Në lidhje me mundësinë e transferimit të Ikardit në Torino nuk mund të shpëtonte pa u pyetur një nga legjendat e trajnimit italian e botëror, Arrigo Saki. Ai mendon se ardhja e Ikardit në Torino do të shtonte problemet dhe do e fuste Sarrin në telashe. Gjithashtu do të mbulonte hapësirat e Kristiano Ronaldos në fushë.

“Ikardi është një specialist në rolin e tij, por te Juve i do i duhet të luftojë brenda konceptit të futbollit total. Përveç kësaj, ai do të zërë shumë hapësira që lihen të lira për Ronaldon në mënyrë që të thyejë linjat për të hyrë në zonë. Sarri është një trajner i madh me aftësi të mrekullueshme për t’i mësuar lojtarëve gjëra të reja. Megjithatë, pyes veten se përse ai dëshiron të krijojë më shumë probleme”, deklaroi ish-strategu.

“Xheko dhe Lukaku janë dy lojtarë të shkëlqyer. I kam vlerësuar gjithmonë ata dhe janë shumë të mirë për skemat e Kontes. Janë të kompletuar, por midis tyre dhe Ikardit, unë do të zgjidhja këtë të fundit. Është një futbollist i pabesueshëm dhe më vjen shumë keq që e shoh atë në merkato”, deklaroi Maxola.

Duhet të themi se ai është një nga legjendat zikaltër të viteve ‘60. 76-vjeçari ka luajtuar si sulmues dhe si mesfushor i avancuar. Gjithë karrierën e tij ja ka kushtuar klubit nga Milano. Në 417 ndeshje regjistron 116 gola.

Belgu ka treguar vazhdimisht paqëndrueshmëri në sjelljen e tij jashtë fushe. Futbollin nuk e konsideron si aktivitetin kryesor dhe nuk heziton aspak “të shijojë” jetën duke pirë dhe kaluar netë të zjarrta nëpër klube natë. Ndërkohë, çështja Ikardi dihet dhe është bërë virale tashmë. Argjentinasi i ka prishur prej kohësh marrëdhëniet me klubin dhe Marota shprehet se ai është në merkato.

“Duhet të tregohemi që pastër dhe transparentë. Ikardi dhe Naingolan janë lojtarë të përsosur, por kjo nuk mjafton për projektin tonë. E them me transparencë dhe me respekt se Ikardi është në merkato, gjithmonë duke respektuar marrëveshjen kontraktuale”, foli hapur Marota.

“Xheko dhe Lukaku janë dy sulmues shumë të mirë, por them se Ikardi është më i mirë se ata. Çështja Ikardi është më delikate se çdo gjë tjetër. Personalisht nuk interesohem për sjelljen e lojtarit në mediet sociale. E gjykoj atë në stërvitje dhe në fushë.”

“Nëse shkon te Juventus, atëherë ata bëhen një skuadër ‘super’. Juve e nis sezonin si favorite e pas saj janë Napoli e Inter. Zikaltrit kanë formuar një mbrojtje që është konkuruese edhe në Champions”, përfunoi Morati.

“Ikardi? Jo tani. E kemi ndjekur situatën e tij tre vite më parë. Tani kolegët e mi më thonë se Interi më kërkon mua të çmontoj skuadrën dhe se zikaltrit kanë kërkuar lojtarët tanë më të mirë. Por nuk kam ndërmend t’i shes ato. Insinje? Ai është një futbollist që mund të luajë në çdo ekip të madh evropian.”

“Për momentin është në Napoli dhe jemi të gëzuar. Kampionët tanë nuk janë në shitje. Kjo do të ndodhte vetëm nëse ne do të merrnim një lojtar më të fortë. Shumë njerëz flasin, por gjërat janë siç po ju them unë”, u shpreh presidenti napolitan.

Trajneri Spaleti tha para një jave se sulmuesi do të rikthehej të hënën ose të martën në stërvitje, por kjo gjë nuk ka ndodhur. “Sky Sports” raporton se sulmuesi nuk do të dalë në stërvitje as ditën e sotme.

Mungesa e Ikardit ka ndikuar në rezultatet e skuadrës zikaltër. Që prej vendimit për t’i hequr shiritin e kapitenit, skuadra e Interit ka arritur vetëm një fitore në tri takime të Serie A.

NDESHJA – “Mesa po shoh, jemi një ekip me shumë koklavitje. Nuk jemi të njëjta nga ndeshje në ndeshje ose gjatë periudhave të caktuara. Na ndodh që të bëjmë lojëra të një niveli shumë të lartë, ndërsa ndeshjen tjetër zhytemi krejtësisht. Nuk po arrijmë të jemi konstant me futbollin që duam të luajmë”.

ARBITRAT – “Po ka pasur disa probleme si ato që ndodhën në ndeshjen me Fiorentinën. Këto gjëra mund të ulin besimn te lojtarët, por nëse vesh këtë fanellë duhet të dish të përballosh situata të tilla”.

IKARDI – “E kam thënë gjithmonë se mënyra më e mirë për të treguar se e dashuron Interin është që të futesh në fushë. E përsëris, po presim që gjërat të qartësohen. Atij i duhet dhe një javë që të mbarojë planin e riaftësimit, që pritet t’i japë fund dhimbjes që ai po ndjen në gju. Pasi të mbarojë trajtimi ai dhe i dëmtuari tjetër Keita do të rikthehen në fushë”.

