Bardhezinjtë i plotësuan çdo dëshirë, por ndikoi edhe tërheqja e klubit katalanas. “Zonja e vjetër” pagoi 75 milionë euro te kampionët e Holandës, ndërsa mbrojtësi i talentuar firmosi një kontratë 5-vjeçare me një rrogë prej 12 milionë eurosh me gjithë bonuse.

El Mundo Deportivo shpjegon edhe shkakun e tërheqjes së Barçës nga gara. Kërkesat e De Ligt për rrogën i befasuan kampionët e Spanjës. Ylli holandez kërkonte shumë, madje edhe më tepër se Pike dhe kolegët e tjerë të mbrojtjes, por jo vetëm.

Barcelona nuk pranoi dhe De Ligt fluturoi drejt Torinos. Ai është lojtari më i paguar te Juventusi pas Kristiano Ronaldos, i cili përfiton 31 milionë euro në sezon.

Mbrojtësi 19-vjeçar ka qenë i pafat në goditjen e këndit të ekzekutuar nga Sensi. Holandezi ka devijuar topin drejt portës së tij në përpjekje për ta larguar atë.

Trishtim për De Ligt dhe festë për djemtë e Antonio Kontes, të cilët udhëheqin me rezultatin 0-1 për momentin kundër “Zonjës së vjetër”.

Mbrojtësi 19-vjeçari i del në mbrojtje agjentit të tij dhe e analizon në këtë formë idenë e tij për “De Telegraaf”. De Ligt nuk i interesojnë fjalët e njerëzve, rëndësi ka që Mino është më i miri në atë që bën, ndërsa e mbyll me një thumbim.

“Raiola më detyron të firmos me një klub? Më vjen për të qeshur kur i dëgjoj këto fjalë… Unë jam një person modest nga natyra. E njoh mirë Minon dhe kjo ka të bëjë me raportin tonë, jo më fjalët e të tjerëve. Negociatorët e klubeve të mëdha e dinë se si funksionon kjo botë. Si i ri që jam, e kam parë të arsyeshme që dikush afër meje të merret me interesat e mia.

E kam parë më sy e mi të ndodhë diçka e tillë. Mino është më i miri në botë për operacione agjentësh. Reagime do të ketë gjithmonë dhe në Holandë të mendojnë çfarë të duan. Gjithsesi, vetëm unë e di se çfarë bën Mino për mua. Ai ka opinionin e vet dhe unë timin. Në fund jam unë ai që vendos. Në Holandë befasohen kur një lojtar nuk zgjedh Barcelonën dhe të gjithë nisin e merren me fjalë”, përfundon gjiganti i mbrojtjes bardhezi.

Holandezi komenton zgjedhjen e tij dhe ndikimin e kërkesës së Ronaldos pas finales së Ligës së Kombeve. Më pas një koment për Mauricio Sarrin. Trajneri ishte një prej shkaqeve kryesore që e bindën të transferohet te kampionët e Serie A.

JUVENTUSI – “Vij nga aventura me Ajaksin, aty ku kam luajtur shumë dhe kam krijuar eksperiencë pavarësisht se jam vetëm 19 vjeç. Dua të mësoj nga lojtarët më të vjetër përt t’u rritur akoma edhe më shumë. Juventusi është hapi i parë që hedh jashtë vendit tim, por ka qenë një nder i madh për mua të vij këtu dhe jam i lumtur për entuziazmin e krijuar nga tifozët.”

FTESA E CR7 – “Fakti që një lojtar si Kristiano të kërkon të luash në një ekip me të të bën të ndihesh shumë mirë, por nuk ishte kjo që bëri diferencën te transferimi im te Juventusi. Doja vetëm të pushoja dhe të mendoja me qetësi për të ardhmen time, por e dija që do të vija këtu.”

SARRI – “E vërtetë, kemi biseduar në telefon së bashku. Ai është një nga motivet pse doja të vija te Juventusi. Ishte një motiv shumë i fortë që ndikoi në vendimin tim. Foto me bluzën e Juves? Adhuroja Kanavaron kur isha i vogël dhe ai ishte një nga idhujt e mi.”

