Timonin e Çelsit do e marrë një legjendë e klubit. Frenk Lampard do të jetë anglezi i parë pas 23 vitesh, që vihet në drejtim të bluve të Londrës. Ish-mesfushori ka bërë një punë të mirë me skuadrën e Derbit dhe ka fituar besimin e Abramoviç.

Sipas kësaj gazete, ai po pret lëvizjen e Sarrit në Torino për të kërkuar më pas largimin zyrtar nga Napoli. Trajneri italian e pëlqen shumë shkodranin. Zhoao Kanselo pritet të largohet drejt një skuadre tjetër dhe Hysaj do të ishte një kandidat potencial për zëvendësimin e tij. Juventusi do të siguronte krahun e djathtë pa shumë shpenzime. Napoli kërkon rreth 30 milionë për yllin e kombëtares sonë.

Sikurse raporton Gazzetta dello Sport, sot, ose maksimumi të hënën, Sarri do të jetë i lirë. Në kampin bardhezi në fakt nuk janë alarmuar, pasi e dinë që tekniku italian do ta mbyllë me Çelsin dhe disa ditë më shumë vonesë nuk janë aspak shqetësim. Gjërat janë thjesht formale.

Ndërkohë ka edhe lëvizje të tjera te Juventusi, pasi Zhoao Kanselo është drejt largimit. Sarrit i pëlqen të luajë me anësorë, por duhet t’i bëjë llogaritë pa portugezin e krahut të djathë. Kontrata e tij është e vlefshme deri në vitin 2023, por torinezët janë gati ta shesin.

Guardiola e do te Siti dhe Juventusi nga ana tjetër kërkon 60 milionë euro për kartonin e 25-vjeçarit. Gjithsesi ka një zgjidhje tjetër që vjen nga Mançesteri dhe është shkëmbimi me Danilon, sigurisht shoqëruar edhe me disa miliona euro. Braziliani nuk ka pasur hapësira në formacionin Guardiolës dhe ka kërkuar largimin. Juventusit do i bënte punë.

Ish-presidenti i Juventusit kujton një episod të papranueshëm mes trajnerit italian dhe tifozëve, ku ai i drejtoi gishtin e mesit ultrasve bardhezi. Sipas tij, ky gjest e bën të padëshirueshme figurën e teknikut të Çelsit në Torino. Koboli e di se Sarrin e ka marrë malli për fshatin e tij, por shprehet se nuk beson se Anjeli nuk do e bënte gabimin e rikthimit të tij.

“E di që Sarrin e ka marrë malli për të parë nënën, babanë dhe fshatin e tij, por si tifoz do të isha i zhgënjyer ta shihja te Juventusi. Atë gisht që trajneri i Çelsit e nxorri ndaj tifozëve është e vështirë ta kthejë në vend.”

“Ai është një trajner i madh, por nga pikëpamja e komunikimit ka gjëra që nuk më pëlqejnë. Ka pasur një ndjenjë dashakeqe ndaj Juves. Atyre i duhet një trajner, që të jetë në gjëndje të sjellë Championsin. Nuk mendoj se Anjeli do të zgjedhë Sarrin”, u shpreh ish presidenti bardhezi.

Pas largimit të Alegrit, ai është kanditatura kryesore për t’u vënë në krye të “Zonjës” sezonin e ardhshëm. Klubi londinez nuk pritet të bëjë shumë rezistencë, pasi në prapaskenë qëndron Frenk Lampard, i cili është gati për të marrë stafetën e trajnerit italian. Gianluca Di Marzio raporton se tekniku është i gatshëm të negociojë me Çelsin për të ndërprerë marrëveshjen mes tyre dhe se kalimi te Juventusi duket i kryer tashmë. Sipas Di Marzios, agjenti i trajnerit, Ramadani do të takohet sot me përfaqësuesit e kryesisë së Çelsit. Në takim do të negociohet ndërpreja e bashkëpunimit pa dëme financiare për asnjërën palë. Paratiçi dhe Nedved presin për zhvillimet e fundit nga Londra.

“Nuk ishte e lehtë të vije në një kampionat kaq të vështirë dhe të ambientoheshe menjëherë. Pata disa vështirësi, por në shkurt vura re një ndryshim në raportin me lojtarët. Ndoshta unë ndryshova gjithashtu”.

HAZARD – “Më vjen keq që do largohet. Është një lojtar i jashtëzakonshëm që mund të bëjë akoma më mirë”.

“Tani është momenti për të festuar. Nesër duhet të shikojme bilancet e sezonit. Kam dhe dy vite kontratë, por mendoj se një ballafaqim është i nevojshëm. Napolitanët i dua shumë. Vitin e kaluar zgjodha të mos vazhdoja në një skuadër italiane, por të largohesha. Megjithatë, futbolli ndonjëherë të çon në trajektore të atilla, që gjithsesi nuk mund të prishin marrëdhëniet që unë kam me klubin e qytetin e Napolit”, përfundoi Sarri.

Mauricio Poçetino prej kohësh mbetet në listën e favoritëve, por situata e tij te Totenhemi nuk dihet. Ka arritur deri në finalen e Champions League që pritet ta luajë kundër Liverpulit dhe në klubin londinez zor që të mendojnë për një emër të ri për pankinën. Juventusi, për ta marrë Poçetinon duhet të paguajë. Klauzolën e di.

Gjithsesi Juventusi duket se po bind një tjetër Mauricio, po në Londër. Sarri është ai që ka fituar goxha pikë së fundmi dhe mund të jetë trajneri i ri i Juventusit. Situata e tij te Çelsi nuk është më e mira, edhe pse ka shkuar në finalen e Europë League. Gjatë gjithë sezonit e ardhmja e trajnerit italian në krye të “Bluve të Londrës” është vënë në dyshim.

