“Është shkruar dhe thënë shumë çdo ditë e natë. Ishte e bezdisshme me aq shumë sa u spekulua. Kam qeshur në shumë momente me mesazhet që vinin, por gjithashtu vjen një moment që lodhesh. Papritur, edhe babi im ishte i shëndoshë për ta, sepse dikur më refuzuan (Junajtid). Kjo dhe shumë gjëra të tjera, më bënë që të mos i zgjedh ata”, deklaroi De ligt.

Mbrojtësi ka kryer vizitat mjekësore ditën e sotme. Ka akoma proçeduar për t’u mbyllur, kështu që prezantimi nuk do të bëhet kaq shpejt. Dita e nesërme do të jetë ajo e zyrtarizimit në faqen zyrtare të klubit.

Pas përmbylljes së kësaj proçedure, do të shohim De Ligt të veshur bardhezi në “Allianz Stadium”. Ky moment është rezervuar për të premten.

“Transferimi i De Ligt nuk ishte një çështje se cili e klub e dëshironte më shumë. Juve është thjesht klubi më i mirë për të. Është shumë e rëndësishme që një mbrojtës të provojë të luajë në kampionatin italian. Këtu mund të mësojë nga më të mirët në botë”.

“Ky hap ishte i nevojshëm për karrierën e tij. Padyshim ndër mbrojtësit e rinj në moshë është më i mirë në botë. Tani i duhet pak kohë për të treguar se mund quhet edhe më i miri në rang botëror. Përsa i përket disiplinës dhe mentalitetit, do thosha që ia kalon edhe lojtarëve si Pavel Nedved. Më kujton Ibrahimoviçin kur ishte i ri, për shkak se të dy janë njerëz ambicioz”.

Në mediat ndërkombëtare është publikuar edhe një bisedë e mbrojtësit me trajnerin Marcelo Sarri, ndërkohë që së fundmi Ajaks ka konfirmuar që De Ligt nuk do të fluturojë me skuadrën në fazë përgatitore.

Kështu ai pritet të zbarkojë në Torino, aty ku pritet të nënshkruajë. Mbrojtësi do të bëhet një ndër më ët paguarit te bardhezinjtë, ndërkohë që Juventusi për kartonin e tij do të paguajë rreth 70 milionë euro. Një rol të rëndësishëm në këtë lëvizje ka luajtur agjenti Mino Raiola, i cili ka bashkëpunuar në lëvizje të mëdha me kampionët e Italisë.

?? Sergiño Dest
?? Jurriën Timber
?? Victor Jensen
?? Matthijs de Ligt

Squad news for Austria ??#PreSeason ??

— AFC Ajax (@AFCAjax) July 13, 2019

Shifër kjo, që cilësohet e madhe dhe jo lehtësisht e përballueshme edhe nga një klub si Juventusi. Mediet italiane raportojnë se Paratiçi e Nedved po negociojnë për një mënyrë tjetër pagese ndaj Ajaksit. Ata janë gati të heqin dorë nga një prej talenteve më të mëdha të akademisë, pikërisht Moise Ken.
Oferta e radhës nga ana e Juventusit në drejtim të skuadrës nga Eredivise është 50 milionë euro, plus kartonin e 19-vjeçarit. Një ofertë që arrin në 75 milionë, nëse konvertojmë kartonin e të riut. Ajaks do e mendojë mirë këtë ofertë, pasi do të merrte një lojtar, që pritet t’i rritet vlera dhe brenda një kohe të shkurtër do vlejë sa De Ligt.

“Kur stërvitemi, djemtë më pyesin rreth Italisë apo vendeve të tjera. De Ligt, ashtu si shokët e tij, është një futbollist mjaft inteligjent. Jam i sigurtë se do të zgjedhë skuadrën e duhur për të. Kam bindjen se nëse gjen një ekip që dëshiron të luajë futboll ai do të bëjë shumë mirë. Sipas këtyre kushteve, Serie A mund të jetë kampionati i duhur”, u shpreh Aron Uinter.

