Në takimin miqësore të zhvilluar ditën e djeshme ndaj Renovës, trajneri Ardian Mema hodhi në fushë nga minuta e parë Dionis Çikanin dhe Gerhard Hasën, të dy lojtarët ndodhen në provë dhe do të përpiqen të bindin stafin për të qenë pjesë e skuadrës në sezonin e ardhshëm.

Çikani 20 vjeç dhe Hasa 22 vjeç aktivizohen të dy si sulmues anësorë. Mëngjarashi Çikani është aktivizuar gjatë sezonit të kaluar në ekipin rezervë të Tiranës, ndërsa ka pasur dhe një eksperiencë në kategorinë e katërt spanjolle me skuadrën e Torre Levantes. Hasa ka qenë më parë pjesë e Partizanit B, Dinamos dhe Tiranës B në sezonin 2016/2017.

MERKATO – “Tirana ka nevojë të forcohet në të gjitha repartet sidomos në mbrojtje ku kemi pasur problematikë, kemi pësuar shumë gola. Nuk ka qenë vetëm faji i qendërmbrojtësve, por i gjithë mbrojtjes. Nëse funksionojnë filtrat aq më pak punë duhet të ketë për mbrojtësit”.

TALENTET – “Një nga gjërat që dua të bëj është të promovoj të rinjtë. Kjo është një ndër politikat e klubit. Duhet të ketë një gërshetim midis përvojës e të rinjve, edhe unë duhet të kem më shumë  besim tek ata, por s’duhet të kalojmë në aventurë”.

OBJEKTIVAT – “Ky klub ka pritshmëri të mëdha. Objektivi që i vë unë vetes është të shkojmë për titull. Nuk do t’ia lejoja vetës që të shkojmë në kampionat për vend të pestë ose të gjashtë”.

“Gjëja që unë vlerësoj më shumë te lojtarët në përzgjedhje është karakteri sportiv. Te ky klub karakteri sportiv ka qenë gjëja e parë, nuk diskutohet që lojtarët duhet të kenë përgatitje fizike dhe teknikë të lartë”.

100 VJETORI I KLUBIT – “100-vjetori i klubit të vë pak në presion. Gjithsesi unë e mendoj në këtë formë, edhe sikur të mos ishte përvjetori unë do synojë gjithmonë titullin kampion. Gjithmonë kam pasur mentalitet fituesi si futbollist, dhe s’kam ndryshuar si trajner”.

DERBI –“Kemi pesë vite që nuk fitojmë me Partizanin. Unë kam qenë pjesë në tri ndeshje, një herë kemi dalë në barazim dhe në dy raste të tjera ka fituar Partizani. Më shumë ia kemi dëmtuar veten se sa na mundi Partizani. Derbet sezonin e ardhshme do jenë shumë të luftuara, s’do ketë vend për barazim. Ndoshta sezoni që viti pas ishte viti i Partizanit, ndoshta viti i ardhshëm do jetë viti i Tiranës”.

TIFOZËT – “Mendoj se raportet me tifozët do të rregullohen nëse renditemi në tre vendet e para. Pritshmëritë e tifozëve dhe objektivat e klubit janë të njëjta”.

Trajneri i Tiranës Ardian Mema ishte i ftuar në emisionin “Sport News Plus” në “News24”, ku foli në lidhje sezonin që lamë pas të Superiores. Trajneri kryeqytetas u shpreh se ai po punon sëbashku me klubin për të afruar emra të rinj.

“Kam punuar shumë këto ditë. Sapo ka mbaruar finalja jam marrë me punën e merkatos. Fatmirësisht kemi njohje dhe emër si klub. Këtë e them pasi këtë punë është dhe çështje imazhi që futbollistët kanë për klubin”.

LOJTARËT NGA AFRIKA – “Do ketë përsëri lojtarë nga Afrika, por me një numër më të pakët. Ndoshta vetëm një ose dy, jo më shumë”.

IKJA NGA STADIUMI PAS FINALES SË KUPËS – “I kam kërkuar falje si fillim kundërshtarit, pasi ata janë shokët tanë. Unë Nestin (Ernest Gjoka) e njoh që fëmijë, i kërkoj falje dhe drejtuesve të Federatës. U mërzita shumë dhe mu rikthyen disa kujtime shumë të këqija. Çdo njeri ka një limit. Në atë ndeshje u bënë disa gabime në mbrojtje që më mërzitëm shumë”.

E ARDHMJA E NGO – “Ngo mund të ketë oferta nga Tirana, por edhe nga klube të tjera shqiptare ose angleze. Për të marrë përgjigje mbi këtë pyetje duhet të pyesni futbollistin”.

PARTIZANI – “I uroj gjithë të mirat në Kupat e Europës. Mendoj se Partizani ka pasur meritë të madhe në përzgjedhjen e futbollistëve dhe mënyrën e lojës. Sipas mendimit tim nuk qëndron ky argumenti se ata nuk kanë pasur konkurrencë”.

RAPORTI ME TIFOZËT – “Mendoj se Tiranës duhet t’i kthehet raporti i mirë me tifozët. E kam thënë përherë se tifozët e Tiranës duan rezultate. Natyrisht që ka pasur qejfmbetje, për shembull Tirana ka pesë vite që nuk fiton një derbi. Pesë vite janë shumë, nuk mund të pritet kaq shumë. Duhet medoemos që të rikthehemi me fitore në ndeshjen me Partizanin”.

TIRANA E ARDHSHME – “Besoj se do të jetë ekip që do të jetë në vendet e kreut”.

“Gjëja që kërkova në analizë gjatë gjithë javës, ishte pjesa e gjakftohtësisë. Duhet të ishim shumë të qetë, pasi dy ndeshjet e fundit na kishin dëmtuar. Duhet ta kalonim këtë ndeshje me sukses dhe me qetësi, pasi Laçi ka një fushë shumë të fortë dhe është një ekip i shkëlqyer paravarësisht ndeshjes së sotme. Këto javë, të gjithë kemi qenë në stres dhe ka qenë e vështirë të riktheheshim te rezultatet pozitive. Tirana gjatë gjithë kohës ka pasur oshilacione.

PENALLTITË – “I kam provuar lojtarët të gjuajnë dhe i kam thënë presidentit që asnjë nuk di t’i gjuajë. Kjo është për të qarë e për të qeshur, Ma tha se do vinte vetë t’i shikonte. I gjithë problemi është ana psikologjike. I kam stërvitur mirë. Kur kam parë se si i gjuajnë penalltitë, që është hall i madh, pasi kemi edhe finalen që mund të shkojë në penallti. Te ekipi ynë, nuk di asnjeri të godasë penallti (qesh). I gjithë problemi është te ana psikologjike, pasi penalltitë i kemi stërvitur mirë. Po zgjatemi te penalltia, pasi realisht është hall i madh te Tirana. Kemi dhe finalen e Kupës dhe ka mundësi të shkojë me penallti”.”.

E ARDHMJA – “Të mbarojë sezoni njëherë. Është viti im i parë si trajner. Nëse do vazhdoj do kem një projekt shumë të mirë dhe kjo do të jetë e panegociueshme”.

Momenti psikologjik i Tiranës nuk është aspak i mirë, rezultatet e fundit po rëndojnë tmerrësisht shumë dhe barazimi ndaj Kastriotit ka pasur shijen e disfatës, ndaj trajneri Ardian Mema po punon shumë për të qetësuar moralisht një skuadër që është në një udhëkryq të çuditshëm, sepse është në finalen e Kupës dhe nëse mbijeton në Superiore, mund të tentojë goditjen e madhe ndaj Kukësit.

Përtej frikës nga rënia dhe presionit, te Tirana po peshojnë edhe problemet fizike, sepse në Laç mund të mungojnë disa titullarë.

Asion Daja dhe Erando Karabeci janë të dëmtuar dhe nuk do të jenë në dispozicion të Memës në Laç. Edhe mesfushori Toni Mawejje është në dyshim të madh, ndërkohë që mbrojtësi Dorian Kërçiku ka probleme të vjetra fizike dhe ka kohë që po luan me sforcim.

Edhe Albi Doka mund të mos luajë për një tërheqje muskulore, ndërsa sulmuesi Junus Sentamu ka prishur marrëdhëniet me grupin dhe praktikisht e ka mbyllur me Tiranën, që e toleroi shumë edhe në janar.

“Edoni ka qenë i pastërvitur mirë dhe në dy ndeshjet e fundit ka pasur shenja lodhjeje. Oduamadi nuk ka pasur asnjë problem, nuk e di çfarë ka. Këto njerëz vijnë në Shqipëri “Hajt të luajmë”, sakrifica te këto lojtarë është e mangët. Hasani bëri maksimumin për aq mundësi sa kishte. Nuk mund dy lojtarë të sakrifikojnë dhe pjesa tjetër të shohë!”

“Në një përzgjedhje futbollistësh, është karakteri sportiv. Një futbollist, duhet të japë 120% në fushë. Unë mendoj se ka lojtarë që kanë problematikën e vet, kanë problemin e karikimit. Karakteri sportiv është një nga treguesit për përzgjedhjen e një futbollisti, që te moshat. Karakteri sportiv ka munguar prej kohësh”.

“E gjithë kjo situatë, ishalla përfundon mirë dhe në favor tonë. Do të ketë një analizë si klub dhe të mendojë dhe të veprojë si duhet në të ardhmen, sa i takon përzgjedhjes së futbollistëve”.

“Çdo trajner mundohet të bëjë punën e vet ashtu siç duhet, sidomos te karikimi i ekipit. Unë kam bërë zgjedhjen time kur erdha te Tirana, por nuk e kam ditur se në çfarë situate kam ardhur. Do të punoj shumë këto dy ditë dhe të kalojmë situatën e vështirë. Ky është një nga momentet më të vështira që po kalojmë. E kam konsideruar me miqtë e mi si një fatkeqësi nëse Tirana bie në Kategorinë e Parë”.

“Tifozët? Një pyetje që duhet t’i bëhet klubit. Gjithsesi, unë mendoj se tifozët duhet të jenë pjesë e klubit, pasi kemi lidhje shpirtërore me ta. Mesa di unë, ka qenë dhe frika që tifozët mund të futen në fushë dhe të prishin ndeshjen. Për ta saktësuar, jo tifozët e Tiranës, por ndoshta mund të ndodhte një skenar i tillë dhe klubi merrte përsipër një barrë të madhe”, u shpreh Mema.

“Mendoj se këtë herë do të jetë pika e kthesës, për shumë arye. Tirana e ka fitoren të domosdoshme, për moral, për pozitat që ka në renditje. Besoj se do t’ia dalin. Derbi gjithmonë është një ndeshje që duhet trajtuar si një ndeshje e veçantë, nuk ka rëndësi renditja dhe gjendja e skuadrave.