Sikurse raporton “Gazzetta Dello Sport”, Sarri pëlqehet nga drejtuesit e Juventusit dhe kjo për shkak të stilit të lojës që ekipet e tij aplikojnë. Me Napolin kishte momente që i vuri në vështirësi bardhezinjtë dhe njohja e kampionatit italian është gjithashtu një element shtesë. Në Torino janë pragmatistë dhe normalisht bëjnë llogari edhe me situatën e Sarrit te Çelsi, që mund t’i ndihmojë ata për ta bindur italianin të drejtojë Juventusin. Poçetino gjithsesi mbetet dëshirë…

Mediat angleze spekulojnë se Sarri do të shkarkohet nga drejtuesit për t’i lënë vendin Frenk Lampard. Ish-mesfushori aktualisht drejton Derbin në Championship dhe është në finalet e “Play-Off” për të zënë një vend në Prmeier Ligë sezonin e ardhshëm.

Trajneri në një intervistë mundohet të shuajë zërat që thonë se ai nuk dëshiron të qëndrojë. Italiani e hedh topin tek drejtuesit kur thotë se do të ishte i lumtur nëse qëndron. Shprehet se do të ketë një takim me krerët e klubit pas finales, ku do të vlerësohet puna e bërë gjatë sezonit. Nuk mendon aspak se Europa League është shpëtimi i tij.

“Kam një kontrate dyvjeçare dhe nuk kam kontaktuar me asnjë klub tjetër. Tani mendoj vetëm për finalen kundër Arsenalit. Më bëhet qejfi që klubet italiane janë interesuar për mua, por do të isha i lumtur nëse vazhdoja me Çelsin. Është një klub i madh. Në fund të sezonit do të analizojmë gjithçka me drejtuesit.

“Nuk mund të themi se futbolli im praktikohet vetëm në Itali dhe jam i lumtur vetëm atje. Mënyra ime e të luajturit futboll është dëshmuar se funksionon edhe në Angli. Nëse Europa League do të ishte shpëtimi im do të ikja që tani. E gjithë puna e bërë gjatë vitit nuk mund të hidhet kurrsesi poshtë për 90 minuta”, u shpreh Sarri.

Finale e gjitha angleze, ashtu si edhe në Champions midis Liverpulit dhe Totenhemit, duke konfirmuar faktin që Premier Liga është prej kohësh kampionati numër një në planet. Sarri ndihet i lumtur për këtë gjë dhe tregon ndryshimet midis Anglisë dhe vendlindjes së tij. Ushqim dhe kulturë tjetër dhe mbi të gjitha shumë ndeshje plot ritëm ishulli.

“Futbolli anglez është në rritje, edhe pse zhvillohen shumë ndeshje në kampionat. Kultura futbollistike këtu është e veçantë. Kam gjetur një vend që ndryshon shumë nga Italia në aspektin e ushqimit dhe kulturës. Të gjithë trajnerët në Premier janë europianë dhe luhet një futboll me taktikë të avancuar, por pa humbur ritmin klasik anglez. Zbavitëm me kaq shumë ndeshje, por nuk kam mundur të merrem shumë me fazën defensive. Rikthimi në Itali? Jo, nuk bëhet fjalë për momentin”, përfundon Mauricio Sarri.

Në një dalje për shtyp, tekniku i Çelsit ka sqaruar para gazetarëve se i pëlqen shumë të qëndrojë në Angli. Ndër të tjera Sarri mendon se pavarësisht mungesës së trofe, ai ka bërë një punë të mirë duke përmirësuar skuadrën londineze.

“Dua të qëndroj këtu. Më pëlqen shumë futbolli anglez, atmosfera që kanë stadiumet këtu. Prandaj, nëse do ishte në dorën time do të pëlqeja që të qëndroja. Nuk kam ndërmend të ndryshoj mentalitet, duhet të synojmë që të jemi më të mirët gjithmonë. Ky është objektivi i  një trajneri, që të rrisë nivelin e skuadrës, jo të gjithë fitojnë trofe. Mendoj se të gjithë lojtarët e mi janë përmirësuar shumë, sidomos të rinjtë”.

Së fundmi një tjetër hipotezë ka dalë për Hysajn dhe e mban në Serie A. Si zakonisht lidhja bëhet me trajnerin Maurisio Sarri. Ky i fundit është pranë mbylljes së bashkëpunimit me Çelsin. Ai e deshi Hysajn edhe në Angli, por londinezët sigurisht nuk mund ta paguanin klauzolën prej 50 milionë eurosh që shkodrani ka për t’u larguar jashtë Italisë.

Së fundmi Sarri lidhet më një kalim te Roma, klub ku mund të transferohet edhe Hysaj. Gjithçka është në kuadrin e fjalëve. Gjithashtu lakohet edhe emri i Gonzalo Higuain, i cili kampionatin italian e njeh mjaft mirë dhe te Çelsi nuk janë të gatshëm ta blejnë atë nga Juventusi.

Ky gjest e nervozoi tej mase trajnerin italian dhe portierit bask si ndëshkim iu vu një gjobë dhe një ndeshja pezullim. Tani Kepa ka reflektuar dhe shprehet se e ka kuptuar se nuk ka vepruar drejt. 24-vjeçari pretendon se ka mësuar nga ai gabim.

“E pranova dënimin që trajneri më dha. Ishte një moment gjaknxehtësie. Nuk ndihem aspak krenar për atë gjest. Ishte një moment i vështirë nga i cili kam mësuar dhe po vazhdoj të mësoj. Në fushë nuk kisha arritur të kuptoja tamam se cfarë po bëja. Kur e pashë mbrapa kuptova që kisha vepruar keq. Është koha për të shikuar përpara. Jeta vazhdon, të gjithë bëjnë gabime”, tha gardiani i Çelsit.

