Mendi

Uan Bisaka i gjashti, kush janë mbrojtësit më të shtrenjtë në botë?

Sport Ekspres — Sat, 29 Jun 2019 15:35:05 +0000

Në futboll, para të çmendura janë shpenzuar kryesisht për fazën ofensive, me sulmues që mbajnë ende transferimet më të shtrenjta në botë. Megjitha, vitet e fundit është investuar shumë edhe për prapavijën, me skuadra që kanë shpenzuar shifra të çmendura për të përforcuar mbrojtjen.

Van Dijk mbetet mbrojtësi më i shtrenjtë në botë, me holandezin që i kushtoi Liverpulit 75 milionë paundë në janarin e vitit 2018. Lukas Hernandez u bë mbrojtësi i dytë më i shtrenjtë në botë me kalimin e tij këtë verë nga Atletiko te Bajerni, ndërsa podiumin e plotëson francezi Laporte, i cili u ble 57 milionë paundë nga Mançester Siti.

Në vend të katërt dhe të pestë, renditen dy mbrojtësit e tjerë të Mançester Sitit, Benxhamin Mendi dhe Kajl Uolker. Transferimi më i fundit i Mançester Junajtid, Aron Uan-Bisaka mban vendin e gjashtë, pasi për firmën e tij, Mançester Junajtid i pagoi Kristal Palas plot 50 milionë sterlina.

Virxhil van Dijk (Liverpul) £75m
Lukas Hernandez (Bajern Mynih) £70m
Amerik Laporte (Man. Siti) £57m
Benxhamin Mendi (Man. Siti) £52m
Kajl Uolker (Man. Siti) £50m
Aron Uan-Bisaka (Man. Junajtid) £50m

VIDEO | Prezantimi i Mendi, në Bernabeu nuk ndalet spektakli

Sport Ekspres — Wed, 19 Jun 2019 15:26:25 +0000

Luka Joviç dhe Eden Hazard u prezantuan pak ditë më parë si lojtarë të Real Madridit para mijëra tifozëve të “Los Blancos”, duke e mbushur stadiumin Santiago Bernabeu plot. Pas dy blerjeve të bujshme, radhën e pati Ferland Mendi.

Mbrojtësi francez u prezantua sot si futbollist i Real Madridit, edhe pse klubi spanjoll e kishte zyrtarizuar firmën e tij para disa ditësh, për 48 milionë euro. Kjo shumë është transferuar në arkat e klubit të Lionit.

Edhe pse prezanca e tifozëve në stadium nuk ishte aq sa kur u prezantua Eden Hazard, sërish tifozët e Realit i bënë një pritje të ngrohtë blerjes së radhës. Mendi do të rivalizojë me Marselon për një vend në krahun e majtë të mbrojtjes.

Zyrtare | I pandalshëm Perez, tjetër investim faraonik për Realin

Sport Ekspres — Wed, 12 Jun 2019 18:43:33 +0000

Reali i Madridit është mbreti i kësaj merkatoje vere. 11 ditë kanë kaluar që nga hapja e merkatos dhe “Los Blancos” kanë nënshkruar deri më tani me tre futbollistë të njohur. Pas Luka Joviç dhe Eden Hazard, radhën e ka francezi Ferland Mendi. Mbrojtësi i majtë i ka kushtuar “Galaktikëve” 48 milionë euro+5 milionë euro bonuse. Kontrata për të është 6-vjeçare, me francezin që do të qëndrojë në Madrid deri në vitin 2025.

? #WelcomeMendy pic.twitter.com/HdXyDLS4hd

— Real Madrid C.F. ???? (@realmadriden) June 12, 2019

Goditja e dytë, mbrojtësi kryen vizitat mjekësore te Reali

Sport Ekspres — Tue, 04 Jun 2019 17:27:15 +0000

Ferland Mendi, 23-vjeç, është duke kryer vizitat mjekësore te Reali i Madridit, raporton L’Equipe. Sipas gazetës franceze, Lioni dhe Reali i Madridit kanë gjetur akordin dhe prezantimi i Mendi mund të jetë brenda 24 orëve të ardhshme. Edhe zyrtarizimi i francezit te “Los Blancos”, do të publikohet shumë shpejt nga skuadra kryeqytase.

