Prej janarit Mauexhe ka qenë pa ekip, ndaj forma e tij fizike nuk mund të jetë perfekte, por në 3 javët e ardhshme pritet që të arrijë një formë të pranueshme.

Mauexhe ka firmosur për dy vite me klubin bardheblu. Ditët e shkuara mesfushori shpjegoi pse zgjodhi Tiranën: “Kam pasur shumë oferta, por pasi fola me menaxherin Hektor Çomo, vendosa të zgjedh Tiranën, për t’u bërë pjesë e një projekti madhor. Nuk vendosa për paratë, por për projektin, duke u bashkuar me një klub të madh dhe që synon gjithnjë të luajë në kupat e Europës”.

Ndërkaq, vlonjati Alvaro Bishaj firmosi dje për Tiranën, duke u bërë zyrtarisht bardheblu për sezonin e ri, ndërsa sot e kanë pasur radhën fotot zyrtare dhe prezantimi nga ana e klubit.

Mbrojtësi i rritur te Flamurtari ka luajtur në ekipin e vendlindjes, por edhe me ekipe si FK Vlora, Tomori, Korabi e Sopoti. Në tre sezonet e fundit mbrojtësi 25-vjeçar ka qenë titullar te Tomori, Korabi e Sopoti, duke fituar shumë eksperiencë.

Mediat në Uganda konfirmojnë se mesfushori i kombëtares Toni Mauexhe ka gjetur marrëveshjen për një kontratë dy-vjeçare me Tiranën. Firma nuk është hedhur ende, por menaxheri i Tiranës Hektor Çomo është takuar me lojtarin në Nairobi, Kenia. Çomo ka kofirmuar bisedimet me mesfushorin e rëndësishëm të Ugandës, duke informuar se mbeten pak detaje dhe Mauexhe pritet të udhëtojë drejt Shqipërisë brenda pak ditësh.

Ndërkaq, Mauexhe tregon pse zgjodhi Tiranën: “Kisha shumë oferta, por më bindi projekti serioz i Tiranës, klub me histori të madhe dhe të ardhme të ndritur, ndaj nuk është zgjedhje e aspektit financiar”.