Argjentinasi ka shënuar vetëm 4 gola më “Blutë e Londrës”, një shifër e ulët për kualitetin e tij, por dikush i del në mbrojtje dhe beson akoma tek ai.

Mauricio Sarri është shumë i lidhur me Pipitën që nga koha kur ishin pjesë e Napolit. Trajneri e lidh formën e dobët me vështirësinë për t’u përshtatur me futbollin anglez dhe merr shembull Luis Suarezin kur u transferua nga Ajaksi te Liverpuli.

“Një sulmues e ka të vështirë të përshtatet në futbollin anglez dhe Premier Ligën. Kjo nuk vlen vetëm për Higuain. Mbaj mend që Suarez shënoi vetëm 3 gola sezonin e parë me Liverpulin. Më pas shënoi 16 dhe pastaj 24. E përsëris, është e vështirë për t’u përshtatur. Jam i sigurt që Higuain do të shënojë shumë gola sezonin e ardhshëm. Do e blejmë atë? Nuk e di, nuk merrem me merkaton, por besoj se po”, përfundon trajneri italian i Çelsit.

Përveç rezultatit, ajo që ka vjedhur vëmendjen ka qenë edhe një episod i turpshëm që ka ndodhur nga pankina e Bërnlit. Miqtë kanë ofenduar trajnerin Mauricio Sarri, duke i thënë: “Italian m***”. Diçka të tillë e konfirmoi edhe Zola, i cili tha që Sarri është ofenduar.

Trajneri italian nuk doli as në konferencë, por la ndihmësin e tij. Ditët në vijim pritet që të hapet edhe një hetim nga federata angleze, ku do të jepet edhe një dënim sipas gjasave.

Trajneri kalabrez ka besimin e drejtuesve, por ai e di mirë që e ardhmja varet nga rezultatet. Në verë priten shumë lëvizje trajnerësh dhe po qarkullon një skenar në lidhje me Milanin.

Sipas mediave italiane, klubi i “Djallit” po mendon për Mauricio Sarrin. Ish-trajneri i Napolit mund ta mbyllë me Çelsin në fund të sezonit. Ai është gati për t’u rikthyer në Serie A dhe Milani do të ishte një mundësi shumë e mirë. Nëse kualifikohen në Champions kthehet në një mundësi perfekte. Opsion shumë i mirë edhe për kuqezinjtë, të cilët do riktheheshin te futbolli i bukur me Sarrin në krye.

Po Gatuzo? Rino mund të marrë drejtimin e Romës. Emri i tij lidhet prej kohësh me stolin verdhekuq. Toti është tifozi i tij i parë dhe presidenti Palota mund t’i dhurojë besimin e duhur. Megjithatë, në fillim duhet të presim fundin e sezonit për t’u qartësuar më shumë në lidhje me mundësinë e kësaj lëvizje të dyfishtë.

Pas ndeshjes, për mediat foli trajneri i londinezëve. Mauricio Sarri u shfaq disi nervoz në fjalët e tij, pasi deklaroi se akoma nuk e kupton faktin që ende e quajnë si një trajner jo për Europën.

“Kam luajtur 22 ndeshje në kompeticionet evropiane dhe nga këto 22, kam fituar 18. Sidoqoftë, akoma quhet një trajner jo i përshtatshëm për kompeticionet evopriane. Nuk e kuptoj”, përfundoi trajneri italian.

Lajme të çuditshme vijnë nga Anglia. Burime të brendshme të prestigjozes “Daily Star”, zbulojnë disa të dhëna mbi trajnerin italian dhe performancën e tij. Sipas gazetarit Dankan Kestëlls, Sarri nuk dëshiron të vazhdojë të jetë trajner i “Bluve të Londrës”. Ai nuk ndihet mirë në  kryeqytetin anglez dhe ndjen shumë presion nga njerëzit pranë klubit.

Gazetari i famshëm shkon edhe më tej. Ai thotë se Sarri nuk po bën maksimumin në “Stamford Bridge” dhe po pret që drejtuesit ta shkarkojnë. Gjëndja e tij ka arritur deri aty ku do të gëzohej nëse e largojnë nga puna. Ish-trajneri i Napolit do ta pranonte me kënaqësi largimin dhe do të kthehej në Itali, ku destinacioni më i mundshëm është Roma.

Italiani është më i pëlqyeri nga presidenti Xhejms Palota, por firmosja me të duket e vështirë, duke parë kërkesat ekonomike të tij. Vështirë të arrihet edhe te portugezi, i cili synon një ekip që lufton për trofe. Kështu sipas mediave vendase një tjetër italian ka dalë në skenë.

Mauricio Sarri, trajneri i Çelsit, shihet si një mundësi serioze. Madje ka pasur edhe një takim mes tij dhe drejtorit sportiv të Romës, Franko Baldini. Të dy gëzojnë marrëdhënie sumë të mira me njëri-tjetrin.

Gjatë takimit mes palëve, Sarri i ka premtuar drejtorit sportiv të klubit italian se nëse Çelsi vendos të mos vazhdojë bashkëpunimin më të, Roma do të jetë destinacioni i ardhshëm. Ai pritet të bëjë edhe një sakrificë financiare vetëm për t’u ulur në stolin e ekipit kryeqytetas.

