Mayweather

Pacquiao hap sondazh në “Twitter”: Tifozë zgjidhni kundërshtarin e radhës

Sport Ekspres — Sat, 23 Mar 2019 15:02:46 +0000

Manny Pacquiao është i pandashëm nga bota e boksit edhe pse i ka kaluar të 40-at. Legjenda e filipinase nuk është më ai dikurshmi, por çuditërisht vazhdon të mbetet një ndër 10 boksierët më të mirë në qarkullim në divizionin “welterweight” (deri në 66.7 kg).

Së fundmi Pacquiao ka hapur një sondazh për fansat e tij në “Twitter”, ku fton tifozët e tij të përzgjedhin kundërshtarin e tij të radhës. Katër opsionet janë: 1.Floyd Mayweather, 2.Keith Thurman, 3.Danny Garcia, 4.Shawn Porter.

Ashtu siç dhe pritej, shumica e votuesve kanë përzgjedhur Floyd Mayweather me mbi 75% të votave. Boksieri amerikan është tërhequr prej më shumë se një viti e gjysmë nga boksi, por në këtë rast vlen shpreha “të gjithë e kanë një çmim”. E ardhmja do të tregojë nëse drejt Mayweather do të vijë një ofertë që ta bind për të veshur sërish dorezat e të rikthehet sërish në ring kundër filipinasit të cilin e mundi në vitin 2014, pas një dueli që arkëtoi një shumë rekord prej 300 milionë dollarësh, shumë që akoma nuk është kaluar nga asnjë event boksi.

Who should I fight next?

— Manny Pacquiao (@MannyPacquiao) March 23, 2019

Fitore dominuese e Pacquiao-s, Mayweather në horizont

Sport Ekspres — Sun, 20 Jan 2019 08:01:29 +0000

Boksieri filipinas, Manny Paquiao, tregoi se mbetet një emër për t’u respektuar në botën e boksit, teksa mundi me vendim unanim ( 117-111, 116-122, 116-112) amerikanin Adrien Broner. Dueli i zhvilluar në Las Vegas u dominua gjatë shumicës së raundeve nga filipinasi, i cili vazhdon të jetë një boksier për t’u pasur frikë nga kushdo në kategorinë “welterweight” (deri në 66.6 kilogramë) edhe pse në moshën 40-vjeçare.

Pacquiao with a hard left on Broner. He is looking 10 years younger tonight. https://t.co/QKZNLC2YEP

— Harrison Klopp (@harrisonklopp) January 20, 2019

Fitorja ndaj Brouner ishte e 61-ta për Pacquiao-n. Amerikani Broner nuk e përtypi mirë humbjen e katërt të karrierës së tij dhe nuk ngurroi të hidhte akuza për blerje të gjyqtareve. “Unë e munda atë. Kisha kontrollin e ringut Godita më pastër se ai dhe ju shmanga të gjithë grushteve. Po ju a bëj të ditur të gjithëve. Ata (gjyqtarët) do marrin pjesëqn e tyre kur Pacquiao të ndeshet me Floyd Mayweather”, tha Broner.

Tani pritet që testi i ardhshëm të jetë ndaj rivalit të përjetshëm Floyd Mayweather, i cili e ka mundur mëngjarashin në përballjen e tyre të mëparshme në vitin 2015. Mayweather, 41 vjeç nuk është kthyer në ring që prej gushtit të 2017-ës, ku mundi me nokaut irlandezin Conor McGregor, por amerikane ka dhënë disa sinjale për një rikthim në ring. Fundja një përballje midis këtyre dy legjendave do arkëtonte me qindra miliona dollarë për secilën palë.

Tokio e çmendur pas Mejuedhër, boksier merr një tjetër çek rekord

Sport Ekspres — Wed, 07 Nov 2018 20:24:55 +0000

Fllojd Mejuedhër do të rikthehet në ring më datë 31 dhjetor ku do të sfidojë në Tokio, kikboksierin 20-vjeçar Tenshin Nasukaua. Për momentin nuk bëhet e ditur nëse dueli mes tyre do të zhvillohet në bazë të rregullores së boksit apo kikboksit, por mediet japoneze kanë zbuluar shumat marramendëse që do përfitoja secila palë e këtij dueli.

Sipas “Tokyo Sports”, Mejuedhër do të fusë në xhep 62 milionë dollarë për këtë duel, që është i pari për të jashtë territorit të Shteteve të Bashkuara të Amerikës, ku është ndeshur 50 herë përgjatë 22 viteve.

Ndërkohë, pritet që kjo shumë të rritet akoma më shumë në varësi të të ardhurave që do të vijnë nga shitjet e të drejtës televizive, gjithsesi është e sigurt se fitimet nuk do t’i afrohen shumës rekord prej 200 milionë dollarësh që Mejuedhër mori për duelin ndaj irlandezit Konor MekGregor në Gusht të 2017-ës.