OBJEKTIVAT – “Me Superkupën bëhen katër kompeticione dhe ne duam të fitojmë gjithçka. Të shohim se çfarë mund të bëjmë. Juventusi dëshiron të fitojë gjithmonë dhe ne do e provojmë. Italia është një vend me traditë në repartin defensiv. Kjo është një sfidë e madhe për mua, ndërsa klubi tregoi se ka besim të madh tek unë. Ka shumë shkaqe pse zgjodha bardhezinjtë, por në fund vendosi ndjesia që më ka dhuruar kjo skuadër në lidhje me të tjerat.”

Edhe pse vetëm 19-vjeç, holandezi ka shumë personalitet. Kjo veti dallohet kur lufton për të ndaluar kundërshtarët në fushën e blertë, por edhe në fjalimet e tij jashtë tyre.

Sot erdhi zyrtarizimi i kalimit të tij te Juventusi dhe De Ligt ka zgjedhur të shkruajë diçka në rrjetet sociale, kombinuar me një video të bukur. Aty shfaqet i vogël me bluzën e “Zonjës së vjetër”, ndërsa idhujt e tij janë shumica milanistë.

“Jam i lumtur që jam veshur bardhezi dhe jam gati për Juventusin. Ishte momenti për të hedhur një hap para në karrierë. Gjithmonë jam mahnitur dhe e kam adhuruar mënyrën se si mbrojnë italianët. Ka shumë futbollistë të cilët i ndjek si shembuj: Maldini, Barezi, Nesta, Kanavaro, Shirea.

Kisha shumë oferta dhe zgjidhja nuk ishte e lehtë, por zgjodha më të mirën. Për mua kishte rëndësi të madhe besimi i klubit dhe minutat që do të përfitoja në fushë. Juventusi e tregoi se më donte me çdo kusht.

Largimi nga Ajaksi më emocionon. Kam kaluar momente shumë të bukura dhe të këqija me atë klub. Ishte si të ngjiteshe në malet ruse. Në jetë ekziston gjithmonë një moment kur duhet të ndahesh me ndonjë. Do të më mungojnë të gjithë, por askush nuk e di se çfarë mund të na rezervojë e ardhmja”, përfundon Matijs De Ligt.

75 milionë euro paguan kampionët e Italisë tek Ajaksi për kartonin e 19-vjeçarit, i cili ishte ndër zbulimet më të bukura të sezonit të fundit. De Ligt firmosi një kontratë 5-vjeçare, ndërsa rroga e tij do të jetë 12 milionë euro në sezon.

“Juventusi bën me dije se ka arritur akordin me klubin e Ajaksit për blerjen e Matijs De Ligt përballë një shume prej 75 milionë eurosh, shumë që do të paguhet në pesë këste”, thkeson klubi bardhezi në deklaratën zyrtare.

? LIGTS ? | Matthijs de Ligt officially signs for Juventus! ????

https://t.co/dWhtEdSULz #TURNDELIGTON #LiveAhead pic.twitter.com/1xrVIFqSBy

— JuventusFC (@juventusfcen) July 18, 2019

We fuel adrenaline. We ignite ambition. Are you ready? #LiveAhead#TURNDELIGTON pic.twitter.com/wDeIlgoDrT

— JuventusFC (@juventusfcen) July 18, 2019

Megjithatë, Barcelona nuk është dorëzuar deri në fund dhe ka tentuar t’i ndryshojë mendje 19-vjeçarit. El Mundo Deportivo raporton se presidenti i Barcelonës ka telefonuar De Ligt në momentet e fundit, me qëllim për ta bindur që të transferohej në La Liga.

Josip Bartomeu i ka kërkuar një takim lojtarit holandez, duke i premtuar se ishte gati të nisej për në Amsterdam. Kapiteni i Ajaksit ka pranuar, por nuk ka lënë pa lajmëruar Mino Raiolën. Agjenti ka qenë dakord, por i ka vënë një kusht kreut të klubit katalanas.