“Higuain më ka thënë që është e vështirë, sepse nga ana fizike, mbrojtësit në Angli janë shumë të fortë. Arbitrat janë më ndryshe se në Itali dhe është një futboll tjetër, sidomos për portierët dhe sulmuesit, është krejtësisht ndryshe. Mendoj se ka nevojë për kohë, por këtu nuk kemi kohë. Kështu që e duam në nivelet më të larta këto dy muaj.”
“Nuk e di në rast se do të qëndrojë. Dua ta shoh në formën më të mirë të mundshme këto dy muaj. Për momentin është shumë i rëndësishëm për ne. Kemi nevojë për Gonzalon. Nuk është e thjeshtë të mësohet me këtë kampionat”, përfundoi Sarri.

Në daljen për shtyp pas ndeshjes ndaj Evertonit, ku skuadra e tij u mund me rezultatin 2 – 0,  trajneri i Çelsit Mauricio Sarri theksoi se skuadra e tij po kalon një problem psikologjik.

“Pjesën e parë luajtëm futbollin më të mirë që kemi bërë ndonjëherë, po të vazhdojmë të luajmë ashtu dhe në pjesën tjetër të sezonit nuk kemi pse të shqetësohemi. Pjesa e dytë ishte për t’u harruar. Mendoj se kemi një problem mentaliteti. Krijuam gjashtë  ose shtatë raste për shënim, në futboll është e pafalshme po të mos shënosh me kaq shumë raste”.

“Mund ta kapim vendin e katërt. Nuk e kuptoj pse flitet sikur është diçka e pamundur. Na mbeten edhe tëtë ndeshje deri në fund. Por e përsëris duhet që në këto tetë të ndeshje të luajmë si në pjesën e parë”.

HIGUAIN – “Higuan po vuan në këto momente, kjo është  e dukshme. Ka pasur probleme këtë javë në stërvitje dhe ende s’mund të luajë 90 minuta. Sigurisht që mund të bëjë më mirë, duhet të përmirësohet nga ana fizike dhe mendore”, tha Sarri.

NDESHJA – “Luajtëm mirë për 60 minuta. Nuk e mbyllën ndeshjen dhe në 20 minutat e fundit ishim shumë të lodhur. Në shtatë ditë kemi luajtur 120 minuta kundër Sitit, më pas 90 ndaj Totenhemit dhe sot përsëri. Ishte ndeshje e vështirë. Shumë e mirë për 60 minuta, më pas ishim shumë të lodhur.

OBJEKTIVI CHAMPIONS – “Sot kishim një mundësi mjaft të mirë, pasi më përpara kemi qenë pesë pikë nga katërshja e parë dhe tani jemi vetëm dy pikë. Nuk është e lehtë dhe na duhet të luftojmë deri në minutat e fundit të ndeshjes së fundit. Në katër ndeshjet e fundit kemi bërë mirë. Pavarësisht se e humbëm kupën, luajtëm në të njëjtin nivel më Mançester Sitin dhe kjo na dha besim.

KEPA – “Luajti shumë mirë dhe ishte një vendim normal. Ai pagoi për atë që bëri dhe tani ajo çështje është mbyllur. Kepa është burrë dhe e ka kuptuar, për këtë arsye ka reaguar shumë mirë.

ZHORZHINJO – “Jam shumë i lumtur që shënoi, por opinioni im vijon të mbetet që Zhorzhinjo ka qenë dhe është i njëjti. Është një lojtar fantastik, një ndër më të mirët në Evropë për pozicionin e tij. Sezoni i parë nuk është i lehtë asnjëherë.

Në daljen për shtyp për takimin e nesërm, trajneri i Çelsit tha se Kepa mund të lihet në stol, por për këtë do të vendosë në orët në vazhdim.

“Ai bëri një gabim të madh. Natyrisht që do të ketë pasoja për këtë. Nëse pasoja do të jetë që ai duhet të luajë, ai do të jetë në formacion, nëse pasoja e veprimit do të jetë stoli, atëherë ai duhet ta pranojë stolin”.

“Ishte një situatë shumë e sikletshme. Gjithsesi tani është bërë e ditur se kishim të bënim me një keqkuptim shumë të madh. Është normale që të gjithë lojtarët e tjerë janë habitur. Mund të them se do të marr vendimin në të mirë në grupit. Më duhet t’i çoj një mesazh grupit dhe nga kjo do të varet nëse Kepa do të jetë në fushë ose jo”, tha Sarri.

Së fundmi ka reaguar edhe klubi i Çelsit, duke e gjobitur me heqjen e një pagë javore. Nuk ka sanksione të tjera, siç mund të ishte edhe dënimi me disa ndeshje. Argumenti i portierit ishte se gjithçka ishte një ngatërresë. Stafi mjekësor pati dhënë lejen se ai  mund të luajë, por Sarri nuk mendonte kështu.

Gjithsesi ai kërkoi falje pas kësaj situate tejet të ndërlikuar. “Megjithëse ishte një keqkuptim, unë kam bërë një gabim të madh dhe e marr përsipër”, u shpreh portieri. Trajneri Sarri u shpreh se pati një bisedë mjaft produktive me lojtarin.

Ai u shpreh për mediat se ishte një keqkuptim dhe se Kepa e ka pranuar tashmë gabimin e tij. Italiani e mbylli duke thënë se ky problem ishte tashmë i konsumuar për të dhe se gjithçka ishte në rregull. Zyrtarët Çelsit shumën monetare do ta arkëtojnë në llogarinë e fondacionit të vetë klubit.

Sipas teknikut italian, ishte i gjithi një keqkuptim dhe ndaj Kepas nuk do të ketë asnjë masë disiplinore. Gjithashtu, Sarri shtoi se portieri spanjoll pati të drejtë dhe se zëvendësimi u mendua të bëhej për arsye se pretendohej që Kepa ishte i dëmtuar.

