Roberto Mançini në një prononcim për mediat italiane ka komentuar punën e 47-vjeçarit në Londër dhe durimin që kanë drejtuesit mbi “thatësirën” e trofeve. Ai shprehet se nëse Poketino do të drejtonte në Itali, krerët e klubit do e kishin “krasitur” me kohë.

“Poçetino ka pesë vite me Totenhem dhe nuk ka fituar asnjë trofe, edhe pse ka në përbërje një ekip shumë të fortë.  Në Itali nuk të presin kaq shumë. Këtu njerëzit ekzagjerojnë gjithçka. Asnjëherë nuk është e lehtë të fitosh”, u shpreh trajneri i kombëtares italiane. Më parë edhe Mançini ka drejtuar në Angli, ku ka fituar edhe Premier Ligën me Mançester Sitin.

Megjithatë, argjentinasi ka përgënjeshtruar gjithçka. Ndodhet në një nga skuadrat më të mira në botë, të cilën e ka ndërtuar vetë me punën dhe përkushtimin e tij. Kështu përgjigja e tij ishte e pritshme. Ai shprehet se lajmet që dalin nuk janë të vërteta dhe nuk e dëshiron një eksperiencë të re në San Siro. Gjithsesi, Poçetino shprehet se ndihet i nderuar që Milani shfaq interes kundrejt tij.

”Nuk di asgjë, por e lexova në media. Kjo botë kështu funksionon, por këto lajme nuk e ushqejnë egon time. Të tjerë duan të jenë në buzët e të gjithëve, por nuk kam nevojë për këtë. Këto situata janë pjesë e futbollit. Nëse flasim për interesin nga klubet e tjera, e marr vetëm si një shenjë nderimi”, u shpreh trajneri argjentinas i “Spurs”, që me këtë deklaratë shuan çdo zë që e lidhte atë më Milanin.

Punë dhe impenjim për të pritur rastin që do u paraqitet, ose të bëjnë gati valixhet dhe të largohen.

“Lojtarët që nuk luajnë duhet të presin shkarkimin tim, ose të gjejnë një ekip tjetër. Jam i hapur për transferimin e tyre, por nëse duan të qëndrojnë, kërkoj një impenjim të madh nga ana e tyre. E kuptoj që kush nuk luan, është i zhgënjyer, por jam lodhur duke folur për ata që duan të largohen”, përfundon trajneri argjentinas i Spursave.