Ganez Emanuel Mensah nuk arrin të bëjë kontaktin e duhur me topin edhe pse me portën e boshatisur vetmë pak metra larg tij.

40’ – E pabesueshme çfarë humbet Mensah. Pas një kombinimi të mirë nga e djathta mes Asanit dhe Ibrahimit, topi mbërrin në qendër të zonës së Laçit. Aty ndodhet i lirë sulmuesi Mensah, por me portën e boshatisur, e çon topin jashtë. Nuk iu beson syve sulmuesi i “Demave”.

“Unë ndihem mjaft mirë sa i përket anës fizike. Në futboll duhet të përmirësohemi gjithnjë në të gjitha drejtimet, si nga ana fizike, ashtu dhe nga ajo taktike”.

“Çdo lojtar dëshiron që të luajë çdo ndeshje, ashtu si edhe unë, por është trajneri ai që vendos. Unë i respektoj vendimet e tij. Ai vendos se kur duhet të luaj dhe ku. Do të jap më të mirën time aty ku do më kërkojë trajneri”.

“Them se paraqitjet e mia kanë ardhur në rritje. Kam mundësi për t’u përmirësuar akoma dhe më shumë. Ndihem mirë si me veten time ashtu dhe me grupin. Uroj që të mbaj këtë ritëm”.

“Unë dua që të shënoj në çdo ndeshje, por më e rëndësishme është që skuadra të marrë fitoren. Si të shënoj unë apo dikush tjetër rëndësi ka fitorja”.

“Diferencat janë të mëdha nga Laçi kur luftonim për mbijetesë dhe te Partizani që duam titullin. Në çdo ndeshje duhet të jesh i përqendruar. Është pozitive kur je në një ekip që lufton për kreun”.

“A do jem i motivuar për të shënuar ndaj Kukësit një javë më vonë? E rëndësishme është që të bëj punën time ndaj çdo kundërshtari. Duhet të jap më të mirën time, pavarësisht se kë ekip kam më parë”.

Siç raportohet në “RTSH Sport”, sulmuesi Emanuel Mensah ka folur për disa minuta me trajnerin Skënder Gega, para nisjes së seancës së sotme stërvitore, duke kërkuar në një farë mënyre “llogari” për mungesën e minutave .

Ganezi u aktivizua në minutën e 70 në ndeshjen e fundit dhe kjo gjë duket se nuk i ka lënë shije të mirë autorit të tre golave. 24-vjeçari është aktivizuar në 11 ndeshje deri më tani, por vetëm 6 prej këtyre sfidave i ka nisur që nga minuta e parë. Pas bisedës me Gegën, Mensah është bashkuar me grupin dhe duket se gjithçka do të vijojë normalisht.

“Demat” duke se kanë goditur në shenjë me afrimin e ganezit, i cili edhe në të shkuarën i kishte treguar aftësitë e tij, pasi më herët ka qenë pjesë e Laçit, saktësisht në edicionin 2016-2017. Sa i përket aftësive, 24-vjeçari është paksa i fiksuar për të dhuruar spektakël në momente të caktuar.

Në ndeshjen e fazës së parë mes Partizanit dhe Flamurtarit, Mensah mendoi që të entuziazmonte të gjithë tifozët e kuq, me një ikje spektakolare, teksa me një lëvizje mjaft të bukur arrin që t’i kalojë nën këmbë topin Siljanovskit dhe të krijojë një situatë të rrezikshme në portën e vlonjatëve. Kaq ka mjaftuar që tifozët të ngrihen në këmbë për të kolimentuar në një farë mënyre këtë lëvizje. Sulmuesi ka menduar që ta ndajë dhe me ndjekësit e tij në “Instagram” këtë moment që me të vërtetë duhet shijuar.

https://www.instagram.com/p/BpXLpRUAPnD/?utm_source=ig_web_button_share_sheet

“Ishte një moment që nuk duhej të gabonim, pasi me Tiranën morëm vetëm tre pikë, nuk bëmë asgjë të jashtëzakonshme. Skuadra u tregua jashtëzakonisht e pjekur. E studiuam Teutën me detaje dhe jam shumë i kënaqur për trepikëshin”.

“Besimi që ekziston te Partizani? Elementi kryesor i Partizanit sot është puna, jemi të ndërgjegjshëm për qëllimi që kemi. Skuadra nuk dorëzohet deri në momentin e fundit, grupi është gjithçka. Teuta është një skuadër me elementë mjaft të mirë, që luan futboll të bukur. Gjithçka doli ashtu siç e kishim përgatitur”.

“Çfarë diskutova me Mensah në fund të ndeshjes? Partizani nuk është në Angli, por ka histori edhe më të madhe se Lesteri. Unë jam lider. Me Mensah dhe me të gjithë të tjerët, nuk i lë gjërat të shkojnë në heshtje. Mensah kishte dëshirë të madhe që të luante prej minutës së parë, por fjalën e fundit kam dëshirë t’ia them menjëherë në sy dhe të korrigjohet. Unë vendos rregullat e mia, klubi ka rregullat e veta. I tregova se isha i kënaqur për golin e tij, por kisha dëshirë t’i jepja një shans shokut të tij të ekipit. Ekipin e konsideroj si një familje”.