GJESTI I KEPAS – “Ishte një keqkuptim. Nuk e kuptova problemin fillimisht, më pas kur arrita në pankinë u sqarova nga mjekët. Ishte një keqkuptim i madh, sepse unë mendova se portieri kishte probleme dhe nuk mund të vazhdonte. Nuk do të ketë asnjë masë disiplinore.”

TENTATIVA PËR T’U LARGUAR – “Nuk u largova. Thjesht doja të qetësohesha. Kepa e kuptoi që kërkova zëvendësim për arsye fizike dhe tha që nuk kishte asnjë problem dhe kishte të drejtë. E kuptova këtë gjë kur erdhi mjeku. Më pas fola me Kepën vetëm për ta sqaruar, që tani e kisha kuptuar si qëndronte situata.”

Çuditërisht, portieri spanjoll nuk ka pranuar të lërë fushën, duke krijuar një moment të pazakontë. Trajneri italian u tërbua, teksa një moment tentoi edhe të largohej nga ndeshja. Gjithashtu, Xhanfranko Zola, i cili është në rolin e zv/trajnerit, shihet të jetë mjaft i acaruar me gjestin e bërë nga portieri.

LOJTARËT KUNDËR SARRIT – Rezultatet e fundit kanë vënë në dyshim të ardhmen e trajnerit Mauricio Sarri te Çelsi. Italiani i ka lodhur edhe lojtarët, madje “Daily Mail” zbulon edhe pse ka ndodhur diçka e tillë.

Gjithçka lidhet me taktikën, më së shumti me nocionet që ai jep për vendosjen në fushë dhe mënyrën e lojës. Thuhet se disa prej lojtarëve janë të lodhur nga kjo, madje ndihën edhe të hutuar e të shqetësuar. Sarri po has në vështirësi në implementimin e lojës që dëshiron.

“Ish”-i i napoletanëve po përpiqet të bindë drejtuesit e klubit se ai mund të bëjë akoma më shumë. Arsyetimi i tij është se nuk ka grupin e lojtarëve për të vënë në praktikë futbollin që ai dëshiron. Nga ana tjetër klubi nuk është i gatshëm të vendosë në dispozicion të tij “çekun e bardhë” për të bërë merkato.

Megjithatë, ai ka folur për të përditshmen “The Times”, ku ka vlerësuar trajnerin italian, Maurisio Sarri dhe la të kuptohej se e ardhmja e tij mund të jetë në Londër, pasi ai dhe ish-tekniku i Napolit kanë ide të njëjta për mënyrën e të luajtur futboll.

Belgu ka thënë: “Sarrit i pëlqen zotërimi i topit, është shumë i dhënë pas statistikave, numrave, gjuajtjeve dhe mundësive për gola. Në të shkuarën ne luanim me kundërsulme më shumë. Është ndryshe tani me Sarrin, nuk është e njëjtë si me Konten apo edhe me Murinjon. Ndonjëherë mbajmë topin më shumë dhe unë e kuptoj se tifozët duan që ne të sulmojmë, por edhe kjo është pjesë e futbollit.”

“Akoma po vazhdojmë që të mësojmë nga idetë e tij, po bëjmë mirë dhe më pëlqen ky lloj i futbollit. Sarri është një trajner i shkëlqyer. Ai ka eksperiencë dhe mënyra si mendon lidhur me futbollin, është e njëjtë me timen”, ka deklaruar sulmuesi belg. Hazard po bën mjaft mirë këtë sezon me londinezët, ku në gjitha kompeticionet ka arritur qetë gjejë rrugën e rrjetës 15 herë në 31 ndeshje të zhvilluara.

HIGUAIN  – Eden Hazard foli edhe për blerjen e janarit, sulmuesin argjentinas Gonzalo Higuain. Ai e vlerësoi atë si lojtar, por vuri në dukje faktin që i duhet kohë të përshtatet me stilin e lojës që bëhet në Premier Ligë. Gjithsesi ai beson se do të bëjnë mirë së bashku dhe “Pipita” do shënojë shumë gola me Çelsin.

“Kam luajtur vetëm dy ndeshje me Higuainin dhe e di që mund të bëjmë gjëra të mëdha së bashku. Në fakt jo vetëm me të, por edhe me sulmuesit e tjerë dhe anësorët. Ai duhet të përshtatet pak me futbollin anglez, sepse këtu kemi të bëjmë me futboll tjetër në krahasim me Italinë dhe Spanjën. Ai ka shumë eksperiencë, ka shënuar kudo. Është një djalë i mirë dhe i qetë. Sigurisht që do të shënojë edhe këtu shumë gola”, përfundoi belgu.

Mauricio Sarri ka një miqësi me Pep Guardiolën dhe sa herë që u takon të qëndrojnë bashkë provon kënaqësi të mëdha. Italiani thur elozhe për spanjollin dhe Sitin e cilëson si ekipin më të fortë në Europë.

Të dyve u pëlqen futbolli i bukur dhe janë frymëzuar nga një mjeshtër si Arrigo Saki, i cili mahniste botën në vitet 90-të me Milanin e tij spektakolar. Sarri flet dhe për Hazard e Higuain dhe e mbyll me gjendjen e Hudson-Odoi dhe Geri Kahill.

GUARDIOLA – “Pep drejton ekipin më të mirë në Europë, është një trajner i madh dhe kur darkojmë së bashku është gjithmonë kënaqësi për ta dëgjuar. Unë dhe Pepi jemi ‘djemtë’ e Arrigo Sakit. Gjithçka fillio me të.”

