Mauricio Zamparini

Palaçollëqet e presidentit anormal, Palermo rrezikon shumë

Sport Ekspres — Mon, 29 Apr 2019 17:53:30 +0000

Sezoni i tanishëm i Palermos mund të hidhet në erë për shkak të disa mashtrimeve me bilancet e klubit të bëra nga ish-presidenti Mauricio Zamparini.

Pak muaj më parë biznesmeni italian shiti aksionet e klubit sicilian, por së fundmi prokuroria italiane ka zbuluar disa parregullsi në pasqyrat financiare, të cilat janë kryer për te fshehur situatën alarmante të borxheve të Palermos. Në rast se kjo manovër nuk do të kryhej, me shumë gjasa klubit s’do t’i jepej licenca për të vijuar pjesëmarrjen në Serie B.

Më datë 10 maj pritet të zhvillohet një seancë dëgjimore ku i pranishëm do të jetë Zamparini dhe ish-drejtori i bordit Morosi Anastasio. Në rast se mashtrimi vërtetohet, Palermo mund të dënohet me rrëzim në Serie C.

Ndërkaq, klubi ka dalë së fundmi me një komunikatë për shtyp ka tha theksuar se raportimet e medieve italiane janë të ekzagjeruara dhe se klubi gëzon në situatë financiare të shëndetshme.

Comunicato della Società
?? https://t.co/ZSxvklE8pE pic.twitter.com/bIo8svNfak

— US Città di Palermo (@palermocalcioit) April 29, 2019

Zamparini: Qaj sa herë që Dibala nuk luan, në janar largohet nga Juventus!

Sport Ekspres — Wed, 12 Sep 2018 20:00:43 +0000

Paulo Dibala është aktivizuar për tre sezone me ekipin e Palermos, para se të kalonte te Juventus. Argjentinasi është një idhull në Siçili, ndërsa Mauricio Zamparini është tifozi i tij më i zjarrtë. Presidenti i Palermos komenton situatën e vështirë të 24-vjeçarit, i cili ka përfunduar në stolin e bardhezinjve, si dhe zbulon të ardhmen e Dibala për “RMC Sport”.

“Dibala është një fenomen dhe filloj e qaj sa herë që nuk e shoh të luajë. I dërgova një mesazh Paulos, përpara dy vitesh dhe i kërkova të transferohej në Spanjë. I thashë: ‘Shko atje, ku luhet futboll dhe mos qëndro në Itali’. Herët apo vonë do ta bëjë, sepse jam i bindur që Juventus dëshiron të fusë në xhep paratë e kartonit të tij.

Jam i sigurtë që Dibala do të largohet në janar, ka disa klube që e kërkojnë dhe do të largohet nga bardhezinjtë. Juventus ka shumë kampionë, e pranoj që është e vështirë të luajnë të gjithë, por është një gabim të mos e fusësh Dibalanë në lojë. Nuk e them se ai ka qenë pjesë e Palermos.

Mbaj mend që kur Ibrahimoviç shkoi te Barcelona, nuk e përballoi rivalitetin me Mesin dhe u largua. Tani që Ronaldo erdhi te Juventus, ka ardhur koha për Dibala që të largohet”, përfundon presidenti “vullkanik” i Palermos.

Uniku Zamparini, trajner dhe “luftë” Parmës

Sport Ekspres — Mon, 30 Jul 2018 14:53:48 +0000

Presidenti vullkanik i Palermos nuk është dorëzuar. Mauricio Zamparini, në një prononcim për “Giornale di Sicilia”, komenton situatën aktuale dhe “luftën” Palermo-Parma për një vend në Serinë A. Parma akuzohet për trukimin e ndeshjes së fituar përballë Specias vitin e kaluar, tri pikësh që u mundësoi rikthimin në Serinë A.

Kalaio u dënua me dy vite larg futbollit, ndërsa Parma do e nisë sezonin e ri me minus 5 pikë. Siçilianët kanë apeluar kundër vendimit të Gjykatës dhe tani presin një përgjigje për të ditur nëse do të jenë ata që do luajnë në elitën e futbollit italian, në vend të Parmës. Nëse ja dalin, Palermo është ekipi që do të zërë vendin e ekipit emilian.

Zamparini ka besim dhe nëse ja dalin në Apel, ai premton diçka të pabesueshme. Presidenti i shquar për deklaratat e tij dhe për shkarkimin e trajnerëve, tashmë nuk do ketë nevojë për një të tillë. Do drejtojë vetë, nga stoli…

“Nëse drejtësia ekziston, në do të luajmë në Serinë A. Po presim me besim vendimin dhe mendoj që është e drejta jonë të luajmë në elitë. Shpresoj të rregullojnë diçka që njerëzit nuk arrijnë ta kuptojnë: dikush nuk mund të mos shohë telefonatat dhe mesazhet që i janë dërguar një futbollisti të një ekipi tjetër vetëm sepse i ka humbur telefoni. Kjo nuk është diçka normale. Nëse rikthehemi në Serinë A, unë mund të bëhem trajneri i Palermos.”