Alegri tregoi qytetari dhe nuk tha asnjë fjalë të keqe për klubin torinez, por shkarkimin e ka përjetuar shumë keq. Ish-trajneri e shpalli pesë herë Juventusin kampion dhe e dërgoi dy herë në finalen e Champions Ligës, por këto arritje nuk mjaftuan për presidentin Anjeli.

Galeone ndalet edhe te Mauricio Sarri, por trajneri i ri i bardhezinjve nuk e bind, pavarësisht futbollit të bukur që tenton të zhvillojë.

“Maks është ndjerë i tradhtuar dhe është mërzitur në veçanti me Andrea Anjelin. Nuk e ka kapërcyer akoma lamtumirën nga Juventusi. Unë kisha vite që e këshilloja të largohej, por nuk më dëgjoi.

Sarri? Nuk është i përgatitur për çdo lloj situate dhe më duket pak ‘rrëmujaxhi’. Kur lexoja disa deklarata të tij sezonin e kaluar, ulesha dhe reflektoja nëse ishin të përshtatshme”, thekson Xhovani Galeone.

Sipas kësaj medie, tekniku livornez do të deklarojë largimin e tij nga kampionët e Italisë ditën e nesërme me anë të një komunikate për shtyp.

Ky vendim supozohet të jetë marrë pas një takimi që trajneri i “Zonjës së Vjetër” pati me presidentin Andrea Anjeli. Në rast se ky lajme bëhet realitet, atëherë do t’i hapej rruga rikthimit të Antonio Kontes në stolin e Juventusit, pesë vite nga largimi i këtij të fundit.

Matijs De Ligt është objektivi më i vështirë për t’u arritur. Ylli holandez kërkohet me shumë ngulm nga Barcelona, që deri pak ditë më parë ishin shumë afër tij. Megjithatë situata ka ndryshuar dhe katalanasit janë zbehur si alternativë. Nga kjo mund të përfitojë Anjeli e Paratiçi për të bërë ofertën e duhur dhe për ta bërë të tyrin 20-vjeçarin.

Synime të tjera të Juves janë Hames Rodriges, Pol Pogba apo Federiko Kieza. Kolumbiani do të ktheht të Reali në fund të sezonit, pasi Bajerni nuk do e paguajë shifrën e lirimit të tij nga Madridi. Mbetet për t’u parë se ç’do të ndodhë me 26-vjeçarin dhe Juventusi është gati për të përfituar. Pogba duket shumë i vështirë për t’u arritur, pasi duhet të konkurohet me Real Madridin. Kieza është më i arritshëm, por Fiorentina do betëm para në dorë, diçka që në Torino nuk mund t’ja mundësojnë.

Që të arrihen kaq shumë hyrje, duhen edhe disa shitje për të qenë në balancë me rregullat strikte të vendosura nga UEFA mbi ndershmërinë financiare. Zhoao Kanselo është në dyshin për të ardhmen e tij në Torino. Qëndrimi i tij lidhet me trajnerin Alegri. Nëse italiani largohet te PSG apo një klub tjetër, portugezi do të qëndrojë. Në rast të kundërt Juventusi do e nxjerrë në treg për rreth 60 milionë euro, pasi atij dhe trajnerit nuk i përputhen personalitetet dhe ky i fundit nuk e aktivizon shumë.

Miralem Pjaniç ka kohë që lidhet më një largim drejt Madridit apo Mançester Sitit. Ndërkohë që shpresohet që Higuain të blihet nga Çelsi dhe të mos bëhet një barrë më shumë në “Allianz Stadium”. Edhe Dibala e Manzukiç janë në ajër.

Zidan ishte dëshira e madhe, por francezi zgjodhi një tjetër rikthim, atë në Madrid. Së fundmi ka dalë në skenë emri i Antonio Kontes, por ish-trajnerin e Çelsit e duan të gjithë.

Alegri do të takohet një nga këto ditë me presidentin Anjeli. Aty do të analizohet gjithçka dhe do të vendoset nëse bashkëpunimi do të vijojë apo lart do të ndahen në fund të sezonit.

Trajneri livornez është i qetë, pavarësisht se dallohet qartë fakti që ai e dëshiron sa më shpejt një takim kokë me kokë me Andrea Anjelin.

“Para së gjithash dua të takoj presidentin dhe t’i dëgjoj nga goja e tij idetë që ka në kokë. Juventusi duhet të jetë kompetitiv në të gjitha frontet si gjithmonë, për fitimin e titullit, Kupës së Italisë dhe Champions Ligës. Duhet të takohemi për të programuar dhe për të diskutuar për sezonin që po lëmë pas.