Mbrojtësi 19-vjeçar nuk e ka ndarë mendjen dhe po mendohet ende. Barcelona mbetet kandidatja kryesore për të siguruar shërbimet e holandezit. Për t’u zgjidhur mbetet vetëm çështja e Mino Rajolës.

Agjenti i lojtarit kërkon komisione të larta, diçka që nuk i pëlqen shumë kampionëve të Spanjës. PSG ka përfituar nga kjo gjë dhe ka fituar pikë. Francezët nuk i kanë problem paratë dhe tani ndodhen shumë afër De Ligt.

Merkato është e paparashikueshme dhe “lufta” vazhdon, të paktën derisa mbrojtësi i talentuar të marrë një vendim përfundimtar për karrierën e tij.

Sot u raportua nga mediat franceze se përfaqësues nga Parisi kanë takuar agjentin e tij Mino Raiola për të bërë dhe ata propozimin e tyre. Agjenti i 19-vjeçarit është treguar një person i pangopur dhe po trazon jo pak mendimet e tulipanit, që deri para pak kohësh kishte Barcelonën si zgjedhje të parë.

Në një intervistë të fundit De Ligt është shfaqur disi i nervozuar me spekulimet rreth të ardhmes së tij. Shprehet se fokusi i tij për momentin është në Ligën e Kombeve.

“I kam lexuar lajmet rreth Junajtid. Kam parë edhe rrogën që do të marr gjithashtu. Janë histori qesharake. Çdokush po flet për të ardhmen time prej një viti. Një ditë më çojnë diku, më pas shkoj në një vend tjetër. Më keni bërë mjaft xhiro nëpër klubet e Evropës, apo jo? Vëmendja ime është në Ligën e Kombeve dhe më pas do të shohim se çdo të ndodhë”, përfudoi De Ligt.

Në këmbim të marrëveshjes me De Ligt, Bartomeut do i duhej të shtonte 15 milionë euro si komision. Kjo është shifra, që kërkon menaxheri i lojtarit si shpërblim për punën e tij. Barcelona nuk e pa të arsyeshme të jepte këtë shumë për Raiolën. Ata mendojnë se nuk kanë pse paguajnë komision për një lojtar, që dëshiron të vijë vetë në “Camp Nou”.

Kjo lëvizje e katalanasve ka bërë që Raiola të hedhë sytë nga klubet e tjera të interesuara për 19-vjeçarin. Mançester Junajtid është gati të ofrojë komisionin për Raiolën dhe një pagë ndjeshëm më të madhe se ajo që i ofron Barça. Drejtori Ed Uduard ofron për De Ligt 12 milionë euro në sezon. Kjo ofertë faraonike e bën Junajtid më të favorizuar për të marrë talentin tulipan.

Në një prononcim për “NOS’, 19-vjeçari ka lëshuar një mesazh befasues. Ofertat nuk mungojnë, por nuk përjashtohet mundësia që De Ligt të mos lëvizë nga Ajaksi.

”Nuk di asgjë rreth së ardhmes time. Gjatë gjithë kohës kanë thënë dhe shkruar shumë gjëra, por nuk bëjnë ndonjë efekt tek unë. De Jong e mori vendimin e tij, ndërsa unë akoma jo. Është e vërtetë, disa klube interesohen, por më duhet të dalloj më të mirën për mua, për zhvillimin e karrierës time, nëse është më mirë të nis përgatitjet me Ajaksin apo diku tjetër. Përderisa të kem një kontratë këtu, mundësia për të qëndruar ekziston gjithmonë”, përfundon Matijs De Ligt.

