“Është diçka e veçantë. Jam gëzuar shumë për ftesën. Është hera e parë që luaj në Kosovë. Do luaj me Currin në qendër të mbrojtjes. Më kishte marrë shumë malli të luaja me të”.

Kauza e bamirësisë –“Janë shumë shoqata dhe njerëz në Kosovë, Maqedoni dhe Shqipëri që po bashkohen bashkë për të ndihmuar njerëzit që janë në nevojë. Pavarësisht sa sukses kemi është mirë që po tentojmë t’i ndihmojmë këta njerëz”.

Si i keni parë ndeshjet e Kosovës në kohët e fundit ?

“Me lot gëzimi. Normalisht, jam kosovar, prindërit e mi janë lindur e rritur këtu. Më behet qejfi që çunat po i zbatojnë mirë urdhrat e trajnerit.

Ka ndopak lakmi në kuptimin pozitiv?

“Jo aspak. Jam mirënjohës për të gjitha të mirat që më ka dhënë Zoti. Më ka shpërblyer me shumë gjëra. Edhe me Shqipërinë kemi arritur shumë gjëra të mira, besoj se të gjithë këta që po gëzohen tani për Kosovën janë gëzuar disa vite më parë për kuqezinjtë. Normalisht si kosovar ke dëshirë dhe ti ta veshësh atë bluzën, por kjo është diçka normale”.

Ndryshim midis Panuçit dhe Rejës?

“Fitorja flet vetë. Në futboll është një sport ku flet rezultati. Me Panuçin kemi luajtur më shumë në mbrojtje, e kam të vështirë të flas tani. Kam shumë respekt për Panuçin dhe kam frikë mos keqkuptohem. Edhe ai ka kontribuar shumë për kombin tonë”.

Kontrata e Mavrajt me Ingolshtadin zgjat deri në fund në qershor të 2020-ës, por rënia ne divizionin e tretë e bën thuajse të pamundur që bashkëpunimi midis palëve të vazhdojë.

Futbollisti është i interesuar të vazhdojë të luajë në Bundelisga.2, ndërsa klubi ka si qëllim të reduktojë shpenzimet për t’u bërë gati për sezonin e ri. Sipas medies gjermane “liga-zwei.de”, interes për Mavraj ka shfaqur Grojter Fyrt.

Kapiteni i kombëtares sonë e njeh mirë këtë klub, pasi ka qenë pjesë e Grojter Fyrt për tri sezone. Fyrt ka pësuar largime të shumta në repartit e mbrojtes dhe Mavraj shihet si një lojtar që mund ta ndihmojë skuadrën në arritjen e mbijetesës në Bundesliga.2

Kapiteni i kombëtares shqiptare u aktivizua 90 minuta në këtë takim. Të martën, Ingolshtad luan ndeshjen e kthimit në stadiumin e tyre, ku edhe një humbje 1 – 0 do të mjaftonte për të siguruar qëndrimin në Bundesliga 2.

Disa muaj më parë Ingolshtad ndodhej në vendin  e fundit të tabelës së Bundesligës së dytë, diçka paradoksale po të marrim parasysh faktin se klubi bavarez është një ndër më të pasurit në këtë divizion.

Në fundin e tabelës situata qëndron a pandryshuar. Ingolshtadi i Mërgim Mavrajt u mund 4 – 2 nga Hajdenhejm. Tani ekipit të kapitenit të kombëtares sonë i duhet të marrë pjesë në ndeshjen play-out me dy takime me skuadrën që u rendit vendin e trete të kategorisë së tretë, Vehen Viesbaden.

Titullarë për skuadrat e tyre kanë luajtur edhe dy mbrojtësit kuqezi, Mërgim Mavraj dhe Ansi Agolli. Kapiteni i kombëtares bëri një ndeshje të mirë në mbrojtjen e Ingolshtadit, por nuk arriti të ndihmojë skuadrën e tij që të shmangë humbjen. St. Pauli e mposhti Ingolshtadin 1-0, me ekipin e Mavraj që vazhdon të jetë në zonën e ftohtë të renditjes.

Agolli për Karabakun bëri disi më mirë, pasi skuadra e tij arriti të marrë një pikë në transfertë Sabah Baku, ndeshje e vlefshme për kampionatin azerbajxhanas. Mëngjarashi kuqezi luajti 90 minuta në të majtë të mbrojtjes, duke ndihmuar shpeshherë skuadrën e tij në fazën sulmuese.

Përballë Aue, Mavraj bëri një ndeshje të shkëlqyer dhe ndihmoi skuadrën e tij të marrë një triumf të pastër 0-3. Kapiteni kuqezi ishte i pakalueshëm në prapavijë dhe arriti të mbajë rrjetën e tij të paprekur. Me këto tri pikë, Ingolshtadi lë vendin e fundit në tabelë dhe bën hapa të sigurt drejt mbijetesës.

Në një zonë të ndryshme të tabelës është Rei Manaj. Sulmuesi shqiptar luajti titullar për ekipin e Albasetes në Spanjë, skuadër që triumfoi pastër 2-0 përballë Majorkas. Kjo fitore e ngjit në vend të parë ekipin e Manajt dhe afron shumë me ngjitjen në elitën spanjolle (La Liga). 21-vjeçari kuqezi po bën një sezon shumë pozitiv me skuadrën e Albasetes dhe është një nga lojtarët më të rëndëishëm.

Edhe Memushaj luajti titullar për skuadrën e Peskarës në Serie B dhe duket se mesfushori kuqezi e ka lënë pas dëmtimin. Futbollisti shqiptar ishte një nga më të mirët në fushën e lojës, por skuadra e tij nuk mori dot më shumë se një pikë në transfertën përballë Foxhias.

Faqja zyrtare e Ingolshtad ka bërë një shkrim për dëmtimin e Mavrajt, rreshtimin e skuadrës pa të në fushë, si dhe shiriti i kapitenit, për të cilin mbrojtësi kuqezi konsiderohej si alternativë.