Të nxjerrim në pah gjërat pozitive dhe ato negative, si edhe të flasim për planet e verës. Çdo gjë tjetër është normale. U takuam këtë mëngjes me presidentin, por jemi parë edhe para disa ditësh. Kur ta vendosim, Anjeli do të më telefonojë dhe do të lëmë një takim. Nuk do të ketë asnjë problem”, përfundon trajneri i bardhezinjve.

“Jeni të gjithë teoricienë. Ti, edhe pse lexon libra për futbollin, nuk di asgjë. Ju kurrë nuk keni qenë trajner. Qëndroni aty prapa, në studio, dhe nuk dini asgjë. Të jesh trajner është diçka krejt tjetër”, ka thënë Alegri, ndërkohë që Adani ka tentuar të ndërhyjë.

Trajneri i bardhezinjve nuk është ndalur: “Tani po flas unë. Po flet me një trajner që ka fituar 6 tituj në Serie A. Po flas unë, ndaj duhet ta qepësh”. Adani pas ka marrë fjalën dhe ka reaguar ashpër.

“Qepe mund t’i thuash vëllait tënd. E nisim me teorinë e basketbollit: Përse Lebron Xhejms nuk shkoi në play-off, edhe pse është lojtari më i fortë në NBA?”, është shprehur ish-mbrojtësi, ndërkohë që Alegri ka lënë në mes intervistën, duke u largua i nervozuar. Adani ka ironizuar, duke thënë: “Si vitin e shkuar”, sepse skena është e njëjtë me vitin e shkuar, kur sërish Alegri braktiste intervistën.

https://twitter.com/tancredipalmeri/status/1122257965564735490

Shumica e tifozëve bardhezinj e kanë gjetur fajtorin, ndërsa një pjesë pranojnë dominimin e holandezëve dhe urojnë kundërshtarin. Zhgënjimi është i madh në Torino dhe gjithkund ku rrahin zemra për “Zonjën e Vjetër”.

Pavarësisht se presidenti Anjeli ia hoqi përgjegjësitë e eliminimit dhe konfirmoi besimin për të, tifozët dëshirojnë largimin e Maks Alegrit. Në rrjetet sociale ka lindur nisma “Alegriout”, ndryshe Alegri jashtë!

Trajneri livornez dhe stili i kujdesshëm i lojës së tij shihen si “e keqja” e këtij Juventusi nga tifozët. Të gjithë janë lodhur nga besnikëria e Juves ndaj skemave defensive dhe futbollit aspak guximtar, edhe pse ekipi ka potencial dhe kualitet për të zhvilluar një futboll shumë herë më tërheqës dhe atraktiv.

Andrea Barzalji do të luajë në formacion në ndeshjen e sotme kundër Spalit. Takim pa ndonjë rëndësi të madhe, pasi titulli është në xhep dhe mendja te ndeshja e kthimit kundër Ajaksit. E ardhmja e 37-vjeçarit pritet të jetë stoli. Maks Alegri u ndal te situata e mbrojtësit në konferencën për shtyp përpara transfertës së sotme.

“Barzalji erdhi me ne në Amsterdam, edhe pse nuk mund të luante. Ai ka filluar t’i shohë gjërat nga një perspektivë tjetër krahasuar me atë të futbollistit. Andrea është shumë inteligjent. Mendoj se kur nis një punë të re, gjëja më e rëndësishme është që të vëzhgosh dhe dëgjosh. Ai mund të bëhet pjesë e stafit teknik për të mësuar dhe ndihmuar mbrojtësit se si të përmirësohen. Në këtë aspekt është profesor. Mendoj se do të ishte një vlerë e shtuar e Juventusit”, përfundon trajneri livornez.

Maks Alegri e nis konferencën për shtyp me një lajm të mirë për gjendjen e Kristiano Ronaldos. “Ylli” i bardhezinjve ndodhet mirë dhe po bën maksimumin për të zbritur në fushë në Amsterdam të mërkurën. Trajneri sqaron dhe gjendjen e lojtarëve të tjerë, vlerëson Milanin dhe ka elozhe e këshilla për Moize Ken.

SITUATA – “Kielini me shumë mundësi do të qëndrojë jashtë. Ndodhemi në një moment të mirë fizik dhe do bëj vlerësimet e duhura për formacionin. Sigurisht që do të ketë ndryshime dhe do të ketë hapësirë edhe për lojtarët e pankinës. Dibala, Manxhukiç dhe Spinazola do të jenë të gatshëm për ndeshjen kundër Milanit. Mbetet për t’u vlerësuar gjendja fizike e Kedirës, kurse Dagllas Kosta do të jetë i gatshëm për Ajaksin. Perin dhe Kaseres (tre javë jashtë) do të mungojnë. Kuadrado është mirë, ashtu si edhe Aleks Sandro.”