Unë nuk mendoj se ka diferenca në organikë, sa i takon lojtarëve, lojës, por faktet janë fakte dhe renditja e tregon. Partizani është në një moment që është më i çliruar dhe kërkon ta mbyllë kampionatin nga matematika, pasi titulli është vendosur me kohë. Tirana vjen pas kualifikimit në finalen e Kupës. Do të jetë një sfidë e lufutar.

Memën e kam mik, kemi luajtur bashkë futboll. Mema është një trajner i zgjuar, shumë punëtor. Prandaj jam besimplotë se Mema sezonin e ardhshëm do të bëjë gjëra të mëdha me Tiranën”, u shpreh ish-kapiteni bardheblu për “RTSH Sport”.

Në intervistën e dhënë për emisionin “Gol pas Goli” në “Supersport”, mesfushori kryeqytetas foli për ecurinë e ekipit, ndërsa në një moment lëshoi dhe një mesazh për trajnerin Mema në lidhje me minutat e pakta që ai ka marrë gjatë muajve të fundit duke thënë: Jam aktivizuar pak këto kohët e fundit, koha do e tregojë nëse ka qenë e drejtë ose e padrejtë .

GOLI – “Është një ndjesi e veçantë kur shënon dhe shkon në finale. Plus që dhe goli ishte shumë i bukur, nuk e prisja të shënoja në atë mënyrë”.

ECURIA – “Ne i kemi parë këto ndeshjet e fundit si ndeshje radhe. Fituam me Korçën këtu, tani arritëm dhe finalen. Tani po shohim derbin, nga sot po mendojmë për Partizanin. Derbi është fryrë shumë, por është vetëm një ndeshje, ku ne do të synojmë tri pikët”.

LOJA – “Edhe unë personalisht, loja nuk më pëlqeu shumë. Shënuam nga shumë lojtarë, loja pati rrjedhshmëri, bëmë mirë në sulm. Por ishim të vrazhdë në mbrojtje dhe jam dakord me pakënaqësitë e trajnerit”.

DEDIKIMI – “Në radhë të parë, doja të tregoja që golin ia dedikoj Ilionit (Likës). Ai më ka qëndruar pranë gjatë gjithë kohës kur nuk kam luajtur, koha do e tregojë me të drejtë a të padrejtë. Edhe sot më tha që do të shënoj, madje me shaka më tha që do shënoj me roveshatë. Prandaj ia dedikova atij golin”.

SEZONI – Gjatë gjithë sezonit, kemi bërë shumë, por ende asgjë. Kemi arritur në finale, por nëse nuk fitojmë, është një asgjë. Edhe në kampionat, duhet të fitojmë këto dy ndeshje dhe të jemi rehat. Kemi qenë në presion, kemi marrë gola në fund gjatë gjithë sezonit dhe kjo gjë vjen nga presioni i tepërt”.

DERBI – “Partizani e meriton të jetë aty ku është, por në derbi nga vetë klasifikimi, ne e kemi më të nevojshme fitoren. Pastaj rezultatin e di Zoti, ne duhet të bëjmë maksimumin. Duhet të rikuperojmë gabimet dhe nuk besoj se Partizani, por asnjë ekip tjetër, të na falë ndeshjen”, përfundoi Daja.

“Gjatë lojës, kam qenë shumë i pakënaqur me atë që lojtarët dhanë në fushë. Do të bëjmë një analizë të thellë, pasi na presin dy ndeshje shumë të vështira përballë Skënderbeut dhe Kastriotit. Nëse nuk do të lëviz që të bëj siç duhet me lojtarët e mi, problemet do të jenë evidente, siç ishin dhe sot”.

GOLAT E PËSUAR – “Lojtarë gjysmë amatorë! Unë nuk e di, nuk e mendoj se kemi falur ndeshjen, por falje kemi bërë pafund. Na kanë quajtur ekip i brishtë, por nuk është e vërtetë kjo gjë. Neve i krijojmë problemet te vetja jonë. Kam qenë shumë i nervozuar pas ndeshjes. Nuk mund të fal gabime të tilla dhe mezi po pres të vijë dita e nesërme që të analizojmë të gjitha gabimet”.

PRESIONI – “Mendoj që nuk po i bej presion futbollistëve, por jam i drejtë. Të vjen keq nga e vërteta, por lojtarët nuk duhet të bëjnë më gabime siç kanë bërë. Pjesë e imja është analiza me video. Shpeshherë i lejoj të flasin vetë, pasi unë nuk merrem me gabime që ndoshta dhe fëmijët nuk mund të bëjnë ato gabime. Unë më mirë jam i ashpër, sesa të gënjej. Me futbollistët duhet një komunikim shumë i mirë dhe sa më realist. Në moment që tolerohet, do na kthehen hallet mbrapsht”.

SHERRI TE PENALLTIA – “Një nga gjërat që cakton një trajner para ndeshjes, është kush do të godasë penalltinë. Në momentin që e vënë të gjithë dorën te topi, unë nuk mendoj gjë tjetër veç amatorizmit. Kjo është ajo që më ka acaruar më shumë. Futbollistët që shkojnë e marrin topin për të gjuajtur, janë fëmijë dhe amatora. Ndoshta në të ardhmen, do t’i lej të caktojnë vetë, pasi mesa duket qenkam i tepërt”.

GABIMET – “Kur vjen mesfushori para mbrojtjes thjesht për të tërhequr kundërshtarin, portieri duhet ta dijë mirë se ku duhet të pasojë, majtas ose djathtas. Por të falësh topa, si portieri, ashtu dhe Maveje, është e pafalshme! Sepse aty mund të kishte mbaruar loja 1-1 dhe nëse nuk do të ishim me fat, do të eliminoheshim”.

DERBI – “Jo jo, nuk i kemi harxhuar golat sot. Në derbi do e përgatisim ndeshjen ndryshe dhe shpresoj me një rezultat pozitiv”, tha Mema.

“Po na pushonte zemra drejt fundit, fitoret në fund të japin një kënaqësi të veçantë. Kemi vuajtur shumë, lojtarët duhet të ishin më të përqendruar që në fillim të takimit, por Skënderbeu është një ekip shumë i fortë dhe ndeshja ishte e balacuar. Në fund të fundit, ishim më me fat se në ndeshjet tjera dhe jemi shumë të kënaqur për pikët.

MBIJETESA – “Në asnjë mënyrë nuk ka mbaruar, të shohim ndeshjet e radhës. Duhet të japim maksimumin për të marrë pikët, pasi nëse nuk e bëjmë këtë gjë, kthehemi atje ku ishim, diçka që nuk është aspak e kënaqshme për ne. Do të ishte shumë e rëndë për ne.

DËMTIMI I ODUAMADIT DHE MUNGESA E ZËVENDËSIMEVE – “Të them të drejtën, doja të hidhja çdo gjë në fushë për të fituar ndeshjen. Duhet të bëja dy ndërrime dhe të ruaja një lojtar, por doja që të fitoja ndeshjen dhe të freskoja ekipin, pasi na duheshin pikët”.

ANA PSIKOLOGJIKE – “Skënderbeu ka nevojën e duhur, ka lojtarë me eksperiencë. Kjo gjë bën diferencën në fushë. Mendoj se pati ekuilibër loja dhe nuk mendoj se kundërshtari luajti më shumë se ne, por as ne më mirë se ata. Shpresoj që në të ardhmen të luajmë më mirë dhe më të qetë nga ana psikologjike”.

NDËSHKIMET – “Unë nuk është se ndëshkoj lojtarët, por pjesa e standartit tim nuk ndryshon dhe kjo gjë dihet. Kush do të jenë më të përqendruar dhe më me pak gabime, ata do të luajnë. Unë nuk jam kamxhiku i skuadrës, por lojtarët duhet ta dinë vetë dhe të japin maksimumin. Që kur kam ardhur unë, kemi qenë nën presion dhe unë mund të kem qenë më i hekurt seç duhet”.

DERBI – “Nuk na ka ngacmuar njeri, pasi kemi qenë të fokusuar vetëm te ndeshja e radhës. Ne duhet të marrim rezultatet që na nevojiten. Kur afron derbi, atmosfera nxehet dhe pyetjet për këtë ndeshje nuk mungojnë. Nuk kam menduar ende për derbin, deri tani mendoja vetëm për Skënderbeun”, tha Mema.

NDESHJA – “Të vjen keq dhe te pjesa që pas golit që pësuam, mund të shënonim sërish. Sentamu ka pasur dy mundësi, ka qenë një moment që bashkë me Goxhën mund të shënonin. Të vjen keq, pasi e kemi thënë shpeshherë se sulmuesi duhet të shënojë me 1-2 raste, jo me raste gjithë ndeshjen. Të them të drejtën, ne e kontrollojmë lojën, e mbajmë topin, por kemi pësuar gola nga episodet. Detyra ime si trajner është ta çoj ekipin deri te porta, pastaj lojtarët duhet të marrin përgjegjësi. Ne duhet jo vetëm të luajmë mirë, por dhe të marrin rezultate, pasi loja e mirë nuk është e mjaftueshme”.

MBIJETESA – “Faktikisht, e kisha përgatitur ekipin për ta fituar ndeshjen. Kjo ishte keqardhja ime për sot, pasi Tiranës i duhen pikët dhe pika e sotme nuk është se bën ndonjë punë. Kampionati ka dhe disa ndeshje dhe sa vijnë e vështirësohen takimet”.

REZULTATI – “Rastet që humbëm janë momente presioni, ndoshta nuk e kam parë dhe unë mirë ndeshjen, pasi nuk jam para TV-së. Gjithsesi, rastet kanë qenë dhe ne duhet të shfrytëzojmë në maksimum, edhe nëse kemi vetëm një rast”.

RENDITJA – “Siç e thashë dhe më sipër, ne mundohemi që ta përgatisim ndeshjen dhe të luajmë mirë. Keqardhja ime gjatë gjithë kësaj kohe është pjesa e pikëve dhe renditja ndikon te lojtarët, pasi nuk po lirohen nga ana psikologjike. E kam thënë shpeshherë se karakteri i fortë sportiv del mbi çdo gjë dhe lojtarët duhet të jenë shumë të kujdesshëm dhe të shënojnë, që ekipi të ketë frymëmarrje”.

GOLAT E PËSUAR – “Të pësosh atë lloj goli dhe të dalë ndeshja 1-1 kur kishim gjithçka në kontroll, të vjen keq”, u shpreh Mema.

Tekniku kryeqytetas u shpreh se loja e skuadrës i jep garanci dhe shpreson që sezoni i Tiranës të shpëtohet me arritjen e mbijetesës dhe kualifikimit në Kupat e Europës.

“Mendoj që ekipi luajti mirë, sidomos në pjesën e dytë ku kemi sulmuar gjatë të gjithë kohës me ekuilibër. Nuk patëm shanse të mirë, por e kërkuam golin. Kjo ishte ndeshje kupe dhe ka specifikat e veta. Normalisht në ndeshjen e kampionatit gjërat do të ndryshojmë. Do të tregohemi më agresiv pasi na duhen pikët”.