Trajneri i Ingolshtad, Jens Keller pati deklaruar disa ditë më parë se shiriti i kapitenit i takon Almong Kohen, por Mavraj ishte kandidat serioz për të qenë lideri i skuadrës. Megjithatë, dëmtimi i 32-vjeçarit e ka zbritur nga “podiumi” dhe tekniku duket se do të bëjë planet pa të në fushë.

Paulsen dhe Kristian Trash do të jenë lojtarët që do të mbulojnë hapësirën e lënë nga Mavraj dhe kur futbollisti kuqezi do të rikthehet në formë optimale, do t’i duhet të luftojë për një vend në formacionin shartues. Nuk dihet ende nëse Mavraj do të jetë i gatshëm për startin fazën së dytë në Bundesliga 2.

“Nuk kam dëshirë t’iu rikthehem historive të mbyllura, por te Hamburgu nuk më kanë trajtuar asnjëherë siç duhet. Nuk kemi pasur probleme madhore, por fjala ime nuk dëgjohej asnjëherë dhe nuk më trajtonin siç duhet.

Gjithsesi, është një kapitull i mbyllur dhe tani jam i lumtur që jam pjesë e Ingolshtadit. Dua t’i falënderoj drejtuesit e Hamburgut për mundësinë që më dhanë, por vetëm kaq”,- përfundoi kapiteni kuqezi.

Zeneli ishte protagonist për Herenvenin, pasi shënoi një supergol nga goditja e dënimit dhe asistoi një nga golat e tjerë për skuadrën holandeze.

Ndërsa Mavraj nuk bëri një paraqitje shumë të mirë në prapavijë, duke pësuar tre gola, por te asnjë nga rrjetat e pësuara, mbrojtësi kuqezi nuk ishte fajtor. Madje, numri 22 i Ingolshtadit u tërbua dhe replikoi ashpër me kolegun e tij më mbrojtje, duke e kritikuar ashpër.

Mavraj po konsiderohet si një nga transferimet më të goditura në muajin janar, duke parë problemet në mbrojtje që ka Ingolshtadi këtë sezon. Në intervistën e tij të parë për faqen e klubit, 32-vjeçari u shpreh: “Nuk e di çfarë kënge do të këndoj para shokëve të ri të skuadrës, pasi asnjëherë nuk kam qenë i talentuar në muzikë. Por kam diçka në mendje”,- tha fillimisht Mavraj duke qeshur.

Më pas shtoi: “Ingolshtad nuk është në një moment të mirë, por unë jam këtu për të ndihmuar në maksimum skuadrën. Duhet të largohemi sa më shpejt nga vendi i fundit në renditje. Objektivat e skuadrës? Nuk dua të prodhoj tituj gazetash, thjesht dua të them se do të japim maksimumin në çdo ndeshje. Unë nuk shikoj pas, do të jap gjithçka në fushën e lojës që skuadra të ecë përpara.

Erdha këtu se më pëlqen sfida dhe projekti i Ingolshtad është një sfidë që e pranova me shumë dëshirë. Unë shpresa e madhe e skuadrës? Nuk e besoj, të gjithë duhet të japim maksimumin. Kemi një portier me shumë eksperiencë, Filip Shauner, që për mua është një nga portierët më cilësorë në Gjermani”.

“Kapiten i kombëtares shqiptare? Është një nder dhe përgjegjësi e madhe për mua. Siç e thashë më parë, unë nuk kthehem asnjëherë pas në kohë që të shikoj gjërat negative që mund të kenë ndodhur. Shoh vetëm përpara dhe jap maksimumin në çdo minutë që luaj, për cilëndo skuadër që luaj”,- përfundoi kapiteni i kombëtares kuqezi.

Duhet të përmendim se Cikalleshi nuk mund të luajë me asnjë skuadër tjetër veç Osmanlisporit dhe Gëztepes. 28-vjeçari ka kaluar një periudhë dëmtimi çka e ka detyruar që të mungojë për një kohë të gjatë. Gjatë këtij sezoni sulmuesi kuqezi luajti në 9 ndeshje mes kampionatit dhe Kupës, duke shënuar dhe 2 gola.

Një situatë jo të mirë po kalon edhe Mërgim Mavraj në Greqi, me Arisin që po sheh mundësinë për të ndërpresë bashkëpunimin me kapitenin kuqezi. Paraqitjet e qendërmbrojtësit nuk kanë qenë ajo që në Greqi kanë pritur, ndaj me shumë gjasa Mavraj duhet të kërkojë një destinacion të ri.

Një eliminim i turpshëm që e rëndon situatën në skuadrën e dy shqiptarëve që në ndeshjen e sotme e nisën ndeshjen që nga minuta e parë. Ergotelis artriti që ta gjente 3 herë rrugën e rrjetës në më pak se një orë lojë, duke e bërë një malore të vërtetë misionin e skuadrës së dy shqiptarëve.

Edhe një barazim do i mjaftonte ekipit të Arisit të shkonte në raundin tjetër, por edhe pse selanikasit shënuan dy herë, duke e çuar rezultatin në 3-2, por pa mundur që të shënonin dhe golin e kualifikimit.

Ndeshja përfundoi në barazim, 1- 1, rezultat ky që i shkon në më përshtat skuadrës kryeqytetase që barazoi shifrat në minutat e kohës shtesë edhe pse me 10 lojtarë.

Rei Manaj luajti vetëm 12 minuta në fitoren e Albasetes ndaj kryesuesve të Alkorkon. Sulmuesi lushnjar nuk ka qenë pjesë e skuadrës në dy grumbullimet e fundit dhe rikthimi në formacionin titulluar nuk do të jetë aspak e lehtë për të.

Janina e Andi Lilës ka marrë një fitore shumë të rëndësishme në garën për mbijetesë. Skuadra ku luan kavajasi mundi me rezultatin 2 – 0 “mysafirët” e Lavadiakos, duke marrë kështu tre pikë që e largojnë Janinën përkohësisht nga zona e ftohtë.

Aris i Migjen Bashës dhe Mërgim Mavrajt fitoi në mënyrë dramatike në transfertën e ishullit të Kretës, ku mundën OFI-in me përmbysje falë dy golave të tunizianit Junes në limitet e kohës shtesë.