RONALDO – “Kristiano ndihet më mirë dhe po jep sinjale pozitive, 5 ditë përpara ndeshjes kundër Ajaksit. Po bën gjithçka që të jetë i gatshëm dhe shpresoj që ta kemi në dispozicion. Kundër Milanit nuk do të grumbullohet.”

KEN – “Ai është një sulmues që vrapon drejt portës. Ai mund të luajë me Manxhukiç, por edhe Dibalanë e Bernardeskin. Jam i lumtur me atë që po bën Moize. Ai ka nevojë për një ekuilibër të madh, që do i mundësojë të qëndrojë 10 vite te Juventusi dhe të bëhet një futbollist i madh. Nuk mjaftojnë dy ndeshje, por gjithçka varet nga puna e tij.”

TITULLI – “Kur ta fitojmë do të jetë një natë e bukur dhe do e festojmë në mënyrën më të mirë të mundshme. Numrat tonë janë impresionues dhe nuk është kurrë e thjeshtë të fitosh 8 kampionate rresht. Ka shumë merita të Juventusit dhe pak gabime të ekipeve të tjera. Komplimente Napolit. Po zhvillojnë një kampionat për titull, por ne kemi shkuar përtej. Nuk ka qenë e thjeshtë të grumbullonim 81 pikë, tetë ndeshje para fundit.”

MILANI – “Kuqezinjtë janë rritur shumë. Janë në luftë për një vend në Champions dhe ndeshjet kundër tyre kanë qenë gjithmonë të ekuilibruara. Do të jetë një ndeshje simuluese, që do të na bëjë mirë përpara Ajaksit. Duhet të fitojmë përballë Milanit nesër, pasi do të jetë simuluese përpara ndeshjes së mesjavës në Champions.”

Moize Kin po kalon një formë shumë të mirë, por ai është vetëm 19 vjeç dhe ka shumë punë përpara. Trajneri analizon dhe Paulo Dibalanë. Argjentinasi ka marrë kritika të shumta, por Alegri i del në krah dhe ka nevojë për lojtarin në këtë fazë finale të sezonit.

RONALDO – “Ka shumë fjalë që qarkullojnë në media. Është folur që unë gati jam rrahur me presidentin dhe që kam dhënë dorëheqjen. Ronaldo kishte një ditë pushim dhe shkoi në Barcelonë për disa çështje komerciale, por nuk e di se çfarë ka bërë atje. Nga dje ka filluar të lëvizë pak, por duhet kujdes. Është më mirë të humbasësh një ndeshje se pjesën finale të sezonit. Kristiano do të rikthehet vetëm kur të mos ketë rreziqe ridëmtimi. Ai do kryejë kontrolle të hënën. Rreziku për të humbur ndeshjen e parë me Ajaksin është i madh (10 prill). Këtë gjë e di edhe ai, nuk do të luajë nëse nuk gjendet mirë.”

KIN – “Moize ka nevojë për qetësi. I ka shënuar një gol Litenshtejnit dhe duket sikur është bërë Ronaldo apo Mesi. Shqetësohem për mbingarkesën që po merr nga media. Nëse nuk dërgon topin në rrjetë ndeshjen tjetër, të gjithë do t’i hidhen sipër. Të rinjtë kanë oshilacione. Është e padiskutueshme që ka cilësitë e një goleadori, por ka shumë punë për t’u bërë një kampion. Unë duhet ta mbroj, sepse e di se si janë të rinjtë e sotëm.”

DIBALA – “Kam folur gjatë me Paulon dhe ai e di mirë që në këto dy muaj kemi nevojë për Diabalanë më të mirë. Këtë sezon nuk ka shënuar shumë, por është treguar gjithmonë i rëndësishëm. Të gjithë presim shumë nga ai dhe besoj se do japë edhe më shumë.”

Maks Alegri nuk kërkon ta bëjë dramë humbjen e sotme, që i kujton atë kundër Atalantës në Kupën e Italisë. Megjithatë, trajneri pranon se kjo ka ardhur në momentin e duhur, pikërisht përpara pauzës për shkak të ndeshjeve të kombëtares.

“Prisja një tjetër Juventus. Nuk bëmë një performancë të mirë dhe bëmë gabime. Më pas erdhën golat e tyre, që erdhën nga askund. Më është dukur si humbja ndaj Atalantës në Kupë. Zgjodhëm ndeshjen e duhur për të humbur, sepse është pikërisht përpara pushimeve të kombëtares. Padyshim, ajo shtysa që dhamë ndaj Atletikos ndikoi te ne. Nuk mund të luash çdo ndeshje me të njëjtin intensitet. Është e pamundur të fitosh çdo ndeshje dhe këtë gjë e kam thënë që në fillim të kampionatit. Gjithsesi, nuk duhet ta bëjmë dramë“, theksoi trajneri i Juventusit.

