Në këtë takim ra në sy si gjithmonë, e zakonshmja Megi Doçi, e cila shënoi një tripletë. Gjithsesi, njëri nga golat ishte ai që vodhi më së shumti vëmendjen, pasi shkodranja shënoi një perlë të vërtetë.

Doçi realizoi në mënyrë perfekte një goditje dënimi nga thuajse 40 metra, duke e ndaluar topin në trekëndësh. Video flet qartë dhe nuk ka nevojë për shumë koment…

FSHF këtë edicion kishte menduar që të akordonte një çmim edhe për një prej lojtareve që ka spikatur këtë edicion. Megi Doçi, lojtarja e skuadrës së Vllaznisë dhe Shqipërisë është nderuar me këtë çmim special.

Doçi është një prej sportisteve më të mira, e cila ka realizuar një “lumë” me gola në këto vite në futbollin shqiptar, por duhet thënë se është në një moshë mjaft të re dhe premton shumë për të ardhmen.

Pavarësisht kësaj, niveli nuk mund të thuhet se është dhe aq tërheqës. Vllaznia ka skuadrën më të mirë dhe çdo edicion arrin që të dalë kampion me shumë lehtës, duke shënuar mbi 100 gola në sezon dhe është mjaft e vështirë që të munden në ndonjë takim gjatë sezonit. Sigurisht që sportistet më të mira janë te kuqeblutë, të cilët po ashtu prodhojnë vetë mjaftueshëm futbolliste.

Megi Doçi është sulmuesja e Vllaznisë, ashtu si dhe e Kombëtares Shqiptare. Vetëm 22 vjeç, por ka arritur që të regjistrojë një rekord të pabesueshëm. Sulmuesja arriti që të shënonte 4 gola në fitoren e fundit të Vllaznisë ndaj Pogradecit, në suksesin 9-0. Ajo që duhet veçuar është se goli i tretë e vajzës shkodrane ishte shumë i veçantë, pasi ishte goli i 300-të.

E pabesueshme, për moshën që ka, por duhet veçuar se në katër sezonet e fundit ka pasur një mesatare afro 50 gola për sezon. Një vit më parë ajo shënoi 70 gola. Ky rekord është unik, pasi ia kalon edhe futbollistëve meshkuj. Nëse luan në Shqipëri, duket shumë e vështirë për të parashikuar se sa gola do të shënojë Doçi deri në fund të karrierës së saj.