“Sulmuesin e ndeshjes së ardhme do ta vendos në ditët në vazhdim. Kemi lojtarë në dispozicion. Në Durrës kemi luajtur me Muçin kemi Halilin dhe të tjerë. Në sulm kemi lojtarë. Ngonë e aktivizova për shkak se dua ta rikthej në formë dhe i duhet minutazh. Siç e dini s’ka luajtur në ndeshjet e fundit”.

“Gjendja në tabelën e klasifikimit nuk është e këndshme, gjithsesi ekipi ka luajtur, por në momentet e caktuara na kanë ndëshkuara një ose dy episode. Duhet të kishim shfrytëzuar më mirë rastet që kemi pasur. Shpresojmë që të bëjmë më të mirën për ndeshjen në vazhdim dhe të shpëtojmë sezonit duke arritur të shkojmë dhe në Kupat e Europës”.

NDESHJA – ““Mendoj që kundërshtari u mundua të jetë në ekuilibër dhe të na kapte në kundërsulm, në gabimet tona. Ne para porte duhet të ishim më të qetë, për të shënuar sa më shumë, pasi këto ndeshje vendosen nga episodet, jo nga logjika. Unë kisha punuar me skuadrën, e dija shumë mirë si luan kundërshtari. Gjithsesi, nëse do të bësh gabime, kundërshtari i shfrytëzon dhe kjo gjë ndodhi sot”.

KASTRIOTI – “Një nga gjërat që diskutova para ndeshjes, pasi pashë dhe rezultatin e kundështarit, duhet ta shfrytëzonim këtë rast, pasi nuk vijnë shpesh këto raste. Nuk u shfrytëzua nga ana jonë dhe kjo është e gjitha”.

MBIJETESA – “Mbijetesa është një problem evident te Tirana, që kur kam ardhur unë, jo vetëm tani. Me doemos, ekipi duhet të gjejë forcat dhe të jenë të përgjegjshëm. Realisht ndodhemi në vështirësi dhe duhet të jemi sa më të kujdesshëm. Kompromisët? E kemi thënë njëherë, nuk dua ta shpjegoj në këtë moment. Duhet t’i shohim gjërat te vetja, jo te kundërshtarët. Sot çdo gjë ishte korrekte, nuk kishte rezultat të çuditshëm”.

STRATEGJIA – “Kundërshtari na vinte vetëm me topa të gjatë te porta, por kjo gjë i takon atyre. Ne u munduam të ndryshonim diçka. Nuk është se më tremb një ekip që luan me top të gjatë, por veprimet tona, gabimet tona më trembin”.

CINIZMI – “Ndoshta është faji im. Unë mundohem që të bej futboll të bukur, të bëjmë lojë të mirë. Por do të isha dakord që më mirë të luaj keq e të fitoj. Ngelet për t’u parë dhe kjo strategji”.

PARTIZANI – “Partizani është aty ku është në saj të meritës së vet, falë punës që kanë bërë mirë. Unë jam rritur te Tirana dhe e kam sqaruar edhe atë ditë, kur thashë që nuk do doja që Partizani të dalë kampion. Të gjitha ekipet kanë të drejtë të dalin kampion dhe dëshira nuk i ndalon. Partizani është një ekip që luan futboll, nuk po e prish kampionatin dhe i falënderoj për këtë pjesë”, përfundoi Mema.

Tekniku 39-vjeçar u pyet mbi deklaratat e trajnerit tw Tiranws Adrian Mema, kur ky i fundit përdori fjalwn provinca. Sipas Ahmatajt deklarata ishte e nxituar dhe jo e duhura, por diçka qw ai e mirwkupton si pasojë e stresit shkaktohet te trajnerët gjatw ndeshjeve.

DEKLARATAT E MEMËS MBI PROVINCAT – “Mos i merrni për bazë deklaratat që trajnerët japin në përfundim të ndeshjeve. Trajnerëve u ngarkohet shumë stres gjatë ndeshjeve. Të gjitha problemet e klubit në ato momente bien mbi shpinën e trajnerit. Në aspektin emocional nuk është momenti i duhur për të dhënë deklarata. E shikoj pak të nxituar, kështu e kuptoj. Natyrisht nuk ishte deklarata e duhur, por në unë e mirëkuptoj pasi dhe unë në momente të nxehta mund të them një fjalë që nuk mund të pëlqehet”.

LUFTËTARI – “Nuk është rastësore që gjithë këta lojtarë që dalin nga kjo skuadër. Presidentët bëjnë një punë shumë të mirë. Kemi një drejtor që quhet Gentian Nora. Ai punon shumë mirë dhe njeh çdo futbollist dhe ka sy për të përzgjedhur elementët e duhur”.

KONKURRENCA PËR NJË VEND NË EUROPË – “Është një garë shumë e fortë. Ky kampionat ka treguar se nuk ka më shumë diferenca. Skuadra që do të jetë në momentin më të mirë në hapat finalë do të jenë ato që do të kapin Europën. Ka të bëjë dhe me fatin, dëmtime e kartonat. Është një luftë shumë e fortë”.

EUROPA NËPËRMJET KUPËS – “Në radhë të parë objektivi i parë i skuadrës është largimi sa më i shpejtë nga zona e ftohtë, ky është objektivi. Pa diskutim që jemi në gjysmëfinale të Kupës dhe prej asaj mund të shkohet në Europë”.

FLAMURTARI – “Kanë një trajner që punon shumë mirë taktikisht kisht me skuadrën. Futbollistët me të cilën po punon kanë shkuar aty ku ai kërkon dhe kanë marrë një eksperiencë të mjaftueshme për të qenë të denjë për të përballuar rezultatin. Kjo na e bën shumë të vështirë, në situata të tjera ku ka qenë Flamurtari këtë sezon mund ishim ndjerë më komod për të marrë një rezultat më të thjeshtë. Ndeshje e parë e imja ndaj tyre ishte ndër më të vështirat nga aspekti taktik. Asaj skuadre nuk i gjen dot gabime pavarësisht elementit të ri që kanë brenda skuadrës”.

NDESHJA – “Loja që bëri Tirana më jep garanci për të ardhmen. Ekipi u shpreh shumë mirë. Kjo ka qenë dhe arma jonë më e fortë sot, pasi luajtëm mirë. Duke luajtur mirë, edhe fituam”.

GOLASHËNUESIT – “Kjo është vetëm një ndeshje. Të shohim në vazhdimësi nëse do t’i kemi lojtarët në këtë formë të mirë. Ekipit iu rikthye sot fizionomia që kishte gjatë gjithë fazës së tretë. Për këtë gjë më vjen shumë mirë, por dhe për rezultatin pozitiv”.

GOLI I PËSUAR – “Nuk e kam parë golin shumë qartë. Mendoj që është një vendosje e mirë, por ishin statik. Duhet të kemi më shumë luftë tek topi. Teuta është shumë e fortë dhe ka shtatlartësi, prandaj goditjet standarte ishin sikleti im. Nuk mund të pësohen kështu golash, e kemi thënë dhe herë të tjera. Ne do të bëjmë punën tonë, duhet të riparohemi në vazhdimësinë tonë. Duhen riparuar gabimet dhe të jemi më në ekuilibër”.

FJALËT E THËNA – “Nuk kam koment për pyetjen tuaj. Arsyeja është shumë e thjeshtë. E kam thënë dhe dje në konferencë për shtyp, që do të flas sërish për ato që kam thënë. Të jeni të sigurt që do të flas në një moment të dytë.

GRECA – “Greca është pjesë organike e ekipit. Çdo lojtar që thyen disiplinën ose rregullat që ka vendosur klubi dhe trajneri, ndëshkohet. Çdo lojtar duhet të jetë i rregullt dhe të mos ketë konflikte. Ne duhet të bëjmë punën sa më mirë dhe të përmirësohemi. Në një moment, Greca mund të ketë pasur diçka që nuk e kuptova, ka qenë në presion ose ku di unë. Bëmë një debat të vogël në stërvitje dhe fitoi rregullorja”.

ZGJEDHJET NË FORMACION – “Lojtarët që do të jenë më në formë do të luajnë. Ata që janë më mirë, do t’i aktivizoj, nuk kemi asnjë lloj problemi. Ndeshje ka sa të duash dhe ka vend për të gjithë. Sot, Turtulli ka qenë i vrarë, por Goxhaj bëri shumë mirë. Çdo lojtar që ne kemi, është i vlefshëm, këtë gjë e treguan Goxhaj dhe Doka. Kemi një grup të mirë dhe unë do t’i shoh gjatë gjithë kohës në stërvitje”, përfundoi Mema.

“Shikoj që ka pak lojtarë. Është ky grup, kjo 11-she që në fillimet e kampionatit, në takimet e kupës, në miqësore. Këta janë lojtarë shumë të rinj dhe janë të ngarkuar nga ana psikologjike dhe fizike. Pritej në momente të veçanta që të kishin një ndeshje të tillë”.

“Kishte 2-3 minuta lojë dhe ishin 5-6 lojtarë të Tiranës në stol. Duke qenë kundërshtari me 10 lojtarë , në atë moment morën atë gol dhe humbja në Kupë e në Vlorë sjellin debate të tjera. Trajneri Mema duhet të ishte shumë i kujdesshëm në disa deklarata.  Drejtuesit, presidenti, trajneri dhe drejtori teknik duhet të përçojnë tek skuadra atë imazhin që ne duhet të përballemi vetëm me fushën e blertë”.

“Po të bisedoja me drejtuesit e Tiranës, ose me sportdashësit e Tiranës para 3 javësh, do të thonin se ne jemi për Evropë. Sot çohen në një ditë të bukur dhe mendojnë se ne më duket po shkojmë si një vit më parë”.

“Janë tre ekipe që duan mbijetesën në Superiore dhe 4-5 ekipe që duan Europën. Më duken shanset e vogla për të patur aleanca, por nuk e mohoj që mund të bëhen këto aleanca. Për shembull Partizani e ka zgjidhur problemin e daljes kampion”.

NDESHJA – “Fakti është që kemi fituar 3-0. Duhet të menaxhojmë rezultatin, të ruajmë ekuilibrat e të jemi të kujdesshëm dhe ta mbarojmë ndeshjen në favorin tonë”.

SHERRI – “E para unë uroj që mos të ketë më kështu lloj ngjarjesh. Përsa i përket përkeqësimit të situatës, kjo është diçka që duhet të shuhet. Ne jemi për fushën lojës, nuk jemi as për grushte apo kërcënime dhe gjëra të kësaj natyre. Shpresojmë që atje të luajmë futboll si duhet e te mos kemi presion. Besoj se do të ndodh kështu. Ekipi është i qetë. Në Laç do të shkojmë për të fituar”.