Momentalisht oferta për mbrojtësin është 236 mijë sterlina në javë, rreth 14 milionë euro në sezon. Barcelona nuk është në gjendje ta bëjë një ofertë të tillë, pas cilësohet shumë e lartë. Përveç kësaj, edhe Ajaksi kërkon një shifër të madhe për ta lënë të lirë qendërmbrojtësin. Junajtid e do që këtë verë dhe për trajnerin Ole Gunar Solskjaer është lojtari i duhur për prapavijën.

Junajtid mund të jetë një hap para në aspektin financiar karshi Barcelonës, por është Mançester Siti klubi që mund ta rivalizojë. Pep Guardiola kërkon një zëvendësues për Vinsent Kompani dhe De Ligt shikohet si ideali. Nga ana tjetër tek Ajaksi janë dorëzuar dhe vetëm presin ofertën e duhur.

“Mundo Deportivo” raporton se arsyeja e vetme e stopimit të operacionit “De Ligt” nga Barcelona është agjenti i tij. Italiani kërkon nga klubi blaugran një shifër, që i afrohet 10 milionë eurove, si komision. Pra nëse Barça do e blinte De Ligt, veç parave që kërkon Ajaksi do duhej të shtonte 10 milion për agjentin. Një kërkesë kjo që kundërshtohet me ngulm nga klubi katalanas.

Ndërkohë klubet e tjera si Juventusi apo Parisi janë të gatshëm ta japin këtë shumë. Gjithsesi presidenti Bartomeu është koshient se mbrojtësi dëshiron të transferohet në “Camp Nou”. Kështu nuk mendon se ka arsye që t’i ofrojë atë shumë agjentit të tij, pasi nuk ka nevojë të negociojë me lojtarin.

Drejtuesti blaugranë besojnë te personaliteti i De Ligt dhe janë të sigurt se dëshira e tij do të dalë mbi atë tëRaiolës. I tillë ishte rasti i De Jong që dëshironte të transferohej në Barcelonë me patjetër dhe kështu ndodhi, pavarësisht ndërhyrjeve të agjentit të tij, Ali Dursun.

“Harkëtarët” nga ana tjetër po tentojnë të marrin maksimumin nga shitja e yllit të tyre. Vetë lojtari ka folur për mikrofonat e “Nos”, duke mohuar akordin me ndonjë klub. De Ligt nuk ka firmosur akoma dhe thekson se vera do të jetë shumë e gjatë…

“Duket sikur duhet të largohem nga Ajaksi, por nuk ekziston asnjë marrëveshje me ndonjë klub tjetër. Di që ka kontakte, por asgjë konkrete dhe e sigurt. Emrat e klubeve janë ata që po qarkullojnë në media. Do të jetë një verë e gjatë.

Nuk di gjë për takimin e së premtes midis Barçës dhe Ajaksit, por mund t’iu siguroj që nuk ka asnjë akord. Shtypi thotë që do të përfundoj te Barcelona, por rruga është akoma shumë e gjatë”, përfundon Matijs De Ligt.

Garës për të i është bashkuar fort edhe Liverpuli, që po punon prej kohësh për të bindur 19-vjeçarin e talentuar. The Reds i kanë premtuar një vend në formacion përkrah Virxhil Van Dijk, me të cilin luan edhe në kombëtare.

Diçka e tillë ka vënë në panik ekipin spanjoll. Drejtues të Barçës kanë udhëtuar drejt Amsterdamit për të kuptuar më mirë qëllimet e qendërmbrojtësit. Negociatat janë përshpejtuar.

Ngurrimi i De Ligt për të firmosur u lexua në fillim si një taktikë për të përfituar një kontratë sa më të shtrenjtë, por frika e madhe mban emrin Liverpul. Diçka e tillë u konfirmua edhe nga Edvin Van der Sar.

“Mendoj se do të shkojë në Angli ose në Spanjë”, u shpreh ish-portieri i njohur, sot në rolin e shefit ekzekutiv të “Harkëtarëve”. Pas eliminimit në gjysmëfinalet e Championsit, Liverpuli është gati t’i bëjë surprizën e radhës Barcelonës dhe të formojë një nga repartet defensive më të forta në botë.