Më pas Spaleti u pyet nga paneli i “Sky Sports” se përse Ikardi nuk shtrëngon dot dhëmbët dhe të luajë me dhimbje siç kishte deklaruar në një letër të pak ditëve më parë. Kjo pyetje e acaroi teknikun toskan, i cili u përgjigj: Përse më pyesni ndryshe për Ikardin dhe ndryshe për Keitan. Përse nuk pyesni kur do të rikthehet Keita. Ju po sugjeroni se ka diçka që nuk shkon në sjelljen e tij, prandaj bëni këto lloj pyetjesh. Nëse nuk jeni të bindur, ky është problemi juaj”.

RANOKIA SULMUES – “Ai zëvendësim kishte të bënte me lojën që po zhvillonte Kaljari në pesë minutat e fundit. Në ato lloj rrethanash ishte e kotë të fusja një lojtar të shpejtë. Na duhej një lojtar i gjatë që shfrytëzonte me kokë harkimet e tona”, përfundoi trajneri i Interit.

Sipas medieve italiane klubi oferta maksimale e klubit ka qenë 7.5 milionë euro në sezon, pagë kjo që do ta rendiste atë të dytin në renditjen e lojtarëve më të paguar në kampionatin italian, pas Kristiano Ronaldos.

“Eurosport” ka bërë një renditje të lojtarëve më të paguar të në Serie dhe me pagën aktuale, Ikardi renditet në vendin e pestë. Fakt tjetër interesant i kësaj liste është  në shtatë vendet e para Juventuesi ka një supremaci të frikshme me gjashtë lojtarë.

Lojtari  |  Paga vjetore (pas taksimit)

1.Kristiano Ronaldo – 31 milionë €
2.Paolo Dibala – 7 milionë €
3.Miralem Pjaniç – 6.5 milionë €
4.Xhanluixhi Donaruma – 6 milionë €
5.Duglas Kosta – 6 milionë €
6.Leonardo Bonuçi – 5.5 milionë €
7.Emre Çan – 5 milionë €
8.Lorenco Insinje – 4.6 milionë €
9.Mauro Ikardi – 4.5 milionë €

Mesa duket “lufta” midis klubit dhe lojtarit do të vazhdojë, pasi asnjëra palë nuk po pranon “të hapë rrugë”. Në letrën e tij Ikardi bën apel që të merret një vendim për ta zgjidhur këtë situatë për të mirën e Interit.

LETRA E IKARDIT

“Është në kohët më të vështira ku dashuria e vërtetë tregohet. Në ato momente vendosa që të qëndroj tek Interi me Interin. Kur mendova se me objektivat e mi mund ta forcoja Interin. “

“Pavarësisht të gjithë vështirësve vendosa të qëndroj. Për dashurinë që kam për këto ngjyra kam refuzuar oferta që lojtarë të tjetë do ta kishin shumë të vështirë t’i thoshin jo”.

“Kam luajtur me dhimbje që më kanë bërë të lotoj në fund të ndeshjes dhe për ditë me radhë më pas, por përherë jam përpjekur të harroj çdo dhimbje për objektivin e vetëm për të dhënë gjithçka për këto ngjyra, për dashurinë që kam për ngjyrën zikaltër, pasi për mua ekziston vetëm Interi”.

“U kam mësuar fëmijëve të mi se gjithmonë duhet të shpresojnë. U kam mësuar se është e vështirë të fitosh, por ta bësh këtë me Interin ka një kuptim të veçantë, që vetëm një interist i vërtetë mund ta kuptojë dhe ndjejë. Sytë e fëmijëve të mi nuk gënjejnë”.

“Realizova ëndrrën time, realizova ëndrrën e  të gjithë ne interistëve, rikthimin në Champions League duke qenë kapiten i skuadrës. Gjithmonë kam qenë kundër atyre që kanë tentuar të ikin nga skuadra në rastin e parë që iu është dhënë. Kam respektuar tifozët, shokët e skuadrës, klubin dhe të gjithë trajnerët që kanë ardhur e ikur gjatë kohës sime këtu”.

“Kam bashkëpunuar me klubin, brenda dhe jashtë fushës. Kurdoherë që ka ardhur një lojtar i ri, u kam treguar se vetëm me pasion mund të arrijmë objektivat tanë”.

“Çdo sakrificë që kam bërë ka qenë për shkak të dashurisë për këto ngjyra dhe gjatë të gjithë kohës kam treguar respekt. Nuk e di, nëse kësaj radhe ka dashuri dhe respekt ndaj Interit dhe meje nga ana e atyre që marrin vendimet. Nuk e di a ka dëshirë nga dikush që të veprojë dhe t’i rregullojë gjërat vetëm e vetëm për hir të Interit”.

“Shumë gjëra mund të ndodhin në një familje, qofshin të këqija ose të mira. Në emër të dashurisë njeriut i duhet të bëjë shumë gjëra, por respekti s’duhet të mungojë. Këto janë vlerat e mira për të cilat kam luftuar gjithmonë gjatë historisë sime tek Interi”.

Sulmuesi zikaltër nuk luan me Interin që prej datës 9 shkurt dhe pritet që mungesa e tij të vazhdojë edhe për disa javë. Gjithsesi Argjentina e ka luksin ta lërë jashtë Ikardin, pasi sulmuesit cilësorë janë me bollëk për kombëtaren amerikano-latine.

Në mars mund të kthehet edhe Linoel Mesi, ndaj mungesa e Ikardit as që të ndihet. Gjithsesi për sulmuesin me rëndësi është të mësohet realisht shkalla e dëmtimit, pasi mediat italiane kanë raportuar edhe për nevojën e një ndërhyrjeje në gju, që do e linte jashtë fushave të blerta për rreth dy muaj.

