Matia Perin

I ka “ngelur” në derë, Juve gjen vend për 26-vjeçarin

Sport Ekspres — Sat, 03 Aug 2019 16:42:28 +0000

Juventus nuk ka në plan ta mbajë Perin këtë sezon në ekip, por edhe vetë portieri dëshiron të largohet diku ku të jetë titullar. 26-vjeçari ishte shumë pranë shitjes te Benfika, por dështoi në testet mjekësore, duke shfaqur probleme në krahun e majtë. Tranferimi u ndërpre.
Një pistë tjetër del në skenë për Perin. Monako dëshiron shërbimet e tij. Francezët janë në kërkim të një portieri të ri në moshë me cilësitë e yllit të Juves. Dy klubet janë pranë dakortësisë për transferimin e gardianit.

Nuk bëhet fjalë për një blerje të menjëhershme, por për një huazim me të drejtën e blerjes në fund të sezonit. Një opsion që Juventusin nuk e favorizon, pasi i duhen para në mënyrë direkte, por nuk ka zgjidhje tjetër. Më parë edhe Aaston Vila interesohej për Perin, por ata zgjodhën të blejnë Tom Heton nga Bërnlej.

Juve strategjike, ka një plan për të rrëmbyer yllin e Milanit

Sport Ekspres — Tue, 02 Jul 2019 15:26:48 +0000

Është fakt i zbardhur prej kohësh që Juventus pëlqen Donarumën. Gjithsesi, “Zonja” ka qenë tërhequr nga interesi i saj për djaloshin kuqezi, duke parë rrogën e lartë që ka në Milano dhe praninë e portierëve si Shezni dhe Perin në “Allianz Stadium”.
Mediet italiane raportojnë se Paratiçi dhe Nedved do hyjnë përsëri në garë për të sjellë Donarumën në Torino. “Sport Mediaset” shprehet se Juventus ka gati strategjinë për të materializuar këtë operacion. Milani ka nevojë për të ardhura dhe e ka nxjerrë në shitje gardianin. Shezni mund të niset drejt Parisit për të qenë portieri kryesor i PSG. Perin do të zëvendësojë Donarumën në Milano, plus një shumë parash.

Largimi i dy portierëve të Juves i hap rrugë ardhjes së Donarumës dhe Bufon në Torino. Një strategji mjaft e ndërlikuar. Për portierin e kombëtares italiane interesohet PSG, të cilët kanë gati ofertën. Areola plus 20 milion janë gati për të bindur Milanin. Vështirësia tjetër e këtij operacioni qëndron tek dëshira e Perin dhe Shezni për të lëvizur drejt destinacioneve që mendon Paratiçi.

Në lidhje me Donarumën, do të ishte një kënaqësi zbarkimi në Torino, duke qenë se do mësonte prej Xhixhi Bufon. Në pamje të parë duket një operacion tepër i ndërlikuar, por kjo merkato ka treguar se asgjë nuk është e paarritshme, sidomos nëse flasim për Juventusin.

Juventusi e nis me largime, Sevija bën pazar në Torino

Sport Ekspres — Thu, 27 Jun 2019 11:06:49 +0000

Juventusi këtë vit kishte fatin të kishte dy portierë të një niveli mjaft të mirë si Matia Perin dhe Vojçek Shezni. Polaku me eksperiencën dhe aftësitë e tij ka arritur të mundë konkurencën e Perin, me këtë të fundit që e ka të pamundur të qëndrojë edhe një vit tjetër në stol, sidomos në këtë moshë.
Këtë sezon ai regjistroi vetëm nëntë ndeshje. Kështu, 26-vjeçari me shumë mundësi do të largohet këtë verë. Sevija është një mundësi tepër e mirë për mbrojtësin ekstrem të Juventusit. Spanjollët kanë shfaqur interes për të. Drejtori sportiv i klubit andaluzian, Monki, e njeh mjaft mirë portierin sepse e ka ndjekur atë që kur kishte rol në ekzekutivin e Romës.

Serxho Riko, portieri i parë i Sevijas mund të largohet në Premier Ligë, me Fulhemin që është favorit për shërbimet e tij. Perin pritet të zbarkojë në Spanjë për ta zëvendësuar. Edhe Roma ka dëshiron shërbimet e tij. Olsen nuk ka treguar sigurinë e pritur dhe shtimi i konkurencës do të ishte zgjidhja e duhur. Vlera e tij në merkato është 15 milionë euro.

STATISTIKAT | Perin “i papunë”, por në Europë askush si ai

Sport Ekspres — Mon, 17 Dec 2018 13:55:11 +0000

Masimiliano Alegri ka shumë arsye për të buzëqeshur. Juventusi i tij kryeson në Serie A dhe ka kaluar në Champions, si e para në grup. Lojtarët bardhezinjë kanë qenë thuajse perfekt deri tani, pavarësisht disa gabimeve të vogla. Të paktën, statistikat e tregojnë këtë.

Në merkaton e kaluar, klubi nga Torino arriti të fitojë shërbimet e portierit Italian, Matia Perin. Ky i fundit ka luajtur vetëm 3 ndeshje dhe statistikat e bëjnë atë të “pathyeshëm”. Në 270 minutat që ai ka qenë ai mes shtyllave, porta e Juves është mbajtur e paprekur.

Më saktësisht, italiani ka luajtur ndaj Spalit (Juventus-Spal 2:0), ndaj Bolonjës (Juventus-Bolonja 2:0) dhe të shtunën e kaluar në derbin ndaj Torinos (Torino-Juventus 0:1). Në Champions, Perin nuk ka luajtur akoma asnjë minutë. Falë mbrojtjes së Juves, lojtarët kundërshtarë kanë dalë 6 herë përballë “gardianit” juventin, por pa e mposhtur atë.

T’i marrësh vendin e titullarit Sheznit nuk është aspak e thjeshtë, por sa i përket këtyre statistikave në Europë, askush nuk është si Perin.