“Fitore që pak njerëz e prisnin në këtë moment kaq të vështirë. Kemi qenë të tensionuar, të mërzitur, por kjo fitore tregoi se dimë të reagojmë, ishte një fitore e vuajtur, por që na ka kënaqur shumë.

“Loja? Është normale që kundërshtari shpesh të të vërë në vështirësi, por nuk u dorëzuam në asnjë moment, luajtëm për fitore. Nuk është se menduam vetëm për barazim, sulmuam edhe pas golit të shënuar dhe jemi të kënaqur.

“Rëndësia e fitores? Na lë një ndjesi të mirë, një çlirim për ne, edhe pse ishte një miqësore dhe nuk duhet t’i kushtojmë rëndësi aq të madhe. Gjithsesi, treguam vlerat tona dhe u kthyem në vlerat tona, edhe pse pa lojë të bukur, sepse sot kishte rëndësi edhe rezultati”.

Agolli dihet se nuk është më në listën e Panuçit, kapiteni u mor në dy ndeshjet e muajit të shkuar, doli në konferencë, por nuk luajti asnjë minutë. Diçka e tillë ka ndodhur dhe me Lilën, i po ashtu u shfaq përkrah Panuçit në konferencë si kapiten, por nuk është se është se ka qenë ndër preferencat e trajnerit. Berisha ishte lojtari që pasoi shiritin pas Agollit, por dhe ai e humbi vendin e titullarit.

Rregulli i Panuçit ishte që shiritin ta mbante lojtari me më shumë prezenca në fushë, Roshi ishte lideri ndaj Norvegjisë, por më pas u dëmtua dhe për disa kohë duhet të qëndrojë jashtë fushës. Edhe Hykës i erdhi rasti për të qenë kapiten. Por, pas ndeshjes me Izraelin në shtëpi nuk u grumbullua më. Hysaj mund të thuhet se ka shpëtuar disi, i cili e ka mbajtur shiritin ndaj Skocisë,.Edhe shkodrani ka qenë jo pak i akuzuar për paraqitjet e tij jo në lartësinë që pritet.

Në fund Mavraj, i cili duket se tani është krisur dhe me Panuçin. Mbrojtësi i cili luan në Greqi u tradhtua nga nervat dhe la skuadrën me 10 lojtarë pas 23 minutash. Shiriti është bërë si makth! Na mungo një lider në fushë, na mungon një si… Lorik Cana!

Kapiteni i kombëtares sonë mori karton të kuq pa mbërritur mesi i pjesës së parë, për shkak se humbi qetësinë pas një përplasje me një kundërshtar. Fillimisht një faull i rrezikshëm, duke merituar kartonin e verdhë, por më pas edhe një debat me një skocez, duke e tepruar, me një zgjatje koke që krijoi idenë e goditjes, edhe pse realisht kontakt nuk pati ose ishte minimal.

Nervozizëm i tepruar dhe i pajustifikuar, që nuk na ndodh për herë të parë, sepse edhe Etrit Berisha bëri të njëjtën gjë ndaj Izraelit në Elbasan, ku sërish u dërrmuam.

Nëse pas kartonit të kuq Mavraj protestoi gjatë dhe u largua me një buzëqeshje ironike ndaj rivalit skocez që u rrëzua për ta nxjerrë me karton të kuq, një ditë më pas kapiteni kërkon falje publike, duke qenë më i qetë në analizën e asaj që ka ndodhur.

“E ndjej të kërkoj publikisht falje për atë moment dobësie. Të gjithë gabojmë dhe këtë herë më ndodhi mua. Për Kombëtaren kam luajtur edhe i dëmtuar, edhe kur im atë luftonte për jetën, ndaj ajo që ju kërkoj është që të më kritikoni, sigurisht, por jo të vini në diskutim dashurinë për këtë fanellë që do ta mbroja edhe me gjak. Shohim përpara, me bindjen se Shqipëria do të kthejë kapitull. Të gjithë bashkë mund t’ia dalim; nëse jemi të ndarë, atëherë kushdo mund të na mposhtë. Me respekt, Mërgim Mavraj”, shkruan mbrojtësi kuqezi në faqen e vet në Instagram.

https://www.instagram.com/p/BqU8TkZhK3o/?utm_source=ig_web_copy_link

“Duhet të kërkoj ndjesë, tifozëve dhe skuadrës, pasi nuk ishte qëllimi im. Më provokoi kundërshtari, por nuk më takon që me këtë përgjegjësi dhe me këtë eksperiencë të veprorja ashtu. Nuk ishte faull dhe më provokim. Jam penduar”.

“Edhe në këtë situatë u nxitova, por nuk është se nuk tregova qetësi”.

“Nuk ishte e vërtetë që e godita me kokë. Është diçka që ndodh shpesh”.

“U bë e vështirë pas daljes time, por ende më parë e kemi treguar se dhe me një lojtar më pak kemi bërë mirë. Është një gjë e rëndë kur kapiteni del me të kuqe që në minuta e para”.

“Pësuam gol shumë shpejt dhe na hoqi entuziazmin. Ishim mirë në minuta e para dhe qarkulluam topin. Kundërshtari u tregua i zgjuar, por pasi u ndëshkuam dhe me kartonin e kuq u bë e vështirë për t’u përgjigjur situatës”.

“Çdo lojtar, sidomos pas kësaj vere që kam pasur shumë vështirë, ka momente jo të mira. Një njeri që e vlerëson formën e lojtarit me vetëm 20 minuta ka vend për diskutim. Kur skuadra kalon situatë të vështirë. Çfarë mund të bëjë Mavraj apo Grezda. Kur nuk është momenti, është e vështirë për t’u dalluar në cilësi”.

“Futbolli është në lojë komunikimi dhe ne duhet të ndihmojmë njëri tjetrin. Kjo bëhet duke folur. Në golin e parë që pësuam me Izraelin trajneri ka të drejtë që thotë se kemi gabuar. Duhet të përmirësohemi tek raste ku kemi gabuar dhe kemi gjasa të fitojmë”.