Takimi do të ndodhte vetëm nëse ai barazonte ofertën e Juventusit që ofronte 12 milionë euro rrogë sezonale për De Ligt dhe 11 milionë euro komisione për Raiolën. Bartomeu nuk ka pranuar, është tërhequr në fund dhe i ka lejuar rrugë të lirë bardhezinjve për të arritur marrëveshjen përfundimtare.

“De Telegraaf” zbulon se marrëveshja është arritur për shifrën e 67 milionë eurove përfshirë edhe bonuset. Juventusi do ta prezantojë mbrojtësin 19-vjeçar ditën e shtunë, për të evituar largimin e tij në fazën përgatitore me “harkëtarët”.

Klubi italian fiton më në fund konkurrencën me Barcelonën dhe PSG-në. De Ligt do të firmosë një kontratë 5-vjeçare me një rrogë prej 12 milionë eurosh në sezon, ndërsa klauzola e largimit të tij pritet të jetë 150 milionë euro.

Përndryshe nuk mund të jesh dot kapiten i Ajaksit në moshën 19-vjeçare. Flasim për Matijs De Ligt, mbrojtësin holandez që po mban në ankth miliona tifozë. Juventusi, PSG dhe Barcelona po garojnë prej kohësh për shërbimet e tij, por e ardhmja është përcaktuar.

De Ligt do të luajë sezonin e ardhshëm në Torino. Bardhezinjtë kanë arritur prej kohësh akordin me lojtarin dhe janë pranë marrëveshjes finale me Ajaksin. “Sportmediaset” raporton një detaj të veçantë, që konfirmon “martesën” Juventus-De Ligt.

Zakonisht janë trajnerët ata të cilët telefonojnë lojtarët gjatë një tratative. Për t’i bindur në vlerat e tyre dhe për të pranuar ofertën. Kësaj radhe ka ndodhur e kundërta, sepse De Ligt është ndryshe nga të tjerët.

I riu i talentuar ka telefonuar Mauricio Sarrin, trajnerin e tij të ardhshëm. “Mister, si do të luajmë, me çfarë skeme?” ka qenë pyetja e lojtarit “tulipan”. Mentalitet i duhur dhe dëshirë për të qenë i përgatitur, të paktën psikologjikisht, kur të zbarkojë si përforcimi i Juventusit, që “blindon” repartin defensiv për shumë vite me realizimin e këtij transferimi.

Bardhezinjtë do të ofrojnë 75 milionë eurot e kërkuara, por ky nuk pritet të jetë biznesi i vetëm me Ajaksin. Sipas raportimeve të “Corriere dello Sport”, Juventusi është gati t’i ofrojë Moize Ken kampionëve të Holandës.

“Harkëtarët” e pëlqejnë shumë sulmuesin e ri, por të dy operacionet do të jënë të ndara nga njëri-tjetri. Sakrifica për të larguar sulmuesin e talentuar nuk do të shkojë dëm, pasi “Zonja e vjetër” do të fusë në marrëveshje pikën e riblerjes në të ardhmen.

Të dy lojtarët, si De Ligt dhe Ken, kanë agjent Mino Raiolën dhe ky i fundit po merret me detajet e operacionit të dyfishtë. Mundësi e mirë për të gjithë, klubet dhe vetë futbollistët.

Juventusi i jep goditjen finale në këtë mënyrë shpresave të Barcelonës dhe PSG-së për të siguruar shërbimet e një prej mbrojtësve më të mirë për momentin dhe për të ardhmen.

Juventusi mbetet në avantazh pasi është ekipi i preferuar i mbrojtësit 19-vjeçar, por problemi quhet Ajaks. Sipas lajmeve që raporton “Marca”, klubi holandez është acaruar për faktin që bardhezinjtë kanë arritur akordin me lojtarin (12 milionë euro në sezon rroga) pa i lajmëruar më parë ata.

“Zonja e vjetër” ka arritur të ofrojë deri në 65 milionë euro në total për kapitenin e Ajaksit, ndërsa Barcelona dhe PSG kanë bërë oferta më të larta. “Harkëtarët” janë lodhur nga kjo situatë dhe po mendojnë një skenar tjetër.

