Muaji janar e gjeti 30-vjeçarin pa ekip, pasi ndërpreu kontratën me Ferizajn. Sulmuesi tentoi të transferohej gjatë kësaj merkatoje në Norvegji te Sandjeford, ekip ky që militon në divizonin e dytë për nga rëndësia në vendin nordik. Megjithatë vonesat në përgatitjen e dokumentacionit për lejen e qëndrimit ka bërë që ky opsion të mos finalizohet.

Në një prononcim për sajtin “Indeksonline.com”, Mazrekaj bëri të ditur se do të luajë me një skuadër të qytetit të Prishtinës, 2 Korrikun, ekip që militon në divizionin  e dytë të futbollit kosovar. Kontrata e futbollistit me klubin prishtinas zgjat deri në fund të sezonit aktual.

29-vjeçari është vetëofruar te skuadra bardheblu, duke shfaqur hapur dëshirën për t’u rikthyer në kryeqytet. Ndonëse në të shkuarën ka qenë pjese e skuadrës së Partizanit, rivalit të përjetshëm të Tiranës, Mazrekaj duket se ishte gati që të bënte “tradhtinë”.

Lojtari në fjalë ka qenë protagonist në derbi, teksa ai ka ndëshkuar bardheblutë në 4 majin e 2015, në barazimin 2-2 në “Qemal Stafa”. Tifozeria e kuqe ka pasur një “dashuri” të madhe për lojtarin, teksa pas operacionit dolën në mbrojtje të tij, duke iu vënë kundër trajnerit.

Arsyeja se pse nuk u konkretizua transferim i tij tek Tirana ishte se presidenti Refik Halili nuk e ka preferuar lojtarin për shkak të karakterit të vështirë të lojtarit. Mazrekaj në disa raste ka shfaqur probleme, çka i kanë shtyrë drejtuesit për të mos i ofruar një kontratë.

Duke ditur lidhjen që ka pasur me tifozerinë e kuqe dhe faktin se në të shkuarën ka luajtur për 4 edicione me “demat” do të konsiderohej një tradhti nga tifozët e Partizanit kjo lëvizje.

Mesfushori i njohur kaloi verën e shkuar nga Partizani të Prishtina në huazim, pasi bëhet fjalë për dy klube miq, që edhe më parë kanë bashkëpunuar në merkato. Jo gjithçka ka shkuar mbarë gjithsesi, sepse Mazrekaj nuk duket fort i preferuar nga trajneri Mirel Jos, raporton Gazeta Sheshi.

Për pasojë, Mazrekaj do të kthehet te Partizani, prej ku iku për shkak të formës së dobët fizike, por nëse tani është kthyer në maksimumin e vet, do të kthehej sërish në një nga yjet e skuadrës, edhe për faktin se është kthyer në drejtim Starova dhe ka marrë fund eksperimenti italian.

Mentor Mazrekaj u largua përfundimisht nga ekipi i Partizanit. Mesfushori kosovar ka nënshkruar me ekipin e Prishtinës duke u thënë mirupafshim të kuqve. Lamtumira është e vështirë të thuhet në kështu rastesh edhe pse mundësitë që rrugët e tyre të takohen përsëri janë shumë të limituara, për të mos thënë zero.
E vështirë kjo ndarje, pasi Mazrekaj për 4 vitet e kaluara te “demat” ka qenë gjithnjë në qendër të vëmendjes, herë për mirë e herë për keq, ai ishte aty, gati për të bërë një nga bëmat e tij, brenda dhe jashtë fushe.
Largimi i “Menqës” është i vështirë edhe për shkak të lidhjes së tij me tifozerinë e Partizanit. Mesfushori ishte një nga idhujt e të kuqve, në fakt edhe i sportdashësve në stadiume, pasi lëvizjet e tij i jepnin pak shije futbollit fizik dhe të skemave “portier-sulmues” që shohim zakonisht në Super-ligën tonë.
Fatkeqësisht, Zoti nuk t’i fal të gjitha, pasi nëse Mazrekajt i dha shumë talent, i dha edhe dëmtimet, por edhe i mori shumë nga vullneti dhe disiplina, e nëse do të kishte pasur edhe nga këto të dyja, atëherë Shqipëria do të ishte duke shijuar një lojtar që do të luante, pse jo, në ekipet mesatare të Europës.