KUNDËRSHTARI – “Në ndeshjen e fazës së parë ishim me fat. Siti na dominoi në pjesën e parë dhe ne shënuam në momentin tonë më të vështirë. Në pjesën e dytë luajtëm më mirë dhe në fund nuk vodhëm asgjë. Ndeshja e radhës do të jetë shumë e vështirë, sepse Siti është ekipi më i mirë në Europë dhe luan të njëjtin futboll prej 3 vitesh.”

HAZARD – “Unë flas çdo ditë me Hazardin, por vetëm për futboll. Nuk mund të shprehem për të ardhmen e tij, edhe pse natyrisht që shpresoj që të qëndrojë me ne. I uroj që të jetë i lumtur.”

FORMACIONI – “Hudson-Odoi është me ethe, ndërsa Kahill nuk është në gjendje të mirë. Higuain? Ai është perfekt për futbollin tim. Nuk kam vendosur akoma për formacionin dhe mund të luajmë me një numër 9 fals… “

Ndeshja e kampionatit kundër Milanit do të vendosë fatin e tij. Vetëm 6 tifozë kanë qenë të pranishëm në “Trigoria”, aty ku sulmuesi Shik u është afruar duke u kërkuar falje. Nëse verdhekuqtë nuk reagojnë kundër ekipit të Gatuzos, atëherë Di Françesko do të largohet nga Roma.

Tre janë emrat favoritë për ta zëvendësuar atë, siç raporton “Corriere dello Sport”. Paulo Souza mbetet favoriti kryesor, por prapa nuk mbetet as Kristian Panuçi. Portugezi është një preferencë e vjetër, ndërsa trajneri i kombëtares tonë është një preferencë e Totit e De Rosit dhe ka si favor faktin që e njeh mirë ambientin.

Drejtuesit e Romës duan një trajner, i cili duhet të pranojë një kontratë deri në fund të sezonit, me opsion rinovimi nëse e dërgon ekipin në Champions Ligë.

Një tjetër emër qarkullon për stolin e ekipit kryeqytetas dhe ai është Mauricio Sarri. Ish-trajneri i Napolit po përjeton një moment të vështirë me Çelsin e tij dhe Roma është gati t’i ofrojë stolin në verë, nëse aventura ishullore nuk shkon mirë për të.

Në kuadër të sfidës së nesërme, ka folur për mediat pikërisht numri një i pankinës së Çelsit, Mauricio Sarri. Tekniku italian ka deklaruar se ekipi duhet të reagojë pas humbjes ndaj Arsenalit, si dhe ka zbuluar në rast se Higuain do të luajë nesër.

FORMA E EKIPIT – “Duhet të reagojmë në fushë. Diskutova dhe me lojtarët dhe do provojmë të bëjmë më mirë dhe të motivohemi më shumë. Po mundohemi të ndryshojmë disa gjëra, pasi na duhet të reagojmë patjetër në fushë”.

HIGUAIN – “Është një sulmuesi i fortë, sidomos në sezonin tim të parë në Napoli. Ai bëri një super sezon. Padyshim, është një ndër sulmuesit më të mirë që kam pasur në karrierë. Ka eksperiencën e duhur për të luajtur këtu”.

MUNDËSIA E HIGUAIN PËR TË LUAJTUR NESËR – “Është shumë afër firmosjes me ne. Shpresoj që të rikthehet të shënojë dhe të jetë në formën e tij më të mirë. Ndaj Totenhemit është e pamundur të luajë, pasi dhe transferimi nuk do të jetë finalizuar, kështu që nesër nuk luan”.

Një gjë e tillë kërkon kohën e vet dhe David Luiz ka dalë në mbrojtje të trajnerit. Në prononcimin për “Sky Sport”, mbrojtësi brazilian vlerëson shumë punën e Sarrit, beson te kjo mënyrë e të luajturit dhe e di mirë që rezultatet do të vijnë.

“Sarri nuk ishte i lumtur pas humbjes, por asnjë nga nuk ishte i tillë dhe kjo është normale. Tani kemi stilin tonë të lojës, mentalitetin tonë. Nëse do të na kërkonin ta bënim këtë lloj futbolli përpara ardhjes së Sarrit, askush nuk e besonte. Tani është e mundur dhe po e bëjmë një gjë të tillë. Çelsi është në gjendje të luajë mirë me topin dhe ta qarkullojmë atë siç bëjnë ekipet më të forta në botë. Më parë ishte e pamundur, ndërsa ne duhet të përmirësohemi në 25 metrat e fundit.”

“Kjo gjë kërkon kohë dhe rezultatet vijnë më vonë, por ne besojmë te ajo që bëjmë. Mungesa e rezultateve të bën të ndryshosh shpeshherë, por kjo nuk është zgjidhja. Tani kemi filozofinë tonë të lojës, së cilës unë i besoj shumë. Sarri ka bërë një punë të pabesueshme deri më tani, me të vërtetë të mrekullueshme. Një skuadër ka nevojë për një ose dy vite, si Siti dhe Liverpuli, që po luajnë shumë mirë me topin. Të gjithë i besojnë punës së trajnerit dhe të gjithë jemi në anën e tij.

Lidhur me çështjen e racizmit ka reaguar, Mauricio Sarri. Ish-trajneri i Napolit, i cili e ka pasur dhe nën urdhrat e tij Kulibalin, ka folur për mediat angleze, duke thënë se ai grup tifozësh që janë racistë, janë budallenj.

“Së pari dua të flas për klubin tim. Nuk dua ti fus të gjithë në një thes, sepse 99% e fansave tanë janë të mrekullueshëm. Në çdo komunitet, mendoj se ka budallenj. Kështu, që të gjithë së bashku duhet të luftojmë ndaj njerëzve budallenj, por jo ndaj fansave të Çelsit”.