Pas zyrtarizimit të Luka Joviç, mbrojtësi i majtë francez do të jetë zyrtarizimi i dytë. Ky transferim vë në pikëpyetje të madhe të ardhmen e Marselos, braziliani i cili sapo mbylli një sezon për t’u harruar.

Megjithatë, me rikthimin e Zinedin Zidan, Marselo shihet si një lojtar kyç dhe Mendi shihet si zëvendësuesi i tij. Te Lioni, Ferlan Mendi bëri një sezon të shkëlqyer, çka ka detyruar Realin e Madridit të shpenzojë plot 50 milionë euro per të.

Mendi një dështim total, Guardiola gjen zëvendësuesin në Angli

Sport Ekspres — Fri, 10 May 2019 18:37:09 +0000

Mançester Siti ka humbur durimin me mbrojtësin francez Benzhamin Mendi. Dëmtimet e shpeshta në gju të mëngjarashit e kanë “mbushur kupën” dhe tani ka filluar kërkimi për pasuesin.

Sipas “The Telegraph”, trajneri i Mançester Sitit, Pep Guardiola, ka udhëzuar drejtuesit e klubit për të sjellë në Mançester mbrojtësin e Leister Sitit, Ben Çilluell.

Futbollisti 22-vjeçar është kthyer prej dy sezonesh në një lojtar kyç te Leister Siti, ndërsa së fundmi ka besuar besimin e trajnerit të Anglisë, Gareth Sauthgejt, duke mposhtur konkurrencën e Luk Shou dhe Deni Rouz.

VIDEO | Barcelona “hutoi” edhe lojtarin e Sitit, feston dhe ofendon Liverpulin!

Sport Ekspres — Thu, 02 May 2019 11:38:39 +0000

Në sfidën e një nate më parë mes Barcelonës dhe Liverpulit, i pranishëm në “Camp Nou” ishte edhe futbollisti i Mançester Sitit, Benxhamin Mendi.

Francezi duket se ka qenë për të mbështetur bashkombasit e tij, Umtiti, Dembele dhe Lengle. Gjithsesi, ajo që ka bërë bujë ka qenë festimi i një prej golave, me mbrojtësin e Sitit që feston çmendurisht dhe ofendon edhe Liverpulin duke drejtuar gishtin e mesit.

Watch how Manchester City Defender Benjamin Mendy celebrated Barca win over Liverpool at the CAMP NOU !!! pic.twitter.com/zmeGQTlzx9

— BaffyDaKobbyPop (@BaffyDaKobbyPop) May 1, 2019

Pavarësisht rivalitetit mes Mançester Sitit dhe Liverpulit, gjeste të tilla nuk kanë vend në futboll.

MENDY MOVING MAD ? pic.twitter.com/1E6grq4KPv

— Nabeel (@NA1907_) May 1, 2019

Dy objektiva për krahët e mbrojtjes, Napoli piketon pasardhësin e Hysajt

Sport Ekspres — Tue, 30 Apr 2019 13:38:41 +0000

Napoli dëshiron të krijojë një ekip më konkurrues për sezonin e ardhshëm. Në Itali synohet thyerja e dominimit të Juventusit, ndërsa në Champions ëndërrohet të shkohet sa më larg.

Hirving Lozano është dëshira e madhe për repartin ofensiv. Napoli ka nisur negociata me PSV-në dhe shpreson të arrijë sa më shpejt akordin e transferimit të 23-vjeçarit meksikan nën urdhrat e Ançelotit.

Mendi në një dyluftim me Mbape

Drejtori sportiv, Kristiano Xhuntoli ka dy objektiva të tjerë për repartin e mbrojtjes. Ferland Mendi luan në rolin e mbrojtësit të majtë, është 24 vjeç dhe luan me Lionin. Për të interesohet edhe Reali i Madridit, ndërsa klubi francez kërkon 40 milionë euro për kartonin e tij.

Një tjetër emër që pëlqehet shumë është Kieran Tripier, i cili luan në të njëjtin rol me Elseid Hysajn. 28-vjeçari e shikon me sy të mirë transferimin në Serie A, ndërsa Napoli ka bërë ofertën e parë prej 15 milionë eurosh. “Spurs” nuk janë dakord dhe kërkojnë të paktën 35 milionë euro.

Problem mbetet interesimi i Mançester Junajtid, që është gati t’i ofrojë një rrogë shumë te lartë lojtarit të kombëtares angleze.