AFRIMI – Ishte viti 2013, Partizani rikthehej në Superligë pas një endje 4 vjeçare në kategoritë më të ulëta. “Demat” punonin për merkaton dhe donin të afronin lojtarët e duhur për të bërë mirë. Trajneri i asaj kohe, Shpëtim Duro, afronte në ekipin e kuq një lojtar të panjohur nga Kosova. Mesfushori Mentor Mazrekaj linte Prishtinën për të bërë një tjetër hap në karrierën e tij si futbollist, kalimin nga një ekip “modest” te një skuadër me një histori të pasur në Shqipëri. A kishin besim te ai? Jo, paragjykimi zuri menjëherë vend, pasi nuk mund të “rikthehej” Partizani i madh me një futbollist që ishte i panjohur..

CILËSITË – Mjaftoi viti i parë në Superligë për t’u bindur të gjithë se Mazrekaj ishte një superfutbollist. I mirë teknikisht dhe “magjistar” kur sfera ishte në kontrollin e tij. Kundërshtarët e kishin të vështirë ta ndalonin, pasi herë me elasticitet e herë me zgjuarsi, arrinte t’i driblonte. Ndër veçoritë e mira mund të përmendet edhe goditja e tij e pastër dhe e saktë. “Menqa” shënonte nga afër edhe nga larg. Në sezonin e tij të parë luajti 27 ndeshje nga të cilat 25 si titullar dhe shënoi 2 gola. Mjaftuan këto statistika dhe paraqitjet e tij të mira për t’u betuar se Mazrekaj shumë shpejt do të shitej në ndonjë klub në Europë.

NJERIU DERBI – Sezoni i dytë me “demat” ishte edhe më i mirë për Mazrekajn. Statistika të frikshme dhe “zyrtarisht” ishte kthyer në “njeriun e derbit”.
Kosovari koleksionoi 31 ndeshje dhe 8 gola, shifra që të fusnin frikën. Partizani tashmë i falej atij, rrjetat e shënuara në derbi, një motiv më shumë për të lartësuar “Menqën”. Mesfushori realizoi në një fitore 2 me 0 ndaj Tiranës, por edhe në një barazim 2-2. Kjo e ktheu në idhullin e tifozerisë.

PROBLEMET – Mazrekaj u kthye në të preferuarin e tifozerisë dhe madje edhe presidenti Gaz Demi kishte një afeksion për të. Futbollisti nuk e shfrytëzoi si duhet këtë moment dhe filloi duke lëshuar nga disiplina dhe sjellja e tij, ndonjëherë linte për të dëshiruar. Statusi i “të paprekshmit” ndikoi shumë keq te ai dhe nuk zgjati shumë. Problemet e para nisën me trajnerin Andrea Agostineli. Italiani në momentin që ishte në krye të skuadrës, pati një përplasje të fortë për faktin që mesfushori nuk mbronte dhe nuk sakrifikohej mbrapa. Për fatin e keq të kosovarit, përplasja u shoqërua me dëmtimin e tij dhe gjithçka mori për keq. Karriera e tij nisi kurbën rënëse…

DËMTIMI – Mazrekaj ka vuajtur dhe po vuan prej dy vitesh nga një dëmtim “misterioz”. Kur në krye të skuadrës ishte trajner Andrea Agositneli, ai nuk arriti të ndihmonte shumë ekipin, pasi luajti vetëm 20 ndeshje dhe shumicën kur në krye të skuadrës ishte Starova. “Menqa” iu nënshtrua një operimi në kavilje dhe për fatin e tij të keq gjithçka shkoi keq. Ai kishte akoma probleme dhe çalonte në stërvitje. Për të mos mjaftuar kjo, ai u përball edhe me “diktatorin” Adolfo Sormani. Trajneri italian ishte një njeri mjaft i ashpër dhe nuk toleroi “kapriçot” e Mazrekajt. Sormani e nxori jashtë ekipit dhe justifikim ishte edhe dëmtimi i tij. “Menqa” nisi përsëri kalvarin e vuajtjeve në spitale për të gjetur shpëtim. Pas shumë konsultave dhe mjekimeve u pranua zyrtarisht se operacioni i tij kishte shkuar keq dhe duhej të trajtohej sërish. Në janarin e 2017 u duk se lojtari i kishte kaluar përfundimisht problemet dhe mund të rikthehej në fushë. Trajneri Starova u tregua mjaft i kujdesshëm me të dhe e afroi pak nga pak me ekipin, por nuk ia doli. Mazrekaj vazhdonte të kishte probleme dhe pasi luante në ndeshje nuk arrinte të stërvitej me grupin dhe duhej të ndalonte programin e ekipit duke bërë pushim absolut.