“Khabib vs Mayweather” thuajse e kryer, rusi gjen arenën perfekte

Sport Ekspres — Tue, 23 Oct 2018 18:45:08 +0000

Khabib Nurmagomedov ka thyer heshtjen duke reaguar për duelin e boksit, që përflitet se mund të ndodhë midis tij dhe legjendës amerikane Floyd Mayëeather. Ditën e sotme kampioni i arteve marciale postoi një foto në llogarinë e tij në “Instagram” ku takohej me Umar Kremlev,m kreun e federatës së boksit në Rusi.

“Diskutuam mbi duelin me Mayweather. Dua që që arena e përballjes të jetë stadiumi legjendar “Luzhniki” . Jam i bindur se mund të mbledhim 100000 spektatorë, si dhe të vendosim të një rekord për sa i përket abonimeve për transmetimin e ndeshjes e çka është më e rëndësishmja për mua, babai im do të jetë në cep të ringut duke më mbështetur, pasi për të shkuar në Moskë nuk duhet vizë”, shkroi rusi, i cili nuk e pati pranë babain në duelin ndaj MekGregor, pasi autoritetet amerikane nuk pranoi ta pajiste me vizë.

Arena Luzhnikë. Moskë

https://www.instagram.com/p/BpRfHZ8n3SO/?utm_source=ig_web_copy_link

Gjithsesi nuk do të jetë aspak e lehtë për të bindur amerikanin Mayweather të luftojë jashtë vendlindjes së tij, pasi kjo nuk ka ndodhur në asnjë prej 50 dueleve të tij të mëparshme.

Mejuedhër “fërkon duart”: Dueli me Khabib mund të më pasurojë 200 milionë $

Sport Ekspres — Thu, 18 Oct 2018 15:19:14 +0000

Flloj Mejuedhër është i hapur për një rikthim në ring. Bëhet sërish fjalë për një ndeshje “show” si ajo ndaj Konor MekGregor në gushtin e vitit të kaluar. Kësaj radhe kundërshtari është rusi Khabib Nurmagomedov.

Gjithçka nisi si një shaka në një video në “Instagram” nga rusi. Mejuedhër i ka bërë thirrje kompanive televizive të bëjnë ofertat e tyre për këtë duel dhe e vetmja gjë që pengon zyrtarizimin është “po”-ja nga Nurmagomedov.

Në një intervistë për “TMZ”, Mejuedhër u shpreh i bindur se nga ky duel ai dhe Khabib mund të arkëtojnë një shumë rekord, që do të kalojë fitimet e duelit të tij ndaj MekGregor: “Nëse do të ndeshem me Khabibin është e sigurt që do të marr të paktën 100 milionë dollarë. Mendoj se ky duel mund të kapë deri 200 milionë dollarë”, tha Mejuedhër i cili fitoi përafërsisht 90 milionë dollarë në duelin ndaj irlandezit Konor MekGregor.

Ndërkohë, shumë ikona të sportit të boksit kanë ngritur zërin kundër këtij dueli, duke e konsideruar atë si një teatër, që cenon vlerat e një sporti me traditë dhe me ndjekës në çdo kontinent.

Mejuedhër pranon ftesën e Khabib dhe i çon mesazh kompanive televizive: Bëni gati çekun

Sport Ekspres — Mon, 15 Oct 2018 16:14:33 +0000

Gjithçka nisi si një shaka. Ditën e djeshme një mik i afërt i boksierit amerikan postoi një video në rrjetin social “Instagram”, ku shfaqej Khabib Nurmagomedov, i cili në të qeshur e sipër sfidonte boksierin e pamposhtur në një dyluftim në ring. Nuk ka vonuar shuëm dhe përgjigja e 41-vjeçarit.

Mejuadhër zgjodhi “Twitter” për t’i bërë të ditur fansave të tij se e pranon ftesës e rusit. Në postimin e tij ai i bën ftesë kompanive amerikane për të bërë gati një çek të majmë për duelin.

“CBS, Shoëtime dhe MGM Grand bëni gati çekun!”, ishte reagimi i parë i Mejuedhër për këtë duel. Duhet theksuar se për duelin midis Mejuedhër dhe MekGregor në gusht të vitit të kaluar, dy sportistët ndanë së bashku një shumë të padëgjuar më parë prej 270 milionë dollarësh.

CBS, Showtime and MGM Grand get the checkbook out!
Go to @leonardellerbe ‘s page to view Khabib Nurmagomedov challenging me.#CBS #SHOWTIME #MGMGRAND #MayweatherPromotions pic.twitter.com/6OtiDhtbNx

— Floyd Mayweather (@FloydMayweather) October 15, 2018

Khabib gjen kundërshtarin, tani e ka radhën një legjendë e pamposhtur

Sport Ekspres — Sun, 14 Oct 2018 18:24:17 +0000

Khabib Nurmagomedov po mendon për kundërshtarin e radhës. Së fundmi kampioni i peshave të lehta në “UFC” i ka çuar një mesazh boksierit Fllojd Mejuedhër. Në një video të postuar në rrjetet sociale nga një mik i Mejuadhër.