“Mauro Ikardi i është nënshtruar një rezonance magnetike sot në mëngjes për shkak të dhimbjeve në pjesën e përparme të gjurit të djathtë. Kontrollet mjekësore nuk zbuluan ndonjë ndryshim të madh krahasuar me kontrollet e mëparshme të bëra në fillim të sezonit”, shkruhet në qëndrimin e Interit.

Ndërkohë në lidhje e sulmuesin ka folur edhe trajneri Luçiano Spaleti dhe mesfushori Antonio Kandreva. Ky i fundit, shkurtimisht tha para mediave: “E dimë që Ikardi është shumë i zhgënjyer për këtë situatë, por ai kujdeset për ne, këtë ekip dhe për tifozët. E presim krahëhapur kur të jetë rikuperuar 100%”.

“Në lidhje me këtë histori, nuk dua të përsërit veten apo të jem antipatik. Kemi një ndeshje të rëndësishme dhe ata që kanë luajtur pak kanë një shans për të treguar vlerat. Mauron e kam parë gjithmonë duke qeshur, tani po merr veten nga një dëmtim. Po e presim. Stafi mjekësor, bazuar në gjendjen e tij, do hartoje një program për rikuperimin”, tha Spaleti.

IKARDI DHE LAUTARO MARTINEZ – “E kam thënë shumë herë që ata të dy  janë sulmues shumë të ngjashëm, por si të gjithë lojtarët e mirë mund të punojnë së bashku. Njëri është më i mirë afër zonës së rreptësisë, ndërsa tjetri mund të luajë dhe në krah. Lautaro duhet të tregojë të njëjtën rrezikshmëri kur është në kontakt me topin. Në këtë kohë që nuk kemi pasur Ikardin ka qenë një mungesë e rëndë për ne dhe do të vazhdojë të jetë e tillë deri kur të rikthehet”.

Golat vijnë vetëm nga Ikardi – “Ai është lojtari që ka më shumë minuta nga të gjithë dhe që ka për detyrë shënimin e golave. Jam dakord që golat duhet të vijnë dhe nga pjesa tjetër e skuadrës”.

Rinovimi i Ikardit? – “Nuk po merremi me këtë çështje. Çdokush në skuadër shikon punën  e tij. Nuk më shqetësojnë lajmet, mjafton që sjellja të jetë korrekte.

Krahasimet me sezonin e shkuar – “Vjet kishim më shumë pikë se këtë sezon, por loja e skuadrës nuk ishte e të njëjtit nivel, më pas pësuam një rënie në muajt e tjetë. Këtë vit kemi një strategji më të mirë dhe më pëlqen mënyra si administrojmë lojën”.

Merkato – “Për këtë duhet të pyesni zyrtarët e klubit. Të shikojmë ç’mundësi mund të na dalin”.

Kampionati – “Skuadra jonë është rritur, por e njëjta gjë ka ndodhur dhe me ekipet e tjera të kampionatit, diçka kjo e pritshme. Ka një garë shumë të fortë për vendin e katërt, ndërsa Juventusi ka zgjeruar hendekun”.

Juventus u shpall ekipi më i mirë i kampionatit, ndërsa Maks Alegri fitoi çmimin e trajnerit më të mirë. “Falënderoj djemtë, jemi një grup spektakolar. Ronaldo ka sjellë më shumë konkurrencë, por ai është gjithashtu një djalë shumë i përulur”, u shpreh trajneri i bardhezinjve.

Gjatë ceremonisë u përcaktua dhe formacioni më i mirë i sezonit të kaluar. Në portë u zgjodh Alison (ishte pjesë e Romës, ndërsa tashmë luan me Liverpulin). Në mbrojtje Kulibali dhe Kielini në qendër, ndërsa nga krahët u zgjodhën Aleks Sandro dhe Kanselo. Pjaniç, Milinkoviç-Saviç dhe Naingolan ishin treshja më e mirë e mesfushës, ndërsa sulmi përbëhej nga Ikardi, Imobile dhe Dibala.

Lojtari më i mirë i sezonit u shpall Mauro Ikardi. Sulmuesi i Interit fitoi dhe çmimin e golit më të bukur, duke triumfuar me golin me finte kundër Sampdorias (18 mars, 2018). Nga arbitrat u vlerësua Xhanluka Roki, i cili u nderua me statujën e simbolit të Aic.

Dy legjenda dhe kampionë bote me Italinë në 2006, respektivisht Françesko Toti dhe Andrea Pirlo u nderuan me çmimin e karrierës. Çmimin e lojtarit të ri më të mirë e fitoi Sandro Toneli i Breshias, ndërsa Alia Guanji e Fiorentinës u shpall futbollistja më e mirë.

“Sigurisht që nuk do ta harroj asnjëherë: ‘Këpuca e Artë 2017/2018’. Nuk doja ta kujtoja i vetëm, sepse do të ishte e pamundur ta realizoja pa juve”, ishte komenti i sulmuesit në faqen zyrtare në “Twitter”.

Orat luksoze u janë dhuruar të gjithë futbollistëve, të cilët ishin të grumbulluar për ndeshjen vendimtare në Londër. Por, nëpërmjet “Instagram Stories”, Mautiro qetësoi edhe shokët e ekipit që nuk luajnë në Champions (Zhoao Mario, Dalbert dhe Galjardini), apo ata që janë larguar nga skuadra (Lisandro Lopez, Nagatomo, Pinamonti, Eder, Karamoh, Santon, Rafinja e Kanselo).