LARGIMI – Partizani u lodh nga problemet fizike dhe mungesa e progresit të Mazrekajt. E pritën pafund dhe i dhanë shumë mundësi, zor se ndonjë ekip tjetër do e bënte. Duke parë edhe interesimin e Prishtinës për kosovarin, por edhe dëshirën e këtij të fundit për t’u larguar, u mendua se lëvizja më e mirë ishte shkëputja e marrëdhënieve mes tyre. Tashmë, “Menqa” do të mundohet të “ndizet” sërish nga aty ku e nisi…

Mesfushori 28-vjeçar u transferua te Partizani pikërisht nga FC Prishtina, ndërsa në sezonin e ri do t’i shërbejë Prishtinës në luftë për titull dhe kupë. Prishtina dhe Partizani kanë raporte të shkëlqyera, falë miqësisë të dy presidentëve. Prej vitit 2013 deri tani Mazrekaj ka dhuruar spektakël te Partizani, por vetëm kur ka qenë mirë fizikisht dhe kjo nuk ka ndodhur shpesh, sepse dëmtimet i janë bërë makth sidomos në dy sezonet e fundit. Në Superiore Mazrekaj ka luajtur 93 ndeshje e ka shënuar 13 gola, ndërsa te Prishtina ka zhviluar 104 ndeshje dhe ka shënuar 16 gola.

Pas prezantimit, “Menqa” tha: “Jam kthyer në shtëpi, në klubin ku jam rritur dhe afirmuar, me të cilin dua të rikthejmë titullin dhe kjo është arsyeja e vetme përse rikthehem sërish”.

I pari ka kohë që përflitet për kthim në Kosovë dhe duket se e dëshiron vetë një gjë të tillë, duke parë problemet fizike që ka pasur te Partizani dhe lidhjen e fortë që ka me Prishtinën, ku ka familjen e shoqërinë.

Megjithatë, të dy janë nën kontratë dhe duket se Partizani nuk e ka pyetur fare Labinot Ibrahimin për transferimin.

Mbrojtësi 31-vjeçar nuk di asgjë për këtë histori dhe vetëm pak kohë më parë rinovoi me Partizanin, ndaj ka mbetur i habitur nga kjo kthesë e Partizanit. I kontaktuar nga “Sport Ekspres”, Ibrahimi është shprehur se nuk ka asgjë të vërtetë në lidhje me kthimin e tij te Prishtina, duke mohuar praktikisht lajmin zyrtar të Prishtinës, që shkonte deri aty sa shkruante se marrëveshja është arritur me pëlqimin e Mazrekajt dhe Ibrahimit.

Ndoshta Ibrahimi do të bindet në vazhdim, për të evituar konfliktin me Partizanin, por gjithsesi klubi i kuq do të bënte mirë ta njoftonte para se ta zyrtarizonte si të larguar.

Mentor Mazrekaj ka qenë lajmi i ditëve të fundit te skuadra e Partizanit. Mesfushori nuk ka kaluar një periudhë të mirë së fundmi te skuadra e “demave” dhe po mendon largimin nga kryeqytetasit. Dëmtimi e ka kushtëzuar që të qëndrojë larg fushave të lojës për një periudhë të gjatë. Madje në harkun kohor të 2 viteve akoma nuk e ka rifituar formën e tij të mëparshme. Dëmtimi i tij nuk ka një kurë të mirëfilltë, dikush thotë që e ka psikologjik, e dikush tjetër se operacionet i kanë shkuar keq. Askush nuk e di të vërtetën, fakti është se Mazrekaj çalon, e jo pak. Atmosfera te Partizanit nuk është më aq e mirë dhe pozitive për të, besimi ka humbur dhe tifozët po lodhen. Kjo ka bërë që mesfushori të mendojë edhe për një largim nga të kuqtë. Ekipi i Prishtinës menjëherë ka lëvizur dhe kërkon ta bindë që ta kthejë në skuadër Mazrekajn. Mediet kosovare e quajnë një lëvizje të kryer dhe madje e konsiderojnë mesfushorin si lojtarin më të ri të kryeqytetasve, por diçka e tillë nuk i shkon për shtat Partizanit, kjo për momentin.

