Memphis Depay

Agjenti i Depaj në “Casa Milan”, ja çfarë u bisedua

Sport Ekspres — Wed, 17 Jul 2019 17:25:53 +0000

Milani po mundohet të ndërtojë një skuadër cilësore me aq hapësirë financiare sa i lejohet. Paolo Maldini dhe Boban po tregohen tepër aktivë, duke biseduar me agjentë lojtarësh mbi mundësinë e afrimit të disa prej klientëve të tyre.
Takimi i fundit ka qenë me agjentin e Memfis Depaj, Kes Vos. Ky i fundit ka mbërritur në “Casa Milan” për të biseduar me krerët e klubit mbi tranferimin e ndonjë prej lojtarëve që ai ka në menaxhim.

Më parë Depaj ka shprehur interes për t’u transferuar përsëri në një klub të madh, pas asaj aventure të vakët te Junajtid vite më parë. Milani mund të jetë arena më e mirë për të rinisur aventurën e tij në nivelin më të lartë të futbollit.

Megjithatë, ai ka qenë vetëm një copëz e bisedës, pasi është biseduar për shumë emra. Për momentin holandezi është te Lioni dhe po tregon një nivel tepër të lartë.

E zbulojnë në Spanjë, Milani përgatit goditjen e madhe

Sport Ekspres — Sun, 03 Feb 2019 11:38:58 +0000

Drejtuesit e Milanit arritën të bënin goditjet e duhura në merkaton e janarit dhe kontingjenti i lojtarëve të Gatuzos është plotësuar. Akoma ka lojtarë të dëmtuar, por Bilja dhe Kaldara janë pranë rikthimit.

Ardhjet e Piatek dhe Paketës ka sjellë cilësi, entuziazëm dhe gola. Megjithatë, kuqezinjtë kanë një dëshirë të madhe për në verë. Siç raporton “Mundo Deportivo”, Milani është i interesuar për Memfis Depaj dhe lojtari ofensiv pritet të zbarkojë në Milanelo në fund të sezonit.

Holandezi është pjesë e Lionit që nga janari i vitit 2017, ndërsa kontrata i përfundon në verën e vitit 2021. Ai ka shënuar 33 gola dhe ka dhuruar 37 asiste në 97 ndeshje në total me ekipin francez. Milani trokiti në dyert e Lionit gjatë kësaj periudhe për të marrë informacion, por u frenuan për momentin nga kërkesa prej 50 milionë eurosh.

Vetë lojtari ka shprehur dëshirën për t’u transferuar në një ekip të madh dhe media spanjolle është e sigurt që ai do të përfundojë në verë në Serie A. Kualifikimi në Champions do të mbushte arkat e klubit të “Djallit” dhe atëherë do të niste sulmi final për të siguruar shërbimet e Memfis Depaj, i cili është rritur shumë si lojtar dhe është rikthyer në një formë të mrekullueshme.

“Memfis nuk ke baba”, Depaj lë pa fjalë tifozët

Sport Ekspres — Wed, 23 Jan 2019 08:35:59 +0000

Fundjavën që lamë pas, në Francë u luajt derbi midis Sant Etienit dhe Olimpikut të Lionit. Një ndeshje, që ka një rivalitet të madh, sidomos midis tifozëve. Në përfundim të takimit, Lioni triumfoi me një gol në minutën e 95-të me Musa Dembelen.

Kjo ishte fitorja e dytë për Lionin në kampionat këtë sezon, ndaj rivalëve të tyre të përjetshëm. Si në çdo derbi, thumbimet e tifozëve ishin të pranishëm dhe një nga banderolat që bëri bujë të madhe ishte ajo e tifozëve vendas drejtuar sulmuesit të Lionit, Memfis Depaj.

“Memfis 5 milionë followersa, por përsëri nuk ka baba!” Kujtojmë, para shumë kohësh u përfol që Depaj, është braktisur nga i ati i tij kur ka qenë i vogël dhe kjo është arsyeja që në fanellë mban emrin dhe jo mbiemrin. Gjithsesi, holandezi ka zgjedhur t’u përgjigjet tifozëve të Sant Etienit në llogarinë e tij në “Twitter”, ku ka shkurar:

5,9 btw pic.twitter.com/yzWsv1UFne

— Memphis Depay (@Memphis) January 21, 2019

“Nuk kam asgjë kundër atyre që e bënë këtë gjë. E di që ata më duan! E di dhe që e bënë këtë gjë, pasi nuk kanë në ekip një lojtar me kualitetin tim. Nuk më bezdisin fare, thjesht doja të thoja diçka për këtë. 0 pikë ndaj nesh këtë sezon, mund ta imagjinoj se çfarë ndiejnë. Meqë ra fjala, janë 5.9 milionë followersa”, ka mbyllur postime te tij sulmuesi holandez.

VIDEO | Kënga e Depai bëhet objekt talljeje, parodia më e fundit vjen nga futbollisti irlandez

Sport Ekspres — Wed, 28 Nov 2018 18:20:06 +0000

Memfis Depai çuditi të gjithë fansat e tij, teksa shpërndau në internet një këngë të rrymës “rap”. Në fakt kjo ishte hera e dytë që holandezi hidhte në treg një këngë, por në ndryshim nga e para eksperienca e dytë u bë shumë më popullore, kjo dhe për faktin se klipi muzikor u bë objekt talljeje nga shumë tifozë.

Memphis Depay with the hottest freestyle of 2018 ??

? IG/memphisdepay pic.twitter.com/ySjC1NLKY1

— ODDSbible (@ODDSbible) November 25, 2018

Ironitë në internet qenë të panumërta, por më specialja erdhi nga futbollisti irlandez Çarls Djun, i cili shpërndau një video, ku parodizonte këngën sulmuesin e Lionit. Tani mbetet për t’u parë nëse do të kemi nga Depai.

So after @Memphis laid down a quick freestyle, Motherwell defender Charles Dunne has come back to him with this… ???

? IG/c_dunne18 pic.twitter.com/RE1CJzr0x4

— ODDSbible (@ODDSbible) November 28, 2018

VIDEO | Depaj fenomenal, shënon një perlë dhe përmbys Guingampin

Sport Ekspres — Sat, 10 Nov 2018 17:52:55 +0000

Olimpiku i Lionit udhëtonte sot në transfertën e Guingampit dhe arriti të merrte një sukses mjaft ë rëndësishëm, pasi tashmë e sheh veten vetëm një pikë larg zonës Champions në renditje. Sfida u mbyll me shifrat 2-4, ku miqtë përmbysën avantazhin e Guingamp në pjesën e parë.

Fraksioni i parë i lojës u mbyll me fitoren e vendasve 1-0, ku vendosi një gol i Turam. Në pjesën e dytë Lion erdhi me një tjetër marsh dhe shënoi tre herë brenda 11 minutave. Dopietë e Memfis Depaj dhe një gol i talentit Aouar. Goli i shënuar në minutën e 73-të, që përkonte me golin e dytë personal të holandezit Depaj, ishte një perlë e vërtetë. Një goditje dënimi e ekzekutuar në mënyrë perfekte, që preku traversën, përpara se të ndalej në fundin e rrjetës.