Juventus apo Real Madrid? Pogba ka një preferencë

Sport Ekspres — Sun, 28 Jul 2019 10:23:09 +0000

E ardhmja e Pol Pogba te Junajtid është në dyshim të madh. Mesfushori nuk ndihet i kënaqur në “Old Trafford” dhe kërkon të largohet. Juve dhe Real janë dy ekipet që dëshirojnë shërbimet e tij. Rreth të ardhmes së francezit ka folur edhe vëllai, Matias. Ai lë të kuptohet se Pol dëshiron të shkojë në Spanjë te Reali.

“Ka shumë fjalë rreth së ardhmes së tij, por ne nuk mund të bëjmë asgjë. Zidan është një mjeshtër futbolli. Është një idhull i imi që në fëmijëri. Punon shumë mirë dhe është një shembull për çdo futbollist. Futbolli spanjoll është më i miri.

Çdokush e pëlqen atë. Unë, vëllai im, të gjithë futbollistët. Ne vazhdojmë jetën tonë. Nëse diçka është e shkruar që të vijë, le të vijë. Mendoj se Pol do të ndihmonte çdo ekip. Nëse shkon në Madrid do ndihmojë Realin”, u shpreh Matias.

Kilet e tepërta të penalizojnë edhe po ishe vëllai i… Pogbasë

Sport Ekspres — Wed, 15 Aug 2018 17:58:16 +0000

Matias Pogba është sulmuesi i kombëtares së Guineas dhe vëllai i madh i Pol Pogbasë. Ndërkohë që mesfushorit francez po i shkon gjithçka vaj, me fitimin e Kupës së Botës dhe gradimin si kapiten i Mançester Junajtid, situata e 27-vjeçarit është ndryshe. Ai ishte pjesë e Spartës së Roterdamit para dy sezonesh, ndërsa vitin e kaluar qëndroi pushim për shkak të një dëmtimi.

Së fundmi, sulmuesi ka tentuar ta nisë nga e para, duke qenë në tratativa me ekipin e KFC Uerdingen, të cilët militojnë në kategorinë e tretë gjermane. Por këta të fundit kanë refuzuar të afrojnë në ekip vëllain e Pol Pogba. Diçka të tillë e tregon trajneri i ekipit gjerman, Stefan Kramer, i cili ka shpjeguar vendimin e marrë.

“Matias e larguam, sepse nuk ishte në gjendje të përmirësonte ekipin tonë. Ai nuk ishte akoma gati fizikisht. Matias ka një fizik të mirë për një numër 9, por ai kishte më shumë kile seç duhej”, tha trajneri gjerman.