Në total, kapiteni i Interit porosi plotë 34 orë të markës “Rolex”. Vlera e secilit prej aksesorëve luksozë përllogaritet në 5,000 euro. Në total, 170 mijë euro të shpenzuara nga Ikardi, i cili tregoi se realisht ka një zemër të artë.

Në një prononcim për “Ole”, Ikardi tregon emocionet e golit të parë me Argjentinën dhe frymën e qetë dhe pozitive që mbizotëron tek Argjentina. Skaloni dhe ndihmësit e tij po bëjnë një punë të madhe dhe po tregohen të aftë për të menaxhuar situatën.

Sulmuesi dhe kapiteni i Interit ndalet dhe te Leo Mesi, duke shpresuar që ylli i Barcelonës të rikthehet sa më shpejt në kombëtare.

“Goli më mungonte, po e prisja dhe jam shumë i lumtur. Për një sulmues nuk është e thjeshtë të qëndrosh pa shënuar, krijohen polemika dhe fliten shumë fjalë, por shpresoj të vazhdoj kështu. Jemi, me të vërtetë, një grup shumë i mirë. Mund të rritemi akoma dhe jemi të lumtur me punën e Skalonit, Samuelit dhe Aimarit. Të ardhmen e tyre e vendos Federata, por mund të them që në kombëtare ekziston një klimë, që nuk e kam parë më parë.”

“Ndihemi të gjithë rehat dhe është krijuar diçka e rëndësishme dhe shumë e bukur. Unë kam përjetuar dhe menaxhimin e mëparshëm, por nuk e kam parë miqësinë dhe bashkimin që është tani mes nesh. Të gjithë duan më të mirën dhe të përfaqësosh vendin tënd është një gjëja më e bukur. Mesi? Ai është më i miri në botë dhe të gjithë shpresojmë që të rikthehet me ne, sidomos duke patur parasysh që nis Kupa e Amerikës”, përfundon Mauro Ikardi.

Mauro Ikardi ishte një mes lojtarëve, të cilët qëndruan pushim në kampionat për të qenë të freskët në ndeshjen e sotme në mbrëmje kundër ekipit katalanas. Sulmuesi dhe kapiteni i zikaltërve po kalon një formë fantastike, me gjashtë gola të shënuar në kampionat, një më pak se Kristiano Ronaldo dhe tre më pak se kryesuesi Piatek i Xhenoas, dhe dy në Champions.

Vanda Nara, bashkëshortja e Ikardit ka folur për “Tiki Taka”, duke marrë në mbrojtje interistin dhe duke “thumbuar” yllin e Juventusit, Kristiano Ronaldon.

“Mauro nuk ka luajtur tre ndeshje, ka shënuar gjashtë gola dhe është aty aty me Kristiano Ronaldon. Do të doja të shihja Kristianon te Juventusi, duke qëndruar i qetë n stol, ndërkohë që skuadra e tij shënon pesë gola dhe ai mund të shënonte tre të tillë”, “thumbon” gruaja dhe njëkohësisht menaxherja e kapitenit të Interit.

Gabriel Batistuta, golashënuesi i dytë më i mirë i historisë së Argjentinës me 54 gola në 77 ndeshje, i cili u kalua në vitin 2016 nga Leo Mesi, ka folur për “Sky Sport mbi situatën e repartit ofensiv të kombëtares “Albiceleste”.

Batigol ka një respekt të madh për Gonzalo Higuain, por sulmuesi i Milanit e ka mbyllur epokën e tij tek Argjentina dhe e ardhmja janë: Ikardi, Dibala dhe Simeone.

“E kam të vështirë të zgjedh. Higuain ka qenë gjithmonë i preferuari im, por ka luajtur 3 Kupa Bote me Argjentinën dhe i ka patur shanset e tij. Tani mendoj se është radha e Ikardit, i cili mund të përmirësohet ende. Mauro, Dibala, Simeone janë djem seriozë me dëshirë për t’u përmirësuar dhe besoj se janë e ardhmja e kombëtares. Pipita e ka dhënë çfarë kishte për të dhënë”, përfundon legjenda e Fiorentinës.

Antonio Kasano njihet për batutat e tij dhe nuk përton kurrë të shprehë mendimin e tij. Ai ka “sulmuar” Mauro Ikardin, sulmuesin dhe kapitenin e Interit. Argjentinasi po “shkëlqen” sot, por para disa vitesh, ai nuk do të kishte asnjë shans të luante në Serinë A dhe tek ekipi i Interit.

“Niveli i sotëm i Serisë A është modest. Në vitin 1999, Ikardi nuk do të kishte shanse të luante me Interin. Kur them që niveli i Serisë A është modest, nuk dua të tregohem ‘snob’, por është mendimi im. Nëse Ikardi do të ishte pjesë e Interit dhe do të kishte përpara Ronaldon dhe Vierin, mendoni se do të kishte luajtur?”, përfundon Antonio Kasano.

Goli i gjashtë në kampionat për argjentinasin dhe fitorja e gjashtë rresht për Interin. Një gjë e tillë ka dërguar tifozët e Interit në ekstazë, por jo vetëm. Vanda Nara, njëkohësisht gruaja dhe menaxherja e sulmuesit, ka festuar në mënyrë të shfrenuar gjatë dygolëshit të mbrëmshëm.