SITUATA – Ekipi kosovar i Prishtinës ka folur me Mentor Mazrekajn dhe kanë rënë dakord parimisht për kushtet, por “demat” nuk janë të bindur. Skuadra e kuqe ka rinovuar kontratën me kosovarin dhe sigurisht që nuk do që ta humbë me parametra zero. Mazrekaj mund të largohet nga “demat” vetëm nëse presidenti Demi bie dakord ta lërë të lirë, pasi Prishtina nuk dëshiron të paguajë për të. Drejtuesit e klubit kosovar kanë folur edhe publikisht për kontaktet që kanë pasur me mesfushorin dhe janë optimist për afrimin e tij. Megjithatë, Partizani ka reaguar në lidhje me situatën e mesfushorit.

PARTIZANI – Sekretari i Përgjithshëm i të kuqve, Gerald Burba, ka folur për “Sport Ekspres” në lidhje me situatën e Mentor Mazrekajt dhe lajmet e fundit mbi të. Ai sqaron se futbollisti është nën kontratë me ekipin e kuq dhe se “demat” nuk e kanë lënë të lirë. “I kam lexuar lajmet në lidhje me Mazrekajn, por dua të sqaroj tifozët e Partizanit dhe opinionin publik se kosovari nuk është i lënë i lirë nga klubi. Ai ka kontratë 2-vjeçare me ne”, – shprehet ai për “Sport Ekspres”.

Mazrekaj ka cilësi të jashtëzakonshme si futbollist, por gjatë viteve të fundit ka pasur probleme fizike dhe nuk ka qenë gjithnjë titullar te Partizani pikërisht për këtë arsye. Te Partizani prej vitit 2013, 28-vjeçari ka luajtur 102 ndeshje me fanellën e kuqe, duke shënuar 13 gola.

Klubi nga kryeqyteti i Kosovës tashmë kërkon të kthejë në Kosovë Mazrekajn dhe lajmin e konfirmon për Supersportin nënkryetari i bardhekaltërve, Afrim Muqiqi, i cili ka deklaruar se te Prishtina dyert janë të hapura jo vetëm për Mazrekajn por për të gjithë ish-futbollistët e Prishtinës. Muqiqi ka shtuar se marrëdhëniet shumë të mira me Partizanin e Tiranës mund të ndikojnë që mesfushori të rikthehet në skuadrën ku bëri emër.

Mazrekaj ka cilësi të jashtëzakonshme si futbollist, por gjatë viteve të fundit ka pasur probleme fizike dhe nuk ka qenë gjithnjë titullar te Partizani pikërisht për këtë arsye.

Te Partizani prej vitit 2013, 28-vjeçari ka luajtur 102 ndeshje me fanellën e kuqe, duke shënuar 13 gola.

Pavarësisht kësaj, ekipi i Prishtinës ka shfaqur interes për Mazrekajn, madje sipas asaj që raportojnë mediet kosovare, ka pasur edhe kontakte mes palëve. Interesi duket real, por ka një problem të madh, pasi “Menqa” ka firmosur një kontratë 2-vjeçare me “demat” në fillim të qershorit. Marrëveshja mes Prishtinës dhe Mazrekajt mund të arrihet vetëm nëse “demat” e lënë të lirë mesfushorin.

FLAMURTARI – Deri në këto momente që flasim nuk ka asnjë lëvizje konkrete për të zyrtarizuar një lëvizje të tillë mes palëve. Trajneri Duro e pëlqen futbollistin dhe e dëshiron në skuadër. Tekniku i vlonjateve e ka pasur edhe te “demat” dhe ja di huqet dhe të mirat e tij. Mund ta menaxhojë! Një lëvizje e tillë duket thuajse e pamundur.