TENDENCË ANTI-TIRANA ? – “Me sa kam marrë vesh në aspektin e gjobave jemi klubi më i penalizuar. Nuk mund ta mendoj këtë. Të sulmosh Tiranën është sikur të sulmosh djepin e futbollit shqiptar, janë disa skuadra si Tirana, Vllaznia, Dinamo e Partizani që kanë vënë fillesat e futbollit shqiptar. E kam dëgjuar shpeshherë këtë. Mendoj se kushdo që ka ndërmend ta sulmojë Tiranën do të ketë pasojë nga mbrapa. E përsëris nuk besoj se do të ndodhë, por kushdo që e ka ndërmend do të bëjë një gabim fatal”.

DËNIMI PËR TIFOZËT – “Ne kemi luajtur goxha pa tifozë, edhe kjo nuk na ka bërë mirë të them të drejtën. Tifozeria e Tiranës është pjesë përbërëse dhe një ndihmë që na garanton sukses. Tani do t’i bëjmë llogaritë pa tifozët, por të shohim si do të shkojnë gjërat”.

DËMTIMET – “Ndikojnë disi pasi ekipi ka marrë atë fizionominë e vet, por i kemi marrë masat me futbollistët e tjerë. Kemi rreth 25 futbollistë, të cilët janë të gatshëm për Tiranën”.

PENALIZIME NGA ARBITRAT ? –“Në memorien time është një ndeshje që kemi pasur me Teutën në Shijak dhe ndeshja ndaj Kastriotit në Fushë-Krujë. Të them të drejtën nuk na kanë bërë gjë arbitrat dhe në ndeshjen e fundit ndaj Laçit më shumë u mora me ekipin, pasi shtesa nuk ishte justifikim. Ishim superiorë në çdo aspekt, nuk kishim pse ta vendosnim në diskutim atë ndeshje. Përsa i përket shtesës, shpeshherë bisedoj me shokët e mi dhe them: ‘A do ta bënte këtë gjë në Laç? Kurrë!’ Gjithsesi unë merrem me ekipin jo me arbitrin, pasi kjo është puna ime”.

“Ky ka qenë rasti i vetëm që klubi ka reaguar për një vendim të arbitrit. Arbitrat kanë punën e tyre dhe në vitet e fundit kanë ndikuar shumë. Ata mund të ndikojnë te karriera e një trajneri dhe investimi i një presidenti. Gjithsesi unë konstatoj vetëm këto dy ndeshje, ndërsa pjesa tjetër ka qenë krejt normale”.

REAGIMI I NGO –  “Ngo ka atë karakter që ka. Kur shkon nga një shtet tjetër mëson fillimisht fjalët e këqija, siç duket atij ia kanë vrarë veshin shumë ato fjalë dhe ka reaguar, por nuk është diçka e mirë pasi është futboll. Megjithatë nuk mund t’i flitet me ato fjalë. Unë di që edhe ai gjyqtari në Fushë-Krujë e ka ironizuar me fjalë, duke i përmendur dhe ngjyrën e lëkurës. Nuk mund të cenosh dinjitetin e ndokujt”.

FORMA E EKIPIT – “Ne kemi bërë një fazë të tretë të shkëlqyer. Ekipi ka luajtur ndeshje shumë të mira dhe ka marrë rezultate, kjo më jep garanci për të ardhmen. Gjithsesi, patëm një frenim me dashje në Fushë-Krujë dhe kjo më ka bezdisur, pasi ekipi ndodhej në goxha ritëm”.

“Me presidentin Laska njihemi prej vitesh nuk ka përse të ndodhin këto gjëra, sidomos në Tiranë ku ka qetësi. Duhet të jemi kujdesshëm. Është e thjeshtë nuk duhet të merremi fare me kundërshtarin. Njerëzit duhet të tregohen më të përgjegjshëm për gjërat që bëjnë, duke filluar nga sharjet që ndodhin më shpesh në stadiumet e qyteteve të vogla dhe nga hedhja e shisheve, që ne na bëri dëm, na la katër javë pa tifozë. Duhet të merremi me futboll jo me akte rrugaçërie”, përfundoi Mema.

Presidenti i FSHF-së, Duka shkroi: “Të dashur miq të familjes së madhe të futbollit, me hidhërim kam mësuar lajmin e trishtë të ndarjes nga jeta të Ali Memës, një ish-mesfushor i shkëlqyer i Tiranës dhe ekipit kombëtar, drejtues futbolli dhe mik i mirë. Në këtë moment hidhërimi për futbollin shqiptar dua ti shpreh ngushëllimet më të sinqerta familjes dhe të afërmve. Ai ishte një ikonë e futbollit shqiptar dhe një nga më të ndriturit e familjes simbol të futbollit të Tiranës, dhe si i tillë do të kujtohet gjithmonë nga komuniteti futbollit”.

Ndërsa ekipi i Partizanit shfrytëzoi faqen zyrtare në Facebook për të shprehur ngushëllimet e tyre për ndarjen nga jeta të Ali Memës, duke shkruar: “Klubi Partizani përcjell ngushëllimet më të sinqerta familjes dhe të afërmve, për ndarjen nga jeta në moshën 76 vjeçare të ikonës së futbollit Ali Mema. Ali Mema një prej yjeve të Futbollit tonë të viteve 60 – 70, emblemë e klubit të Tiranës dhe ekipit tonë kombëtar, përgjatë karrierës së tij ka luajtur edhe për ngjyrat e Vllaznisë dhe Partizanit. FK PARTIZANI i gjendet pranë familjes Mema në këtë moment të vështirë. U prehsh në paqe Ali Mema!”

“Nuk ka qenë atmosferë e mirë për të qenë i sinqertë. Kemi kërkuar ta ndryshojmë dhe pas stërvitjes së djeshme ka ndryshuar pak dhe djemtë janë pak më shumë optimistë.

Sfida do të jetë jashtë mase e vështirë, pasi Andorra është një ekip shumë cinik, ndonjëherë edhe provokativ do të thoja.

Kemi vendosur gati tre sulmues për të hapur sa më shumë Andorrën. Do të provojmë dhe me goditje standarta dhe vertikalizime, që mendoj se do të na japin edhe frutin e suksesit.

Mendoj se ky grup ka cilësi. Nuk mund të vlerësoshen cilësitë për dy ditë, por niveliështë i mirë. Pas fitores së kësaj ndeshje, besoj do të jetë më mirë për të përzgjedhur edhe elementë të rinj.

Ka pasur dyshime edhe për shkak dëmtimesh. Memushaj nuk ka qenë mirë edhe vet e ka ndjerë, por shpresoj që të hyj në fund edhe të na japë atë çfarë presim.

Unë trajner i Shqipërisë? Mosha ime ka kaluar (qesh). Shpresoj të fitojmë sot edhe të bëjmë lojë të mirë.

“Së pari, dua të sqaroj ngjarjen në fund të ndeshjes. Shkova te gjyqtari për ta pyetur pse më largoi nga stoli gjatë ndeshjes. Në atë moment ndërhyri një polic i veshur me të bardha, duke më goditur së bashku me dy policë të tjerë. Unë shkova thjesht të pyesja atë arbitër skandaloz pse më nxori me karton të kuq, kaq, nuk kisha asnjë qëllim tjetër dhe nuk e kuptoj reagimin e policisë. Mora të shtyra e goditje, nuk pata mundësi as të flas me arbitrin më pas. Duket qartë nga pamjet që unë nuk shkoj për konfrontim tek arbitri, doja një komunikim normal me një arbitër që në fakt kishte tendencë për të na dëmtuar gjatë ndeshjes. Nuk shkova t’i jepja dorën, sepse ai njeri është skandaloz, nuk meriton asgjë, por nuk kisha ndonjë plan për konfrontim.

“Pasojat? Ky është problemi, nëse të vidhet ndeshja do ketë pasojë. Nëse do vazhdojmë kështu, me arbitra të tillë, të prishet gjithçka, sezoni, investimi, karriera. Duhet parë mirë kjo pjesa e arbitrimit, sepse përndryshe nuk do ketë mbarëvajtje në futbollin shqiptar. Ishalla nuk ndodh gjë, sepse mund të ndodhin gjëra edhe më të rënda se ajo në Fushë-Krujë”.

FUSHA – “Fusha nuk ishte në cilësinë e duhur, aty nuk mund të luhej më futboll, ndërsa arbitrimi ishte skandaloz. Dy lojtarë tanët morën dy kartonë të verdhë dhe s’do të jenë në ndeshjen kundër Laçit. Ky arbitër m’u duk i kalkuluar mirë.. Nuk di sa ta kuptoj këtë arbitër, duke marrë parasysh rastet nuk di çfarë të them”.

ZËVENDËSIMI I NGO – “Ai është provokuar 4-5 herë nga lojtarët e Kastriotit, ndoshta ka qenë edhe strategji e tyre. Ngo është lojtar gjaknxehtë, kalon shpejt në konfrontim. Unë doja që të mos kishte acarime, doja që lojtarët të qëndronin të qetë, por e pashë të arsyeshme ta ndërroja, sepse Ngo më duhej për të ardhmen dhe vura re që arbitri ishte tendencioz ndaj tij”.

Pamjet filmike tregojnë një moment tensioni midis trajnerit të Tiranës dhe personelit që shoqëron arbitrit, madje në një moment mes palëve ka konfrontim me shtyrje. Irritimi i teknikut të Tiranës me sjlljene efektivëve të sigurisë është shumë i madh dhe për ta qetësuar Memën nevojitet ndihma nga pjesa tjetër e stafit dhe lojtarëve të Tiranës

Situata e pazakontë më pas ka krijuar një moment kaosi dhe në fushë u desh dhe prania e presidentit të Tiranës Refik Halili për të qetësuar situatën.

Duke parë situatën e krijuar, stafi i Tiranës nuk pranoi të fliste për mediet në përfundim të ndeshjes.

Që në minutën e 6’ të sfidës, Ngo fillon të zihet me lojtarët e Kastriotit. Madje, britaniku e tepron, duke përdorur dhe duart dhe duke shtyrë numrin 10 të vendasve, Ymerajn. Ky i fundit rrëzohet në tokë dhe për gjyqtarin, ka karton të verdhë për sulmuesin e Tiranës.

Edhe pse ishte i ndëshkuar, Ngo vazhdoi të krijojë polemika dhe gjestet e tij nuk i pëlqyen aspak tifozerisë vendase, që shau dhe ofendoi në kor sulmuesin, por as teknikut Mema, i cili nuk u mendua dy herë dhe në minutën e 12’ të takimit, e zëvendësoi, duke aktivizuar Halilin në vend të tij. Ngo nuk u ul fare në stol, por iu drejtuar dhomave të zhveshjes, për të mos u rikthyer më në ambientet e fushës.

Në përfundim të takimit, Ngo foli për mediet e pranishme në “Selman Stërmasi”. Futbollisti i Tiranës vlerësoi paraqitjen e të gjithë skuadrës duke bërë komplimente për të gjithë shokët e skuadrës.