Diçka e tillë mund të shtyjë Samuel Umtitin të largohet. Sipas raportimeve të katalanases “Sport”, francezi mund të përfundojë në Torino.

Emri i tij gjendet në listën e Fabio Paratiçit dhe drejtori sportiv i bardhezinjve mund të nisë sulmin për të. Gjithmonë nëse De Ligt zgjedh të bashkohet me shokun e tij De Jong te Barcelona.

Pista e Antuan Grizman është hapur sërish dhe francezi pritet të jetë objektivi i Barçës në verë. Kohët e fundit në mediat spanjolle ka qarkulluar lajmi se Grizman, ndryshe nga viti i kaluar, dëshiron të transferohet në “Camp Nou”. Dështimi Kutinjo dhe dëmtimet e shpeshta të Dembele e bëjne Barcelonën të mendojë seriozisht për të investuar për marrjen e francezit. 120 milionë euro do t’i kushtoje katalanasve një afrimi mundshëm i 28-vjeçarit.

De Ligt është operacioni aktual që Barça shpreson ta mbyllë sa më shpejt të jetë e mundur. “Sport.es” shprehet se transferimi është pranë përfundimit dhe se për mbrojtësin do të paguhen rreth 75 milionë euro. Paga e tij pritet të jetë e përafërt me atë të De Jong.

Me ardhjen e këtij të fundit një nga mesfushorët pritet të sakrifikohet. Ivan Rakitiç është në dyshim për të ardhmen e tij të Barça. Kroati është lidhur me një kalim të mundshëm te Interi. 31-vjeçari konsiderohet si një lojtar kyç në “Camp Nou”, megjithatë mosha e tij nuk premton shumë dhe blaugranët e mendojnë seriozisht një largim të tij, për të përfituar edhe financiarisht. Katalanasit pritet të arketojnë rreth 50 milionë euro.

Kutinjo është gati i larguar. Braziliani nuk i ka justifikuar kurrë 140 milionët e shpenzuar nga Barcelona. Klubi kërkon ta shesë sa më shumë të jetë e mundur për të ulur sa më shumë humbjet e këtij operacioni.

Holandezi nuk ka arritur të mundë konkurencën e Ter Shtegen dhe ka kërkuar largimin nga “Camp Nou”. Kështu Ronaldo mendon se do të afrohej një portier që nuk kushton shumë, i cili do të shtojë cilësinë e munguar në katërkëndëshin bardhezi.

Dëshira të tjera të portugezit janë Ndombele, Pol Pogba, Adrien Rabiot dhe Matijs De Ligt. Ky i fundit kërkohet edhe nga katalanasit dhe Kristiano do të ishte shumë i lumtur nëse ai do vinte në Torino dhe do i ikte nga duart Barcelonës.

Sipas fjalëve të kësaj medie Paratiçi ka pasur një takim me drejtorin sportiv të Ajaksit, Mark Overmars, i cili i ka deklaruar drejtorit të “Zonjës” se De Ligt është duke mbyllur tratativat me Barcelonën dhe është e kotë të vazhdoni të luftoni për të. Ai ka zbuluar edhe koston e operacionit. 80 milionë euro do të shpenzojnë katalanasit për të marrë holandezin.

Matijs De Ligt është objektivi më i vështirë për t’u arritur. Ylli holandez kërkohet me shumë ngulm nga Barcelona, që deri pak ditë më parë ishin shumë afër tij. Megjithatë situata ka ndryshuar dhe katalanasit janë zbehur si alternativë. Nga kjo mund të përfitojë Anjeli e Paratiçi për të bërë ofertën e duhur dhe për ta bërë të tyrin 20-vjeçarin.