Anjeli dhe Paratiçi po mendojnë për një zëvendësues dhe favoriti kryesor është Didier Deshamp. Trajneri që e çoi Francën në majën e Botës në vitin 2018 preferohet shumë nga drejtuesit, të cilët e shohin si të duhurin për të marrë drejtimin e stolit bardhezi.

Francezi është nga brezi i lojtarëve që i dhanë “Champions”-in e fundit italianëve në vitin 1996 dhe e njeh shumë mirë rëndësinë e të veshurit atë fanellë dhe atmosferën brenda klubit. Juventusi shpresonte për një emër si Zinedin Zidan, por i humbi shpresat pas kthimit të tij në Madrid.

Ky fakt ka bërë që drejtuesit nga Torino të hedhin sytë nga emra si Deshamp, por edhe Konte. Mediat italiane nuk e përjashtojnë një rikthim te “Zonja”.

“Los Blancos” do të zhvillojnë nesër në mbrëmje sfidën e kthimit kundër Ajaksit. Ndeshja e parë e zhvilluar në Holandë është fituar me rezultatin 2-1 dhe djemtë e Solarit janë me një këmbë në çerekfinalet e Champions Ligës. Sipas raportimeve të spanjolles “AS”, tre janë kandidaturat kryesore për t’u ulur në stolin e Realit të Madridit: italiani Alegri, gjermani Lëv dhe argjentinasi Poçetino.

Trajneri i Juventusit mund të vendosë të provojë një aventurë jashtë Italisë në fund të sezonit dhe ku ka më bukur se të transferohesh në Madrid. Perez e vlerëson shumë si trajner dhe e cilëson si fitues, por i preferuari i tij mbetet trajneri i kombëtares gjermane.

Hoakim Lëv ka fituar kupën e Botës në vitin 2014 dhe është tipi i trajnerit që preferon presidenti i Realit. Elegant, i sukseshëm dhe i sofistikuar në medotën e punës dhe stilin e tij.

Nuk mbetet pas as Mauricio Poçetino, por problemi i tij i madh është fakti që Totenhemi nuk preferon të heqë dorë nga ai dhe kërkon shumë miliona për ta lënë të lirë .

NAPOLI – “Është matematikë dhe nesër do të luajmë 2/3 e titullit. Nëse fitojmë do të kemi shumë shanse për të fituar titullin. Ata po bëjnë një kampionat të madh. Do të gjejmë një stadium plot që do të japin gjithçka për ekipin e tyre. Ndeshjet në ‘San Paolo’ nuk mbarojnë kurrë, kështu që duhet të bëjmë një ndeshje të nivelit të lartë në një mbrëmje të rëndësishme për futbollin italian. Do të përballen dy ekipet më të mira të viteve të fundit. Ndeshjet e kaluara kanë qenë më shumë taktike, ndërsa kësaj radhe do të jetë ndryshe.”

E ARDHMJA – “Dje u takova me presidentin, siç ndodh gjithmonë. Jemi në një moment të rëndësishëm të sezonit, por nuk do të ketë asnjë problem për të diskutuar për të ardhmen në fund të sezonit. Tani kemi një ndeshje të bukur kundër Napolit, më pas do luajmë kundër Udinezes dhe Atletikos së Madridit. Duhet të përqendrohemi për këto ndeshje dhe të mos mendojmë gjë tjetër.”

FORMACIONI – “Ronaldo ndihet mirë dhe do të luajë nesër. Emre Çan dhe Bentakur janë në balotazh për një vend në mesfushë. Kedira do të kryejë kontrolle dhe nuk mund të them saktë kohën e rikuperimit të tij. Shpresojmë të rikuperojmë Dagllas Kostën për ndeshjen kundër Atletikos. Kuadrado? Nuk është akoma gati.”

RRJETET SOCIALE – “Nuk kam qenë kurrë një fans i rrjeteve sociale. Ashtu siç hyra aty, ashtu dola. Është diçka normale, por jam habitur me zhurmën që është krijuar. Ishte një person që postonte për mua pas çdo ndeshje dhe tani ka vendosur të largohet.”

KRITIKAT – “Nëse vijnë nga një supozim i drejtë, jam dakord me to, por nëse vijnë për shkak të pritshmërive të gabuara, kjo nuk është diçka e mirë. Unë punoj me pasion dhe entuziazëm dhe tifozët më kanë respektuar gjithmonë në stadium. I falënderoj për këtë. Nëse shkoj në fund të ndeshje në dhomat e zhveshjes dhe nuk bëj shaka, ky nuk është problemi im. Rrjetet sociale janë një mjet i dobishëm, por jo për të gjithë. Në 51 ndeshjet që kam drejtuar Juventusin në Champions, kemi humbur 11 herë, nga të cilat dy kundër Jang Bojsit dhe Seviljes kur ishim kualifikuar. Një e kemi humbur në shtëpi përballë Junajtid, një në Mynih dhe të tjerat i kemi humbur me Barcelonën, Realin dhe Atletikon, ekipe që renditen të gjitha sipër nesh në renditjen e përgjithshme.”

