Mateus

Lotar Mateus, vizitë speciale te skuadra e Prishtinës

Sport Ekspres — Wed, 19 Jun 2019 16:50:37 +0000

Klubi i futbollit Prishtina ka pritur sot një vizitor shumë të veçantë. Ish-kampioni i botës me Gjermaninë, Lotar Mateus, ka vizituar sot ambientet e klubit kryeqytas, si dhe është takuar me bordin drejtues dhe stafin teknik.

Kjo vizitë është përcjellë me foto të shumta të publikuara nga faqja zyrtare e Prishtinës. Mësohet se Mateus, së bashku me drejtuesit e klubit Prishtina, kanë diskutuar për zhvillimet në insfrastrukturë në të ardhmen.

“FC Prishtina pati nderin të mirëpres ish-kampionin e botës me Gjermaninë dhe kapitenin e saj, Lothar Matthaus. Legjenda e futbollit gjerman u takua me zyrtar të klubit së bashku edhe me fëmijët e Shkollës së futbollit FC Prishtina. Përveç futbollit, u bisedua, dhe ish-futbollisti i Inter dhe Bayern Munih, u njoftua për projektet sportive të infrastrukturës të klubit më të madh në vend”.

Mateus: Jam dakord me vendimin e Lëv, por më irriton koha e njoftimit

Sport Ekspres — Wed, 06 Mar 2019 13:12:42 +0000

Ish-lojtari i Bajernit dhe kombëtares gjermane, Lotar Mateus, ka folur për “T-Online”, në lidhje me vendimin e Joakim Lëv për t’i mbyllur derën e kombëtares treshes së Bajernit të Mynihut: Humels, Boateng dhe Myler.

Sipas legjendës gjermane vendimi i trajnerit të kombëtares është i kuptueshëm, por koha kur u dha njoftimi e irriton atë, pasi Bajerni i Mynihut do të ndeshjet javën që vjen me Liverpulin.

“Çfarë më irriton është koha që Lëv zgjodhi për të bërë këtë njoftim, vetëm një javë para ndeshjes me Liverpulin. Humels dhe Boateng kanë shumë pak kohë për ta lënë pas këtë lajm”.

“Gjithsesi, përveç këtij detaji, vendimi është 100% i kuptueshëm. Kemi të bëjmë me një revolucion në kombëtare, pasi Lëv po mendon një plan afatgjatë për të ardhmen. Dua të shtoj që të tre ata nuk janë më lojtarët e dikurshëm. Për shembull Boateng dhe Humels kanë humbur shumë nga shpejtësia e tyre”, tha Mateus.

Mateus ia vë fajin drejtuesve: Ja gabimi i pafalshëm!

Sport Ekspres — Tue, 09 Oct 2018 07:07:32 +0000

Ish-lojtari i Bajernit dhe kombëtares gjermane, Lotar Mateus, nuk është kursyer në kritikat e tij ndaj drejtuesve të Bajernit. Sipas tij shefi i klubit Rumenige dhe presidenti Hënes kanë harruar të rinovojnë skuadrën me emra të rinj.

“Drejtuesit e Bajernit në mënyrë të pabesueshme dështuan në sjelljen e emrave të rinj në skuadër. Ata vit pas viti rinovuan kontrata dhe harruan talentet e tjera që ishin në treg. Në humbjen ndaj Gladbahut, Bajerni kishte nëntë lojtarë që ishin në fushë dhe në finalen e Champions-it të vitit 2013”, the Mateus.

Kjo deklaratë e ish-futbollistit gjerman ka marrë mbështetje nga shumë tifozë e gazetarë në Gjermani Dyshja e sulmuesve të krahut Roben e Riberi, ka qenë ndër lojtarët më zhgënjyes në tri javët e fundit dhe shumë vetë mendojnë se dy “ikonat” e sulmit të Bajernit duhet ta kishin mbyllur ciklin e tyre në fund të sezonit të shkuar.

Mateus këshillon Bajernin: E kam gjetur unë Robenin e dytë, blijeni!

Sport Ekspres — Sun, 05 Nov 2017 11:22:49 +0000

Legjenda e futbollit gjerman, Lotar Mateus, mendon se Bajerni nuk ka pse bën përpjekje të mëdha për të gjetur pasuesin e Arjen Robenit (33 vjeç), sepse lojtari ideal luan në Bundesligë. Sipas tij, ai është Kristjan Pulishiç i Dortmundit.

Duke folur në “Sky” pas ndeshjes së djeshme Dortmund-Bajern (1-3), ish-kampioni i botës theksoi se klubi bavarez duhet të nxitojë për të blerë amerikanin.

“Nëse Bajeni një ditë kërkon për një zëvendësues të Robenit apo Riberisë, atëherë duhet të marrë masat për të blerë Pulishiçin. Ai është 19 vjeç dhe ka shumë cilësi. Me besimin dhe shpejtësinë e tij, ai mund të bëjë gjëra edhe më të mëdha”, – tha Mateus.