Synime të tjera të Juves janë Hames Rodriges, Pol Pogba apo Federiko Kieza. Kolumbiani do të ktheht të Reali në fund të sezonit, pasi Bajerni nuk do e paguajë shifrën e lirimit të tij nga Madridi. Mbetet për t’u parë se ç’do të ndodhë me 26-vjeçarin dhe Juventusi është gati për të përfituar. Pogba duket shumë i vështirë për t’u arritur, pasi duhet të konkurohet me Real Madridin. Kieza është më i arritshëm, por Fiorentina do betëm para në dorë, diçka që në Torino nuk mund t’ja mundësojnë.

Që të arrihen kaq shumë hyrje, duhen edhe disa shitje për të qenë në balancë me rregullat strikte të vendosura nga UEFA mbi ndershmërinë financiare. Zhoao Kanselo është në dyshin për të ardhmen e tij në Torino. Qëndrimi i tij lidhet me trajnerin Alegri. Nëse italiani largohet te PSG apo një klub tjetër, portugezi do të qëndrojë. Në rast të kundërt Juventusi do e nxjerrë në treg për rreth 60 milionë euro, pasi atij dhe trajnerit nuk i përputhen personalitetet dhe ky i fundit nuk e aktivizon shumë.

Miralem Pjaniç ka kohë që lidhet më një largim drejt Madridit apo Mançester Sitit. Ndërkohë që shpresohet që Higuain të blihet nga Çelsi dhe të mos bëhet një barrë më shumë në “Allianz Stadium”. Edhe Dibala e Manzukiç janë në ajër.

Dëshira e lojtarit thuhet të jetë pikërisht transferimi në “Camp Nou”, por agjenti i tij Mino Raiola, duket se nuk është dakord me klientin e tij. Sipas raportimeve në media, menaxheri i De Ligt prefeton më së shumti një kalim të holandezit te Bajerni i Mynihut, Mançester Junajtid apo Juventusi.

?? De Ligt no duda con el Barça; Mino Raiola, sí
? El agente del central del Ajax prefiere club mucho más rentables economícamente como Bayern, United o Juventushttps://t.co/BTJNzUf7eL por @MigRico pic.twitter.com/3t11sx35IV

— Mundo Deportivo (@mundodeportivo) April 30, 2019

Arsyeja është shumë e thjeshtë. Të tre këto ekipe janë të gatshëm të ofrojnë më shumë se Barcelona, fakt që rrit përfitimet e Raiolas dhe vetë De Ligt.

Ndeshja e parë përfundoi në barazim 1-1, kundërshtari është tmerrësisht i vështirë, por “harkëtarët” ndodhe në një formë shumë të mirë psiko-fizike dhe do tentojnë surprizën e radhës.

Erik ten Hag nuk ka folur për duelin kundër Juves. Në prononcimin e dhënë për mediat gjermane, trajneri i Ajaksit ka pranuar faktin që kapiteni do të largohet në fund të sezonit. Garë e fortë po zhvillohet për De Ligt, por ten Hag zbulon dy kandidatët kryesorë.

“Ekzistojnë zero shanse që De Ligt të vazhdojë me ne edhe sezonin e ardhshëm, sepse shumë klube janë të interesuara për të. Ai do të largohet në fund të sezonit, por nuk e di nëse do të shkojë te Bajerni i Mynihut apo Barcelona”, qartëson trajneri i Ajaksit.

Luis Van Gal ka një këshillë për të. Trajneri i njohur sheh tre ekipe ku De Ligt do të ndihej shkëlqyeshëm. Në një prononcim për “Ziggo Sport”, Van Gal analizon mendimin e tij dhe tregon opsionet më të mira për bashkëkombasin.

“Juventusi mund të jetë një opsion shumë i mirë. Bardhezinjtë janë maestrot e mbrojtjes në Itali. Po të isha në vend të De Ligt, do të shkoja te Barcelona ose Mançester Siti. Këto dy ekipe nuk kanë qendërmbrojtës aq të aftë sa Matijs dhe ai do luante si titullar”, thekson Luis Van Gal.