E ftuar në emisionin “Tiki Taka”, bukuroshja është “çmendur” nga gëzimi dhe në golin e dytë të 25-vjeçarit, ajo ka shkuar drejt Xhampiero Muginit, i cili është një tifoz i thekur i Juventusit. Gjithçka ka ndodhur prapa skenave dhe emocioni i shënimit të një goli është gjithmonë i vështirë për t’u kontrolluar. Aq më shumë, kur ai që shënon është burri yt.

? Ieri sera nel backstage di @Tikitakaita1
?? @wandaicardi27 scatenatissima esulta per i gol di #Icardi e #Brozovic
?? Cuore Pazza Inter!
?? Il video completo qui <https://t.co/xVnb8wQULr> pic.twitter.com/kNoxdrh0ND

— SportMediaset.it (@Sport_Mediaset) October 30, 2018

Fitorja e gjashtë rresht në kampionat për Interin, ndërkohë që fitorja e fundit i ka lumturuar të gjithë, duke filluar nga presidenti Zhang, trajneri Spaleti dhe kapiteni Ikardi.

ZHANG – “Jo vetëm që më pëlqeu fitorja, por dhe performanca e ekipit. Më ka befasuar qetësia dhe personaliteti i skuadrës. Vinim nga një humbje përballë Barcelonës, por gjithsesi është vënë re përmirësimi. Këto janë sinjale të rëndësishme dhe shpresoj që këto emocione t’i përjetojmë në çdo stadium. Komplimente skuadrës dhe trajnerit.”

SPALETI – “Nuk duhet të mendojmë që jemi ekipi anti-Juventus. Duhet të mendojmë në fillim për vetën tonë dhe duhet të jemi anti-vetja. De Vrij? Ai nuk luajti, sepse nuk ishte nevoja ta vinim në kushtet që të fishkëllehej nga i gjithë stadiumi. Ndoshta, duke marrë parasysh emocionalitetin dhe ndjeshmërinë e lojtarit, ai do të rrezikonte të gabonte më tepër se një top. Zhoao Mario? Sipas mendimit tim, ai luajti mirë në pjesën e parë, ndërsa më pas vuajti. Ideja jonë ishte të bënim një ndryshim me Borja Valeron, por ndihet mungesa e minutave në këmbët e portugezit. Brozoviç? Ai ka një busull në këmbët e tij dhe e njeh futbollin. Duhet të qarkullojë topin, duke i vënë në vështirësi kundërshtarët dhe kështu bëhet një lojtar thelbësor. Ka personalitetin e një lojtari të fortë. Çelësi për ta rritur ishte pasimi i topit drejt mbrojtjes dhe Miranda e Shkriniar e ndihmuan shumë.”

IKARDI – “Ndodhemi në një moment të mrekullueshëm dhe gjërat po shkojnë mirë për ne. Momenti im i mirë është momenti i mirë i skuadrës. Nuk jemi skuadra anti-Juve, na mungon akoma diçka, por jemi të kënaqur me atë që po bëjmë. Skuadra po rritet dhe punojmë për t’u përmirësuar.”

Drejtuesit po mendojnë të ndërhyjnë në merkato dhe Mauricio Sarri ka dy preferenca. Bëhet fjalë për Mauro Ikardin dhe Patrik Kutronen. Italiani i “Bluve të Londrës” i pëlqen shumë të dy lojtarët dhe i ka kërkuar drejtuesve të nisin tratativat.

Kapiteni i Interit është i pari në listë, por do të jetë shumë e vështirë, ose pothuajse e pamundur, të arrihet blerja e tij në janar. Një situatë e ngjashme dhe për talentin e Milanit, i cili sapo ka rinovuar kontratën e tij me kuqezinjtë. Situata e 19-vjeçarit të Milanit është më e thjeshtë sa i përket aspektit financiar, por të dy tratativat do të jenë të komplikuara.

Çelsi është gati të nisë ofensivën e tij, ndërsa të dy sulmuesit do të tentojnë të lënë shenjën e tyre në ndeshjen e qytetit, me Sarrin që shpreson që njëri prej tyre të transferohet në Londër.

Kalendari i ekipit është i tmerrshëm, pasi tre ditë pas Milanit, vjen ndeshja me Barcelonën dhe pastaj Lacio. Sulmuesi argjentinas dëshiron t’i marrë ndeshjet me radhë, ndërsa nuk kursen fjalët e mira për Naingolan dhe Lautaro Martinez. Në fund, 25-vjeçari zbulon objektivin dhe ëndrrën e tij me ekipin e Interit.

QËNDRIMI – “Jam i lumtur që kam qëndruar këtu. Jam i lidhur me skuadrën, kam patur kontakte me klube të tjera, mund të largohesha, por zgjodha të qëndroj për veten time dhe familjen time. Këtu ndihem si në shtëpi dhe nuk mund të largohesha, Ëndërroja të luaja në Champions me Interin dhe nuk mund të largohesha, pasi e arritëm objektivin. Rinovimi? Nuk e di nëse do të vijë përpara Krishtlindjeve, por do të përpiqemi të gjejmë një marrëveshje.”

DERBI – “Ka pak tension. Vijmë nga një periudhë shumë e mirë dhe nuk donim të ndalej kampionati. Megjithatë, jemi në gjendje të përballemi në mënyrën më të mirë në derbi. E dimë që është ndeshje e qytetit dhe ajo që tifozët mezi presin. Kjo ndeshje vlen tre pikë, por gjëja më e rëndësishme është të luajmë një ndeshje të madhe për t’i dhënë vazhdimësi asaj çka kemi bërë.”