“Ndihem shumë i gëzuar. Fituam 3-0 dhe Laçi do ta ketë shumë të vështirë në ndeshjen e kthimit, megjithëse në fushën e tyre na kanë hapur shumë probleme, por e shoh të vështirë që ta përmbysin. Pra e kemi këtë avantazh.”

“Jam ende i mërzitur që dy golat që shënuam në pjesën e parë na u anuluan, pasi nuk ishin në pozicion jashtë loje dhe rezultati do të ishte 5-0 . Gjithsesi jam i gëzuar dhe me 3-0”.

“Sot patëm lojtarë që bënë ndeshje të jashtëzakonshme, si për shembull Imami, Turtulli, Hoxhallari, Kërçiku mund të përmend të gjithë skuadrën. Edon Hasani ishte gjithashtu i mahnitshëm. Erando (Karabeci), bëri një paraqitje kapiteni, vrapoi bëri presing, kontrolloi mirë topin. Ishte e mrekullueshme”.

“Këtë vit ndryshimi ka të bëjë me mendjen. Futem në ndeshje me besimin që do të luaj mirë dhe do të shkatërroj kundërshtarët e do të fitojmë. Trajneri Mema ka qenë brilant, pasi jemi një grup i bashkuar, që ia bëjmë të vështirë kujtdo. Kjo është një fitore e madhe për Tiranën”, përfundon gjiganti i repartit ofensiv të bardhebluve.

NDESHJA – “Nuk jam shumë i kënaqur me skuadrën, pasi kemi bërë gabime që nuk duhet t’i bënim. Gjithsesi, rezultati të kënaq. E kishim përgatitur mirë ndeshjen me Laçin, kishim 2-3 mënyra, pasi Laçi ka luajtur me shumë skema të ndryshme. Skuadra luajti mirë në pjesën e dytë dhe zbatuan detyrat që iu dhashë”.

KUALIFIKIMI – “Duhet të jemi me këmbë në tokë. 3-0 është rezultat i mirë dhe na jep garanci, por që edhe Laçi nuk është ekip i dobët, pavarësisht se çfarë dhanë sot në fushë”.

ZËVENDËSIMET DHE KONTIGJENTI – “Nëse ekipi po luan mirë, nuk kam pse të bëj zëvendësime. Ju e dini vetë, pasi jeni dhe trajner (drejtuar Migen Memellit). Janë afruar Oduamadi dhe Sentamu, Tirana e ka kontigjentin e duhur për të përballuar pjesën e mbetur të sezonit. Çdo lojtar duhet të më tregojë që e meriton për të luajtur dhe pse jo, mund të luajnë të gjithë. Por në momentin që gjërat shkojnë mirë, nuk e kuptoj pse duhen bërë zëvendësime. Në 2019-ën, ky grup ka luajtur shumë mirë dhe kanë krijuar një fizionimi loje. Kur kemi rezultate, nuk kemi pse bëjmë ndryshime”, përfundoi Mema.

NDESHJA – “Edhe pse është miqësore, kërkuam të fitonim. E rëndësishme është që u bë lojë e bukur. Luajtëm përballë një Tirane shumë të fortë, që drejtohet nga Mema. Për mendimin tim, nëse Mema do të ishte që në fillim të sezonit, Tirana do të ishte shumë më lart se ç’është tani”.

EKIPI – “Nuk janë lojtarët që kam përgatitur në fillim, pasi nuk i motivoj dot. Ia kemi arritur objektivit tonë dhe është shumë e vështirë që të motivoj ekipin”.

PLAY OFF – “Sikur të ishte dhe një ekip tjetër për në “PlayOff”, do të ishte më bukur. Por Federata vendos dhe ne nuk japim dot mendime jashtë profesionit tonë”.

LOJTARËT CILËSORË – “Korabi ka lojtarë që duhet të jenë pjesë e Superiore. Janë 3-4 lojtarë, por unë do të mundohem t’i mbaj në skuadër, pasi vitin tjetër synojmë Superioren”,- u shpreh Bubeqi.

BATUTA“Një nga gjërat që u thanë në korridor ishte se po të kishte qenë një ndeshje boksi do të fitonim me pikë (qesh), por nuk është boks”.

LOJA – “Kam ardhur në mes të kampionatit dhe nuk kam pasur shumë kohë, por gjërat te Tirana janë rregulluar disi. Ekipi ka goxha ekuilibër dhe po luajmë futboll të mirë. Kjo më ka pëlqyer sot”.

RËNIA NË PJESËN E DYTË – “Ndoshta skuadra dha çdo gjë pjesën e parë. Gjithsesi edhe Partizani është një ekip i fortë dhe ata dinë së të reagojnë pas gabimeve. Në pjesën e parë bëmë mirë me manovrat tona. Sulmuam shumë nga krahët me Hoxhallarin dhe Kërçikun. Në pjesën e dytë humbëm freskinë dhe kjo u dallua te Greca, Ngo dhe Hasani. Në pjesën e dytë loja u bë më e rrëmujshme. Humbëm shumë pasime, ndërsa në pjesën e parë u treguam të saktë në këtë aspekt”.

MUNGESA E GOLIT – “Me shpirt donim të fitonim, por nuk ishte fati jonë. Ndoshta duhet të kishim shënuar gjatë pjesës së parë”, përfundoi Mema.

NDESHJA – “90 minuta janë gjithmonë të vuajtura, asnjëherë nuk fitohet ndeshja para se të fitojë. 90 minutëshi ka momente të mira, të vështira, por deri sa të bjerë bilbili final, për trajnerin ka tension. Rendësi ka që morëm tri pikët dhe shohim përpara”, u shpreh Gega fillimisht.

HEBAJ – Tekniku i të kuqve më pas komentoi edhe paraqitjen e shkodranit të sulmit: “Nga stoli u fut dhe radhën që kaloi, por jo gjithmonë ndërrimet tona janë produktive, për shumë arsye e rrethana. Jam i lumtur për tri pikët dhe për Hebajn, që u fut dhe ndryshoi situatën. Mos është momenti për një fanellë titullari në derbi? Unë ju besoj të gjithëve, Hebaj është titullar. Nëse është në 18-she, është titullar. E rëndësishme është të marrim maksimumin nga të gjithë”.

TRASHI – Një mungesë e rëndësishme ajo e Trashit në derbi: “Trashi do të jetë mungesë e madhe, ju e patë që është lider në fushë. Është lojtar me vlerë për Partizanin. Edhe pse mori të verdhë dhe e dinte që nuk do të luante në derbi, e ndihmoi shumë skuadrën, duke qëndruar i qetë në fushë dhe duke mos marrë të kuq”.

RIBAJ – “Kartoni i kuq ndikoi, 10 vetë janë ndryshe nga 11. Ndodhi për Vlorën, por Flamurtari Flamurtar është. Nuk ishte ndeshje e lehtë as pas kartonit të kuq”.

DERBI – “Tirana dhe Partizani janë gjithmonë të karikuara, pavarësisht renditjes në tabelë. Karikimi i tyre na karikon neve dhe më tepër. Mema në stadium, për kë mendoni se bëri tifo? Bëri tifo për Partizanin (qesh). Donte që të shkonim dhe ne të karikuar. Çdo trajner dëshiron që rivalin ta lërë prapa dhe të godasë kundërshtarin. Ne jemi koleg, edhe unë e kam parë Tiranën dhe kam bërë tifo për ekip tjetër. Mema po bën punën e vet, është te klubi vet, siç jam dhe unë. Deri të premten do të punojmë dhe të shohim”.

HISTORIA – I pyetur se sa ndikon fakti që Tirana nuk fiton prej 5 vitesh derbin, Gega tha: “Duhet të shkëputemi nga historia, pasi nuk ka lidhje se çfarë ka ndodhur para 15 ndeshjesh. Është situatë tjetër. Do të mundohemi ta vlerësojmë në maksimum ndeshjen dhe të marrim maksimumin. Pas fitores me Flamurtarin, jemi më të qetë dhe skuadra ka forcën e duhur për të ruajtur ecurinë”.

ASANI – “Asani, si çdo lojtar tjetër, nuk është perfekt. Në pjesë të veçanta bën shumë mirë, ka kontribut. Ka dhe ai të mirat dhe firot e veta dhe është i veçantë. Të gjithë duan përmirësim, sidomos Asani, që është ende i ri. Asani nuk e dëmton Partizanin, përveç asisteve di edhe të godasë. Donte të shënonte përballë Flamurtarit dhe u mërzit disi. Gjithsesi, unë nuk mërzitem, pasi Asani ka ego dhe do të shënojë”.

REXHEPI – Mbrojtësi qendror nuk ishte në një formë të mirë pas rikthimit. “Rexhepin dua ta aktivizoj pasi dua që të rikthehet dhe të ambientohet sa më shpejt me ekipin. Është pjesë e shëndoshë e ekipit dhe na bën optimist për të ardhmen”,- përfundoi Gega.

LIDER I TIRANËS – “Po, ndihem shumë mirë dhe jam i lumtur që fituam ndeshjen. Kishim shanse edhe më përpara dhe duhet të shënonim më herët. Shënuam një gol në rrëmujë dhe të gjitha gjërat që bëmë në stërvitje ranë poshtë. Gjithsesi, jam i lumtur për ndeshjen që bëmë dhe për rezultatin që morëm. Tri pikë shumë të rëndësishme”.

NDESHJA – “Nuk jam i kënaqur me ndeshjen. Në 25 minutat e para, luajtëm shumë mirë, pasi bëmë presing lart dhe gjetëm golin. Më pas, u kthyem pas dhe krijuam hapësira. Ishte e vështirë për ne, pasi kundërshtari ka shumë kualitet. Kur ne luajmë në sulm, jemi një rrezik konstant, por luajmë dhe mësojmë. Ne mësuam shumë gjëra sot dhe tani shikojmë nga ndeshja e radhës, një ndeshje shumë, shumë e vështirë për ne”.

RINOVIMI – “Nuk kam dëgjuar asgjë për rinovimin? Ku e paska dëgjuar gazetari? Duhet të jetë president i Tiranës (qesh). Nuk e di, por jam i lumtur nëse ka diçka të tillë. Nëse lajmi është i vërtetë, jam shumë i lumtur që më besohet.

MARRËDHËNIA ME MEMËN – “I propozova dhe më tha po (qesh). Jemi si burrë e grua. Njëherë diskutojmë dhe zihemi, njëherë jemi perfekt. Çdo marrëdhënie ka probleme, por ne për momentin jemi shumë mirë”,- përfundoi Ngo.

FITORJA – “Më gëzoi fitorja, sidomos në këto momente që po kalon Tirana. Pikët janë shumë të rëndësishme dhe të luash kundër një ekipi të fortë si Skënderbeu, tregon se ekipi im ka forcën për të fituar ndeshje, ndryshe nga më përpara”.

