mbrojtesit

Uan Bisaka i gjashti, kush janë mbrojtësit më të shtrenjtë në botë?

Sport Ekspres — Sat, 29 Jun 2019 15:35:05 +0000

Në futboll, para të çmendura janë shpenzuar kryesisht për fazën ofensive, me sulmues që mbajnë ende transferimet më të shtrenjta në botë. Megjitha, vitet e fundit është investuar shumë edhe për prapavijën, me skuadra që kanë shpenzuar shifra të çmendura për të përforcuar mbrojtjen.

Van Dijk mbetet mbrojtësi më i shtrenjtë në botë, me holandezin që i kushtoi Liverpulit 75 milionë paundë në janarin e vitit 2018. Lukas Hernandez u bë mbrojtësi i dytë më i shtrenjtë në botë me kalimin e tij këtë verë nga Atletiko te Bajerni, ndërsa podiumin e plotëson francezi Laporte, i cili u ble 57 milionë paundë nga Mançester Siti.

Në vend të katërt dhe të pestë, renditen dy mbrojtësit e tjerë të Mançester Sitit, Benxhamin Mendi dhe Kajl Uolker. Transferimi më i fundit i Mançester Junajtid, Aron Uan-Bisaka mban vendin e gjashtë, pasi për firmën e tij, Mançester Junajtid i pagoi Kristal Palas plot 50 milionë sterlina.

Virxhil van Dijk (Liverpul) £75m
Lukas Hernandez (Bajern Mynih) £70m
Amerik Laporte (Man. Siti) £57m
Benxhamin Mendi (Man. Siti) £52m
Kajl Uolker (Man. Siti) £50m
Aron Uan-Bisaka (Man. Junajtid) £50m

Sa shumë ndryshime te Partizani, largime dhe rinovim për Gegën

Sport Ekspres — Mon, 21 Jan 2019 14:25:20 +0000

Trajneri i Partizanit, Skënder Gega ka rinovuar kontratën me “Demat e Kuq” dhe do të qëndrojë në krye të skuadrës kryeqytetase edhe për një vit e gjysmë. Ky rinovim për teknikun ka ardhur pas rezultateve të shkëlqyera në gjysmën e parë të sezonit, ku Partizani ndodhet në vendin e parë dhe udhëheq Superioren prej shumë javësh.

Gega dhe Partizani do të vazhdojnë bashkëpunimin edhe në të ardhmen, ndërsa dy futbollistë jo. Koreani So Hyon Uk është larguar nga “Demat e Kuq” dhe aventura e tij te Partizani është mbyllur. Mbrojtësi nuk ka bindur teknikun Gega dhe ka luajtur vetëm katër ndeshje këtë sezon, të katërta nga stoli dhe ka vetëm 58 mimuta lojë në emrin e tij.

Përveç Hyon Uk, është larguar edhe një tjetër mbrojtës. Bëhet fjalë për Senad Hysenaj, që nuk është aktivizuar asnjëherë për skuadrën e parë të Gegës. 19-vjeçari shkodran dhe Partizani kanë ndërprerë bashkëpunimin dhe karriera e Hysenaj do të vazhdojë te ndonjë skuadër tjetër.

Është kthyer në modë, mbrojtësit shqiptarë vazhdojnë të shënojnë

Sport Ekspres — Fri, 18 Jan 2019 17:46:41 +0000

Egzon Binaku dhe Benjamin Kololli kanë shënuar sot në ndeshjet miqësore që kanë luajtur. Mbrojtësi i kombëtares kuqezi dhe ai i përfaqësueses së Kosovës kanë gjetur rrugën e rrjetës për skuadrat e tyre.

Fillimisht, në fushë zbriti Zyrihu përballë Kluzh, me Benjamin Kolollin që shënoi golin e vetëm për skuadrën zvicerane. Kosovari është në formë të shkëlqyer dhe ka shënuar 5 gola në tri takimet miqësore që Zyrihu ka zhvilluar deri më tani.

Rrugën e rrjetës e ka gjetur dhe Egzon Binaku, mëngjarashi kuqezi që aktivizohet te Malmo. Edhe pse jo titullar në takimin kundër IFK Malmo, Binakut i kanë mjaftuar pak minuta që të realizojë, duke barazuar rezultatin në minutën e 84’, në një ndeshje miqësore që dukej e humbur nga skuadra e tij.

Miqësore

Malmo FF – IFK Malmo 2-2
Binaku 84’

Kluzh – Zyrih 2-1
Kololli 48’