“Kërkuat t’i jepnit shansin Hebajt? Është luks kur nisin bëhen 15-16 lojtarë konkurrentë direkt, është presion pozitiv. Por, duhet të marr vendimet e mia për të mirën e punës. Mmensah mendova t’ia ulja presionin, ndërsa Hebajn kërkova ta ndihmoja. Mensah u aktivizua në momentin kur ra ritmi i lojës dhe ai bëri atë që bëri”.

Gjithçka ka ndodhur shumë shpejt. Mensah dje ka kaluar testet mjekësore te Kukësi dhe më pas ka udhëtuar me skuadrën në Pezë-Helmës, duke zhvilluar edhe seancën e parë stërvitore. Sot në mëngjes lojtari ka marrë një ofertë konkrete nga Partizani.

Vonesat e shumta duket se nuk i kanë pëlqyer lojtarit, i cili nuk kishte nënshkruar ende me verilindorët. Ai është ulur në bisedime me “demat” dhe në fund gjithçka e kryer, marrëveshje dhe firmë. Kukësi e pësuar edhe dy herë të tjera kështu.

Rasti i parë është ai me Peter Olajinkën, i cili po ashtu pozoi me fanellën e Kukësit dhe më pas shkoi në Korçë. Një histori shumë e ndërlikuar ajo e sulmuesit të Slavias së Pragës sot. Bylisi kishte kontratë me lojtarin dhe e shiti në Korçë. Rasti i dytë është ai i Benejani Demte.

Lojtari nga Etiopia u prit nda drejtuesit e Kukësit dhe më pas u pa në stërvitje me Skënderbeun. Edhe ajo një situatë e çuditshme, me Kukësin që u nervozua jo pak pas këtij episodi. Së fundmi vjen dhe rasti “Mensah”, i cili ka ndryshuar ambient në pak orë.

Dita e nesërme do të jetë ajo e prezantimit, gjë që do të ndodhë pasi sulmuesi të kryejë vizitat mjekësore dhe të nënshkruajë kontratën që e lidh me Kukësin. Mensah sezonin e fundit është aktivizuar në Superligën greke.

Futbollisti 24-vjeçar fillimisht ishte pjesë e Atromitos, ndërsa më pas luajti me Kërkyrën. Pas një viti rikthehet në Shqipëri, ku ka provuar një eksperiencë me Laçin. Në 17 ndeshje me kurbinasit arriti të shënonte 4 gola, ndërkohë që spikati me veprimet e tij teknike.

Ajo që ra në sy kundër Karabakut, por edhe ndaj Valetës në turin paraardhës, është se Sindrit Guri nuk është zëvendësuar ende dhe kjo ka bërë që drejtuesit e Kukësit t’i futen punës. Rexhinaldo ishte i pari që firmosi dhe përforcon ndjeshëm sulmin në vazhdim, por nuk ka mbaruar me kaq, sepse do të ketë ndryshime të tjera, me Sebino Plakun që tashmë pritet të largohet, sepse kontrata ishte vetëm për Kupat e Europës dhe kampionati nis së shpejti.

“Sport Ekspres” zbulon se Kukësi ka arritur marrëveshjen me ish-sulmuesin e Laçit Emanuel Mensah, i cili është tashmë në Tiranë. Ganezi 24-vjeçar erdhi te Laçi në janar të vitit të shkuar, duke u larguar nga kampionati sllovak, ku ishte paraqitur shumë mirë me Zemplín Michalovce.

Në Laç Mensah spikati, me 4 gola në 17 ndeshje dhe një nivel të lartë loje, duke qenë i aftë të bënte sulmuesin e qendrës, anësorin, apo edhe mesfushorin e krahut.

Rendimenti i mirë në Laç i hapi rrugën ganezit për të shkuar në kampionatin grek, ku sezonin e shkuar u nda mes Atromitosit dhe Kerkyrës. Në asnjërin ekip nuk i eci, duke mos u bërë dot lojtar titullar, ndaj tani vjen kthimi në Shqipëri, në një kampionat më pak cilësor, ku ndoshta do të ketë mundësi të tregojë sa vlen, ashtu si me Laçin.

Anësori ofensiv, 4 gola në 17 ndeshje kampionati në Laç, ka firmosur dhe është ptreznatuar te Atromitosi, klub i Superligës greke, që e ka prezantuar duke e përshkruar me superlativa.

Mensah është një futbollist i aftë të luajë në të gjitha pozicionet e sulmit dhe mosha e tij e re ka bindur Atromitosin t’i ofrojë një kontratë 2-vjeçare, duke i dhënë numrin 7.

“Jam i entuziazmuar, sepse po hedh një hap të madh përpara në karrierën time, duke m’u dhënë mundësia të luaj për Atromitosin. E di që Atromitosi është një ndër klubet më të mira në Greqi, kam gjetur një ambient të shkëlqyer dhe tashmë mund të mendoj vtëm të punoj fort. Dua të falënderoj drejtuesit dhe trajnerin, që më ka besuar, do të jap 110% në çdo ndeshje, për t’i kënaqur tifozët”, deklaroi pas nënshkrimit Mensah.

Sa për kuriozitet, Mensah kishte kontakte me gjithë klubet e pasur të Superiores këtë qershor, por asnjëri nuk i ofroi kontratë.