Matip

VIDEO | Bajerni rikthen baraspeshën, Matip i “jep një dorë”

Sport Ekspres — Wed, 13 Mar 2019 20:54:25 +0000

Është rikthyer baraspesha në “Allianz Arena”. Një autogol i Matip në minutën 39-të të takimit ta çuar rezultatin 1 – 1. Protagonist i golit ishte Serzh Gnabri, i cili depërtoi në zonë dhe dërgoi një top për Robert Levandovskin.

Matip në përpjekje për të larguar topin gaboi në spastrim duke e çuar sferën në rrjetën e tij. . Gjithsesi Bajernit i duhet medoemos goli i avantazhit në pjesën e dytë për të kaluar më tej.

Liverpuli humbet pjesët, i duhet të futet në merkato

Sport Ekspres — Wed, 12 Dec 2018 17:36:55 +0000

Skuadra që funksionon nuk preket. Rregulli i pashkruar i futbollit vlen, por vetëm kur një skuadër është e plotë dhe në futbollin modern po luhet aq shumë, saqë është e pamundur që një ekip ta nisë e ta mbyllë sezonin pa dëmtime serioze.

Liverpuli është duke përjetuar një moment delikat në këtë drejtim, sepse në ndeshjen kundër Napolit humbi për dëmtim mbrojtësin Xhoel Matip.

Qendërmbrojtësi u përplas keq me Kulibalin dhe ka pësuar një dëmtim serioz në zverk, aq sa përfundoi në spital.

Tashmë Matip duhet të operohet dhe do të mungojë për rreth dy muaj. Klop ka edhe probleme të tjera në mbrojtje dhe tashmë do të detyrohet të ndryshojë planet e janarit, sepse duhet urgjentisht ndonjë përforcim, për të mos rrezikuar një fund sezoni dramatik, me dëmtime e lojtarë të shtrydhur fizikisht.

Vetëm para pak ditësh Liverpuli humbi për dëmtim edhe talentin e qendrës së mbrojtjes Xho Gomez, i cili gjithashtu do kthehet në fushë vitin e ardhshëm, ndaj duhet patjetër një qendërmbrojtës me eksperiencë.

Klop fillon “spastrimet”, nga Turqia duan dy lojtarë

Sport Ekspres — Thu, 22 Nov 2018 10:52:50 +0000

Klubi më i titulluar në futbollin turk, Fenerbarçe, është përfshirë në një krizë si kurrë më parë. Pas 12 javësh kampionat skuadra nga Stambolli ka grumbulluar vetëm 13 pikë dhe ndodhet në vendet e fundit të tabelës. Për të larguar krizës drejtuesit e klubit kanë menduar të marrin në Stamboll dy lojtarë nga anglezët e Liverpulit.

Bëhet fjalë për mbrojtësin Xhoel Matip dhe sulmuesin Divok Origi. Të dy lojtarët janë lënë në harresë nga Klop. Mbrojtësi Matip, është aktivizuar vetëm në një ndeshje si titullar, ndërsa situata e sulmuesit belg është shumë më e rëndë, pasi 23-vjeçari ende s’ka debutuar në këtë sezon të Premier Ligës.

Është e qartë se të dy lojtarët nuk janë më pjesë e planeve të “të kuqve” dhe një largim i tyre në merkaton e janarit është diçka mëse e realizueshme. Fenerbahçe kërkon huazimin e të dy lojtarëve, diçka kjo që nuk pëlqehet nga drejtuesit e Liverpulit, pasi ata kërkojnë që të shesin përfundimisht kartonët e të dy lojtarëve.