Ajaksi zbret të hënën në fushë për nisjen e përgatitjeve të sezonit të ri dhe drejtuesit e klubit mund të thërrasin edhe De Ligt, duke vendosur ta mbajnë në ekip. Për momentin, derisa oferta për shërbimet e tij të rritet…

Bardhezinjtë kanë ofruar 65 milionë euro duke përfshirë bonuset, por Ajaksi ka refuzuar sipas ad.nl. “Harkëtarët” kërkojnë më shumë para dhe raportohet se Barcelona dhe PSG kanë ofruar më shumë për mbrojtësin 19-vjeçar.

Ajaksi do të nisë përgatitjet për sezonin e ri ditën e hënë dhe ka thirrur De Ligt të paraqitet në stërvitje. E ardhmja e tij është akoma pezull. Katalanasit janë tërhequr dhe në garë ka mbetur vetëm Juventusi me PSG-në.

Avantazhi i madh i Juventusit është dëshira e vetë kapitenit, i cili preferon transferimin në Serie A, por kampionët e Italisë duhet të rrisin ofertën.

I pari është zyrtarisht juventin dhe u mor pas harxhuar asnjë cent për kartonin e tij, ndërsa mbrojtësi holandez është shumë afër dhe pritet zyrtarizimi i tij nga çasti në çast.

“Rabiot është më shumë se një futbollist i mirë. Nuk është Mesi, por ka kualitet dhe luan në të gjithë fushën. Ai është një numër 8 i kohërave të vjetra, një ‘mezzala’ dhe jo një organizator.

De Ligt? A mund të tregohem i sinqertë? E njoh pak si futbollist, por shifrat 70, 100 dhe 200 milionë euro janë të ekzagjeruara. E blen një futbollist me miliarda dhe pas katër vitesh e humbet”, përfundon Mishel Platini.

Një goditje e madhe e kampionëve të Italisë, të cilët përforcojnë repartin e mbrojtjes me 19-vjeçarin e talentuar. Megjithatë, drejtuesit e “Zonjës” kanë një tjetër mision: Pol Pogba.

Mesfushori e ka bërë të qartë dëshirën e tij për t’u larguar nga Mançester Junajtid dhe e ardhmja është mes Juventusit dhe Real Madrid. Sipas raportimeve të “AS”, francezi ka ish-klubin e tij si zgjedhje të parë.

Katër sezone (2012-2016) qëndroi Pol Pogba në Torinon bardhezi, aty ku po insiston të rikthehet përsëri. Pogba ka biseduar në telefon me Mauricio Sarrin dhe ia ka bërë të qartë trajnerit të ri dëshirën për të luajtur nën urdhrat e tij. Junajtid kërkon 150 milionë euro për kartonin e 26-vjeçarit dhe klubi anglez as që ka ndërmend të zbusë sadopak kërkesat e saj.

Qendërmbrojtësi do të vijojë karrierën në Torinon bardhezi, ndërsa zëvendës presidenti i klubit kampion të Spanjës ka folur në lidhje me këtë transferim.

“Ne të zhgënjyer? Nuk mund të jemi të zhgënjyer për diçka për të cilën nuk jemi interesuar kurrë dhe nuk jemi marrë fare me atë çështje”, thekson Zhordi Kardoner për “Gazzetta dello Sport”.

Fabio Paratiçi dhe Mino Raiola do të nisen drejt Amsterdamit për të firmosur gjithçka me Ajaksin dhe 19-vjeçarin holandez. 70 milionë euro do të kalojnë në arkat e “Harkëtarëve”, 11 të tilla në xhepat e agjentit të lojtarit, ndërsa ky i fundit do të firmosë një kontratë 5-vjeçare me 12 milionë euro rrogë sezonale (8 fiks dhe 4 në formë bonusesh). Ndërkohë është përcaktuar edhe klauzola prej 150 milionë eurosh.