Matijs De Ligt është qendra e mbrojtjes dhe lideri i ekipit. 19-vjeçari është kapiteni i Ajaksit dhe kërkohet nga gjysma e Europës. Barcelona dhe Juventusi janë në avantazh në krahasim me klubet e tjera për të siguruar në verë shërbimet e talentit holandez, por ai mendon vetëm të tashmen, Ajaksin.

Në një prononcim për “Tuttosport”, De Ligt flet për përballjet e 10 dhe 16 prillit kundër bardhezinjve të Alegrit, tregon mënyrën se si u njoh me Mino Rajolën, agjentin e tij, të cilit ia lë në dorë të ardhmen e tij.

JUVENTUSI – “Jemi të rinj, kemi lojtarë me kualitet dhe Juventusi do të ketë më shumë presion se ne. Mbetet gjithmonë magjepsëse të përballesh me një klub të madh si Juventusi. Jam përballur me kombëtaren kundër Kristiano Ronaldos dhe ka qenë e vështirë, por kam kujtime të bukura nga ajo ndeshje.”

E ARDHMJA – “Nuk më kërkon vetëm Juventusi, ka dhe klube të tjera. Do të vendosim në momentin e duhur, tani jam i fokusuar vetëm tek Ajaksi. Rajola? U takuam në vitin 2017, ishte janar. Mino më tha që më dëshironte tek ekipi i tij, sepse më vlerësonte shumë dhe kishte shumë besim te potenciali im. E njihja reputacionin e tij të rëndësishëm, u mendova pak dhe pranova. Jam shumë i lumtur për zgjedhjen e bërë. Mendon Mino për të ardhmen time.”

“Djajtë e Kuq” mund t’i rikthehen një piste të vjetër që quhet Samuel Umtiti. E ardhmja e francezit lidhet ngushte me atë të Matijs De Ligt. Kapiteni i Ajaksit është shumë pranë kalimit te Barcelona.

Diçka e tillë mund të vinte në dyshim hapësirat në formacion të kampionit të botës, i cili mund të zgjedhë ishullin për të vazhduar karrierën. Junajtid është gati për t’i bërë një ofertë Barcelonës për Umtitin, por në fillim duhet mësuar e ardhmja e De Ligt.

Sipas asaj që raporton “El Mundo Deportivo”, ditën e sotme presidenti  i Barcelonës Zhozep Maria Bartomeu ka udhëtuar drejt Amsterdamit, ku do të takohet me drejtuesit e Ajaks, drejtorin ekzekutiv Edvin Van der Sar dhe atë sportiv Mark Overmars.

Sipas së përditshmes katalanase, Ajaksi kërkon 75 milionë euro për të shitur talentin e mbrojtjes. Blerja e De Ligt është kthyer në një prioritet prë kampionët e La Ligës, të cilët e cilësojën holandezin si pasuesin e Zherard Pike në prapavijë.

Pas ndeshjes, ishte pikërisht Van Dijk, i cili foli për mediat, duke komentuar shokun e tij të repartit, për të cilin duket se ka vetëm elozhe. “Është padyshim një mbrojtës i shkëlqyer, kjo gjë duket qartë. Mund të përmirësohet akoma më shumë dhe ai e kupton këtë gjë. Të luash në moshën e tij në atë mënyrë është diçka fantastike dhe jam shumë i lumtur që e kam në krah”, përfundoi mbrojtësi i Liverpulit.

Onana komenton dhe teknologjinë VAR. Tek Ajaksi janë të acaruar për anulimin e golit, por kjo nuk është ndonjë befasi e madhe kur përballë është Reali i Madridit!

DE LIGT – “Ashtu si dhe De Jong, Matijs dëshiron të luajë me Barcelonën. Kam biseduar shumë herë me të dy lojtarët dhe De Ligt i pëlqen të transferohet në Katalunjë. De Jong? Frenki është i ri, shumë i fortë dhe mund të përmirësohet akoma.”

