Medhi Benatia

Benatia: Dua që fëmijët e mi të rriten në një ambient islamik

Sport Ekspres — Wed, 06 Feb 2019 11:41:23 +0000

Medhi Benatia është prezantuar si lojtari më i ri i ekipit të Al Duhail. Marokeni la Juventusin për t’u transferuar drejt Katarit, ku tashmë do të mbrojë ngjyrat e kampionëve. Mbrojtësi ka folur pas prezantimit, duke shpjeguar arsyen e zgjedhjes së tij si dhe ka shpalosur objektivat që ka me ekipin e ri.

“Al Duhail ishte zgjedhja më e mirë për mua dhe familjen time. Dua të arrij shumë objektiva me këtë ekip. Kam veshur fanella të rëndësishme si Roma, Bajern Mynih dhe Juventus dhe kam fituar shumë trofe. Tani kam objektiva të reja. Ky ekip mund të fitojë Ligën e Kampionëve të Azisë.”

“Unë besoj se zgjedhja ime duhet të respektohet, sepse mendova se ishte më e mira për mua dhe familjen time. Dua që fëmijët e mi të rriten në një ambient islamik. Mund të kisha shkuar dhe në Emiratet e Bashkuara Arabe ose në Arabinë Saudite, por e kam preferuar Katarin sepse shumë lojtarë të ekipit kombëtar maroken luajnë këtu.”

Falenderime dhe tifozllëk, Benatia: Ishte kënaqësi, shihemi në… Madrid!

Sport Ekspres — Tue, 29 Jan 2019 10:11:25 +0000

Medi Benatia nuk është më një futbollist i Juventusit. Mbrojtësi do të transferohet në Katar aty ku do të vazhdojë karrierën me ekipin e Al Duhail.

10 milionë euro kanë shkuar në arkat e bardhezinjve, që kanë ofruar menjëherë Kaseres nga Lacio për të zëvendësuar 31-vjeçarin maroken.

Benatia ka postuar një mesazh lamtumire në “Twitter”, ku nuk i kursen fjalët e mira për Juventusin. Ai do të jetë i pranishëm në Madrid për të ndjekur nga afër duelin e Champions Ligës, Atletiko Madrid-Juventus dhe për të bërë tifozllëk për shokët e tij.

“Ju falënderoj të gjithëve, ishte një kënaqësi e madhe. Shpresoj të vij në Madrid për të bërë tifo për ju, pasi ky Juventus e meriton”, shkruan qendërmbrojtësi.

Grazie a tutti voi ??e stato in immenso piacere !spero di potere venire a Madrid a tifare per voi ????questa juve se lo merita ??

— MBenatia5 (@MedhiBenatia) January 28, 2019

Refuzoi Mançesterin për Katarin, habit mbrojtësi i Juventusit

Sport Ekspres — Sat, 26 Jan 2019 12:11:52 +0000

Te Juventusi ka nisur merkatoja në dalje, teksa lojtarët e pakënaqur kanë bërë gati valixhet. Një ndër më të pakënaqurit në kampin bardhezi është Medhi Benatia, i cili do të largohet drejt Al Duhail në Superligën e Katarit.

Sipas raportimeve të fundit nga Italia, mbrojtësi thuhet se ka refuzuar dhe një ofertë të Mançester Junajtid. Djajtë e kuq kishin rënë dakord me Juventusin për 10 milionë euro, por marokeni nuk pranoi 3.7 milionë eurot e ofruara në sezon, ku kërkonte së paku 4.5 milionë.

Në ekipin e tij të ri në Katar, 31-vjeçari do të përfitojë plot 5 milionë euro, plus bonuset. Në arkat e Juventusit do të kalojnë 10 milionë euro dhe ditën e sotme pritet të zyrtarizohet gjithçka.

Juventusi nis merkaton në dalje, largimi i parë drejt zyrtarizimit

Sport Ekspres — Wed, 23 Jan 2019 17:20:55 +0000

Merkatoja e janarit është drejt fundit dhe nëpër klube kanë nisur lëvizjet. Te Juventusi, duket se ka lëvizje në dalje. Medhi Benatia, e ka vendosur përfundimisht që do ta lërë ekipin bardhezi, pasi nuk pajtohet me faktin që është një lojtar stoli.

Këtë gjë e ka pranuar dhe drejtori Paratiçi, i cili po shqyrton bashkë me lojtarin për destinacionin e mundshëm të këtij të fundit. Al Duhail në Katar është në “polë” për momentin, por gjithsesi ka dhe oferta të tjera.

Nga Premier Liga dhe Bundesliga ka kërkesa gjithashtu, ku kujtojmë mbrojtësi maroken ka luajtur më parë me fanellën e Bajernit në Gjermani. Këtë sezon, Benatia është aktivizuar në vetëm 5 takime në Serie A.

I pakënaqur te Juve, derbi gjerman për mbojtësin bardhezi

Sport Ekspres — Mon, 24 Dec 2018 19:47:39 +0000

Juventusi është një ndër ekipet me alternativa të shumta thuajse për çdo pozicion. Ky fakt, ka bërë që disa prej lojtarëve t’i shtohen pakënaqësitë, si pasojë e hapësirave të pakëta, për sa i përket minutave të aktivizimit . Një nga këta lojtarë është Medi Benatia.

Marokeni, nuk ka arritur të ketë hapësira, pasi në qendrën e mbrojtjes bardhezi aktivizohen Bonuçi dhe Kielini. Nisur nga kjo gjë, mediat italiane raportojnë se 31-vjeçari do të largohet muajin e ardhshëm nga “Allianz Stadium’’.

Për mbrojtësin thuhet të ketë interes të madh nga Bundesliga. Konkretisht, do të kemi një derbi të Ruhrit në merkato. Bëhet fjalë për ekipet e Shalke 04 dhe Borusia Dortmund, të cilat janë në garë për Benatian. Kujtojmë, marokeni ka luajtur më parë në Gjermani me fanellën e Bajernit, ku verën e vitit të kaluar u ble nga “zonja e vjetër” për shumën e 17 milionë eurove.