Sarri ka punuar me argjentinasin tek ekipi i Napolit dhe raporti i tyre është fantastik. Trajneri i “Bluve të Londrës” ka vetëm fjalë të mira për bomberin e Milanit, por vetëm kaq. Ai e dha mesazhin e tij, ndërsa hapja e merkatos së janarit mund të sjellë zhvillime të tjera.

Kohët e fundit është folur për një interesim të Çelsit për Higuain dhe anglezët mund të përdorin Alvaro Moratën për të mbërritur tek ai. Me pak fjalë Higuain në “Stamford Bridge” përsëri me Sarrin dhe spanjolli në Milanelo nën urdhrat e Xhenaro Gatuzos.

“Higuain më pëlqen shumë, është një futbollist fantastik dhe një person i jashtëzakonshëm. Por, nuk dua të flas për të, sepse kam sulmues të tjerë për momentin dhe ai po luan me Milanin. Më mirë të mos flasim për të në këto momente”, thekson Maurico Sarri.

Kur të kritikojnë, e vetmja zgjidhje është t’i heshtësh kritikët dhe Sarri ashtu ka bërë. Trajneri i “Bluve të Londrës” luan me skemën 4-3-3. Zhorzhinjo luan në rolin e qendërmesfushorit, ndërsa Kante ka kaluar në krahun e italo-brazilianit.

Në një prononcim për “Goal” përpara sfidës me Brajtonin në transfertë, trajneri 59-vjeçar e ka shpjeguar në këtë mënyrë këtë postim të kampionit të botës me Francën. Dikujt mund të mos i pëlqejë, por ai është trajneri dhe… ka gjithmonë të drejtë.

“Kemi një skuadër të përshtatshme për këtë lloj futbolli. Nëse blen Zhorzhinjon dhe ke Fabregas në ekip, mendoj se duhet luajtur me skemën 4-3-3. Të luash me këtë lloj skeme, sipas konceptit tim të futbollit, do të thotë që qendërmesfushori duhet të jetë shumë teknik. Një futbollist që mendon shpejt, si Zhorzhinjo, i cili është i aftë të luajë topin me një, ose dy prekje. Edhe Fabregas është teknikisht shumë i mirë. Kante? Sipas futbollit tim një futbollist si N’Golo nuk duhet të luajë përpara mbrojtjes. E kuptoj se dikush mund ta mendojë ndryshe, por nëse po flasim për futbollin tim, duhet thënë që kam të drejtë”, përfundon Mauricio Sarri.

Italiani i Çelsit i urren humbjet, të gjithë kanë të njëjtën ndjesi në futboll, dhe kur një gjë e tillë ndodh, më mirë mos i dil përpara. Antonio Rudiger, mbrojtësi gjerman i ekipit londinez, ka folur për “Evening Standart”, duke treguar “panikun” e përjetuar pas humbjes kundër Uolsvesit në transfertë.

Megjithatë, nervat bien gjithmonë dhe Sarri, i cili është një person që preferon më shumë të dhurojë dashuri sesa të përhapë frikë, arriti të motivonte ekipin e tij për ndeshjen pasardhëse kundër kampionëve të Mançester Sitit.

“Pas ndeshjes kundër Uolvesit (Çelsi u mposht me rezultatin 2-1) Sarri na frikësoi. Dukej sikur po luante mendsh, por kishte të drejtë, sepse nuk duhej humbur ajo ndeshje. Ditën tjetër, trajneri ishte shumë i qetë dhe e kishte të qartë atë që do të na thoshte. Bisedoi me ne dhe na bëri të kuptojmë se duhet të besojmë shumë te vetja jonë. Dëshironte që të përballeshim me Mançester Sitin me bindjen e fitores”, përfundon Rudiger. Në fakt ashtu ndodhi, Kante dhe David Luiz shënuan golat e fitores dhe djemtë e Sarrit arritën një fitore të madhe kundër ekipit të Guardiolës.

Në kuadër të sfidës, ka folur numri një i pankinës së londinezëve, pikërisht Mauricio Sarri, i cili ka deklaruar se Mançester Siti është një ekip më i fortë se Çelsi, por gjithashtu shtoi se në 90 minuta mund të ndodhë gjithçka dhe se skuadra e tij duhet të ketë besim se mund ta fitojë sfidën. Gjithashtu, Sarri u tregua i sinqertë kur u pyet se si mundet Guardiola, duke u përgjigjur që, ai nuk ka fituar kurrë ndaj Guardiolës, kështu që nuk e di.

NDESHJA – “Mund të them se për momentin ata janë më të fortë se ne. Objektivi ynë është që të jemi skuadra më e fortë në Europë dhe kjo gjë arrihet duke punuar. Duhet të përmirësohemi. Jemi me fat, pasi për 90 minuta mund të ndodhë gjithçka. E dimë shumë mirë se ishte e vështirë, por na duhet të besojmë deri në fund”.

ÇELSI NË NJË MOMENT JO TË MIRË – “E nisëm shumë mirë sezonin dhe tani po kalojmë një moment të vështirë. Mendoj se është diçka normale. Herët apo vonë, ishte normale që do të kishim vështirësi. Na duhet të punojmë dhe t’i zgjidhim këto probleme, duke u përmirësuar në një mënyrë përfundimtare”.

SI FITOHET NDAJ GUARDIOLËS – “Nuk e di! Kundër Guardiolës e kam humbur çdo ndeshje, kështu që nuk e di. Duhet të pyesni dikë tjetër për këtë gjë”.