VAR – “Janë gjëra që nuk i kemi ne në dorë, pasi nuk mund ta ndryshojmë vendimin e arbitrit. Jemi të zemëruar, por ky është futbolli. Ka gjëra që nuk mund t’i kontrollojmë dhe VAR-i është një prej tyre. Mos të harrojmë që po luanim kundër Realit të Madridit dhe e dimë mirë që mund të ndodhin gjëra të tilla… ”

Katalanasit kanë një lidhje të veçantë me holandezët e talentuar dhe do të bëjnë të pamundurën për ta ofruar në ekip, ndërsa kampionët e Francës nuk duan të humbasin një tjetër betejë, pas asaj me Frenki De Jong.

Për qendërmbrojtësin ka interes dhe nga Premier Liga, me dy klubet e Mançesterit dhe Arsenalin. Por siç raporton “The Mirror”, klubet angleze mund të quhen të “përjashtuara” nga gara për De Ligt. Paratë nuk janë problem, por kleçka qëndron diku tjetër. Ai është Mino Rajola, agjenti i lojtarit.

Përveç faktit që kërkon komisione të majme (flitet se kërkon 10 milionë euro për transferimin e kapitenit të Ajaksit), Rajola nuk preferohet shumë në ishull. Ai sulmoi përpara pak kohësh Pep Guardiolën me fjalët “frikacak dhe një qen”, kështu që Siti vështirë të futet në tratativa me këtë agjent.

Te Junajtid nuk ia kanë harruar faktin që i ofroi Pol Pogbanë disa klubeve, ndërsa e njëjta situatë është dhe tek Arsenali. Rajola zotëron të drejtat e Mikhtarian, me të cilin “topçinjtë” kanë patur probleme të mëdha.

Kështu që Juventusi dhe Barcelona kryesojnë garën për të siguruar në verë shërbimet e De Ligt, pa harruar PSG, ndërsa Rajola fërkon duart në pritje të nisjes së një ankandi milionash për lojtarin e tij.

Siç raporton “Marca”, lojtari ofensiv nuk dëshiron të qëndrojë më në Gjermani dhe kërkon të nisë një aventurë të re. Ai nuk po preferohet shumë nga trajneri Kovaç dhe gjatë këtij sezoni ka luajtur vetëm 576 minuta në 11 ndeshje, aty ku ka shënuar tre gola në dhjetë goditje në portë.

Ditët e fundit ai ka marrë një telefonatë surprizë nga Kristiano Ronaldo, i cili e ka ftuar t’i bashkohet atij te Juventusi. Të dy lojtarët kanë luajtur bashkë te Reali dhe kanë një miqësi të fortë midis tyre.

Babai i 27-vjeçarit, Uillson ka folur për “Bild” për të ardhmen e djalit të tij. “Hamesin e shoh shumë të heshtur te Bajerni i Mynihut dhe nuk më duket i lumtur. Juventusi do të ishte një opsion shumë i mirë për të. Ai dhe Kristiano Ronaldo janë shumë miq me njëri-tjetrin dhe ashtu si e shoh unë sot futbollin italian, kalimi te bardhezinjtë do të ishte një vendim shumë i mirë.”

Nga ana tjetër Juventusi po bën maksimumin për të siguruar shërbimet e Matijs De Ligt. Kapiteni 19-vjeçar i Ajaksit kërkohet dhe nga Barcelona e Mançester Siti. Siç raportojnë mediat italiane, bardhezinjtë kanë raporte të mira me Mino Rajolën, agjentin e lojtarit, ndërsa presidenti Anjeli është takuar me Edvin Van Der Sar, drejtorin sportiv të “harkëtarëve” për të diskutuar për transferimin e mbrojtësit të talentuar në Serie A.