ATLETIKO – “Do të jemi në formën tonë më të mirë në ndeshjen e kthimit. Do të shfrytëzojmë këto ditë për të përmirësuar kondicionin tonë atletik. Bonuçi dhe Kielini do të përmirësohen. Në ndeshjen e parë sapo ishin rikthyer, por do të përmirësohet dhe Manxhukiç. Jam i qetë për Marion. Duhet të gjejmë golat e mesfushorëve, por dhe Bernardeski duhet të bëjë më shumë. Duhet të shfrytëzojmë më mirë goditjet standarde. Stadiumi duhet të jetë plot dhe kemi nevojë për mbështetjen e tifozëve kundër spanjollëve.”

Luçiano Spaleti nuk po arrin të bëjë ekipin të luajë mirë dhe të arrijë rezultatet e duhura dhe ai mund të shkarkohet në fund të sezonit. Xhuzepe Marota po punon për të gjetur zëvendësuesin e tij. Emrat e Antonio Kontes dhe Zhoze Murinjos qarkullojnë prej kohësh, por së fundmi ka dalë në skenë dhe një trajner tjetër.

Siç raportojnë mediat italiane, Interi po mendon për t’i dhuruar stolin Maks Alegrit. Trajneri livornez me shumë mundësi do të largohet nga Juventusi në fund të sezonit dhe pëlqehet shumë nga Marota dhe presidenti Zhang.

Alegri ka oferta të shumta dhe nga klube të huaja, por zikaltrit po mendojnë t’i ofrojnë një projekt ambicioz dhe një rrogë prej 7.5 milionë eurosh në sezon.

Trajneri i bardhezinjve, i cili ka fituar titullin kampion me Milanin dhe Juventusin, mund të tentojë ta bëjë diçka të tillë dhe me Interin, duke thyer kështu një rekord të bukur dhe duke u futur në histori më fitimin e titullit kampion me tre ekipet më të mëdha italiane.

Fitimi i Champions Ligës është objektivi madhor i Juventusit dhe djemtë e Alegrit do të provojnë deri në fund për të vazhduar aventurën në kompeticionin më të rëndësishëm për klube.

Trajneri është mërzitur me kritikat e mëdha, sikur të ishte ai fajtori i vetëm i humbjes përballë ekipit të Diego Simeones. Nga ana tjetër drejtuesit e “Zonjës së vjetër” po studiojnë alternativat e duhura për zëvendësimin e tij në fund të sezonit. Zinedin Zidan mbetet dëshira e madhe, por ditët e fundit janë rritur shanset e një tjetër trajneri.

Siç raporton “Corriere dello Sport”, bardhezinjtë mund të vendosin të rikthejnë Antonio Konten në stol. 49-vjeçari drejtoi kampionët e Italisë për tri sezone dhe fitoi tre tituj kampion e dy Superkupa Italie. Në vitin 2014 ai u largua mes polemikash nga ekipi për të marrë kombëtaren italiane. Më pas eksperienca me Çelsin, një titull kampion i fituar në Angli dhe tashmë… rikthimi në shtëpi.

Marrëdhëniet me drejtuesit e Juventusit dhe presidentin Anjeli janë përmirësuar me kalimin e kohës dhe ai është një kandidaturë e fortë për t’u ulur në stolin e ekipit nga Torino në sezonin e ri.

Janë disa pistat për të ardhmen e tij, teksa në Angli emri i tij është lakuar shpesh. Gjithashtu edhe Reali i Madridit është një opsion, kurse PSG ëndërron veç Alegrit edhe Paratiçin. Të gjithë janë zëra merkatoje.

Fillimisht pritet të mësohet se çfarëdo të ndodhë mes tij dhe Juventusit. Mes palëve do të ketë një marrëveshje xhentëlmenësh. Alegrit, sikurse dihet, kontrata i përfundon në verën e vitit 2020. Sukseset në Itali nuk mjaftojnë te Juventusi, por edhe për trajnerin italian nuk është ndonjë kënaqësi e madhe që të dominojë vetëm në Serie A.

Nga ana tjetër pas dere qëndron një tjetër trajner, i cili në Champions ka arritur të bëjë mrekulli me Realin e Madridit si trajner. Zinedin Zidan është rikthyer si opsion. Francezi pret zhvillimet te Juventusi dhe është i gatshëm të bashkohet me Kristiano Ronaldon. Jo vetëm me të, pasi edhe braziliani Marselo ka bërë gati valixhet për të lënë Madridin për Torinon. Zhvillime interesante në horizont.