Një tjetër lëvizje që tregon fuqinë dhe ambiciet e Juventusit pas blerjes së Kristiano Ronaldos verën e kaluar. “Zonja e Vjetër” ka guxuar të ndryshojë dhe filozofinë e lojës me zgjedhjen e Sarrit si trajner dhe tifozët po presin me padurim nisjen e sezonit të ri. Një gjë është e sigurt, ky Juventus do të jetë si gjithmonë shumë i fortë, por edhe më i bukur për t’u parë.

Braziliani ka gati një rrogë prej 15 milionë eurosh në sezon për 19-vjeçarin. Bardhezinjtë po nxitojnë, pasi ia kanë frikën francezëve. “Zonja e vjetër” ka marrëdhënie të mira me agjentin e lojtarit, por Mino Rajola njihet për surprizat e tij të pakëndshme dhe diçka e tillë “tremb” italianët.

Paratë nuk janë problem për PSG-në, sidomos pas lajmeve të fundit që flasin për një shitje të Nejmarit te Barcelona. Leonardo dëshiron me çdo kusht akordin me kapitenin e Ajaksit dhe është gati t’i dhurojë De Ligt një rrogë totalisht të çmendur, me synimin për ta transferuar lojtarin në kryeqytetin francez.

Mino Rajola po punon me të dy klubet për të siguruar sa më shpejt marrëveshjen përfundimtare. Agjentit te kapitenit holandez i ka lindur një ide. Rajola zotëron edhe të drejtat e Moize Ken.

Sulmuesi i bardhezinjve pëlqehet shumë nga Ajaksi dhe ai mund të përfshihet në tratativën që do të dërgojë De Ligt në Torino. Juventusi është në dyshim; kualiteti i 19-vjeçarit nuk diskutohet, por shqetëson karakteri i tij.

Kampionëve të Italisë ju pëlqen ideja e përfshirjes së lojtarit me origjinë nga Bregu i Fildishtë për të paguar sa më pak para tek Ajaksi, por ata nuk duan ta humbasin përfundimisht. Zgjidhja perfekte do të ishte futja e të drejtës së riblerjes së Ken nga Juventusi në të ardhmen.

73-vjeçari, i cili ka luajtur gjashtë sezone me bardhezinjtë dhe i ka drejtuar për dy të tjera nga stoli, e vlerëson shumë 19-vjeçarin holandez dhe e cilëson atë si ndër më të mirët në rolin e tij.

Me blerjen e kapitenit të Ajaksit, Kapelo është i bindur që nuk do të ketë sërish garë për titull në Itali dhe “zonja e vjetër” do të fitojë titullin e nëntë rresht.

“Nëse Juventusi merr De Ligt ka mbaruar gjithçka dhe nuk do të ketë garë për titull. Njësoj si vitet e kaluara dhe llogaritë fillojnë e bëhen për sezonin 2020/2021”, thekson Fabio Kapelo.

Lojtari është lumturuar nga fjalët e portugezit dhe diçka e tillë i pëlqen shumë edhe agjentit të tij. Mino Rajola, përveçse ka raporte shumë të mira me drejtuesit e “zonjës së vjetër”, është i bindur që klienti i tij do të përmirësohet shumë në një ekip me yllin portugez.

Juventusi do të paguajë 70 milionë euro tek Ajaksi (shkon në 80 milionë shuma bashkë me bonuset), ndërsa qendërmbrojtësin e pret një kontratë 5-vjeçare me një rrogë bazë prej 7.5 milionë eurosh në sezon, por që shkon në rreth 12 milionë bashkë me bonuset e majme. Diçka e tillë do e bëjë De Ligt lojtarin e dytë më të paguar në Serie A pas Kristiano Ronaldos.

Një arritje e madhe për të dhe një përforcim me vlera për kampionët e Italisë, të cilët sigurojnë një mbrojtës plot kualitet, i cili është lider, ka cilësi fizike dhe teknike shumë të mira, inteligjent dhe njohës i mirë i golit. Mos harroni që është vetëm 19 vjeç…

22-vjeçari është ndalur te merkato, duke folur për të ardhmen e tij dhe Matijs De Ligt në një prononcim për mediat braziliane.