VIDEO | Episodi qesharak, rojet e sigurisë i vërsulen lojtarit të Mançester Sitit

Sport Ekspres — Fri, 04 Jan 2019 15:09:27 +0000

Një episod mjaft qesharak ka ndodhur në përfundimit të takimit midis Mançester Sitit dhe Liverpulit. Djemtë e Pep Guardiolës fituan me rezultatin 2 – 1 dhe të pranishmit në stadiumin “Etihad” shpërthyen në festë.

Por, më i gëzuari nga të gjithë ishte mbrojtësi i majtë Benzhamin Mendi. Francezi është i dëmtuar prej më shumë se një muaji dhe po e shikonte ndeshjen nga stolat pranë stolit të rezervave. Menjëherë pas vërshëllimës së kryesorit, Mendi u nis me vrap për të përqafuar kolegët e tij.

Por, dy nga rojet e sigurisë së Sitit e ngatërruan për një tifoz të thjeshtë që kishte zbritur në fushë dhe iu vërsulën për ta kapur. Në momentin që e kuptojnë se bëhet fjalë për Mendin, ata vazhdojnë të vrapojnë drejt arbitrave me shpresë së “gafa”e tyre nuk do vihej re, por video e këtij episodi po bën xhiron e botës.

Shtohen hallet për Guardiolën, kombëtarja franceze i jep një lajm të keq

Sport Ekspres — Thu, 15 Nov 2018 21:35:02 +0000

Trajneri i Mançester Sitit ka mësuar sot shkallën e dëmtimit të mbrojtësit Benzhamin Mendi. Francezi u dëmtua në gju gjatë grumbullimin me kombëtaren e “gjelave”. Nga analizat e bëra, rezultoi se 24-vjeçari ka nevojë të kryejë një ndërhyrje kirurgjikale në menisk.

Bëhet fjalë për një pastrim menisku, që do ta mbajë të paktën dy muaj larg fushave të blerta. Mbrojtësi i krahut të majtë ka pësuar shpesh dëmtime në gju, ku në të shkuarën ka këputur dy herë ligamentet e kryqëzuar.

Në mungesë të francezit, trajneri i kampionëve të Anglisë, Pep Guardiola nuk ka zgjidhje tjetër veçse t’i besojë sërish anglezit Fabien Delf, i cili luajti gjatë shumicës së sezonit të kaluar në këtë pozicion.

Mendi e mbush kupën, gjykata angleze i shton një tjetër hall

Sport Ekspres — Sat, 22 Sep 2018 07:22:26 +0000

Mbrojtësi i majtë i Mançester Sitit, Benzhamin Mendi, nuk po kalon një javë të qetë. Francezi është dëmtuar sërish dhe pritet të qëndrojë të paktën dy muaj jashtë jashtë fushave. Por, një tjetër problem i ka ardhur nga gjykata e rrethit të Mançesterit.

Ditën e djeshje, gjykata vendosi pezullimin e patentës së futbollistit për një periudhë 1-vjeçare, pasi automjeti në pronësi të Mendit është kapur nga kamerat duke kaluar kufirin e shpejtësisë në katër raste të ndryshme, të gjitha këto brenda një muaji.

Mendit nuk i mbetet gjë tjetër përveç se të punësojë një shofer dhe të jetë i durueshëm derisa t’i kthehet përsëri patenta.

Guardiola gjen zëvendësuesin e Mendit në Premier Ligë

Sport Ekspres — Sun, 19 Nov 2017 19:49:04 +0000

Tekniku i Mançester Sitit, Pep Guardiola, kërkon që të zëvendësojë të dëmtuarin Benxhamin Mendi në merkaton e janarit. Spanjolli nuk kërkon të shpenzojë shumë dhe të sjellë një lojtar të madh në Mançester, prandaj ka shfaqur interes për mbrojtësin e Kristal Palasit, Van Anholt.

Holandezi është një nga lojtarët më të mirë në ekipin e tij dhe ka tërhequr vëmendjen edhe të ekipeve të tjera angleze, si Totenham dhe Arsenal. Guardiola pritet të ofrojë më shumë për 27-vjeçarin, gati 12 milionë paundë, shifër kjo që vështirë se mund të refuzohet nga drejtuesit e Kristal Palasit.