Kur e mendon se në verë dhe janar drejtuesit e klubit nuk ndërhynë në merkato, atëherë mund të themi që Poçetino ka realizuar një kryevepër. Nën gjurmët e tij është vënë Juventusi, që do të ndahet pas 5 vitesh me Maks Alegrin.

Sipas raportimeve të mediave italiane, negociatat kanë nisur, por trajneri ka kërkesa të larta. Poçetino kërkon një rrogë prej 20 milionë eurosh në sezon, ndërsa presidenti Anjeli po mendohet.

Gjithçka do të zbardhet në vijim, ndërsa vetë trajneri latin lajmëroi pas kualifikimit drithërues kundër Ajaksit se do të largohet me shumë mundësi nga ekipi londinez në fund të sezonit.

Dy janë dëshirat e mëdha: Mauricio Poçetino dhe Didier Deshamp. Argjentinasi i Totenhemit pëlqehet shumë. Largimi i tij nga Spurs duket i sigurt pas fjalëve të vetë trajnerit pas kualifikimit në finalen e Champions Ligës.

“Dëshironi të dini nëse mendoj të largohem nga Totenhemi, nëse fitojmë Champions Ligën? Po, e konfirmoj se do të largohem. Mund të largohem edhe nëse e humbasim finalen”.

Kandidat i fortë është edhe trajneri francez. Deshamp e njeh mirë ambientin dhe mentalitetin bardhezi, pasi ka luajtur dhe drejtuar Juven më parë. Problem mbetet kontrata e tij me kombëtaren franceze dhe fakti që dëshiron të luajë Europianin 2020.

Emri i tretë quhet Zhoze Murinjo. Portugezi është propozuar nga Horge Mendes, agjenti i tij. “Special One” është një trajner fitues dhe intrigon jo pak, ndërsa problem mbetet fakti që është shumë më tepër interist se duhet dhe deklaratat thumbuese që ka bërë gjithmonë për bardhezinjtë.

Alternativa të tjera janë edhe Simone Inzagi me Sinisa Mihajloviç. Megjithatë, më parë duhet larguar Alegri dhe pastaj do të nisë ofensiva për të gjetur trajnerin e ri të Juventusit.

Problem mbetet kontrata deri në vitin 2023 e argjentinasit me “Spurs”. Në kontratën e rinovuar në maj, ku Poçetino përfiton një rrogë vjetore prej 8.5 milionë sterlinash, nuk ka një shumë të përcaktuar për largimin e tij, por Junajtid është gati të paguajë për ta sjellë trajnerin në Mançester.

Një shifër prej 42 milionë sterlinash është në diskutim, me 34 milionë që është kostoja e kontratës së Poçetinos pas këtij sezoni. Me shumë gjasa, restoja e parave do të ishte oferta për Totenhemin, si dëmshpërblim për prishje kontrate. Kjo do të ishte shuma më e madhe deri më tani, që një klub ka paguar për “blerjen” e një trajneri.

Totenhemi nuk dëshiron të privohet nga trajneri argjentinas. Daniel Levi, presidenti i klubit, ndodhet në bisedime për emrin e stadiumit të ri, nga ku mendon se mund të arrijë rreth 200 milionë sterlina fitime, për t’i përdorur më pas për merkaton e klubit.

Nga ana tjetër, Poçetino kërkohet dhe nga Reali i Madridit, por Junajtid e ka bërë hapin e parë dhe është gati t’i besojë stolin e ekipit në sezonin e ri 46-vjeçarit.

Siç citon “Mirror”, Mauricio Poçetino është i preferuari i drejtuesve të Junajtid. Argjentinasi po bën mirë prej kohësh me Totenhemin dhe emri i tij u përfol dhe si një kandidat për stolin e Realit të Madridit.

Poçetinos i skadon kontrata me Totenhemin në verën e vitit 2023, por Junajtid është gati të ofrojë 40 milionë sterlina për ta ofruar atë në “Old Trafford” në verën e ardhshme. Ndarja me Murinjon do të bëhet më e lehtë, nëse Mançesteri nuk kualifikohet në Champions sezonin e ardhshëm, një objektiv tepër i vështirë për momentin, pasi ekipi ndodhet në vendin e tetë në kampionatin anglez.

“Rai Sport” ka marrë nga një prononcim të dy trajnerëve: Luçiano Spaletit dhe Mauricio Poçetinos. Italiani i di mirë vështirësitë e kësaj përballje dhe kërkon sakrificë të madhe nga lojtarët e tij. “Nuk bëhet fjalë për një diskutim macesh, apo dhelprash, në kuptimin që ne nuk duhet të biem pre e vështirësive të ndeshjes. Do të na duhet të djersitim deri në fundin e ndeshjes për të siguruar kualifikimin”, thekson Spaleti, ndërkohë që 4500 tifozë të Interit priten të udhëtojnë drejt Anglisë për të mbështetur ekipin e tyre në mitikun “Wembley”.

Për medien italiane ka folur dhe argjentinasi me origjinë italiane i stolit të Totenhemit. Mauricio Poçetinos nuk i ka ecur kurrë kundër ekipeve italiane dhe sonte do të kërkojë fitoren për të thyer tabunë dhe për të hedhur një hap drejt kalimit më tej.

