.@Mateo_Kova23 is here to stay! ?

— Chelsea FC (@ChelseaFC) July 1, 2019

Mateo Kovaçiç është zyrtarizuar si blerja e parë dhe e vetme e kësaj vere për londinezët e Çelsit. Anglezët e kanë të ndaluar të bëjnë merkato. I vetmi përjashtim janë lojtarët që kanë kaluar sezonin në Londër si të huazuar. Ndryshe nga Higuain, Kovaçiç ja ka mbushur mendjen drejtuesve anglezë. Plot 50 milionë euro janë derdhur në arkat e Realit për të mbajtur yllin kroat. Nga kjo marrëveshje ka lumturi edhe për Kovaçiç, që ka gjetur veten në “Stamford Bridge”, pas vështirësive të hasura në Madrid.

Ndërkohë, Gelson Martins është zyrtarisht i klubit të Monakosë. 24-vjeçari ka firmosur kontratë për pesë vitet e ardhshme. Portugezit i janë dashur vetëm gjashtë muaj në Francë për të bindur klubin bardhekuq. Ai ishte i huazuar që nga janari te Monako, ku dha një ndihmë shumë të madhe për mbijetesën në Ligue 1. Atletiko Madrid mbush xhepat me plot 30 milionë nga shitja e portugezit.

??? L’AS Monaco est heureux d’annoncer la signature de @GelsonMartins_. Prêté en janvier par l’Atlético Madrid, le milieu offensif s’est engagé pour 5 saisons. Il est désormais lié avec le Club jusqu’en juin 2024.

?? https://t.co/XauTCocOkP pic.twitter.com/KiKV7oO8nY

— AS Monaco ?? (@AS_Monaco) July 1, 2019

Kroati regjistron vetëm dy asiste në këtë sezon megjithëse është një mesfushor i avancuar. Ky fakt ja sfumon idenë e blerjes Çelsit. Londinezët nuk e shohin si një mendim të mirë të shpenzojnë 45 milionë euro për një lojtar që nuk krijon. Ndërkohë që me blerjen e Kovaçiç do “vihej shqelmi” një talenti tjetër të bluve, që është Mason Maunt. 20-vjeçari është i huazur në Holandë te Vitese dhe po tregon një nivel shumë të lartë. Në dy vite në Eredivise ai ka shënuar 25 herë dhe asistuar 15.

Mediat italiane kanë raportuar se agjenti Mario Mamiç, i ka ofruar klientin e tij drejtuesve zikaltër. Sipas mediave, thuhet se menaxheri i lojtarit është në kontakte me Interin, ku ka biseduar me Pier Auzilion si dhe Bepe Marotën.

Bëhet me dije se Kovaçic mund të kalojë tek Interi me formën e huazimit, ku në fund të sezonit të ardhshëm zikaltrit të kenë edhe të drejtën e blerjes.

Gjithsesi, me merkaton e janarit në prag, Reali po punon që të bëjë një ofertë tunduese për blutë e Londrës, për t’i bindur për të lëshuar lojtarin e tyre më të mirë. Sipas mediave spanjolle, drejtuesit e “Los Blancos” kanë menduar të ofrojnë në pjatë, Mateo Kovaçiç dhe Iskon, për të arritur tek Eden Hazard.
Kovaçiç është në huazim në Londër dhe forma e treguar e tij është mjaft e mirë, ku trajneri Sarri e sheh si një nga më të rëndësishmit kroatin në mesin e fushës. Ndërkohë, Isko duket se e ka humbur shkëlqimin e tij në “Santiago Bernabeu” dhe besimi tek ai ka humbur. Gjithsesi, pritet me interes se çfarë do të ndodhë me “telenovelën” Hazard.

Por, Kovaçiç duket se e ka ndarë mendjen. Mllefi që ai ka grumbulluar për skuadrën spanjolle duket qartë në një intervistë të tij për mediet kroate, ku thotë.

“Pas tri vitesh, ku kam luajtur rrallë te Reali, më në fund jam pjesë e një skuadre që më vlerëson dhe më një trajner që beson shumë te aftësitë e mia, prandaj zgjodha të shkoj te Çelsi. Dua të arrij sa më shpejt në maksimumin tim dhe të jap gjithçka për këtë klub”.

Ndoshta, Kovaçiç duhet të mendohet para se të flasë, pasi gazetarët në Madrid do t’ia kujtojnë çdo fjalë të pamenduar.

Ende nuk ka ardhur zyrtarizimi, por “Sky” raporton se sot Kovaçiç do të kryejë vizitat mjekësore te Çelsi dhe më pas do të nënshkruajë me londinezët. Nuk bëhen me dije detaje të tjera të marrëveshjes mes klubeve, veç faktit që mesfushori kalon në Angli me formulën e huazimit.

Kovaçiç do të kërkojë të tregojë vlerat e veta te Çelsi. Mesfushori largohet nga Reali i Madridit pas tre sezonesh. Vjet ai është aktivizuar në 21 ndeshje në kampionat, por vetëm 10 prej këtyre përballjeve i ka nisur nga fillimi. Kjo ka bërë që 24-vjeçari të mendojë largimin dhe tashmë ai do të provojë të luajë në Angli.

Mateo Kovaçiç është i pakënaqur me qëndrimin në stol dhe dëshiron të luajë. Mesfushori kroat e ka vendosur dhe dëshiron të largohet. Siç citon spanjollja “AS”, 24-vjeçari ka udhëtuar drejt Valdebebas (qendra stërvitore e madrilenëve), për të takuar e diskutuar me trajnerin Lopetegui dhe shokët e ekipit. Ai ka parashtruar kërkesën e tij për t’u larguar. Në Madrid ndihet mirë, por Kovaçiç ka nevojë për minuta dhe aktivizim.

Ideja e kroatit gjithsesi nuk përputhet me atë të Realit. Në klub e cilësojnë të pashitshëm dhe po shqyrtojnë mundësinë për ti premtuar fanellën e titullarit. Për Kovaçiç interesohen shumë klube si: Roma, Inter, Bajern Mynih dhe Mançester Siti. Këto klube po monitorojnë situatën e mesfushorit dhe janë gati për të vepruar nëse rrugët mes Realit dhe Kovaçiç ndahen.