Ai tundohet shumë nga ideja për të luajtur në një ekip me Leo Mesin dhe shokun e tij, Frenki De Jong, por ka një problem. Siç raporton “Mundo Deportivo”, Mino Rajola është pengesa kryesore e këtij transferimi.

Agjenti i famshëm zotëron të drejtat e De Ligt dhe ai kërkon 10 milionë euro komision për transferimin e qendërmbrojtësit në Katalunjë. Klubi spanjoll e quan paradoksale një kërkesë të tillë dhe jashtë çdo logjike.

Lojtarit i përfundon kontrata me Ajaksin në verën e vitit 2021, ndërsa Barça mund të arrijë akordin me klubin holandez për shumën e 70 milionë eurove. Megjithatë, Rajola nuk heq dorë nga kërkesat e tij dhe e ardhmja e De Ligt është akoma e paqartë.

Mbrojtësi dhe kapiteni i Ajaksit është ndër më të kërkuarit e lojtarit dhe Barcelona po punon fort të arritur akordin me të. Ai ka një çmim, Ajaksi kërkon 60 milionë euro dhe, siç raporton “Marca”, katalanasit janë gati të paguajnë shumën dhe të fitojnë konkurrencën me Juventusin dhe shumë klube të tjera.

Tashmë mbetet akordi me lojtarin, por ka një problem. Agjenti i 19-vjeçarit të talentuar është Mino Rajola dhe ai njihet për kërkesat e larta, duke nisur nga rroga dhe klauzolat e shumta. Barcelona është gati ta kalojë dhe këtë provë dhe shpreson që në sezonin e ardhshëm De Jong dhe De Ligt të luajnë përsëri në të njëjtin ekip.

Të dy janë të rinj, të talentuar dhe ndër më të kërkuarit në merkato. De Jong e ndau mendjen dhe firmosi me Barcelonën. Ai do të mbyllë sezonin me “shigjetarët” dhe në verë do të transferohet në ekipin e Leo Mesit.

Shumë klube interesohen dhe për De Ligt, por kapiteni 19-vjeçar nuk ka vendosur ende për të ardhmen. De Jong bën shaka me mbrojtësin dhe e fton atë të flasë për të ardhmen e tij.

“Unë jam i qetë tani dhe është radha e De Ligt për të vendosur për klubin e ri”, flet duke buzëqeshur 21-vjeçari për “Fox Sports”. De Ligt merr fjalën dhe befasohet kur gazetari i tregon listën e gjatë të klubeve që interesohen për shërbimet e tij.

“Është kënaqësi për mua fakti që 10-12 klube duan të firmosin me mua, ndoshta duhet të të punësoj si agjentin tim”, i drejtohet kapiteni gazetarit me humor. De Ligt vazhdon më tej, por nuk di akoma se çfarë do të ndodhë në të ardhmen.

“Të shohim se çfarë do të ndodhë. Për momentin po luaj me Ajaksin dhe nuk e kam mendjen tek e ardhmja. De Jong te Barcelona? Jam i lumtur për të, u lumturova shumë kur mora vesh lajmin. Frenki ka përballuar këtë situatë shumë mirë dhe nuk mendoj se ai e vret mendjen për faktin që nuk do të flitet më për të… Unë të Barça me De Jong? E vetmja gjë që di është fakti që për momentin luaj me Ajaksin”, përfundon Matijs De Ligt, kapiteni dhe ylli i mbrojtjes së gjigantit holandez.

Barcelona dhe Juventus janë ndër dy klubet më të interesuara për dyshen e Ajaksit: katalanasit duan De Jong, ndërsa bardhezinjtë De Ligt. Por, PSG është gati t’i befasojë të gjithë dhe po tenton goditjen dyshe.

Siç raporton “Marca”, drejtuesit e PSG kanë gati 150 milionë euro për Ajaksin, ndërsa Antero Henrike, drejtori sportiv i PSG, ka udhëtuar drejt kryeqytetit holandez për të arritur akordin me homologët e Ajaksit.