“Nuk mendoj se mosha behët pengesë me këtë nivel që ka futbolli në vendin tonë. Unë ndjehem ende i fuqishëm, madje po ju them se edhe në Kategorinë Superiore jam i gatshëm të luaj. Do jem ende në fushë dhe me Shkumbinin shpresoj që të kemi sukses në këtë fund kampionati, edhe pse situata aktuale na zhvendos në Play-off me ekipin e Kategorisë së Parë”,  deklaroi Gjyla.

Ndeshja e radhës për Shkumbinin luhet në transfertë  me Albpetrolin dhe veterani i peqinasve deklaron: “Albpetroli ka bërë ngjitje të madhe gjatë fazës së dytë dhe do jetë e vështirë që të ndalet në fushën e tij. Gjithsesi ne do guxojmë që të marrim tri pikët. Kjo është ndeshja e fundit për ne në këtë kampionat, pasi në javën e fundit marrim tri pikët e Termit në tavolinë. Po përgatitemi edhe për ndeshjen shtesë me skuadrën e Kategorisë së Parë”.

AGRON KAJA

Ibrahimi i rikthyer nga pezullimi pritet të vendoset përkrah Belicës në qendër të mbrojtjes, pozicion në të cilin e ka luajtur dhe më parë. Dilema e vetme mbetet zëvendësuesi i tij në krahun e djathtë.

Gjatë këtij sezoni në atë pozicion është provuar Esat Mala, por në tavolinë është dhe një skenar tjetër. Mala mund të mos zhvendoset nga mesfusha, pasi roli i mbrojtësit të djathtë mund t’i jepet brazilianit Lukas Kardozo. Futbollisti 25-vjeçar është aktivizuar vetëm si sulmues krahu ose sulmues i dytë, por në fundjavë mund ta shohim të zhvendosur në prapavijë. Një alternativë tjetër mund të jetë Reinaldo Kalari. Mëngjarashi u aktivizua nga stoli në në ndeshjen ndaj Kastriotit dhe mbuloi si rrallëherë krahun e djathtë mbrojtjes.