HUMBJA ME LAÇIN – “Një trajner, i duhet koha e nevojshme për të shpalosur idetë e veta, filozofinë e veta. Gjithsesi, ekipi ka ardhur duke e rritur lojë, por kemi pasur oscilacione. Skënderbeu na ka vënë në vështirësi dhe nuk kisha shpresë se do të merrnin një rezultat pozitiv. Por futbolli është futboll dhe Skënderbeu na toleroi disi në fazën mbrojtëse dhe ne e shfrytëzuam”.

RRITJA E EKIPIT – “Ka pasur në çdo repart probleme, jo vetëm në mbrojtje. Edhe në 2019 që s’kemi humbje, kemi pasur probleme. Kemi pasur oshilacione, por gjithsesi janë riparuar disi problemet dhe ekipi po shprehet gjatë lojës”.

TAKTIKAT – “Pak a shumë është njësoj si ndeshja kundër Kukësit. E kemi pritur Skënderbeun në mesin e fushës dhe ka qenë manovër e jona ta godasim kundërshtarin në kundërsulm. Kemi pasur edhe dy mundësi të tjera, por nuk janë shfrytëzuar siç duhet. Gjithsesi, ky është futbolli dhe jo çdo manovër të dalë e suksesshme”.

LOTËT – “Ishte një moment që nuk e di çfarë ndodhi, në gëzim e sipër kemi pasur një emocion. U emocionova shumë, pasi kam qenë dhe pjesë e Skënderbeut. Më gëzoi shumë ai gol. Jemi bërë disi qaraman (qesh). Unë kam qarë më shumë kur kemi humbur”.

SULMI – “Të them të drejtën, ekipi në pjesën e parë ka sulmuar. E kemi kontrolluar ne në shumicën e rasteve topin, por kemi momente paniku mbrapa. Ndoshta edhe unë duhet ta shikoj më me përparësi këtë pjesë. Sulmin e kemi më të fortë se repartet tjera. Unë jam munduar të luaj në grup e jo t’i besoj një reparti”.

DEDIKIM – “Kjo fitore nuk ka asnjë dedikim. Mos më bëni kështu pyetjesh, se emocionohem sërish (qesh). Tifozët dua t’i përshëndes dhe shpresoj që këto pikë të marra, të na ndihmojnë dhe në derbin kundër Partizanit”,- përfundoi Mema.

Edhe Flamurtari përballë Skënderbeut është një sfidë shumë interesante dhe delikate për të dyja skuadrat. Të besuarit e Shehit u rikthyen te fitorja përballë Laçit dhe synojnë të ruajnë ecurinë, por përballë do të kenë Flamurtarin, skuadër që kërkon medoemos të lërë pas problematikat e javëve të fundit.

Trajnerët kanë zgjedhur formacionet e tyre për këto sfida, ky në sy bie formacioni i Ardian Memës, i cili nuk ka aspak ndryshime. Doka mungon për shkak kartonësh dhe i besohet Kërçikut. Ahmataj luan me Dungan në majë të sulmit, me mbështetjen e Demos dhe Filit nga krahët.

Daja nuk preferon të bëjë ndryshime, me Bathën sërish në majë të sulmit. Nga krahët do të luajnë Musta dhe Kale, me Torasën që pritet të ketë një rol të lirë pas sulmuesit.

Shehi i beson sërish në mbrojtje të riut Pëllumbi, i cili do të ketë partner në prapavijë të rikthyerin Radash. Në majë të sulmit Krasniqi, ndërsa nga krahët do të ketë shumë cilësi, me dy lojtari si Muzaka dhe Pervan.

Kategoria Superiore – Java 22
E diel, më 17 shkurt, ora 17:00

TIRANA – LUFTËTARI

Tirana: Abibi, Kërçiku, Turtulli, Imami, Hoxhallari, Karabeci, Daja, Hasani, Halili, Greca, Ngo. Trajner: Ardian Mema

Luftëtari: Ruçi, Rapa, Hoxha, Koconis, Xhekson, Ramadani, Aleksi, Rapo, Demo, Fili, Dunga. Trajner: Julian Ahmataj

Gjyqtarë: Kridens Meta, Egin Doda, Astrit Mahmuti, Laver Alla

Delegat: Lysien Nurishmi; Vëzhgues: Ilirjan Kristo

FLAMURTARI – SKËNDERBEU

Flamurtari: Koliçi, Ribaj, Pollozhani, Veliu, Kotobelli, Mustafa, Rrapaj, Kale, Torasa, Musta, Batha. Trajner: Ilir Daja

Skënderbeu: Dajsinani, Vangjeli, Radas, Pëllumbi, Abazi, Dita, Taipi, Sibo, Muzaka, Pervan, Krasniqi. Trajner: Orges Shehi

Gjyqtarë: Eldorjan Hamiti, Ridiger Cokaj, Ani Kociaj, Klodian Shahini

Delegat: Petrit Brahja; Vëzhgues: Plarent Kotherja

LUFTËTARI – “Gjatë javës kam folur me lojtarët. Kemi bërë mbledhje të shkurtra, sepse nuk doja që ekipi të kishte eufori pas ndeshjes me Kukësin. E kam konsideruar si një derbi, pasi duhet të fitojmë dhe të shkëputemi nga ajo zonë, që si të thuash na ka munduar shumë. Megjithatë kam parë ndeshjen e Luftëtarit me Flamurtarin dhe mendoj se është një ekip i fortë, me ekuilibër. Luajnë futboll të mirë. Ndeshja e nesërme ka problematikat e veta. Mendoj se do jetë shumë e fortë. Do fitojë ekipi që do jetë më i përqendruar dhe që do këmbëngulë më shumë në sulm”.

FITORJA DOMOSDOSHMËRI – “Kam dashur të mos i vë lojtarët në presion. Duhet të vazhdojmë me lojërat dhe nëse ndodh kështu, do kemi rezultate pozitive. Gjithsesi pa i vënë shumë në presion”.

SKUADRAT QË MBROHEN – “Këtë po thosha pak a shumë. Janë skuadër me ekuilibër dhe ngjeshën prapa. Këto skuadra nuk të lënë të luash me topin. Ekipi ynë ka treguar se lart luan mirë dhe krijon mundësi. Gjatë lojës do flasim edhe me lojtarët për mënyrën se si do të interpretohet loja”.

RËNDËSIA E NDESHJES – “Një ndeshje ka tre rezultate. E kemi marrë në konsideratë si ndeshje. Jemi pranë Luftëtarit, por nuk është përcaktuese. Është një ndeshje radhe që duhet ta fitojmë, por jo duke u vënë nën presion. Duke punuar dhe duke luajtur mirë mund të zgjidhet kjo ndeshje. Ky takim mund të menaxhohet, qoftë edhe 1-0. Kjo nuk ndan çfarë ndodh me ne. Kemi shumë ndeshje të tjera të forta. Duhet ta kontrollojmë këtë ndeshje”.

AHMATAJ – “Dje kam parë intervistën e Julit, ku thotë që jemi ekip i fortë. Kështu po them edhe unë për ata. Një trajner duhet ta shikojë kundërshtarin me të mirat dhe të këqijat. Kështu çdo ekip merr edhe masat. Ndoshta edhe Juli, për të cilin e kam respekt, do të jetë një nga trajnerët që do ecë dhe do të ketë karrierë të pasur”.

DEKLARATA E HALILIT – “Fitorja me Kukësin, vetëm një hap i vogël? Këtë e kam thënë edhe unë, jo vetëm presidenti. Ishte një fitore që i duhej Tiranës, pasi ishte ekipi i vendit të dytë javën e shkuar. Këto lloj ndeshjesh e ndihmojnë shumë ekipin, pasi ka përjetuar edhe një stres në të shkuarën. I jep skuadrës një moral tjetër për të menaxhuar veten dhe për të parë më sipër”.

RAPORTI ME TIFOZËT – “Tifozët e Tiranës janë nga ata që duan rezultat, nuk mund ta shohin Tiranën duke u përpëlitur në vendet e fundit. Kjo ka qenë që kur kam luajtur unë. Ata e duan në vendet e para. Mezi e presin një ditë të tillë. Më bëhet qejfi që janë kthyer në stadium dhe po vijnë edhe më shumë. Një nga forcat që ka ky klub është tifozeria. U kam bërë thirrje që të vijnë dhe ta përkrahin ekipin, sidomos për momentin që kemi kaluar. Do jenë një forcë më tepër. Ata të japin një lloj adrenaline që nuk përshkruhet me fjalë”.

SHTYRJA E NDESHJES – “Kur fiton i do ndeshjet shpejt e shpejt. Janë gjëra që ndodhin, është njëlloj për të dyja ekipet. Jemi gati për ndeshjen dhe mendoj se do e menaxhojmë si duhet”.

DOKA – “Me Kukësin, gjatë lojës pashë që po na sulmonin nga krahu i djathtë. Ndaj bëra një ndryshim në atë krah, ku të kishte njëfarë kundërvënie. Doli efikase, jo se shënoi golin. Kukësi në atë drejtim u bllokua dhe filluam edhe të sulmonim. Mora vendimin e duhur atëherë, por në futboll ka edhe gabime. Na rezultoi lëvizje pozitive dhe kjo të jep një lloj shenje në vazhdimësi. Lojtarët mund t’i lëvizësh, kemi bërë edhe lëvizje të tjera. E kemi bërë edhe me Imamin. Është me rëndësi që vendimet gjatë lojës të jenë të duhurat. Kam bërë edhe gabim në një ndeshje, që sot nuk e them dot”.

NDRYSHIMI TE TIRANA – “Duhet koha e nevojshme që ekipi të përvetësojë idetë që ke në kokë. Ndoshta kjo periudhë ka përmirësuar anën psikologjike, mënyra e lojës dhe se si i kanë zbatuar detyrat. Ka pasur edhe një seleksionim i lojtarëve. Ka pasur lojtarë që ishin rezerva. Edhe mua më duhet kohë të kuptoj kush janë të gatshëm për të menaxhuar ndeshjet. Pastaj ka edhe raste ku nuk shfaqen kualitetet. Rezultatet kanë kthyer edhe anën psikologjike. Ka ikur ai stresi kur kundërshtari na kthente brenda një pjese loje. Do na bëjë mirë nëse vazhdojmë të fitojmë. Ka ende potencial që ky ekip të rritet”.

LOJTARËT E RINJ – “E mendoj ndonjëherë dhe e flas me stafin. Trajnerët kanë preferencat e tyre, pëlqejnë dikë. Nuk ka pasur ndonjë moment për t’i futur dhe jam kushtëzuar në vendimmarrje. Tirana ka elementë të rinj dhe me shumë perspektivë. Mendoj se do jenë pjesë e Tiranës në të ardhmen dhe mund të jenë edhe nga ata që mund të bëjnë diferencën në kampionat. Në një moment tjetër, kur të kem luksin për të futur të rinj, do të aktivizoj ndonjë”,- u shpreh Mema.

NDESHJA – “Trajneri mendon të këqijat, para të mirave. Patëm probleme në pjesën e dytë Ne duam ekuilibër dhe të fitojmë. Vuajta pjesën e dytë, gjithsesi ekipi fitoi. Është rikthyer entuziazmi. Rezultatet na gëzojnë”.

