matic

Junajtid, pa katër lojtarë kryesorë kundër Barcelonës

Sport Ekspres — Tue, 09 Apr 2019 19:44:02 +0000

Mançester Junajtid dhe Barcelona do të përplasin brirët ditën e nesërme në “Old Trafford”, sfidë e vlefshme për çerekfinalet e Ligës së Kampionëve. Katalanasit shihen dukshëm favoritë për këtë takim, por “Djajtë” kanë treguar se dinë të bëjnë surpriza.

Dëmtimet kanë qenë një problem madhor për Ole Gunar Solskjaer dhe trajnerit norvegjez shpeshherë i është dashur t’iu besojë të rinjve. Edhe në sfidën kundër Barcelonës, Solskjaer duhet të bëjë llogaritë pa katër lojtarë.

Nemanja Matiç, Ander Herrera, Erik Beili dhe Antonio Valencia me shumë gjasa nuk do të luajnë kundër Barcelonës. Përveç këtyre katër lojtarëve shumë të rëndësishëm, në dyshim është dhe Markus Rashford, që është stërvitur i diferencuar të hënën.

Matiç “Red Devil”, por Felaini nuk preket

Sport Ekspres — Mon, 31 Jul 2017 11:32:08 +0000

Nemanja Matiç është praktikisht një futbollist i ri i Mançester Junajtid, sepse sot do të kryejë kontrollet mjekësore dhe me shumë gjasa do të zyrtarizohet që sot, para udhëtimit për në Dublin, për një miqësore me Sampdorian.

Edhe pas afrimit të Matiç dhe me një mesfushë te mbingarkuar me lojtarët që i kanë lënë pas dëmtimet, Zhoze Murinjo nuk heq dorë nga Maruan Felaini.

Belgu 29-vjeçar do të vazhdojë të jetë pjesë e “Djajve të Kuq”. Trajneri portugez deklaroi në konferencën se Gallatasarai, klubi që ndjek prej kohësh mesfushorin shtatlartë, do ta kishte më të lehtë të merrte për trajner vetë Murinjon sesa te largonte Felainin nga Junajtid. “Është shumë i rëndësishëm per mua” – ka thënë tekniku i cili pavarësisht kritikave të tifozëve do të vazhdojë t’i besojë beniaminit të tij.

Matiç-Junajtid, mungon vetëm zyrtarizimi

Sport Ekspres — Sun, 30 Jul 2017 14:27:14 +0000

Në Angli nuk kanë dyshime se mesfushori i Çelsit, Nemanja Matiç do t’i bashkohet ekipit të tij të ri javën e ardhshme. Sipas gazetarëve anglezë, mesfushori serb do të bëhet pjesë e Mançester Junajtidit nesër.

Mançesteri raportohet se do të paguajë deri në 40 milionë sterlina për të, ose rreth 45 milionë euro. Klubi londinez i ka lënë rrugë të lirë largimit të serbit, i cili ka shfaqur dëshirën për të punuar përsëri me Murinjon.

Matiç përfundoi jashtë ekipi në turneun në Azi, që praktikisht konfirmoi dhe largimin e tij nga Çelsi, ndërsa sot është në Mançester.

Gallatasaraji do Fellainin – Sakaq, mediat turke kanë bërë me dije se Gallatasaraji ka shfaqur interes për mesfushorin e “Djajve të kuq”, Maruan Fellaini, për të cilin nuk do të ketë vend në ekip me afrimin e Nemanja Matiç.