Meksika

VIDEO | Ikardi e Dibala udhëheqin Argjentinën, Vidal Kilin

Sport Ekspres — Wed, 21 Nov 2018 08:33:01 +0000

Argjentina e ka fituar edhe miqësoren e dytë kundër Meksikës dhe këtë e ka bërë duke shënuar dy herë në portën kundërshtare. Vendosën Ikardi dhe Dibala, me këtë të fundit që shënoi golin e parë me fanellën e Argjentinës.

Sulmuesi i Interit realizoi që në minutën e dytë, teksa u fut mjaft bukur në zonë dhe krijoi hapësirë për të gjuajtur. Topi i goditur në rrjetë prej shkoi në rrjetë dhe më pas nisi festa. Pjesa e parë ishte më e mirë për Argjentinën, por rastet e krijuara nuk kishin rrezikshmërinë e duhur.

Meksika u mundua të reagonte dhe pati mundësi të barazonte. Portieri Ruli fillimisht dhe më pas Gazaniga ishin të pakalueshëm. Në të 81’ Ikardi i la vendin Dibalkës dhe ky i fundit realizoi tre minuta para fundit të takimit golin që vulosi fitoren 2-0 të Argjentinës.

U zhvilluan edhe disa miqësore të tjerë mes kombëtareve të Amerikës Latine, ku spikat triumfi 4-1 i Kilit kundër Hondurasit. Arturo Vidal arriti të shënojë dy gola, ndërkohë që emrin në listën e golashënuesve e regjistruan edhe Aleksis Sanccez dhe Nikolas Kastijo.

Argjentinë-Meksikë 2-0
Kili-Honduras 4-1
Peru-Kosta Rika 2-3
El Salvador-Haiti 1-0
Panama-Ekuador 1-2

VIDEO | Dibala “shterpë”, Argjentina dominon dhe thyen Meksikën

Sport Ekspres — Sat, 17 Nov 2018 08:56:37 +0000

Argjentina ka dominuar dhe fituar ndaj Meksikës me rezultatin e pastër 2-0. Sytë ishin nga Paolo Dibala, i cili luante në shtëpi dhe pritej gol. Gjithsesi sulmuesi i Juventusit nuk ia ka dalë dot të realizojë në portën e miqve. Meksika, nisur nga fakti që luante në transfertë, u mundua të ishte pragmatiste dhe qëndroi më së shumti në pritje.

Argjentinasi, edhe pse nuk shënoi, doli mes duartrokitjeve në minutën e 72-të të takimit. Gjithsesi ishte protagonist, pasi nga këmbët e sulmuesit shtatshkurtër erdhi asisti i golit të parë të takimit. Në fundin e pjesës së parë, Dibala krosoi nga një goditje dënimi dhe Mori me kokë e dërgoi topin në rrjetë.

Fillimi i takimit ishte i mirë për Meksikën, teksa goditi tranversën me Himenez dhe më pas në një moment tjetër portieri Markezin u bë shpëtimtar. Dibala provoi disa herë të shënonte, ndërkohë që në një rast shërbeu për Lautaro Martinez. Futbollisti i Interit me kokë u ndal nga portieri pak metra me portën.

Në të dytën Argjentina kërkoi golin e qetësisë dhe krijoi disa raste, por ishin vetë meksikanët që e dërguan topin në rrjetë. Një krosim i ulët nga e djathta u devijua nga Brizuela dhe vendasit e panë veten në avantazh të dyfishtë.

Meksika me trajner të ri, akord me ish-trajnerin e Barcelonës

Sport Ekspres — Wed, 26 Sep 2018 17:45:22 +0000

Meksika ka arritur akordin me trajnerin e ri të kombëtares, i cili do të zëvendësojë Huan Karlos Osorion. Ky i fundit arriti një fitore të madhe përballë Gjermanisë në Botërorin e Rusisë, por pa arritur të ndihmojë ekipin të kalojë fazën e grupeve.

Drejtuesit e Federatës Meksikane të Futbollit kane zgjedhur për stolin e kombëtares Gerardo Martinon, i njohur ndryshe si “El Tata”, i cili është pranë rikthimit në krye të një kombëtareje. Ish-trajneri i Barcelonës dhe Argjentinës ka arritur akordin me Meksikën dhe pritet vetëm zyrtarizimi i marrëveshjes siç citon “ESPN”.

55-vjeçari drejton ekipin e Atlanta Junajtid në kampionatin amerikan të futbollit, por do të ulet në stolin e ekipit meksikan. Kjo do të jetë eksperienca e tretë e Martinos me një kombëtare, pasi drejtoi Argjentinën në votet 2014-2016, ndërsa më parë ka drejtuar Paraguain. Në sezonin 2013-2014, Martino drejtoi Barcelonën, ekip me të cilin fitoi Superkupën e Spanjës.