Klubi londinez vazhdon “të flasë” italisht, por ndjesia ndryshon. Kjo jo vetëm prej faktit se Konte e la skuadrën në vendin e dhjetë, rezultati më i dobët i regjistruar në 21 vitet e fundit, ashtu si me Gus Hidink. Ish-trajneri i Italisë dhe Juventusit, nuk arriti të hynte asnjëherë në zemrat e tifozëve.

Mbështetësit në “Stemford Brixh” e kanë të qartë ndryshimin: “Konte ka vetëm një objektiv në kokë, e thënë ndryshe të fitojë. Ndërsa me Sarrin, përveç rezultatit, ka rëndësi edhe loja e bukur”.

Të tjerë pranojnë se “Sarri është personi i duhur për rritjen e skuadrës në të gjitha aspektet”. Ish-trajneri i Napolit dhe njeriu që evidentoi Elseid Hysajn në Serinë A, ka besimin e plotë të tifozëve të Çelsit.

Për patriotin e tij ka vetëm fjalë të mira dhe pozitive. Përballja me ish-ekipet që ka trajnuar është gjithmonë speciale për Ranierin, i cili e mbyll me një koment për Andre Shyrlen, sulmuesin gjerman të ekipit të tij.

“Sarri ka një grup të shkëlqyer lojtarësh dhe luan me filozofinë e duhur. Ai është një trajner i shkëlqyer dhe e meriton të jetë aty ku është. Ndeshja me Çelsin? Është gjithmonë diçka speciale kur përballem me ekipet e mia të vjetra. Duhet të jemi shumë të kujdesshëm kundër Çelsit, por do të jemi gati, si gjithmonë.”

“Djemve u kam kërkuar pak gjëra në fillim, si shpirti luftarak, por mund të bëjmë çdo gjë tjetër më mirë. Është e qartë se kur fiton ndryshon gjithçka. Lojtarët janë më të lumtur, por duhet të harrojmë ndeshjen e fundit dhe të mendojmë për Çelsin, një tjetër garë e vështirë për ne. Shyrle? Golat e tij janë të rëndësishëm, por ai është i rëndësishëm dhe në aspektin taktik për ne”, përfundon italiani i stolit të Fulhemit.

Një gjë e tillë nuk i pëlqen askujt dhe të gjithë janë të mërzitur tek ekipi i Çelsit. Në një prononcim për “Mirror”, David Luiz e pranon se ata zhvilluan një ndeshje të dobët, ndërsa zbulon një detaj interesant sa i përket trajnerit italian.

“Sarri ka qenë i zemëruar, shumë më i zemëruar herë të tjera, madje dhe kur kemi fituar. Është e vërtete! Askush nuk është i lumtur me një humbje, aq më tepër trajneri. Ai kërkon të bëjë gjithmonë më të mirën për ne, ashtu siç bëjmë ne për të. Është e qartë që nuk është i kënaqur për humbjen me Totenhemin, pasi askush në ekip nuk është.”

“Mendoj se një disfatë e tillë do të na bëjë mirë. Do të na bëjë të kuptojmë dhe do të na kujtojë se Premier Liga nuk është një kampionat i thjeshtë. Asnjëherë nuk është e thjeshtë të fitosh një ndeshje. Nuk luajtëm mirë në ndeshjen e fundit, përkundrazi, luajtëm keq. Nuk kishim intensitetin e zakonshëm“, përfundon mbrojtësi brazilian.

18 ndeshje pa humbje për Çelsin e Sarrit nuk janë pak. Tifozët po zbaviten me futbollin e tij, të njëjtën gjë po bëjnë dhe lojtarët, të cilët ishin “bllokuar” disi dhe lodhur me skemat e Kontes. Sarri është ndryshe, është i veçantë.

Trajneri italian ka folur për kampionatin anglez, tregon një detaj me kolegun e Liverpulit, Jurgen Klop, dhe i rikthehet dhe njëherë aventurës me Napolin. Vetëm fjalë pozitive dhe falënderime për Aurelio De Laurentis, presidentin e Napolit. Ishte ai që e mori nga Empoli dhe i dha mundësinë të drejtojë ekipin e tij të zemrës.

PREMIER – “Rezultatet dhe cilësia e futbollit tonë shënojnë indeksin pozitiv. 18 ndeshje pa humbje në një realitet konkurrues tregojnë se jemi në rrugën e duhur. Jam akoma më i kënaqur sepse luhet shumë dhe mundësia për të qenë vendimtar në thellësi është edhe më komplekse. Ritmi është shumë i lartë. Nuk është se nuk e prisja një gjë të tillë, isha i vetëdijshëm për këtë ngarkesë angazhimesh dhe po kërkoj një të mesme midis stërvitjeve dhe ndeshjeve. Këtu luhet një futboll i nivelit të lartë dhe ekziston një pasion i pabesueshëm.”

KLOP – “Në një moment u ktheva nga Jurgen dhe pashë që po buzëqeshte. Iu ofrova dhe e pyeta se pse po e bënte një gjë të tillë. M’u përgjigj: ‘po zbavitem pafund, po ti?’ ‘Edhe unë’, iu përgjigja. Ja pra, kur përjeton këto situata, e kupton se ke arritur në majë.”

NAPOLI – “Nuk kam asgjë për të thënë për largimin tim. Unë vetëm mund ta falënderoj De Laurentis. Më ka dhuruar kënaqësinë personale më të madhe të jetës time, duke më besuar drejtimin e Napolit, skuadrën e origjinës dhe të zemrës time. Ishte një aventurë e mrekullueshme, që nuk mund të fshihet nga një largim i tillë. Juventus? Prioriteti i tyre është Champions-i. Në fund, një gjë e tillë mund të rezultojë një avantazh i vogël për garën për titullin e Serisë A.”