Numri një i pankinës së “zonjës së vjetër”, është përqëndruar më shumti në ndeshjen ndaj Atletikos, duke thënë se ka 20 ditë kohë, që do t’i shërbejnë shumë ekipit të tij. Gjithashtu, Alegri shtoi se i duhet të bëjnë gjithçka për të kaluar më tej në Champions.

“Kemi 20 ditë për të përgatitur ndeshjen, me entuziazëm, adrenalinë në maksimum dhe kam besim se 12 marsi do të jetë një mbrëmje e mrekullueshme. Nuk e di në rast se do të kalojmë apo jo, por na duhet të bëjmë gjithçka për ta arritur diçka të tillë.

Them se jemi me fat që do të përjetojmë këto 20 ditë, sepse jeta i ka këto gjëra. Nëse ne fitojmë çdo ndeshje, jeta do të ishte e mërzitshme.

Kjo do të thotë që na duhet edhe të fitojmë tre ndeshjet që luajmë në Serie A, për t’u siguruar që do të jemi në formën më të mirë me 12 mars. Nesër luajmë ndaj Bolonjës, të cilët kanë një trajner të ri, që ka sjellë ndryshim tek ata.

Nëse do të luanim ndaj Atletikos këtë të mërkurë përsëri, me shumë mundësi do të eleminoheshim. Na duhet kjo periudhë për të rikuperuar forcat dhe për t’u motivuar. Më pëlqen kjo lloj eksperience më shumë se një rezultat 0-0.”

Tani na duhet të jemi të qetë. Kritikat e tifozëve dhe mediave mund edhe të na ndihmojnë që të rikarikojmë bateritë. Pritshmëritë këtë sezon janë të mëdha dhe po shoh shumë zhgënjim, por nuk duhet të harrojmë që është dhe një ndeshje për t’u luajtur.

FORMACIONI NDAJ BOLONJËS – “Më duhet të shoh nëse do ta lë pushim Krisitanon. E vetmja gjë që mund të siguroj për momentin është që Matia Perin do të jetë titullar. Kielini mbetet për t’u parë po ashtu. Kanselo besoj se do të jetë në fushë. Pozicionin e tij do ta shqyrtojmë, por do të luajë.”

Maks Alegri ka folur gjatë në konferencën për shtyp, duke u përqendruar te ndeshja e kampionatit. Trajneri i Juventusit shpjegon me fakte se pse Frozinone nuk duhet nënvlerësuar, ndërsa sqaron dhe situatën e repartit difensiv.

Kreu i stolit konfirmon faktin që Dibala do ta nisë si titullar dhe nuk i kursen elozhet për argjentinasin. Në fund Aron Ramsej, konkurrenca në Champions, e ardhmja dhe teknologjia VAR.

FROZINONE – “Kristiano ka luajtur gjithmonë deri më tani, kështu që pse duhet të mungojë nesër? Për ndeshjen e Championsit? Të fiksuarit pas Champions Ligës jeni ju dhe jo unë. Ne duhet të mendojmë të mposhtim Frozinonen, sepse do të kemi një ndeshje më pak për objektivin e titullit. Mos të harrojmë që Frozinone ka fituar 3 ndeshje jashtë fushe pa pësuar gol dhe atë që ka ndodhur kundër këtij ekipi përpara tre vitesh. Duhet të luajmë një ndeshje serioze, për t’u përgatitur sa më mirë për ndeshjen e Championsit.”

MBROJTJA – “Barzalji është rikuperuar, por nuk luan prej 70 ditësh. Ai është gati për rininë e tretë dhe për momentin është në dispozicion të ekipit. Sa i përket Bonuçit, ai do të luajë, ndërsa Kielini mund të luajë një pjesë loje. Rugani ka marrë një goditje dhe gjendjen e tij do e vlerësojmë nesër. Nëse nuk luan, do të jetë Kaseres në formacion. Në të majtë mund të luajë Spinazola, por ai do të luftojë me De Siljon dhe Kanselon për dy poste titullari.”

MESFUSHA – “Ka shumë të ngjarë që Matuidi të mos luajë nesër. Për të tjerët nuk kam vendosur ende, por ka një garë katërshe për tre vende në formacion.”

DIBALA – “Paulo do të luajë kundër Frozinones. Numrat e tij janë mbresëlënës që kur ka ardhur te Juventusi. Tani nuk po arrin të shënojë shumë, por ai është një nga lojtarët më të mirë në qarkullim. Maska? Unë i përkas së vjetrës dhe nuk kuptoj asgjë. Zbavitem shumë sepse djemtë janë gjenialë. Ekipi po kalon një formë fizike shumë të mirë dhe të gjithë janë të përqendruar. Nga nesër nis një seri shumë e bukur ndeshjesh.”