“Duhet të punojmë si grup që të rrallojmë gabimet individuale. Na ka munguar dhe fati, për të mbajtur portën e paprekur. Në të shkuarën kemi treguar vlerat tona në prapavijë. Me një paraqitje të mirë  mund te ta mbyllim pa pësuar gol”.

“Kemi punuar me goditjet standarde dhe duhet shumë vëmendje në ndeshje. Në ndeshjet e rëndësishme goditjet standarde kanë fituar shumë vlerë. Duhet më shumë vëmendje sesa punë. Jemi stërvitur për të mos bërë më gabime”.

“Kemi punuar me goditjet standarde dhe duhet shumë vëmendje në ndeshje. Në ndeshjet e rëndësishme goditjet standarde kanë fituar shumë vlerë. Duhet më shumë vëmendje sesa punë. Jemi stërvitur për të mos bërë më gabime”.

“Kemi folur për vlerat e kapitenit. Të gjithë lojtarët duhet të jenë të përqendruar pavarësisht nëse është Mavraj apo Ramos në fushë. 11 kapitenë në fushë e bëjnë skuadrën të mirë, 11 ushtarë duhet të jenë në fushë. Nuk jam unë i vetëm që flas me ekipin, është portieri dhe shumë të tjerë. Ne duam të gjithë që të mos pësojmë. Nëse flet nuk do të thotë se nuk pëson”.

“Ne do mundohemi që të futemi me dëshirë dhe vullnet për të mos pësuar, por kjo nuk mjafton. Duhet të shënojmë në portën kundërshtare. Duhet të mbrohemi dhe të shënojmë të gjithë. Nëse punojmë si skuadër do të kemi sukses. Nëse nuk besojmë të fitorja më mirë mos të luajmë fare “, përfundoi Mavraj.

Kristian Panuçi e ka treguar dhe më parë se nuk pranon asnjë justifikim dhe i do të gjithë lojtarët që ditën e parë që nis grumbullimi, ose në të kundërt, dera është e hapur, Kujtojmë rastin e  Sokol Cikalleshit, i cili në verën e shkuar nuk mund të bashkohej me Kombëtaren për shkak se do të nënshkruante një kontratë të re dhe kërkoi leje disa orë, por pas kësaj kërkese tekniku italian e la jashtë liste për ato ndeshje. Po ashtu kavajasi nuk është një prej të preferuarve të trajnerit aktual.

Një ngjarje e ngjashme duket se po përsëritet, pasi Panuçi i ka kërkuar Mavrajt, që të jetë të hënën me skuadrën në stërvitje me kuqezinjtë. Aris ka kërkuar që lojtari të luajë dhe ndeshjen e të hënës dhe më pas të jetë në dispozicion të Kombëtares, por kjo gjë është refuzuar nga FSHF, gjithnjë pas negociatës me trajnerin, i cili edhe një herë tjetër do të tregojë se rregullat e tij janë të shenjta dhe përjashtim nuk bën askush, madje as kapiteni.

Vetë Mavraj e ka telefonuar Pnauçin, siç mediat fqinje raportojnë, por trajneri nuk ndryshon mendje dhe i qëndron bindjeve të tij se mbrojtësi duhet të jetë me pjesën tjetër të skuadrës. Sigurisht, duke qenë se bëhet fjalë për një ndeshje zyrtare, FIFA i jep të drejtë Kombëtareve që të vendosin nëse do i lejojnë lojtarët e tyre që të kenë ndonjë ditë më shumë leje apo jo, por kjo situatë nuk duket e mirë.

Nuk është e njëjta problematikë për Bashën, i cli për këtë ndeshje është i pezulluar dhe pa problem mund të bashkohet me skuadrën përfaqësuese.

Nga stoli e ka ndjekur fitoren e skuadrës së tij Astrid Ajdareviç, i cili nuk po gjen hapësira këtë edicion te ekipi i AEK-ut. Basha dhe Mavraj qëndruan në fushë për 90 minuta, por nuk arritën që të bënin diçka të mirë për skuadrën e tyre.

Ndonëse pjesa e parë përfundoi me shifrat 1-0, vendasit realizuan tre gola në fraksionin e dytë, duke i dhënë një shuplakë Arisit, që ka marrë vetëm 3 pikë në 4 ndeshjet e fundit. AEK-u ndodhet në vendin e tretë me 16 pikë, ndërsa Arisi rrëshqet në vendin e tetë me 12 pikë.

Tic erdhi në krye të stolit të Hamburgut në fillim të muajit mars, i promovuar nga ekipi B, skuadër në të cilën e drejtonte prej tri vitesh. Një nga vendimet e para të 47-vjeçarit ishte përjashtimi nga stërvitja e kapitenit të kombëtares shqiptare Mërgim Mavraj dhe mesfushorit brazilian Uallas.

Në një intervistë për “BILD” në muajin shtator, futbollisti shqiptar u shpreh se ende nuk ka marrë asnjë shpjegim për masën drastike që u mor drejt tij nga tekniku gjerman.

HSV trennt sich von Trainer Titz –
Hannes Wolf übernimmt.

Zur Meldung ? https://t.co/hWLvaJLNsG pic.twitter.com/xXeSKLOSA0

— Hamburger SV (@HSV) October 23, 2018

Mërgim, ka ndryshuar diçka tani që jeni në statusin e kapitenit?
Mund të them se gjithçka është njësoj, por nuk është e vërtetë, pasi është diçka shumë speciale, sepse gjërat i sheh me një sy tjetër, me më shumë thellësi. Edhe trajneri flet ndryshe dhe detyrat i ke më ndryshe. Është performancë ime që peshon më së shumti. Uroj që të jap më të mirën dhe nesër si kapiten.

Si ndiheni më mirë me një mbrojtje me 3, me 4 apo me 5 mbrojtës?
E rëndësishme është që të funksionojmë si një skuadër kompakte. Nuk peshon shumë se çfarë sistemi do luajmë, e rëndësishme është që në fund të ketë sukses. Nuk luan rol vetëm mbrojtja, pak rëndësi ka se sa shumë mbrojtës janë.