SITUATA TE TIRANA – “Nuk jam tip që kënaqem kollaj, por gjërat kanë lëvizur pozitivisht. Më ka kënaqur Imami, ka qenë vendimtar në mbrojtje. Fitorja kthen entuziazmin, por na kthen me këmbë në tokë. Do analizojmë gjatë javës, pasi kemi bërë edhe sot gabime”.

PËRGATITJA E NDESHJES – “Kukësi e nis me 3-4-3. Në Vlorë luajtën ndryshe ata, ndryshe nga sa e kishim parashikuar. Prandaj e vendosa Dajën, që të mbante Rrocën. Patëm ekuilibër në mesfushë, bënë presion në kohën e duhur. E kapëm mesin e fushës, kur ata nisën të luanin nga mbrojtja në sulm”.

NDER PARTIZANIT – “Ndoshta në ditët në vazhdim mund t’i bëjmë nder edhe Kukësit, pasi luajmë edhe ne me Partizanin”.

KTHESA TE TIRANA –  “Është e vështirë të ta them. Mendoj se janë harmonizuar veprimet mes reparteve, ose në çifte. Ekipi kërkon gjithë kohën të fitojë. Ka një lloj urie për të fituar ndeshjet. Nuk them dot më tepër. Duhet të bëjmë detyrat tona dhe të punojmë. Ekipi duhet të ketë sërish këtë lloj entuziazmi”,- u shpreh Mema.

Sulmuesi 20-vjeçar u bë protagonist në takimin e sotëm kundër Flamurtari, ku u ndëshkua më të kuqe në minutën e 16-të, pas një gjesti antisportiv ndaj brazilianit të vlonjateve Elton Kale. Si rregull kartonët e kuq shlyhen në Kupë, por kur kemi të bëjmë me veprime antisportive si ai Halilit çështja shkon në duart e Komisionit të Disiplinës.

Në rast se gjithçka shkon normalisht, Halili do të dënohet me të paktën dy ndeshje në mbledhjen e ardhshme të Komisionit të Disiplinës, çka do të bëjë që ai të humbasë përballjet e Kategorisë Superiore ndaj Kukësit dhe Luftëtarit, ndërsa kartoni i kuq në Kupë do të zhvleftësohet dhe sulmuesi do të jetë i gatshëm për trajnerin Mema për ndeshjet e çerekfinales së Kupës së Shqipërisë kundër Laçit.

PËRQENDRIMI – “Ishte fillim i lojës dhe janë momente që ndodhin. Sulmuesi bëri një lëvizje prerëse ose në thellësi dhe u ndëshkuam. Të them të drejtën që nga minuta e parë dhe deri në fund u them që të jenë të përqendruar. Jam i kënaqur se ekipi reagoi dhe luajti mirë, duke gjetur dhe golin. kjo më rrit besimin”.

PROBLEMET – “Kemi riparuar disa gjëra dhe them se ekipi ka pasur më shumë në ekuilibër. Nuk ka pësuar shumë dhe ka shënuar. Sot kemi pasur probleme, pasi në lojë kishim elementë të dëmtuar dhe nuk mund t’i ndryshoja. Në një moment u kënaqa dhe me barazim, të jem i sinqertë”.

SKEMA – “në pjesën e parë, përveç momentit kur u ndëshkuam, kundërshtari nuk na rrezikoi. Shfrytëzuam edhe gjerësinë në fushim kryesisht me mbrojtësit e krahëve, duke shtyrë para. Në pjesën e dytë më ra ekipi edhe për efekt lodhje, pasi ka pasur mjaft ngarkesë në këto 10 ditë. Kemi pasur ndeshje të forta dhe lodhja bën të vetën. Kjo ka qenë arsyeja pse ra disi ekipi. I kam folur gjatë gjithë kohës qendrës që të ngjitej më lart, pasi ekipi do të ishte më në ekuilibër dhe do të bënte presion për kundërshtarin, pasi Teuta vinte me lojtarët nga lart poshtë. Kjo nuk u lexua mirë nga lojtarët e mi.

MUÇI – “Daja mbajti mjaft peshë në ekip dhe ka qenë një nga lojtarët kryesor që bënte presion. Mosha e Muçit na vë në dyshim për ta futur me shpejt. Më parë ka luajtur edhe më shumë në ndeshjet e shkuara”.

GOXHA – “Unë e mendoj në qendër. Por anësorët kanë pasur muskujt me probleme. E futa për emergjencë si mbrojtës i majtë. Do të jetë alternativë edhe në qendër. Mund të fitojë edhe vendin e titullarit”.

KOBINA – “Nuk dha asgjë për të ndihmuar ekipi. Shpresoja më tepër, pasi ka kualitet, Duhet parë ana fizike e tij. Nuk mendoj se për 30 minutësh nuk mund të vrapojë sa pjesa tjetër.

IMAMI – “Imami po stërvitet për pozicionin që e keni parë, po bën shumë mirë dhe them se do të jetë i qartë me veten e tij për atë pozicion i ri që nuk është pozicioni i tij. Po më pëlqen që ta vendos qendër e majtë dhe jam i kënaqur me të”.

MUNGESAT – “Një ekip që ka 3 mungesa, me Turtullin, Kërçikun dhe Hasani. Por kur ke k3 mungesa është disi e vështirë dhe ekipi i humbet ekuilibrat. Nuk ka të bëjë me merkaton> nuk mund të marr lojtarë anonim. Nuk marr lojtarë që nuk bëjnë diferencën nga grupi aktual.

MENSAH – “Kam kërkuar Mensah, pasi donte të ikte nga Partizani. Direkt e shfaqa dëshirën për të, por nuk u arrit akordi mes tij dhe klubit përkatës. Janë bërë edhe të tjera veprim,e kemi parë në Kosovë dhe në Suedi. Nuk është lënë mënjanë pjesa e merkatos. Them se do të kalojmë edhe me këto lojtarë”.

TEUTA – “Teuta është ekip i fortë, me ekuilibër. Edhe barazimi sot them se ishte i drejtë. Nuk është gjë e thjeshtë të dalësh barazim me Teutën. Ekipi arriti një rezultat pozitiv edhe pse me mungesa”.

MERKATO – “Në ditët në vazhdim pres 1 ose 2 futbollistë të tjerë, që mund të na bashkohen. Disa lojtarë të huaj kanë ardhur me vonesë, por jam i kënaqur nga faza përgatitore. Përsa i përket merkatos, kemi kohë deri në 30 janar, por nuk mund të flas me emra konkret. Në ditët në vazhdim do të shikojmë se kë mund të afrojmë. Kemi biseduar me tre futbollistë goxha cilësorë dhe po pres nga momenti në moment që bisedimet të konkretizohet. Duhet një përzgjedhje goxha e mirë, nuk mund të marrë lojtarë anonim me 20 pikëpyetja nga pas. Nëse nuk marr këto futbollistë që kam menduar, nuk do të marrë lojtarë të tjerë”.

TË RINJTË – “Kemi disa elementë të mirë si Muçi, Ismailgeci dhe Çelhaka. Kam pasur dilemat e mija për aktivizimin e të rinjve, për shkak të brishtësisë dhe emocioneve që kanë lojtarët e rinj. Mund të them se gjatë miqësoreve që kemi zhvilluar disa nga lojtarët e rinj kanë pasur momente loje, ku janë paraqitur më mirë se shumica e lojtarëve të formacionit”.

ECURIA – “Në fillim kishim një problem shumë të madh me pësimin e golave. Tani po mundohemi që të kemi ekipin në ekuilibër. Objektivat e mi janë dy: I pari atë që ma cakton klubi dhe i dyti objektivi që vendos çdo trajner. Qëllimi i parë ishte të nxirrnim . Kur erdha shumë njerëz kanë thënë se mund të shkojmë në kupat e Europës, por unë nuk e kam menduar këtë, doja vetëm që të nxirrja klubin nga zona e ftohtë. Jam trajneri dhe duhet të jem me këmbë në tokë. Nëse nuk dalim nga kjo zonë, nuk mund të mendojmë për gjëra të tjera”.

DORËHEQJA – “Kam menduar tre ose katër herë dorëheqjen. Dy raste kanë qenë pas ndeshjes me Luftëtarin dhe pas humbjes ndaj Partizanit”.

“Kur erdha nga Flamurtari këtu, mendoja se futbolli shqiptar ka disnivele të vogla dhe thashë se do rregulloja diçka, por nuk ndodhi kështu. I gjithë problemi im ishte se unë nuk e kisha idenë se çfarë niveli kishin lojtarët që kisha dispozicion”.

RAPORTI ME PRESIDENTIN DHE DONATORËT – “Marrëdhëniet më të mira që kam në klubi i kam me presidentin. Kemi bërë biseda private më ka thënë se është duke negociuar me donatorët potencial. Janë negociata dhe mund të zgjasin gjatë. Ai ashtu si të gjithë dëshiron ta shikojë Tiranën përsëri në nivele të mëdha”.

KUPA OBJEKTIV ? – “Kupa është një kompeticion shumë specifik. Në Shqipëri ccdo ekip mund të të befasojë. Tirana është një ekip që kërkon gjithmonë trofe. Ne do të bëjmë tonën, të shohim se deri ku mund të arrijmë”.

Shtatlarti britanik ka folur sot për “RTSH Sport”, ku ka prekur disa tema që qarkullojnë rreth tij. Marrëdhënia me Memën dhe krahasimi me Balotelin ishin dy pikat ku Ngo u ndalua më tepër.

“Faza përgatitore po shkon mirë, po stërvitemi intensivisht dhe ecuria është pozitive. Tani kemi nevojë të jemi të bashkuar si skuadër dhe të rrisim performancën në ndeshjet e ardhshme”.

Mema – “Kam pasur një raport shumë të mirë kur ai mori drejtimin e Tiranës, por me kalimin e kohës u krijuan diferenca të mëdha. Të kuptosh skemat dhe idetë e lojës, duhet ta njohësh trajnerin. Ndonjëherë gjërat ndryshojnë, por unë dua të theksoj se marrëdhënia me Memën është brilante. Jam i lumtur që e kemi në krye të pankinës”.

Paraqitjet – “E di që jam i aftë të udhëheq skuadrën dhe të luftoj me çdo mbrojtës. Nuk luajta në fillim të kampionatit për shkak dëmtimi, por kur ndiqja ndeshjet, e dija se mund të bëja diferencën në Shqipëri, pasi i di aftësitë e mia.

Sjelljet në fushë – “Unë nuk futem në fushë për të dëmtuar askënd, apo për t’u nervozuar. Jam shumë emocional dhe i motivuar, prandaj përdor grintën dhe ushtroj presion ndaj kundërshtarit. Por nuk bëj ndërhyje me qëllim”.