MAZREKAJ – Partizani ka bërë shumë për kosovarin. Presidenti Gaz Demi e ka trajtuar dhe afruar shumë duke e “detyruar” Mazrekajn të jetë borxhli ndaj tij. Kosovari me shumë mundësi nuk do të lëvizë nga kryeqyteti, pasi edhe me trajnerin Sulejman Starova në ekip ka më shumë mundësi për të luajtur dhe përkrahur. Të shohim deri në fund, pasi futbolli është i paparashikueshëm dhe sidomos merkato në Shqipëri.

Edhe pse Donjet Shkodra, një nga emrat më të rëndësishëm të sezonit të kaluar, është zyrtarizuar tek Skënderbeu, në Vlorë konfirmojnë se merkato e këtij sezoni do të jetë me emra lojtarësh “big”. Emrat për momentin nuk bëhen publikë, ndërsa lista me lojtarët që pritet të bëhen pjesë e Flamurtarit është në duart e drejtuesve të klubit, një listë e konfirmuar nga trajneri Duro. Mes tyre ka lojtarë nga kampionati shqiptar, të huaj, ndërkohë mësohet se mes lojtarëve jo shqiptarë, pritet të ketë ish-futbollistë të kategorisë Superiore.

Ditmar Bicaj është një nga emrat e shumëpërfolur gjatë kësaj periudhe, madje ka pasur edhe një takim mes tij dhe trajnerit Duro, për të cilën gazeta ka raportuar ditë më parë. Për momentin asgjë nuk zyrtarizohet apo pranohet nga klubi kuq e zi. Në këtë listë pritet të ketë edhe të tjerë lojtarë dhe “Sport Ekspres” ka arritur të zbulojë disa. Pas Bicajt, janë emra si Daja dhe Taku nga Tiranës, si dhe Mazrekaj nga Partizani. Të tre këta lojtarë bëjnë pjesë te dëshirat e klubit të Flamurtarit, që i do ata për sezonin e ardhshëm futbollistik. Afrimi i tyre nuk pritet të jetë i lehtë, pasi në garë ka edhe skuadra të tjera të kampionatit shqiptar, teksa Takun e duan në Korçë, por edhe Partizani.

Për momentin janë vetëm fjalë dhe ende asgjë nuk është zyrtare, por ajo çfarë dihet, është fakti se merkato në Vlorë ka nisur, edhe pse thuajse në heshtje të plotë dhe pa shumë deklarata të bujshme si në sezonet e shkuara. Për Mazrekajn “arma” më e fortë për ta bindur është trajneri Shpëtim Duro, nën drejtimin e të cilit mesfushori nga Prishtina ka shkëlqyer te Partizani dhe mund të ribashkohet me të. Në fillim te sezonit të shkuar pati një tentativë të ish-drejtorit të Partizanit, Dritan Dervishit, për ta huazuar Mazrekajn te Kukësi, por lojtari dhe tifozët vunë “veton”. Mbetet për t’u parë nëse mesfushori do mendonte të lëvizte në këto momente. Është vetëm fillimi i merkatos, ndaj gjithçka mbetet për t’u parë.

TË KONFIRMUARIT – Shumë lojtarë do të largohen, ndërkohë që ka edhe konfirmime nga grupi i lojtarëve që mbyllën sezonin. Nga të huajt, vec Alvesh që është nën kontratë, edhe mbrojtësi Jakovljeviç ka bindur. Trajneri Duro me ngulm kërkon të mbajë edhe Tomislav Bushiç, ndërkohë që grupi i lojtarëve vendas, me në krye Franc Veliun, do të qëndrojë. Këtu përfshihet portieri Halilaj, mesfushorët Kuqi e Hyseni, si dhe sulmuesi Ardit Shehaj.

LOJTARËT E KONFIRMUAR

FRANC VELIU

ARGENT HALILAJ

ARDIT SHEHAJ

TAULANT KUQI

IVAN JAKOVLJEVIÇ

DANILO ALVESH

TOMISLAV BUSHIÇ