KUNDËRSHTARI – “Milan ka lojtarë të mëdhenj me eksperiencë në Serie A. Nëse do kisha mundësinë t’i hiqja një lojtar Gatuzos, do të zgjidhja Higuain. Ai shënon gola, po bën diferencën këtë vit dhe është një lojtar, i cili i mungonte Milanit prej kohësh. Nuk ka rivalitet midis nesh, ai është një sulmues i madh, ka zhvilluar një karrierë të madhe dhe ka shënuar shumë gol anë Spanjë dhe Itali.”

GOLASHËNUESI MË I MIRË – “Dua të jap kontributin tim duke shënuar gola. Vështirë ta thuash se kush do të shpallet golashënuesi më i mirë, të shohim në maj se kush ka shënuar më shumë gola midis meje, Higuain dhe Kristiano Ronaldos.”

KALENDARI – “Pas derbit përballemi me Barcelonën dhe Lacion. Janë ndeshje shumë të vështira, por jemi në gjendje të përballemi dhe të zhvillojmë ndeshje të mëdha. Nëse bëjmë mirë në këto ndeshje, do të na japë një dorë të mirë për të ardhmen e sezonit. Do luajmë për fitore kundër Milanit dhe Barcelonës. Kjo është puna jonë dhe duam t’u japim kënaqësi tifozëve tanë.”

EKIPI – “Ne kemi një ekip të shkëlqyer, kemi lojtarë të mëdhenj, po rritemi dhe blerjet e reja janë përshtatur mirë. Juventus e fiton kampionatin prej vitesh, janë përforcuar, kanë një bazë solide prej vitesh dhe kjo është forca e tyre.”

STILI I LOJËS – “Gjithmonë përpiqem të përmirësohem dhe të ndihmoj shokët e skuadrës. Punoj çdo ditë në stërvitje për të mirën e skuadrës, por kontributi im thelbësor është shënimi i golave. Luaj në Serie A prej 7-8 vitesh, kam luajtur gjithmonë kështu dhe nuk do të ndryshojë mënyra ime e të menduarit. I dëgjoj kritikat, marr pjesët që më ndihmojnë, por Ikardi që njihni do të mbetet gjithmonë i tillë.”

MARTINEZ – “Aktivizimi i tij është në dorë të trajnerit. Lautaro ndihet mirë, e kam ndihmuar dhe do të bëjmë mirë, nëse luajmë së bashku. Ai është i ri, ka kualitet, por ka dhe eksperiencë, sepse ka luajtur shumë në Argjentinë.”

NAINGOLAN – “Ndihemi mirë bashkë. Raxha është një mesfushor me cilësi dhe është më e thjeshtë të luash me lojtarë të këtij niveli. Ai i ka treguar vlerat e veta gjatë gjithë karrierës dhe sigurisht që do të përmirësohet ndeshje pas ndeshje.”

BARCELONA – “Nuk mendoj për ndeshjen me Barçën, është derbi dhe jam i përqendruar te Milani. Në Champions kemi bërë një nisje fantastike. Dy fitore në dy ndeshjet e para janë një avantazh i mirë për t’u përballur hapur me Barcelonën. Jemi një ekip i fortë dhe mund t’i bëjmë keq çdo skuadre. Duhet të jemi në kushtet më të mira para sfidës, edhe pse luajmë tre ditë pas derbit.”

ËNDRRA – “Është një ëndërr të përsërisim atë çfarë bëri Inter në vitin 2010, por nuk është një gjë që na kalon nëpër mendje. E dimë që duhet të bëjmë gjithmonë mirë dhe nëse ia dalim, do të shpërblehemi. Kështu ka ndodhur dhe në 2010, nuk mendoj se ai ekip kërkonte fitimin e tripletës, por bënë mirë dhe arritën të fitonin gjithçka. Objektivi im është të fitoj trofe me Interin.”

Atmosfera në kampin argjentinas është shumë e mirë dhe kjo shihet në foton e postuar nga Mauro Ikardi. Kapiteni i Interit ka publikuar në faqen e tij një foto, ku shihet e gjithë kombëtarja në një darkë. Stërvitja nuk është periudha e vetme kur lojtarët mund të qëndrojnë së bashku, kështu që ata kanë përfituar të kalojnë disa momente relaksi nën shoqërinë e njëri-tjetrit në restorant.

“Darkë me bandën”, shkruan Ikardi, ndërkohë që humori i lojtarëve të Skalonit është shumë i mirë. Ata janë gati për t’u përballuar dhe fituar me Brazilin dhe një gjë e tillë do të qetësonte ambientin e kombëtares, pas kritikave të shumta të marra në Botërorin e Rusisë.

 

View this post on Instagram

 

Cena con la banda ?? #seleccion #argentina #MI9 ?

A post shared by Mauro Icardi – MI9 (@mauroicardi) on Oct 13, 2018 at 2:26pm PDT

25-vjeçari është rritur shumë si njeri dhe futbollist në Milano dhe ka vetëm falënderime për klubin e tij. Ikardi zbulon shumë nga jeta e tij, duke nisur nga pasionet, përditshmëria, koha e lirë, idhujt që ka patur dhe familja.

“Nuk më pëlqen kur ambienti është i heshtur. Vendos kufjet dhe dëgjoj muzikë për të ndryshuar moralin. Më pëlqen kitara klasike, më ka pëlqyer gjithmonë. Postoj shumë nga jeta private dhe ajo me Interin në rrjetet sociale. Më pëlqen të ndaj me tifozët përditshmërinë time. Babai im është një kuzhinier i madh, më pëlqen të gatuaj, por nuk e bëj shpesh. Më pëlqen mishi i pjekur argjentinas. Në Itali jam mësuar t’i ha shumë makaronat. Nuk kam probleme me ushqimin, më pëlqen të ha gjithçka. Në Afrikë kam provuar dhe krokodilin. Më pëlqen peshkimi, por preferoj të qëndroj në shtëpi me fëmijët e mi. Një gjë e tillë e acaron Vandën, sepse dëshiron që të dalim.”