RAMSEJ – “Nuk kam një gjykim teknik për të, sepse nuk e kam stërvitur akoma. Është e sigurt që Aron është një futbollist i madh, por ka kohë për të folur për lojtarët e sezonit të ardhshëm.”

CHAMPIONS – “Duhet të mendojmë për veten tonë dhe duhet të kalojmë turin përballë një skuadre shumë të vështirë si Atletiko Madrid. Reali vuajti kundër një Ajaksi të bukur. Edhe Totenhemi mund të tentojë për një vend në gjysmëfinale. Janë rreth 7-8 skuadra që kanë potencialin për të mbërritur në gjysmëfinale.”

E ARDHMJA – “Nuk ka asgjë të sigurt 100%. Kam kontratë me Juventusin, jam mirë, jam në vitin e pestë këtu dhe jam i lumtur për këtë. Për  momentin jam i përqendruar në atë që duhet të sjellim në shtëpi, duhet të marrim rezultate dhe trofe.”

VAR – “Jam i kënaqur, sepse është tepër i nevojshëm. Goli i Ajaksit nuk të anulohej në kushte normale. Por e përsëris që VAR-i është shumë i dobishëm dhe do të ndihmojë arbitrat.”

Juventusi ka hasur probleme në mbrojtje në ndeshjet e fundit. Mungesa e treshes: Bonuçi-Barzalji-Kielini është ndjerë shumë, por Alegri ka marrë lajme të mira nga infermieria.

Bonuçi ka lënë pas problemet e tij dhe është gati për ndeshjen kundër ekipit “colchoneros”. Ish-mbrojtësi i Milanit ka zhvilluar të plotë seancën stërvitore tëq ekipit, që konfirmohet dhe nga vetë klubi italian.

Edhe Barzalji ndihet më mirë dhe ka zhvilluar një pjesë të stërvitjes me grupin. Nga ana tjetër, Kielini vazhdon të punojë i diferencuar, ndërsa kontrollet e fundit mjekësore kanë konfirmuar përmirësimin e gjendjes së Dagllas Kostës

Kundër kuqezinjve është gjithmonë një ndeshje e bukur dhe e vështirë. Diferenca mes ekipeve në kampionat është e madhe, por për Maks Alegrin kjo gjë nuk vlen. Trajneri i “Zonjës së Vjetër” ka folur për “Juventus TV”, duke vlerësuar kundërshtarin, por djemtë e tij janë gati t’u dhurojnë tifozëve trofeun e parë për këtë sezon.

Krahas trajnerit kanë folur dhe Leonardo Bonuçi dhe Emre Çan. Mbrojtësi tregon mënyrën se si i dilet përballë ekipit të Gatuzos, ndërsa gjermani i mesfushës është entuziast dhe i karikuar për këtë ndeshje.

ALEGRI – “Do të jetë një mbrëmje dhe një ndeshje e madhe. Do të tentojmë të fitojmë Superkupën në shtëpi, pasi i kemi humbur dy finalet e fundit. Diferenca e pikëve në kampionat nuk vlen në një ndeshje të vetme dhe fitorja ndaj Milanit do të thotë: rritje e vetëbesimit dhe dërgimi i kupës në shtëpi. Formacioni? Jam i kënaqur me gjendjen e Dagllas Kostës dhe Bernardeskit, të cilët po e marrin veten fizikisht dhe psikologjikisht. Kedira po kthehet lojtari që njohim të gjithë. Milani ka entuziazëm pas fitores në kupë dhe kjo është një ndeshje e rëndësishme për ta. Duhet të bëjmë një ndeshje të madhe, midis dy ekipeve historike.”

BONUÇI – “Kemi shumë dëshirë ta fitojmë trofeun e parë të sezonit dhe kemi ardhur këtu me entuziazëm për të arritur objektivin. Nevojitet një Juventus agresiv dhe i kujdesshëm, sepse Gatuzo e ka treguar se është në gjendje ta bëjë Milanin të luajë bukur dhe të na vërë në vështirësi. Nuk duhet t’u lejojmë hapësira, të mos i lejojmë të mbajnë topin dhe të përfitojmë nga gabimet e tyre. Duam të bëjmë një ndeshje të madhe dhe fakti që stadiumi do të jetë i mbushur plot na karikon.”

EMRE ÇAN – “Është një trofe në mes dhe do të jetë një ndeshje e madhe. Nuk kam qenë më parë në Arabi dhe jam i kënaqur që po e përjetoj këtë eksperiencë. Atmosfera është e shkëlqyer, por do të jetë një finale e fortë. Duhet të jemi të përqendruar që nga fillimi.”