Si është gjendja juaj fizike?
Unë jam gati për të luajtur 90 minuta. Jo vetëm për të luajtur, por për të dhënë më të mirën time për ekipin.

Jeni më të përgatitur se kundërshtari në këtë ndeshje?
Në dallim nga ndeshja e një viti më parë dhe kjo e një muaj imë parë ka ndryshuar shumë. Ishte ndeshja e parë e trajnerit të ri në Shqipëri dhe tani janë rritur e janë pak më të fortë. Idenë e trajnerit e shfaqin më mirë. Do të jetë pak më e vështirë pas fitores së fundit që bënë. E kemi analizuar mirë, trajneri na ka përgatitur mirë. Nëse kemi vetëbesim them se do të fitojmë dhe nesër. Është një ndjesi që nuk përshkruhet, kemi vetëbesim nga natyra. Me stërvitjet tona që kemi bërë them se do të mjaftojnë, edhe pse ndryshon klima apo jo. Nuk bën dallim për ne.

Do mjaftonte një fitore 1-0?
Do mjaftonte 1-0, por me 0 në fund është gjithnjë mirë për ne.

“Nuk e prisja të zgjidhesha kapiten. Jam shumë i lumtur dhe ndihem i nderuar. Tani kam më shumë përgjegjësi. Gëzohem por ishim të fokusuar. Nuk tregoj se për kë votova. Ishte një votim sekret”.

“Nuk ishte testi gjeneral kjo sfidë, pasi nuk krahasohet kjo ndeshje me Izraelin. E dimë se çfarë na pret, ata djem që kanë luajtur 1 vit më parë e dinë mirë se çfarë na pret. Sot e kishim mendjen në Izrael. Disa lojtarë që do luajnë të dielën nuk u aktivizuan sot”.

“Gjërat që flasim me trajnerin mbeten mes nesh. Nuk ka lidhje me çfarë flet dhe për kë mbesin mes nesh. Nëse ai nuk e tregon arsyen pse nuk flet për Supersport nuk kam çfarë të them unë. Them se është një zgjedhje personale dhe duhet të respektohet. Siç ne u respektojmë ju mendimet edhe mediat duhet të respektojnë mendimin tonë”.

“Më mungon pak ritmi, por fizikisht jam mirë. Është diçka normale. Këto ndeshje po më ndihmojnë”.

Më pas ishte radha e Mërgim Mavrajt, qendërmbrojtësit të kombëtares që debutoi me Arisin e Selanikut në derbin kundër PAOK-ut. Në fund skuadrat u ndanë në barazim 1-1 dhe morën nga një pikë. Nuk mund të mungonte “show” në tribuna, sikurse edhe tensioni.

Ndeshja ishte e vlefshme për Kupën e Greqisë. Ergotelis dhe Aititos Spara janë dy ekipet e përfshira në grupin 4, ku bën pjesë edhe Arisi. Festë për Elis Bakajn në Bjellorusi. Shaktar Soligorski është kualifikuar në çerekfinalen e Kupës pas gjuajtjes së penalltive. Ndeshja kundër Dinamo Brest u mbyll në barazim 0-0 dhe Bakaj me shokë u treguan më të saktë.

Nga Rusia në Belgjikë. Sindrit Guri e ndoqi nga stoli fitoren e skuadrës së tij Ostendes ndaj Eupen. Trajneri nuk i dha asnjë minutë lojtarit kuqezi në këtë ndeshje. Edhe Bakaj në Bjellorusi nuk ka mundur që të lërë gjurmë në humbjen që skuadra e tij Shaktjor Soligorskit pësoi në transfertë me Islosh Minsk.

Në Greqi, Andi Lila ka fituar derbin me Migjen Bashën. Kavajasi ishte në fushë për 90 minuta, ndërsa Basha u zëvendësua në të 80-ën. Aris u mund nga Janina nga një autogol, por në pjesën e parë nuk miqtë humbën një 11-metërsh. Mërgim Mavraj nuk ishte i gatshëm as për këtë sfidë.

Gjithsesi, në ndeshjen e sotme mes Arisit dhe Levadiakos nuk ishte grumbulluar fare nga trajneri. Për 90 minuta ishte në fushën e lojës mesfushori Migjen Basha, i cili duket se ka fituar vendin e titullarit në skuadrën helene.

Aris arrit që të merrte një fitore shumë të rëndësishme 2-0, duke regjistruar kështu fitoren e tretë këtë edicion në po kaq ndeshje. Nuk do të jetë e lehtë për Mavrajn që të marrë një vend titullari, duke parë formën e mirë të mbrojtësve që deri më tani nuk kanë lejuar asnjë kundërshtar që të shënojë në portën e tyre.

Gjithsesi, 32-vjeçari shihet një afrim që do ta rrisë shumë cilësinë, konkurrencën dhe me eksperiencën e tij do ta ndihmojë shumë skuadrën. Mavraj e ka ndjekur ndeshjen nga shkallët e stadiumit.

Mavraj i ka shakatë shumë merak dhe diccka të tillë e dëshmon herë pas herë. Sot pasdite, Basha i ka bërë shoqëri 32-vjeccarit dhe ka dalë rrugëve të qytetit dhe për ta njohur me zonën, por sigurisht që tifozët kanë pasur mundësinë që të bëjnë foto. Duke qenë se Basha ka pak më shumë kohë në Greqi njihet nga fansat.

Mavraj ka shfrytëzuar momentin për të vënë në lojë mesfushorin, i cili pozonte me një fëmijë, duke e thirrur këtë të fundit me theksin që e thërrasin tifozët grek. Po ashtu në foton e postuar më herët, maraj i referohet shokut të tij të skuadrës me nofkën “plaku”.

“Nga ana njerëzore ai trajner vlen 0. Te gjithë të tjerët nuk i gjykoj, sa do që shume ja kanë dalë të mos shikojnë më mbrapa. Qoftë dhe vetëm një zyrtar i vetëm i klubit nuk më folur asnjë herë për atë masë që u mor ndaj meje. Trajneri ka të drejtë të përjashtojë lojtarët, por në rrethanat e duhura”.