“Unë jam gjithmonë i bindur se mund të fitojmë. Interi është i fortë, ka lojtarë të shkëlqyer dhe Spaleti di t’i përgatisë mirë ndeshjet. Mendoj se mund t’ia dalim. Unë ndihem italian 100%, prindërit e mi vijnë nga veriu i Italisë dhe në venat e mia rrjedh gjak italian. Sfidat e mia kundër ekipeve italiane kanë shkuar gjithmonë keq, por shpresoj që ta ndryshoj këtë traditë”, përfundon Poçetino.

Zhark ishte një idhull i tifozërisë dhe humbja e tij pikëlloi shumë tifozë të ekipeve të tjera. Mauricio Poçetino, i cili drejton Totenhemin, ishte trajneri i Espanjolit dhe ka treguar historinë e ndodhur në librin e tij autobiografik “Një botë e re”.

“Pas drekës iu thashë lojtarëve që mund të shkonin në dhoma për të fjetur. Pastaj iu kisha dhënë lejen të dilnin një shëtitje në Firence. Ndërsa po flisja, Dani Zhark iu afrua doktorit të skuadrës dhe i kërkoi një ilaç për dhimbjen e kokës. Unë ndërhyra dhe i këshillova të dilte në Firence dhe për të pirë një kafe. Ai insistoi dhe më tha që nuk dëshironte të dilte, sepse ishte i lodhur dhe donte të pushonte. Këto ishin fjalët e fundit që kam dëgjuar nga goja e Danit.”

Mjekët bënë të pamundurën, por zemra e qendërmbrojtësit nuk mbante më. “Bënë të pamundurën për ta rikthyer në jetë dhe ishte një dramë e vërtetë. Ndiheshim të pafuqishëm përpara Danit që na la, sepse ai nuk ishte vetëm një futbollist, por një person me të cilin ke ndarë një pjesë të jetës tënde, kapitenin e ekipit. Dhimbja ishte shumë e madhe dhe vazhdon të jetë”, përfundon trajneri i Totenhemit.

Një vit më vonë, Spanja fitoi Kupën e Botës, duke mposhtur Holandën në kohën shtesë. Autori i golit ishte Andres Iniesta, i cili kishte një miqësi të madhe me Danin. Pasi shënoi golin historik, mesfushori i Barcelonës festoi duke hequr bluzën dhe nën të kishte shkruar një dedikim për kapitenin e pafat të Espanjolit. Goli dhe Kupa e Botës ishin për Danin, shokun e tij të ngushtë, ndërsa tifozët e Espanjolit nuk e harrojnë kurrë kapitenin e tyre. Në çdo ndeshje shtëpiake, në minutën e 21 të pjesës së parë, që përkon dhe me numrin që Zhark mbante në supe, ata ndalojnë, bëhen të gjithë bashkë dhe duartrokasin idhullin e tyre…

Pochettino y el drama de la muerte de Dani Jarque cuando entrenaba al Espanyol. pic.twitter.com/zB0dpS645U

— Diego Latorre (@dflatorre) October 23, 2018

“Njejmë keqardhje, meritonim të fitonim. bëmë gjithçka për të shkuar në shtëpi me tre pikët. Është një ndeshje e vështirë për të gjykuar për shkak se ndodhën shumë gjëra. Ndonjëherë duhet të kuptojmë se ky është futbolli”, u shpreh tekniku i londinezëve fillimisht për “BT Sport”.

Me tej ai shtoi: “Kemi pasur mundësi të mira shënimi dhe kontrollin e lojës, kemi pasur gjithçka, por nuk kemi bërë gjënë më të rëndësishme, të shënojmë një gol më shumë se kundërshtari. Ky barazim na lë më pak shanse për t’u kualifikuar në fazën tjetër në Ligën e Kampioneve. Duhet ta analizojmë situatën, kjo ishte një ndeshje për t’u fituar. Është thuajse e mbaruar. Me një pikë pas tre ndeshjeve bëhet shumë e vështirë”.

Perez kërkon kthesën e ekipit, që nuk fiton dhe shënon prej katër ndeshjesh. Nga ana tjetër, kompania e basteve angleze “Paddy Power” ka nxjerrë kuotat e trajnerëve kandidatë për të zëvendësuar Loeteguin, nëse ky i fundit shkarkohet nga stoli i Kampionëve të Europës.

Mauricio Poçetino mbetet favoriti kryesor, ndërsa pas tij renditen Antonio Konte dhe Guti. Trajneri i Totenhemit mbetet dëshira kryesore e drejtuesve të Realit dhe koeficenti i tij është 3.5. Ai drejton me sukses Totenhemin prej vitit 2014, ndërsa kontrata me klubin anglez skadon në vitin 2023.

Antonio Konte është një tjetër kandidat për të zëvendësuar Lopeteguin, ndërsa koeficenti i italianit është 4.5. Më pas vjen ish-fantazisti i Realit, Guti me një koefiçent 7, ndërsa janë rritur shanset e ish-trajnerit të Arsenalit, Arsen Venger, i cili ka patur koeficentin 34, ndërsa tashmë e ka 15.

Julen Lopetegui seems to be fighting for his job at Real Madrid already, and we make Mauricio Pochettino 5/2 favourite to be the next man in at the Bernabéu.

We’ve also seen a bit of money for Arsene Wenger, who’s now in from 33/1 to 14/1. https://t.co/H1fU5wma6N pic.twitter.com/CgJCyntOog

— Paddy Power (@paddypower) October 14, 2018