“Hej, hajde Fllojd, duhet të luftojmë tani. 50 fitore 0 humbje kundër 27 fitore 0 humbje, dy burra që nuk humbin kurrë. Në xhungël ka vetëm një mbret, që jam unë, sepse ai nuk e uli përtokë MekGregorin, ndërsa unë po”, tha Khabib me shaka.

Një duel në ring midis boksierit amerikan dhe luftëtarit rus mund të duket i pamundur në plan të parë, por një përballje midis tyre do sillte një interes të jashtëzakonshëm e kësisoj shumë para për të dy ata. Në fillim shumë vetë qeshën kur dëgjuan se MekGregor do ndeshej ndaj Mejuedhër në ring, ndaj kësaj radhe nuk do ishte aspak çudi sikur ky duel të zyrtarizohej.

https://www.instagram.com/p/Bo5TdCrn3Vo/?utm_source=ig_web_copy_link

VIDEO / Mejuedhër i ftuar special në Çeçeni, boksieri provon aftësitë në poligon

Sport Ekspres — Sat, 06 Oct 2018 10:21:05 +0000

Fllojd Mejuedhër ka një miqësi shumë të veçantë më liderin e republikës autonome të Çeçenisë, Ramzan Kadirov. Boksieri amerikan ka qenë i ftuari special i liderit çeçen për tunerin e Botëror të arteve marciale të kombinuara, që organizohet nga vetë Kadirov, një fans i çmendur i këtij sporti.

Gjatë vizitës në Grozni, Mejudhër ka postuar disa video në rrjetet sociale ku provon armë të ndryshme luftarake në një poligon. Nga pamjet filmike dallohet qartë që Mejuedhër nuk është krejt pa eksperiencë në përdorimin e armëve të zjarrit.

https://www.instagram.com/p/BohCpkng1Pm/?utm_source=ig_web_copy_link

https://www.instagram.com/p/BoiJuHBAuna/?utm_source=ig_web_copy_link

Mejuedhër rikthehet në ring, gjendet akordi me Pakuaion

Sport Ekspres — Mon, 17 Sep 2018 07:43:06 +0000

Flloid Mejuedhër do t’i rikthehet në ring. Boksieri amerikan njoftoi fansat e tij se do të ndeshej përsëri nga boksierit filipinas Mai Pakuaio, me anë të një postimi në rrjetin social “Instagram”. Por, shumë vetë kujtuan se 41-vjeçari po bënte shaka, pasi ai njihet për lojërat e shpeshta dhe mungesës e seriozitetit.

Dueli i fundit e Mejuedhër, ka qenë në gushtin e vitit të kaluar, ku mundi me nokaut irlandezin Konor Mekgregor, duke çuar rekordin e tij total të karrierës me 50 duele, ku ka regjistruar po vetëm fitore, 24 prej të cilave me Nokaut.

Të ardhurat nga përsëritja e ndeshjes me Pakuaion, priten që t’i kalojnë 100 milionë dollarët, me boksierin amerikan që do të përfitojë 70% të të ardhurave, ndërsa pjesa që mbetet do të kalojë në llogarinë bankare të filipinasit. Javën e ardhshme pritet të konfirmohet data dhe arena e duelit.

Mejuedhër-MekGregor, Në gusht do të zhvillohet beteja e shekullit

Sport Ekspres — Thu, 15 Jun 2017 08:04:27 +0000

Pak kohë më parë boksi regjistroi ndeshjen e shekullit, Flojd Mejuedhër-Mani Pakuiao, supersfidë mbi të gjitha për faktin se ishte më e pasura në historinë e boksit.

Natyrisht, shumë njerëz buzëqeshin dhe kujtojnë me nostalgji legjendat e mëdha të boksit profesionist, por tani shifrat që qarkullojnë janë të frikshme dhe kjo bën që ndeshjet e tanishme të etiketohen si më të mëdhatë.

Pas shumë ngacmimesh e privokimesh në distancë, është arritur marrëveshja dhe më 26 gusht do të luhet ndeshja më e çmendur në histori: Flojd Mejuedhër kundër Konor MekGregor, kampioni i botës në boks kundër kampionit të arteve marcisle mikse.

Mejuedhër ka një bilanc 49-0 në karrierë dhe ndonëse në moshë 40-vjeçare, është favorit i madh.

MekGregor është mbreti i arteve marciale mikse, por nuk ka zhvilluar kurrë ndeshje profesioniste boksi dhe vetëm fakti që është 13 vjet më i ri se rivali i jep shpresë.

Natyrisht, nuk i intereson askujt se kush do fitojë, sepse në valle janë 500 milionë dollarë fitime, me dy dueluesit që mund të fitojnë 100 milionë secili.

Në Amerikë çmenden për Mejuedhër, në Britani për irlandezin MekGregor, ndaj e drejta e transnetimit televiziv të sfidës është “lopa e artë” që do të milet mirë.