Rënia  e Hamburgut – “Ishte diçka që ndodhi si pasojë e gabimeve nga njerëz të ndryshëm në të gjitha nivelet e klubit. Më erdhi keq, pasi pas rënies nga Bundesliga, u bëra shënjestër për disa nga fansat, ndërkohë që harruan se vetëm një vit më parë më cilësoni si hero kur shpëtuam në fund nga rënia. Ndoshta rënia nga kategoria ishte qëllimi i drejtuesve të klubi”, përfundon Mavraj duke hedhur akuza të forta.

Lajmi i mirë erdhi menjëherë pasi Mavraj ishte bashkuar me Kombëtaren, pasi u konfirmuar arritja e marrëveshjes me skuadrën e Arisit, ku po këtë verë u transferua dhe Migjen Basha. Sigurisht, impenjimi me kuqezinjtë e ka shtyrë nënshkrimin e kontratës, e cila siç zbulon ekskluzivisht “SportEkspres.com” do të jetë e kënaqshme.

Burime të sigurta bëjnë me dije se Mavraj do të nënshkruajë për dy vite me skuadrën nga Selaniku. Të ardhurat financiare mund të arrijnë shifrën e 1 milion eurove, së bashku me bonuset, të cilat und të përfitohen në bazë të arritjet së objektivave që janë Kupat e Europës, si dhe minutave që do të aktivizohet 32-vjeçari.

Sot, lojtari ka udhëtuar drejt Gjermanisë dhe ditën e premte do të zbresë në Greqi, ku janë planifikuar për t’u zhvilluar testet miqësore. Menjëherë pritet që të nënshkruajë kontratën e re, si dhe të prezantohet me skuadrën.

Qendërmbrojtësi shihet si një afrim me shumë vlerë nga skuadra e Arisit, që kishte kohë që negocionte me lojtarin. Mavraj do të bashkohet menjëherë me ekipin, pasi duhet të arrijë formën optimale, edhe pse gjatë kësaj periudhe që ai ka qenë pa ekip është stërvitur në mënyrë të veçuar me një program të specializuar.

Çdo ditë një kandidate e re, përditë një skuadër që kërkon ta ketë në kontingjent. Mëse normale për një lojtar si Mërgim Mavraj, që garanton siguri dhe eksperiencë.

Pas Trabzonsporit në Turqi e Deportivo La Korunjës në Divizionin e Dytë spanjoll, tashmë për shërbimet e mbrojtësit 32-vjeçar interesohet edhe Breshia në Serinë B italiane.

Mavraj kërkon të largohet nga Hamburgu pas problemeve të sezinit të fundit dhe klubi dëshiron ta largojë për të kursyer rrogën rreth 2 milionë euro. Pikërisht pagesa mbetet problemi më i madh për mbrojtësin kuqezi, sepse shifra është e lartë, si për La Korunjën, ashtu edhe për Breshian.

Një situatë absurde për Mavrajn, që në janar pati oferta të rëndësishme nga Turqia, por qëndroi në Hamburg, ku nga lider është kthyer në të padëshiruar dhe është urdhëruar të stërvitet tek të rinjtë.

Edhe aty probleme, sepse trajner është përkohësisht 29-vjeçari Shtefen Vajs. Bild raporton se Vajs nuk ka licencë trajneri profesionist dhe Mavraj ka bërë kërkesë që të stërvitet nga një trajner i tillë, në bazë të kontratës.

Për pasojë, Hamburgu ka urdhëruar ish-futbollistin Vahid Hashemian që të lërë përkohësisht detyrën si zëvendëstrajner te Hamburgu U-17, për të stërvitur Mavrajn.

Ndërkaq, zgjidhja e klubit është gradimi i trajnerit të femrave, Akim Fajfel, i cili ka drejtuar skuadrën e femrave të Hamburgut në periudhën 2005-2012, ka punar në disa klube të tjera dhe është kthyer tek Hamburgu në vitin 2015, ku ka drejtuar ekipin U-16.

Nga humbja dhe kritikat në “Elbasan Arena” pas humbjes ndaj Norvegjisë, por sidomos fjalët e Kristian Panuçit, trajnerit të Shqipërisë, që është shprehur se problemi madhor është që titullarët e kombëtares nuk aktivizohen në klubet e tyre, për Mërgim Mavrajn ka ardhur edhe një lajm i hidhur… Praktikisht, nga shiu në breshër për futbollistin e lindur në Hanau por me origjinë nga Istogu i Kosovës, sepse dje ka marrë lajmin e hidhur dhe të papritur.

Mërgim Mavraj është simboli i rënies së kombëtares sonë, sepse nga një pikë kyçe te Hamburgu është kthyer pak nga pak në rezervë dhe tashmë bë të padëshiruar.

Pas përfundimit të grumbullimit me Shqipërinë për miqësoren e humbur 0-1 me Norvegjinë në “Elbasan Arena, ku luajti titullar, 31-vjeçari mori një lajm të hidhur nga klubi i tij. Trajneri i ri Kristian Tic, i cili ka ndërmarrë misionin e pamundur të mbijetesës, ka urdhëruar që shqiptari të stërvitet me ekipin e dytë për një periudhë të pacaktuar. Drejtori sportiv, Bernhard Peter, shpjegon: “Stafi teknik ka vendosur ta largojë Mërgim Mavrajn nga ekipi i parë për motive sportive. Është kërkuar që të stërvitet me U-21 deri në një vendim të dytë”.

Sezoni më i dobët – Për Mavrajn, që gjatë gjithë karrierës së tij ka luajtur në Bundesligë, ky është sezoni më i keq. U duk sikur blerja e tij një vit më parë do të sillte hapin e madh për kuqeziun, por kështu nuk ka qenë. E teksa gjashtë muajt e sezonit të shkuar ishin një ferr i vërtetë, mes frikës së rënies nga kategoria, tmerri ka marrë formë këtë edicion. Ai është aktivizuar në 17 ndeshje të Bundesligës në Këtë sezon, me Hamburgun që renditet i fundit me 18 pikë, 7 më pak se vendi i 15-të që i shpëton rënies, kur kanë mbetur edhe 7 ndeshje deri në fund të sezonit.