“Nuk jam një fans, por më pëlqen të shoh shumë TV, sidomos gjatë grumbullimeve me ekipin. Kam katër qen, kam një akuarium gjigant dhe së shpejti do të vendosim aty një peshkaqen. Dhurata e parë që kam marrë për Krishtlindje ishte një biçikletë, që e dëshiroja shumë. Më pëlqen të luaj ‘play-station’ në shtëpi më fëmijët e mi.”

“Dita ime? Çohem në mëngjes, shkoj në stërvitje, rikthehem në shtëpi, dal shëtitje me qentë e mi dhe pastaj kthehem përsëri në shtëpi për të luajtur me fëmijët. Në verë qëndrojmë në pishinë. Preferoj detin dhe nuk kam një raport të mirë me të ftohtin. Më parë më pëlqente Barcelona si qytet, ndërsa Milanos i mungon deti. Preferoj të vizitoj Tokion, është një qytet i bukur dhe Nagatomo më ka folur shumë për të.”

“Largimi nga shtëpia? Fillimi ishte i vështirë, por jam mësuar dhe nuk kam vuajtur shumë. Ndeshjen e parë e kam luajtur në Kanarie, ku mblidhja topat për skuadrën time. I vogël aktivizohesha në të gjitha rolet, madje kam luajtur dhe në portë. Golin e parë nuk e mbaj mend, kam shënuar shumë. Idhulli im ka qenë Gabriel Batitusta, ndërsa më pas ishte Eto te Barcelona. Do të merresha me sport, edhe nëse nuk do të luaja futboll. San Siro është spektakolar. Më pëlqen kur tifozët këndojnë ‘Pazza Amala’. Fëmijët e mi e këndojnë të gjithë dhe e kanë në iPodet e tyre. Është gjithmonë bukur të luash në stadiumin tonë. Interi më ka dhënë shumë, më ka rritur si njeri dhe futbollist. Isha 20 vjeç kur erdha këtu. Falënderoj Interin dhe Milanon për jetën që po bëj“, përfundon Mauro Ikardi.

Sulmuesi i Interit ka qenë i shoqëruar nga gruaja dhe menaxherja e tij, Vanda Nara. I pranishëm në event ka qenë këngëtari i famshëm Robi Uilliams, i cili ka performuar brenda aeroportit të Linates. Çifti ka qenë në rreshtin e parë, të veshur me Armani dhe kanë shijuar performancën e Uilliams.

Ky i fundit ka përshëndetur Ikardin dhe Narën gjatë performancës së tij, siç dallohet në videon e postuar në rrjetet sociale nga Wanda Nara. “Çfarë mbrëmje! Faleminderit Robi Uilliams. Mirë se erdhe në Milano“, ishte komenti i Narës në postimin e bërë. Në fund të eventit, të dy kanë shkëmbyer përqafime dhe me stilistin e famshëm italian, Xhorxho Armani.

Sulmuesi argjentinas u zhbllokua në Champions, ku gjeti golin e parë të sezonit dhe shpreson të vazhdojë me gola dhe paraqitje të mirë në vazhdim. Në fundjavë Inter do të përballet me Sampdorian, skuadrën me të cilën Ikardi aktivizohej përpara se të transferohej tek Inter.

 

View this post on Instagram

 

What a night !!! Thanks @robbiewilliams Benvenuto a Milano !!! #MFW @mauroicardi

A post shared by Wanda nara (@wanda_icardi) on Sep 20, 2018 at 3:38pm PDT

Ikardi – “Për Mauron do të jetë një ndeshje e veçantë, sepse e ndjen shumë bluzën e Interit. Vitin e kaluar, kur askush nuk besonte, ai ishte i bindur që Interi do të kualifikohej në Champions. Ekipi ka nevojë për më tepër kohë dhe pastaj do të shohim një Inter shumë të fortë, sepse ka lojtarë të mëdhenj dhe një trajner shumë të aftë.

Mungesa e golit? Mauro është i qetë dhe ashtu jam dhe unë. Nuk po e përjeton me ankth mungesën e golit, sepse nuk ka luajtur në të gjitha ndeshjet. Mauro do të shënojë, sepse e ka bërë gjithmonë dhe është një gjë që i vjen natyralisht.”

Argjentina – “Nuk shihnim një Argjentinë të tillë prej kohësh. Janë grumbulluar shumë lojtarë të rinj, të cilët sfiduan një Kolumbi të madhe. Një Argjentinë e tillë na bën të ëndërrojmë.”

Ronaldo-Dugllas Kosta – “Ai është një fenomen dhe vlera e tij është e pallogaritshme. Para ndeshjes me Sasuolon kisha dëgjuar që Ronaldo po përjetonte pak ankth, sepse si për çdo sulmues, goli është ai që vlen. Dugllas Kosta? Juventus është një klub serioz dhe nuk bën polemika për episode të tilla. Ata do e gjobisin brazilianin, sepse futbollistët janë një shembull për të gjithë fëmijët. Sipas meje, ai është këshilluar keq, sepse nëse provokimi i Di Françeskos ishte aq i rëndë, atëherë, mund ta shkruante në postimin e bërë dhe të kërkonte falje”, përfundon Vanda Nara.