Ofertat për të dy nuk mungojnë, por lojtari ofensiv nuk ka ndërmend të lëvizë. Të njëjtën gjë mendon dhe uron edhe për kapitenin, i cili është kthyer në një ndër lojtarët më të kërkuar.

“Mendoj se Matijs do të qëndrojë tek Ajaksi. Kjo do të ishte zgjedhja më e mirë për të. Edhe unë do të vazhdoj të luaj për ‘harkëtarët’. Kam disa oferta, por nuk e kam ndërmend të lëviz”, thekson David Neres.

Mino Rajola është takuar disa herë ditët e fundit me drejtuesit e PSG-së dhe kanë mbetur për t’u përcaktuar detajet e fundit të akordit. Lajmi konfirmohet edhe nga holandezja “De Telegraaf”, që zbulon edhe shifrat e transferimit.

Ajaksi do të përfitojë një shumë rreth 75-80 milionë euro, ndërsa De Ligt e pret një kontratë 5-vjeçare me rreth 10 milionë euro rrogë në sezon. Në tratativë është përfshirë edhe braziliani Leonardo, i cili është rikthyer te kampionët e Francës.

Rivaliteti me Barcelonën dhe Mançester Junajtid është fituar. Vetë nëna dhe e dashura e mbrojtësit kanë nisur punën për gjetjen e një shtëpie në Paris, kështu që De Ligt pritet të vijojë karrierën e tij me ekipin e gjermanit Tuhel.

Ofertat janë të shumta, diçka që qendra e mbrojtjes e sheh si një sfidë. Barcelona, Juventus, Bajern Mynih dhe Mançester Junajtid janë kandidatët kryesorë për të siguruar shërbimet e tij, por zgjedhja i takon ati.

Në një prononcim për “RTL4”, kapiteni i “Harkëtarëve” tregohet i sinqertë dhe komenton vështirësitë që do të hasë kur të transferohet nga Holanda.

“Jam shumë i emocionuar për atë që mund të ndodhë në të ardhmen e afërt. Në të njëjtën kohë përpiqem të ruaj qetësinë. Ofertat e shumta i shoh si sfida dhe kjo është gjëja më e rëndësishme. Kam shumë opsione dhe sinqerisht dua të zgjedh më të mirën për mua. Jeta jashtë mund të jetë e vështirë, por jam një djalë normal holandez, aspak ndryshe nga të tjerët. Lëvizja jashtë shtetit mund të jetë më intensive për mua”, përfundon kapiteni i Ajaksit.

Elegancë, saktësi, forcë, qetësi, personalitet, fizik fantastik për moshën e tij dhe lider. Jo më kot ai kërkohet nga gjysma e Europës. De Ligt i tregoi edhe mbrëmë cilësitë që ka, ndihet i lumtur për suksesin e arritur dhe nuk i vendos limite Ajaksit të tij.

“Zhvilluam një ndeshje të madhe në stilin e Ajaksit. Hasëm vështirësi kundër Realit në ndeshjen e parë, por e dinim që të njëjtën gjë do të provonin dhe ata në ‘Santiago Bernabeu’. Ne luajmë futbollin tonë me qetësi, sulmojmë gjithmonë dhe e nisim organizimin e lojës që nga mbrojtja. Ku mund të mbërrijmë? Të shohim, nuk ia kam idenë se deri ku mund të mbërrijmë”, përfundon Matijs De Ligt për “TMW”.

Kualitet, elegancë, i fortë në ajër, eksperiencë dhe lider. De Ligt është një mbrojtës fantastik, ndërsa Juventusi ndodhet në “pole-position” për të siguruar shërbimet e tij, por De Ligt tregohet një kapiten i vërtetë dhe përjashton mundësinë e largimit nga Ajaksi në janar.

“Nuk kam frikë për t’u larguar, por nuk dua ta lë Ajaksin në këtë seksion merkato. Kemi trofe për të fituar dhe të gjithë duhet të qëndrojmë në skuadër për të dërguar klubin tonë drejt trofeve”, thekson De Ligt për “Nederlandse Omroep Sticting”.