Situata është katastrofike për mbrojtësin kuqezi, që në janar mori ofertë joshëse nga kampionati turk, por nuk u largua, kryesisht se Hamburgu e shihte si lojtar me shumë rëndësi. Tani kaosi që ka përfshirë Hamburgun ka dëmtuar rëndë Mavrajn dhe për pasojë edhe kombëtaren tonë. Realisht, në këtë moment vetëm portierët Berisha e Strakosha, mbrojtësit Hysaj, Veseli e Gjimshiti, mesfushorët Xhaka, Qaka, Ramadani dhe Grezda e deri diku Cikalleshi luajnë rregullisht në ekipet përkatës. Disa prej tyre luajnë në ekipe modeste, ndaj nuk mund të jemi të qetë.

Befasia – i kontaktuar nga “Sport Ekspres”, mbrojtësi kuqezi nuk ka dashur të flasë shumë, duke qenë ende i befasuar nga vendimi i Hamburgut. “Sinqerisht që nuk e prisja. Kur ma komunikuan nuk besoja në atë që po thonin. Fakti është që kur pyeta motivin, nuk më dha askush përgjigje… Thjesht, kjo është zgjedhja e trajnerit, në bashkëpunim me klubin”, tha mbrojtësi.

Largimi – Me këtë vendim dhe ndoshta sidomos duke ditur se ky sezon mund të mbyllet me katastrofë, Mavraj ka kuptuar se është i padëshiruar dhe se, ndoshta rroga që fiton (thuajse 1,8 milionë euro në sezon), rëndojnë në arkat e Hamburgut teksa presidenti ka “mbyllur thesin”. Pikërisht në prag të një rënia nga kategoria, klubi pritet që të largojë shumë lojtarë. Mbrojtësi refuzoi Beshiktashin përpara një sezoni, teksa edhe në janar i tha “jo” disa ofertave, kështu që në verë do të rihapet ankandi për të, por për më pak se 2 mln euro Hamburgu nuk do ta lëshojë, sipas asaj që ka investuar.

Hamburgu u mund në shtëpi javën e shkuar, duke pushuar trajnerin, ndërsa Mavraj kishte marrë shiritin e kapitenit, ndoshta për faktin se përballej me ish-ekipin e tij. Shiriti i përkishte grekut Papadhopulos, ndërsa trajneri Gisdol tha pas ndeshjes se nuk e dinte pse Mavraj doli me shirit në fushë.

Gisdol iku dhe tashmë drejtimin e ka marrë Bernd Hollerbach, i cili ka kaluar te skema me 3 mbrojtës dhe ka ulur në stol Mavrajn. Gjithsesi, më shumë se skema, ulja në stol për Mavrajn duket një ndëshkim nga klubi, për prishjen e hierarkisë në skuadër dhe mungesën e disiplinës.

Pa Mavrajn, Hamburgu mori një pikë të artë sot, duke barazuar 1-1 në Lajpcig.

Hamburgu është i parafundit, e mundi edhe skuadra më e dobët e Bundesligës dhe sërish rrezikohet seriozisht rënia. Nëse luan me zjarrin, herët a vonë do ta pësosh dhe Hamburgu ka disa vite që shpëton për fije të perit.

Për këtë arsye, klubi i Mërgim Mavrajt ka marrë masa urgjente, duke pushuar nga puna trajnerin Gisdol dhe duke pësuar ish-futbollistin e vet Bernard Hollerbah, i cili ka firmosur deri në verën e vitit 2019, ndërkohë që është specifikuar në kontratë se Hollerbah do të qëndrojë edhe në rast rënieje nga Bundesliga.

Hollerbah ka luajtur për Hamburgun prej vitit 1996 deri në 2004, si dhe ishte për shumë vite ndihmës i Feliks Magatit pas mbylljes së karrierës si futbollist, ndërsa ka ngjitur Vyrcburger Kikers nga kategoria e katërt në Bundesligën 2.

Mavraj aktualisht luan tek Hamburgu, ku është një titullar fiks, ndaj edhe klubi gjerman refuzoi ofertën e Fenerbahçes në verë, por turqit janë të vendosur ta provojnë sërish.

Oferta për Hamburgun mund të shkojë deri në 2 milionë euro dhe për Mavrajn 1.7 milionë euro në sezon.

Mavraj zor se do të refuzonte, nëse Hamburgu pranon, por drejtuesit e klubit gjerman e kanë të qartë se nuk mund të rrezikojnë kaq shumë në një sezon ku sërish po luftojnë për mbijetesë.

…

Mbijetesa: “Kjo situatë ndan miellin nga krundet, apo të rinjtë nga burrat. Një çështje e vërtetë karakteri”.

Shpërblimi për veten: “E bëj në mënyrë spontane. Ndoshta unë do të shoh një ndeshje të NFL gjatë darkës”.

Karakteri: “I dua njerëzit me zemër dhe humanitet”.

Budallëllëk: “Kur nuk reflekton për gjërat që të ndodhin”.

EURO 2016: “Pjesëmarrja me Shqipërinë ka bashkuar të gjitha grupet etnike në vendin tonë. Turne që do të mbetet në histori”.

Familja: “Do të thotë gjithçka për mua”.

Gisdol: “Trajneri im. Shumë profesionist, shumë i zoti. Ai më ka përmirësuar në më pak se një vit. Dha një kontribut të madh për të na shpëtuar në sezonin e kaluar”.

Hobi: “Besimi. unë studioj Islamin. Bëj shumë biseda rreth kësaj teme. Kam tre miq të cilët janë imamë dhe jetojnë në tre vende të ndryshme. Jam gjithmonë në kontakt me ta. Mësoj sa të mundem nga ata”.

Idhujt: “Padyshim profeti Muhamed. Ai është ana praktike e besimit tim, të tregon si të përballesh me vështirësitë, suksesin apo dështimin. Njeriu mund të transferojë shumë gjëra nga jeta e tij në jetën tonë”.

Rinia: “Kam shumë besim te rinia. Por mendoj se në fund të fundit mosha e mesme, mes të rinjve dhe të vjetërve, është më e mira”.