Gjatë konferencës për shtyp, Maks Alegri ka folur për kundërshtarët e nesërm, finalen kundër ekipit të Gatuzos, çështjen e racizmit, aty ku ndalet gjatë, dhe në fund e mbyll me një koment për Kristiano Ronaldon.

BOLONJA – “Pavarësisht pritjeve të Auderos dhe golit të anuluar të Saponarës, lejuam shumë hapësira në ndeshjen e fundit kundër Sampdorias. Duhet të rikthehemi menjëherë në rrugën e duhur dhe Kupa e Italisë është një objektiv i madh për ne, njësoj si kampionati, Champions Liga dhe Superkupa. Bolonja do të kërkojë të na eliminojë, por nuk duhet të ndodhë nesër një gjë e tillë.”

RACIZMI – “Nuk dua të bëj politikanin, pasi ka shumë të aftë rreth e rrotull… Sa i përket thirrjeve ‘buuu’, flasin gjithmonë të njëjtat gjëra sa për të thënë. Është e thjeshtë, ekzistojnë mjete për të shkuar dhe marrë ata që sillen keq. Nëse nuk gaboj, tifozi që i hodhi bananen Sterlingut në Angli nuk mund të hyjë më në stadiume. Nëse akordohet penallti dhe fillojnë thirrjet raciste, çfarë do të bëjmë? Kam dëgjuar të thuhen shumë gjëra dhe në Itali jemi kampionë bote në këtë aspekt. Në vend që të marrim vendime dhe të heshtim, të gjithë flasin dhe japin mend.”

SUPERKUPA NË ARABI – “Ka një kontratë të bërë nga Liga dhe ne duhet të ikim atje për të luajtur kundër Milanit. Ka dhe një hap të vogël pozitiv, pasi në stadium do të lejohen femrat. Të shohim aspektin pozitiv, pasi kemi dhe lidhje komerciale me vendin arab.”

CR7 – “Kristiano do të luajë, por të shohim se sa, si dhe pse. Nuk ka shkuar në kombëtare krahasuar me vitin e kaluar, ka humbur gjashtë ndeshje, të cilat i ka zhvilluar në kampionat me ne. Kin? Po, Moize mund të luajë si titullar me Bolonjën, ashtu si Spinazola që është në balotazh me Aleks Sandron.”

Megjithatë, lajmet që vijnë nga Spanja flasin për sezonin e fundit të Alegrit në stolin e Juventusit. ”El Mundo Deportivo” raporton se drejtuesit bardhezinj e cilësojnë si të ezauruar eksperiencën e italianit në stol, ndërsa ëndrra e tyre e madhe mbetet Zinedin Zidan.

Francezi shkroi historinë me Realin e Madridit, duke fituar tre Champions radhazi. Ai ndodhet pushim për momentin, ndërsa nuk do e refuzonte një ofertë të ish-ekipit të tij. Zidan u aktivizua për pesë sezone me Juventusin, përpara se të largohej drejt Realit. Ai mund të kthehet në Torino në fund të sezonit, madje pro kësaj ideje është dhe Kristiano Ronaldo, i cili është i lidhur me trajnerin francez dhe do të ishte i lumtur të punonte përsëri me të.

Po Alegri? Ai do të tentojë të rikthejë Champions-in në Torino këtë sezon, ndërsa e ardhmja e tij është e ndarë midis Realit të Madridit dhe Premier Ligës, por për më shumë duhet të presim verën dhe fundin e këtij sezoni.

Trajneri i bardhezinjve kërkon ta zgjidhë problemin në filiz, duke u marrë me shkollat dhe fëmijët e vegjël. Nëse ata rriten mirë, do të ketë gjithmonë e më pak racizëm dhe e ardhmja do të jetë më e bukur.

“Nuk toleroj asnjë formë racizmi dhe fyerje, madje as kundër të vdekurve dhe tragjedive që kanë ndodhur. Fatkeqësisht në Itali kemi humbur shumë nga edukata dhe respekti ynë. Ndalimi i futbollit dhe mbyllja e stadiumeve? Nuk na takon ne të vendosim. Unë jam që të vazhdojmë përpara, zgjidhja duhet të vijë nga lart. Teknologjia në stadiume mund të jetë e nevojshme për ata që shkaktojnë trazira.”

“Për t’u rinisur, për t’u përmirësuar, duhet të shkojmë te fëmijët e vegjël. Duhet të futemi në shkolla dhe besoj se kjo gjë është e mirë për futbollin, sepse në 100 fëmijë, 70-80 mund t’i menaxhojmë mirë. Është e lehtë të flasim tani, nëse të nesërmen kemi harruar gjithçka. Më erdhi keq për ngjarjen e ndodhur në ‘San Siro’, sepse kishte shumë njerëz në stadium, kishte fëmijë, të cilët janë e ardhmja e Italisë”, përfundon trajneri i Juventusit.