“Shpresoj që djali im ta shohë Milanin të fitojë diçka përpara pensionimit!”

Sport Ekspres — Fri, 26 Apr 2019 12:08:33 +0000

Mateo Salvini është kthyer në kryefjalën e momentit te Milani, me zëvendëskryeministrin italian dhe njëkohësisht ministrin e brendshëm që fillimisht e quajtin ekipin kuqezi të turpshëm. Më pas, ishte drejtori Leonardo, i cili iu kundërpërgjigj Salvinit, duke i thënë se turp ishte që ndeshja nuk u ndal nga koret raciste.

Gjithsesi, Salvini nuk e ka lënë me kaq dhe ka dhënë një përgjigje për Leonardon, duke thënë se i duket e çuditshme që një drejtues i Milanit të kërkojë pezullimin e ndeshjes. Ndërkohë, në fund shrepehet dhe me ironi, se shpreson që djali i tij ta shohë Milanin të fitojë diçka të paktën deri para se të dalë në pension.

“Kam lexuar intervistën e Leonardos, i cili kërkonte që loja të pezullohej për kore të disa budallenjve. Koriet nuk ndalen me pezullimin e ndeshjeve, por me 99% të tifozëve që janë të sjellshëm dhe të respektueshëm. Një drejtues i një ekipi prestigjioz si Milani të kërkojë pezullimin e ndeshjes dhe të krijojë polemika me gjyqtarët si një tifoz, mua personalisht më duket e çuditshme.

Nuk është përgjegjësi e Ministrit të Brendshëm të vendosë se kush do të jetë trajneri i Milanit. Si një tifoz dëshiroj që djali im, i cili është 16 vjeç, të shoh Milanin të fitojë diçka përpara se të dalë në pension.”

#Razzismo #Cori #Salvini risponde a #Leonardo: “Non faccia polemiche” https://t.co/kxUYliiKB6 #serieA #milan pic.twitter.com/xL0Es8dRXI

— LaGazzettadelloSport (@Gazzetta_it) April 26, 2019

Ultrasit e Bolonjës sulmojnë ata të Torinos, Salvini: T’i kalbim në burg idiotët

Sport Ekspres — Sat, 29 Dec 2018 12:04:23 +0000

Sot zhvillohet java e fundit për këtë vit e Serie A dhe gjërat nuk kanë nisur në mënyrën më të mirë. Dhuna ka shpërthyer përsëri në futbollin italian. Një grup tifozësh i Torinos ishin nisur drejt Romës, aty ku luhet ndeshja me Lacion.

Ata kanë ndaluar në një autogril afër Firences, ndërsa kanë mbërritur dhe disa ultras të Bolonjës. Këta të fundit ishin nisur drejt Napolit për të ndjekur ekipin e tyre. Siç raporton “Corriere di Torino”, tifozët e Bolonjës kanë sulmuar ata torinezë, duke goditur autobusin dhe thyer xhamat e tij.

Autobuzi i sulmuar i tifozëve të Torinos

Bolonjezët janë “zhdukur” përpara ardhjes së policisë, ndërsa tifozët granata kanë vazhduar udhëtimin, duke përdorur kartonë në vend të xhamave të thyer.

Për episodin e ndodhur ka reaguar dhe Mateo Salvini, ministri i brendshëm. “Le të fillojmë t’i mbajmë në burg këta idiotë, të cilët nuk duhet të shkelin më kurrë në stadiume, derisa të zhduken. Një tifoz i vërtetë nuk gjuan me gurë, ose përdor thika, zero tolerancë”, shkruan i irrituar Salvini në faqen e tij në rrjetet sociale.

Cominciamo col tenere in galera questi deficienti, che non dovranno mai più mettere piede in uno stadio finché campano.
Un vero tifoso non lancia sassi né usa coltelli, tolleranza zero!https://t.co/7XCUPQ7M4l

— Matteo Salvini (@matteosalvinimi) December 29, 2018