Prej pesë muajsh Mavididi aktivizohet në Serie C me ekipin B të Juventusit që këtë vit është inkuadruar për herë të parë në strukturën e futbollit italian.

Mavididi ka spikatur shpesh në këtë skuadër, por goli i fundit që ai realizoi ndaj Sienës është i vështirë për t’u përshkruar me fjalë. 20-vjeçari mori topin pak metra mbi mesin e fushës dhe më pas arriti të driblonte me sukses katër lojtarë dhe e çoi punën deri në fund duke çuar topin drejt rrjetës.

Ndoshta kjo paraqitje e mirë e tij mund të tërheqë vëmendjen e Alegrit, që në pjesën e mbetur për të sezonit mund t’i japë një shans në Serie A, duke qenë se gara e titullit ka mbaruar me kohë dhe vetëm matematika po mban peng fillimin e festës së titullit i tetë radhazi.

Një fakt tjetër interesant është se rol kyç në këtë transfertë ka luajtur dhe agjenti shqiptar Nusret Jashari, i cili ishte dhe personi që “orkestroi” dhe transferimin e Shkodran Mustafit nga Sampdoria tek Valencia e më pas nga spanjollët tek Arsenali dy vite më parë.

Mavididi është një talent interesant, i cili ka qenë për vite më radhë pjesë e grumbullimeve të moshave të “Tri Luanëve”, te Juventusi ai pritet të marrë minuta të rregullta te ekipi B, që këtë vit militon për herë të parë në Serie C.