Mateo Darmian

“Çmendet” Interi, zikaltrit gati dy goditje “blic”

Sport Ekspres — Tue, 22 Jan 2019 18:27:41 +0000

Interi është një ndër ekipet më pak aktivë në këtë merkato, teksa ende nuk ka zyrtarizuar ndonjë transferim në janar. Teksa kanë mbetur edhe pak ditë nga mbyllja e afatit, duket se drejtuesit zikaltër kanë nisur të lëvizin.

Objektivat e ekipit nga Milano janë dy, Stiven Bergvajn dhe Mateo Darmian. Për anësorin holandez interesohet dhe Mançester Junajtid, të cilët thuhet se kanë bërë një ofertë prej 25 milionë sterlinash, por Interi duket se ka hyrë fuqishëm në garën për 21-vjeçarin.

Steven Bergwijn (m), në ndeshjen Holandë – Gjermani

Siç raportohet nga holandezja “De Telegraaf”, këtë fundjavë drejtues të ekipit italian do të udhëtojnë drejt Eindhovenit, për të provuar arritjen e një marrëveshje me PSV-në. Oferta që pritet të prezantojë Inter, thuhet të jetë 30 milionë euro.

Ndërkohë, një ditë më parë, në mediat italiane u tha se Mançeester Junajtid dhe Juventus kanë arritur një akord për Mateo Darmia, por duket se klubi zikaltër ka hyrë në mes. Sipas asaj që është raportuar ditën e sotme, mbrojtësi italian mund të kalojë në radhët e Interit.

“Ngrin” rinovimi i Hysajt, Napoli studion dy pista

Sport Ekspres — Thu, 08 Nov 2018 20:33:20 +0000

Elseid Hysaj këtë sezon ka marrë shpesh kritika, ndërkohë që është parë të luajë në të majtë të mbrojtjes. në këtë pozicion nuk është se pritet ndonjë mrekulli nga futbollisti i kombëtares. Kontrata e re është gjithashtu një tjetër çështje e diskutuar shpesh.

Mario Xhufredi, menaxheri i mbrojtësit, shpesh ka theksuar se Hysaj nuk dëshiron të largohet dhe se është i dashuruar pas Napolit. Por tanimë është klubi italian që po mendon të gjejë zëvendësuesin e 24-vjeçarit.

“Corriere del Mezzogiorno” ka raportuar së fundmi se bisedimet për rinovimin e kontratës së mbrojtësit kanë ngecur. Hysajt në fakt i përfundon kontrata më 30 qershor të vitit 2021 dhe palët kanë tentuar të gjejnë një marrëveshje. U provua të bindje Napoli që të hiqte klauzolën prej 50 milionë eurosh, por nuk pati dakordësi.

Këtë verë me shumë mundësi shkodrani mund të shitet, por sigurisht italianët do ta transferojnë për shumën e duhur. Fillimisht duhet të afrojnë ndonjë tjetër për krahun e djathtë të mbrojtjes. Mateo Darmian është rikthyer sërish në skenë si opsion, ndërkohë që emri më i ri që lakohet është Andre Almeida, futbollisti 28-vjeçar i Benfikës.

Spaleti insiston për mbrojtës, dy italianë në listë

Sport Ekspres — Wed, 25 Jul 2018 15:21:57 +0000

Kroati Versaljko është një ndër preferencat e Interit për përforcimin e krahut të djathtë të mbrojtjes. Spaleti e dëshiron një afrim të tillë, madje sa më shpejt. Në fillim të javës së ardhshme klubi duhet të ketë mbyllur gjithçka me mbrojtësin kroat. Në klub e dinë, por ka një pengesë.

Kartonin e Versaljkos e zotëron Atletiko e Madridit dhe spanjollët janë të qartë. Refuzohet huazimi i 26-vjeçarit kroat me të drejtë blerje në fund te sezonit. Nëse Interi e dëshiron, duhet të paguajë dhe të gjithë shumën direkt. Zikaltërit kanë akord me futbollistin, por Atletiko nuk lëviz nga pretendimet e saj. Diçka e tillë ka shtyrë drejtuesit e Interit të shohin për alternativa të tjera.

Emri më i ri që qarkullon, është ai i Davide Zapakostës. Italiani që aktivizohet me Çelsin preferohet nga zikaltërit dhe ata janë gati për të nisur sulmin për të. Që këtë të shtunë madje. Interi përballet me Çelsin në miqësore dhe Piero Auzilio do diskutojë me homologët e tij anglezë për afrimin e Zapakostës.

Mateo Darmian është një tjetër emër që preferohet, por për të arritur tek anësori i Mançesterit është edhe më e vështirë. Drejtuesit po punojnë për Zapakostën dhe palët do bisedojnë ditën e shtunë në Nicë, aty ku Interi dhe Çelsi do ndeshen mes tyre.