transferohej gjatë kësaj merkatoje në Norvegji te Sandjeford, ekip ky që militon në divizonin e dytë për nga rëndësia në vendin nordik. Megjithatë vonesat në përgatitjen e dokumentacionit për lejen e qëndrimit ka bërë që ky opsion të mos finalizohet.

Në një prononcim për sajtin “Indeksonline.com”, Mazrekaj bëri të ditur se do të luajë me një skuadër të qytetit të Prishtinës, 2 Korrikun, ekip që militon në divizionin e dytë të futbollit kosovar. Kontrata e futbollistit me klubin prishtinas zgjat deri në fund të sezonit aktual.

“Mazrekaj, Mazrekaj do të mbetet”: përjashtohet nga Ferizaj!

Sport Ekspres — Wed, 07 Nov 2018 19:49:33 +0000

Mentor Mazrekaj është i pasionuar pas futbollit, por më së shumti kërkon të luajë në minifutboll. Aty i ka hedhur hapat e parë dhe më pas i kanë ardhur të mirat nga sporti, duke nisur të luajë si profesionist.

Sulmuesi anësor këtë verë iu bashkua skuadrës së Ferizajit, që së fundmi e ka përjashtuar ish-lojtarin e Partizanit. Mazrekaj ka pësuar një dëmtim në Liga Total, një kampionat i madh që bëhet në Kosovë me ekipe nga i gjithë vendi, gjë që nuk është toleruar nga drejtuesit e ekipit të tij.

Sipas “Gazetaolle”, ai është përjashtuar nga ekipi. Edhe në të shkuarën Mazrekaj ka marrë pjesë në këtë kompeticion pa lejen e Partizanit, ccka pat sjellë edhe masë disiplinore. Te Ferizaj kanë marrë vendimin drastik dhe e kanë larguar pa u mbyllur pjesa e parë e sezonit.

Mazrekaj drejt Superiores, nisin bisedimet

Sport Ekspres — Tue, 28 Aug 2018 12:24:18 +0000

Mentor Mazrekaj ishte sezonin e shkuar pjesë e Prishtinës, ndërkohë që tanimë sulmuesi anësor është i lirë. Ish-lojtari i Partizanit pritet të ndajë mendjen se ku do të luajë këtë vit, ndërkohë që nga Kosova zbulohet se së fundmi është kontaktuar nga një klub i Superiores.

“Gazetasheshi.com” bën me dije për nisjen e bisedimeve dhe thekson se zotr se Mazrekaj do ta lërë këtë rast t’i ike nga duart. Kurioziteti më i madh për sulmuesin është forma sportive e tij gjatë kësaj periudhe që ka qenë në Kosovë.

Te Partizani pat shkëlqyer në fillim, por më pas dëmtimet e panalizuan. Gjithashtu edhe sjellja e tij nuk ka qenë më e mira, çka detyroi Partizanin ta dërgonte te Prishtina në huazim fillimisht. Mazrekaj është vetëm 29 vjeç dhe kalimi te Kukësi mund të ishte një mundësi për të treguar se mund të japë akoma në fushën e blertë.