Këlni: “Ajo ishte etapa më formuese në karrierën time. Unë vuaj me këtë klub, kam keqardhmje të madhe për ecurinë e këtij sezoni. Uroj që të evitojnë rënien nga kategoria”.

Veset: “Spontaniteti im. Papritur rezervoj një udhëtim dhe fluturoj larg. Ose vizitoj mamanë time pa e planifikuar”.

Menuja: “Më pëlqen të ha qebapë. I adhuroj dhe kam gjetur një restorant në Hamburg ku i i gatuajnë shumë mirë”.

Ekipi kombëtar: “Është nderi më i madh që kam marrë në jetën time, në aspektin sportiv”.

Sakrifica: “Unë rrezikoj shumë për të mbështetur ata që kanë nevojë. Largohem nga zona ime e sigurisë, por më pëlqen ta bëj një gjë të tillë”.

Papadopoulos: “Një alamet mbrojtësi, i cili nuk ka frikë dhe nuk u fshihet as më të mëdhenjve”.

Tmerri: “Testi i laktatit, ku vlerësohet prania e acidit laktik në trup. Një analizë dreqi që më tremb shumë. Edhe kur jam me pushime, rri e mendoj rreth këtij testi”.

Finale për mbijetesë: “E kam provuar me Grojter Fyrtin kundër Hamburgut në vitin 2014. Gëzimi i Hamburgut që nuk ra nga kategoria ishte më i madh se dëshpërimi ynë që nuk ia dolëm mbanë”.

Shalke: “Kundërshtari ynë i radhës. Një klub i madh. Si një fe për tifozët atje”.

Talenti: “Jam shumë, shumë kritik ndaj vetes. Nuk më pëlqejnë lëvdatat, që kur isha fëmijë”.

Bamirësia: “E shoh ndihmën ndaj atyre që kanë nevojë si një detyrim. Kam shumë gjëra për të dhënë. Kjo është mënyra ime për të thënë faleminderit”.

Teknologjia VAR: “Krejt e panevojshme. Më shumë një mallkim, sesa një bekim”.

Krishtlindja: “Ka shumë kuptim për shumëkënd. Një festë e këndshme familjare”.

Granit Xhaka: “Bashkëkombësi im Granit Xhaka është një person fantastik dhe një shembull për rininë shqiptare”.

Y: “Shkronja e parafundit e alfabetit”.

Z si zero: “Detyra ime parësore në fushë, ta mbyllimme zero, pa pësuar gol”.

Ky i fundit e urdhëroi Mavrajn të stërvitet me ekipin B ditët e fundit dhe e uli në stol sot, në humbjen 2-0 në Hanovër (golat nga Harnik e Bebu në pjesën e dytë). Ishte humbja e dytë rresht për Hamburgun, që po kthehet skuadra plot luhatje dhe kriza e sezoneve të shkuar, pas startit me dy fitore rresht.

Nuk kuptohet pse Gisdol po e përjashton Mavrajn, por mes tyre do të zhvillohet edhe një takim kokë më kokë, për të sqaruar disa gjëra, pasi me sa duket trajneri nuk i pranon në asnjë mënyrë kartonët e kuq dhe gabimet e një lojtari lider në skuadër si Mavraj.

Sipas Mavrajt, këtë sezon gjërat po shkojnë mbarë dhe Hamburgu po luan shumë mirë, pavarësisht nga humbja në ndeshjen e fundit kundër RB Lajpcigut.

“Tani jemi më stabël, nuk kalojmë më nga ndeshje të shkëlqyera në disfata zhgënjyese. Edhe në humbjen 2-0 përballë Lajpcig, si skuadër u paraqitëm mirë. Sigurisht që do të ketë edhe ulje-ngritje, por objektivi jonë do të jetë që të kemi sa më pak zhgënjime. Unë shoh një skuadër e cila në fushë punon shumë, shumë mirë. Nuk e lëmë veten të dalim nga rruga që kemi nisur dhe faktorët e jashtëm tani nuk luajnë më një rol të madh. Kemi mungesa të rëndësishme, por skuadra ka treguar në të shkuarën se i përballon mirë këto probleme. Është një mundësi e madhe për ata që nuk luajnë rregullisht, çdo lojtar ka shansin e vet”.

Mavraj flet edhe për kombëtaren shqiptare, që nuk ia doli mbanë të kualifikohej për në Kupën e Botës, ku shanset ishin thuajse zero, në një grup me Spanjën e Italinë: “I druheshim diçkaje të tillë. Grupi me Italinë dhe Spanjën ishte brutal. Ndonëse shpresonim për më shumë, jemi të kënaqur me vendin e tretë në grup. Ky është një sukses i jashtëzakonshëm për vendin tonë dhe më i rëndësishëm se kualifikimi për njerëzit tanë ishte që të renditeshim para Maqedonisë. E arritëm këtë gjë. Por, do të më pëlqente shumë që të luaja në Euro 2020”.

Debutim sezonal në Osnabruk, rival i divizionit të tretë, ende pa fitore pas 4 ndeshje të para të sezonit të ri.

Kthesa e pabesueshme erdhi sot, triumf 3-1 ndaj Hamburgut, që bëri të pamundurën për të mos fituar.

Osnabryku mbeti me 10 lojtarë që në fillim të ndeshjes, por nuk ndryshoi asgje. Sulmi i Hamburgut inekzistent, fantazia dhe shpejtësia zero, rivali u mbrojt shkëlqyeshëm dhe shfrytëzoi mjaft mirë rastet e pakta, në një ndeshje ku Hamburgu pati thuajse 80% zotërim topi.

Mërgim Mavraj ishte titullar, së bashku me Papadhopulos në qendër, por të dy dolën blof në fund të pjesës së parë, kur Sangare i shmangu dhe i dhuroi topin e golit sulmuesit Savran. Në minutat 61 e 71 erdhën edhe dy gola të tjerë vendas, ndërsa amerikani Ud shënoi nga pika e bardhë një gol pa vlerë për Hamburgun në minutën e 73-të.