Në varësi të gjendjes së tij fizike stafi do të vendosë në rast se kapiteni mund ta nisë nga minuta e parë. Në rast se një gjë e tillë nuk ndodh pritet që Keita Balde të jetë në majë të sulmit si në sfidën e fundit ndaj Bolonjës.

Gjithashtu ka pasur zhvillime edhe për kroatin Sime Vërsaljko. Kroati, i cili braktisi fushën ndaj Spanjës vetëm pas 20 minutash për një problem në gju, ka punuar së bashku me bashkëkombësit e tij, Perisiç dhe Brozoviç, të cilët u bashkuan më vonë me grupin.

E rëndësishme është që gjendja e tij nuk shkakton panik. Dita e nesërme, përveç ndonjë surprize të pakëndshme, pritet ta rikthejë në stërvitje normale me ekipin mbrojtësin.

E nisim me sulmuesin argjentinas. Ikardi përfiton një rrogë fikse prej 4.5 milionë eurosh në sezon, ndërsa në fundin e sezonit të kaluar rroga e tij shkoi në 5.3 milionë euro, për shkak të 29 golave të shënuar dhe kualifikimit në Champions.

Interi e vlerëson shumë sulmuesin dhe është gati t’i ofrojë një rinovim kontrate deri në vitin 2023 me një rrogë prej 5-6 milionë eurosh në sezon. Mbetet për t’u diskutuar çështja e shpërblimeve, por nuk ekzistojnë pengesa sa i përket kësaj çështje. Palët janë afër akordit dhe mbeten për t’u përcaktuar detajet e fundit të rinovimit.

Ndryshon situata sa i përket mbrojtësit sllovak. Shkriniar përfiton 1.7 milionë euro në sezon, ndërsa Inter i afron një rritje rroge duke filluar nga sezoni tjetër dhe deri në vitin 2022 dhe rinovim me një vit tjetër. Drejtuesit e klubit i premtuan mbrojtësit një rritje me 50% të shumës aktuale dhe rroga e tij do të shkojë në 2.5 milionë euro në sezon dhe rinovim më një vit, pra deri në vitin 2023.

Megjithatë, 23-vjeçari kërkon një rrogë prej 3 milionë eurosh në sezon. Bisedimet vazhdojnë dhe drejtori sportiv, Piero Auzilio po punon për të arritur marrëveshjet dhe rinovuar sa më shpejt kontratat e dy lojtarëve të rëndësishëm të Spaletit.

Ikardi vs CR7 – “Kur nuk shënon Mauro kthehet në shtëpi i zemëruar dhe në ato raste unë nuk gjendem aty, sepse zhdukem (qesh). Shpresoj që të shënojë më shumë se Kristiano Ronaldo. Futbolli italian duket i thjeshtë për lojtarët e huaj, por fakti që portugezi po vuan për të shënuar është dëshmia që është e kundërta.”

Juventus – “Mund të them që i vetmi kontakt i Ikardit me Juventusin janë 7-të golat që iu ka shënuar. Është normale që kur shënon gola të bie shumë herë telefoni, por zgjedhja e tij ka qenë e qartë që në fillim dhe ne interistët ndihemi krenar për këtë fakt. Nëse të telefonon një president, unë duhet të bëj punën time dhe të përgjigjem, sepse nëse nuk do e bëja, Mauro do të më pushonte nga puna, por është ai që thotë fjalën e fundit. Juventusi e ka kërkuar, por objektivi kryesor ishte Kristiano Ronaldo për të synuar Champions Ligën.”

De Laurentis – “E kam takuar dhe është një njeri i mirë. Ai i bëri një ofertë Interit, por Mauro mori një tjetër vendim.”

Naingolan – “Polemikat nuk kanë të bëjnë me një futbollist si Naingolan. Të gjithë e dinë potencialin e tij dhe të gjitha skuadrat e donin për formacionin e tyre. Jetën private çdokush e menaxhon si të dojë vetë, por e rëndësishme është që në fushë, ai bën atë që duhet.”

Ikardi jashtë Botërorit – “Argjentina ka sulmues të mëdhenj dhe shumica e tyre luajnë me kombëtaren prej vitesh. Për këtë shkak ishte e drejtë të shkonin ata në Rusi. Mauro e dinte dhe ishte i qetë. Sot është një rrugëtim i ri, që bazohet në lojtarë të rinj dhe të shpresojmë që ta shohim në kombëtare që në ndeshjet e ardhshme miqësore.”

Kritikat e Maradonës – “Mauro është përgjigjur gjithmonë me edukatë kundrejt kritikave, sepse ka shumë respekt për Maradonën si futbollist.”

Siç citon “Libertad Digital”, argjentinasi është kthyer në “modë” në Madrid dhe drejtuesit e gjigantëve spanjoll kanë udhëtuar drejt Italisë dhe për momentin ndodhen në Romë. Qëllimi i tyre është akordi me sulmuesin argjentinas. Drejtuesit madrilienë po negociojnë me Vanda Narën, njëkohësisht agjentja dhe gruaja e Ikardit.

Luka Modriç dëshiron kalimin në Milano dhe në Spanjë nuk kanë çfarë bëjnë përballë dëshirës së lojtarit. Reali po mendon të bëjë të njëjtën gjë me Ikardin. Nëse bindet lojtari dhe arrihet akordi me të, ai do i kërkonte largimin Interit dhe duke përfshirë kroatin në tratativë, gjithçka do të ishte më e lehtë për spanjollët.