Mattia Perin

Aston Vila nuk ndalet, tenton 26-vjeçarin e Juves

Sport Ekspres — Sun, 28 Jul 2019 15:30:42 +0000

Aston Vila është rikthyer në Premier Ligë dhe ambiciet për të bërë mirë nuk mungojnë. Klubi nga Birmingami është ndër më aktivët në merkato dhe është përforcuar shumë, ndërsa nuk rinovoi kontratat me tetë lojtarë.

Drejtuesit po kërkojnë një portier dhe kanë hedhur sytë drejt Juventusit. Matia Perin është i preferuari i Aston Vilës. Negociatat me bardhezinjtë kanë nisur dhe janë në rrugë të mbarë.

Kampionët e Italisë kërkojnë 15 milionë euro për kartonin e 26-vjeçarit, Perin dëshiron të largohet pasi hapësirat për të janë tepër të pakta, për të mos thënë zero pas rikthimit të Xhixhi Bufon.

Nuk kalon testet mjekësore, anulohet shitja e Juventusit

Sport Ekspres — Thu, 18 Jul 2019 21:08:13 +0000

Matia Perin udhëtoi për në Lisbonë për të kryer vizitat mjekësore, që do pasoheshin nga prezantimi si portieri më i ri i Benfikës. Megjithatë, ky transferim ka ngrirë. Perin ka shfaqur probleme shëndetësore pas testeve mjekësore në klinikën e klubit portugez.
Juventusi arriti marrëveshje për të transferuar portierin për 15 milionë euro te Benfika. Ky operacion ka ngecur dhe Perin do të kthehet në Torino. Klubet kanë rënë dakort se 26-vjeçari do të transferohet te “Shqiponjat” pas katër muajsh, periudhë që përkon me kohën që duhet për t’u rikuperuar.

Perin më parë i është nënshtruar disa ndërhyrjeve për shkak dëmtimesh. Ai ka pasur probleme në ligamentet e gjurit dhe është operuar dy herë në shpatull. Kjo e fundit është ajo që e ka tradhëtuar italianin, duke mos arritur të kalojë testet mjekësore.

Vuloset fati i Perin, merr avionin për në Portugali

Sport Ekspres — Sun, 14 Jul 2019 19:55:28 +0000

Rikthimi i Bufon te Juventusi ka gëzuar shumë tifozës të Juventusit. Megjithatë, ka dhe palë të dëmtuara nga kjo lëvizje e papritur. Portieri 26-vjeçar nuk ka zgjidhje tjetër përveç se të largohet nga kampionët e Italisë pas vetëm një viti qëndrim në Torino.

Sipas “Gazzeta Dello Sport”, Perin ka pranuar të huazohet për një vit te Benfika. Kampionët e Portugalisë kanë arritur marrëveshjen me Juventusi dhe ditën e nesërme pritet që portieri të prezantohet në Lisbonë.

Në marrëveshjen e rënë dakord mes palëve, Benfika ka të drejtën e blerjes përfundimtare të kartonit për 15 milionë euro, por që kjo të ndodhë, Perin duhet të tregojë sa vlen gjatë sezonit të ardhshëm në kampionatin portugez.

Benfika “pazar” te Juventusi, Rui Kosta bind 26-vjeçarin

Sport Ekspres — Sun, 14 Jul 2019 08:34:41 +0000

Rikthimi i Xhixhi Bufon te Juventusi ka nxjerrë në shitje Matia Perin. Hapësirat për 26-vjeçarin pothuajse janë zëruar dhe e ardhmja e tij është larg Torinos.

Ofertat nuk mungojnë, madje edhe jashtë Italisë. Sipas raportimeve të “Sky Sport”, Perin është shumë pranë transferimit në Portugali. Benfika e kërkon dhe palët janë drejt arritjes së akordit final.

Portieri pritet të huazohet me detyrim blerje nga kampionët e Portugalisë për shumën e 15 milionë eurove. Rui Kosta, i cili mban rolin e drejtorit teknik të “shqiponjave të Lisbonës”, ka komunikuar gjatë ditëve të fundit me Perin dhe ka arritur t’ia mbushë mendjen për të zgjedhur Benfikën.

“Luftë luzitane” për gardianin e Juves, prioritet është Serie A

Sport Ekspres — Sun, 07 Jul 2019 07:00:03 +0000

Me ardhjen e Xhixhi Bufon, i hapet dera largimit të Matia Perin. Ky i fundit nuk e pëlqen aspak qëndrimin së stolin e rezervave dhe largimi tashmë është fakt. Ai erdhi në verën e kaluar për 12 milionë euro nga Xhenoa, por pavarësisht cilësive të padiskutueshme e ka pasur të pamundur të jetë mbi Vojçek Sheznit.
26-vjeçari kërkohet nga disa klube. Mediet italiane raportojnë se për të ka nisur një garë e hapur mes Benfikës dhe Portos. Dy klubet portugeze e kanë të domosdoshme praninë e një portieri me cilësi të larta dhe Perin është i duhuri.

Gjithsesi, dëshira e gardianit është të mos largohet nga Serie A. Në Itali për të interesohen Milani dhe Fiorentina. Kuqezinjtë mbeten një mundësi shumë e mirë. Donaruma shihet çdo ditë e më larg, me PSG që ka hapur thesin për ta blerë. Perin do ishte një zgjedhje e mirë dhe mjaft ekonomike.

Insiston Juventusi, përgatit ofertën për mesfushorin e talentuar

Sport Ekspres — Sun, 16 Jun 2019 20:40:11 +0000

Juventusi nuk dëshiron të heqë dorë nga Nikolo Zaniolo. 19-vjeçari i Romës është një nga të preferuarit e mesfushës dhe bardhezinjtë kanë gati ofertën e radhës.

U fol për një përfshirje të Gonzalo Higuain në tratativën me klubin kryeqytetas, por sulmuesit nuk i pëlqen të transferohet te Roma. Këta të fundit janë në nevojë për një portier cilësor dhe po vuajnë për të gjetur një të tillë.

Kampionët e Italisë janë gati të ofrojnë Matia Perin dhe para për Zaniolon. Cilësitë e portierit nuk vihen në dyshim, por hapësirat e pakta mund ta shtyjnë drejt largimit. Juventusi ofron kartonin e tij dhe 20 milionë euro (pa llogaritur bonuset) për të transferuar Zaniolon në Torino.