Krahasimi me Balotelin – “Jo jo, aspak, nuk dua të krahasohem me askënd. Baloteli është Baloteli e unë jam Ngo. Nëse nervozohem në fushë, është thjesht pasion. Dua që Tirana të fitojë sa më shumë, të bëjë më të mirën për Tiranën, pasi nuk kam ardhur nga Anglia për ndonjë gjë tjetër”.

E ardhmja – “Jam pjesë e Tiranës dhe gjërat kanë shkuar për mirë. Tani, dua të punoj fort çdo ditë dhe të luaj sa më shumë për këtë skuadër”,- u shpreh britaniku Ngo.

Ndeshja – “Ndeshja sotme nuk ka qenë pozitive pavarësisht se mbaroi me atë rezultat. Pjesën e parë kemi pasur probleme dhe të them të drejtën në pjesën e dytë kam qenë i kënaqur, madje e shijova me përjashtim të një rasti që pësuam dhe gol. Lojtarët kishin ekuilibër dhe pati shumë kombinacione dhe nuk ishte si pjesa e parë që humbëm shumë topa. Do të shohim sepse kjo është fazë përgatitore dhe lojtarët kanë halucinacionet e veta dhe lodhja ka ndikuar jo pak”.

“Ndonjëherë futbolli është shumë i thjeshtë dhe duhet të dish të lexosh situatat dhe të kesh informacion paraprak. Gjithsesi, ndonjëherë e thjeshta është më e vështirë nga ajo që duket. Patëm shumë gabime në pasime dhe kjo e detyron ekipin të bëjë më shumë metra”.

Muçi – “Muçi nuk është lënë në hije dhe ka bërë stërvitje goxha të mirë. Unë jam shumë i kënaqur, pasi shënoi dhe ndaj Korçës. Ka një të ardhme shumë të mirë, por shumë shpejt do të jetë dhe pjesë e lojës”.

Hoxhallari dhe Kobina – “Kam dëgjuar diçka, por nuk besoj të jetë i vërtetë. Ekipi ka nevojë për futbollistë dhe po shohim përveç këtyre që kemi. Kobina ka ardhur me vonesë dhe kjo ka qenë arsyeja që nuk ka qenë pjesë e lojës, por që po stërvitet aktualisht dhe do të ketë minuta ndaj Vlorës, por që do të jetë pjesë e seancave më shumë se ndeshjes”.

“Klubi ka politikat e tij dhe nuk mund të hyj te ajo pjesë, pasi jam trajneri. Në rast se ndodh që Hoxhallari dhe Kobina largohen, do të na prishnin goxha punë pasi janë shumë të rëndësishëm”.

Sentamu – “Sentamu ka pasur një problem me pasaportën, pasi me 4-5 janar duhet të ishte në Tiranë. Është një çështje për t’u parë, sepse nuk është diçka që mund të anashkalohet. Një lojtar duhet të jetë profesionist jashtë fushe, më pas në fushë. Duhet të ketë një farë korrektësie. Gjithsesi, na ka lajmëruara që ka probleme me pasaportën dhe realisht nuk e di kur do të kthehet. Na ka prishur punë, pasi ndeshjet e tij të fundit kanë qenë shumë të mira”.

Merkato – “Po presim dy futbollistë që nuk mund të jap informacion tani, pasi akoma nuk janë konfirmuar. Në ditët në vazhdim do të njiheni me lojtarët, nëse ndodh”.

Synimet – “Objektivi e kam thënë gjithmonë që është largimi nga zona e ftohtë dhe të shohim si do veprojmë në të ardhmen”,- u shpreh trajneri Mema.

Laçi dhe Tirana do të zhvillojnë një ndeshje miqësore, ku futbollisti durrsak do të ketë mundësinë të provojë veten para trajnerit të 24 herë kampionëve të vendit.

Goxha aktivizohet prej dy vitesh me skuadrën e Erzenit, ku në sezonin e tanishëm ka spikatur me golat e tij, teksa ka shënuar shtatë herë përgjatë 12 ndeshjeve.

PASIONI PËR TIRANËN – “Unë vij nga një familje autoktone. Në familjen tonë e kemi pasur edhe si punë trashëgimie, duke filluar nga xhaxhai im Haxhi Arbana (Mema), e duke mbaruar tek unë. Pasioni nuk mund të diskutohet, pasi unë jam rritur me Tiranën. Mua më merrte babai i vogël për dore në stadium dhe i njoh futbollistët që në një moshë shumë të vogël”.

MEMA SI TRAJNER – “E fillova si trajneri i kombëtares U17, ku punova për dy vite. Më pas kalova si një drejtor i një akademia, ndërsa pata dhe një eksperiencë punë në një ekip U23 në Arabinë Saudite. Më pas mu bë një ftesë nga miku im Ilir Daja, dhe shkova si asistent te Skënderbeu e më pas të Flamurtari, për një vit e gjysmë”.

TIRANA E DIKURSHME – “Kohët ndryshojnë. Ne në radhë të parë kemi pasur pasionin. Nuk e kemi menduar kurrë për shembull faktin se futbollisti do e lërë një ditë sportin e duhej të sigurojë të ardhura të tjera. Kohët kanë ndryshuar shumë. Pasioni është ende aty, por jetojmë një jetë shumë më të hapur sot me Internetin dhe “Facebook”-un. I them shpesh dhe moshave se duhet të përqendrohen më shumë te futbolli”.

DITA E PARË TE TIRANA – “Të them të drejtën atë ditë jam zhgënjyer, pasi kam parë lojtarë që qeshnin ose siç i themi ndryshe me “motorë të fikur”, por me kalimin e kohës, gjërat ndryshuan. Unë kam filozofinë time të punës dhe e dija mirë se do të ndodhte përshtatja mes meje dhe lojtarëve dhe anasjelltas. Më pas lojtarët filluan të jenë më shumë kërkues brenda vetes.

“Te Tirana kam shkuar në një moment emergjence. Nëse do të kisha mundësinë të shkoja te Tirana në periudhën e verës, ku do të kisha mundësi për të ndërhyrë në merkato dhe për të punuar me ekipin.

ECURIA – “Mu desh pak kohë për të siguruar fitoren e parë. Bënin gabim në të dy portat, falnim te porta e kundërshtarit, falnim edhe te porta jonë. Kjo ka qenë një ndër momentet më të vështira, e mendova largimin, pasi s’po më ecte. Në një moment të thashë mos jam unë e keqja. Ka shumë ndeshej që ia kemi dhuruar kundërshtarit”.

PËRPLASJA ME NGO – “Nuk e kam thënë më parë këtë. Kisha rreth katër ditë te Tirana dhe u paragjykova. Ngo u shpreh se unë jam racist, dhe Egboja i tha se shoku i tij më i ngushtë në këto 17 vite në Shqipëri isha unë.  Nuk e kuptova këtë pjesë. Ai nuk më shikonte me një sy të mirë, por me katër ditë nuk mund ta paragjykosh dikë. Në një moment, pati një lojë të fortë mes lojtarëve dhe i thashë : Majkëll pse po godet me shkelma! Më është kthyer dhe në atë moment më tha diçka në anglisht,që nuk po e them dot këtu. Ai ka qenë momenti që e kam larguar pa fat”.

PAQJA MES PALËVE – “Majkëll ka reaguar më pas dhe është treguar burrë me mua.  Mbas një analize me ekipin biseduam diçka bashkë dhe ai më dha se i ka lënë pas ato probleme. I thashë se jemi të gjithë këtu për të mirën e klubit.  Në dy ndeshjet e fundit nuk e kam futur për shkak të një probleme me gjurin, një çështje kjo që duhet të merren terapistët. Ai e ka vërtetuar se e meriton të luajë”.

GENTJAN MUÇA – “Genti (Muça) edhe pse është nuk është akoma në fushë është një faktor i rëndësishëm i skuadrës. Ai nuk është ende gati për të luajtur dhe këtë ai e di, sepse me mua ka biseduar si shok. Shpresoj që të kthehet, pasi ka kaluar një traumë. Rikthim këtë sezon? Të them të drejtën i duhet pak kohë, që të rikthehet si duhet”.

TIRONA FANATICS – “Kur kam parë për herë të parë “Tirona Fanatics” e kisha lënë sportin dhe  kam pasur një lloj nostalgjie, pasi thosha, po t’i kishim pasur dhe ne në kohën tonë këtë lloj tifozerie. Le të themi do të kishim qenë njerëzit më të lumtur në botë, pasi në shumicën e ndeshjeve fitonim. Më kanë emocionuar me dekorin që kanë përgatitur në disa ndeshje. Unë i bëj një ftesë që t’i bashkëngjiten prapë ekipit. Tifozët duhet ta ndjekin Tiranën edhe në momentet e vështira. Shpresoj dhe besoj se në ditët në vazhdim do të kemi ngjarje të reja te Tirana.  Jam sensibël për këto ngjarje, pasi mund të vijnë donator të tjerë te Tirana dhe gjërat mund të ndryshojnë. Gjithsesi i bëj ftesë tifozëve që të vijnë të përkrahin ekipin”

SHPRESA E TIRANËS TE DONATORËT ? – “Jo, nuk mund ta them këtë. Shpresat janë te lojtarët dhe te puna që ne do të bëjmë. Tirana pasur vazhdimisht donatorë e presidentë. Gjërat do të ndryshojnë te Tirana është e sigurt, pasi Tirana është gjë tjetër. Të gjithë e lakmojnë dhe të gjithë duan që Tirana të rikthehet siç ka qenë te fitoret”.

EKIPI – “Ka qenë një periudhë e vështirë nga momenti që e kam marrë ekipin. Kemi pasur goxha oshilacione si ekip. Fillimi ka qenë shumë i vështirë, sepse duhet të ndodhte përshtatja midis meje dhe lojtarëve dhe anasjelltas. Kemi zhvilluar disa ndeshje të mira, por që nuk na dhanë rezultatet pozitive. Këtë vit besoj se do të ndryshojë disi, sepse lojtarët e kanë kuptuar se çfarë duhet të bëjnë. Tirana ka qenë gjithmonë pjesë e elitës dhe nuk duhet të mbesë e tillë vetëm në letër, por duhet të jetë një ekip që të shkojë aty ku i takon.”

MERKATO – “Nuk ka rezultuar ndonjë lojtar i lirë dhe i mirë që mund të vijë te Tirana. E kam thënë edhe më parë që emergjenca nuk të bën mirë. Nuk mund të bësh zgjedhje emergjente, sepse mund të gabosh. Shpresoj të kemi fat dhe të dalë ndonjë lojtar, aty ku mendojmë ne që do të na shërbejë”.

RAPORTI ME DREJTUESIT – “Kam pasur marrëdhënie të shkëlqyera me të gjithë krerët e klubit. Kam marrëdhënie pune, pasi puna është e para dhe marrëdhëniet e tjera ndërtohen në bazë të punës. I falënderoj, sepse më kanë ndihmuar shumë. Bashkërisht shpresoj ta shohim Tiranën sa më lart”.