Në një intervistë për “Libero”, italiani ka zbuluar një prapaskenë në lidhje me Xhixhio Donarumën dhe rinovimin e tij, ku deklaroi se ai ka mundur Mino Raiolën.

“Unë e munda Raiolën. Rinovuam me Donarumën dhe nuk paguajtëm asnjë komision. Në ditën e fundit të negociatave, ne takuam familjen e tij. Raiola erdhi dhe i tha Donarumës: ‘Mos firmos, po largohemi, eja!’ Sapo Raiola u largua, Xhixhio firmosi. Të gjithë e pyetën veten se pse postimet e Donarumës u fshinë menjëherë. Është e thjeshte: Raiola e bëri që t’i shkruante, kështu që unë i fshiva”, përfundoi Mirabeli.

Një gjë e tillë e shtyn Romën të kërkojë një drejtues sportiv të ri dhe në skenë ka dalë një emër. Siç raporton “Messaggero”, klubi kryeqytetas mendon t’i ofrojë postin e drejtorit sportiv Masimiliano Mirabelit.

Ish-drejtuesi i Milanit mund të rikthehet në detyrë, rreth një vit pas fundit të aventurës së tij me kuqezinjtë. Kalimi i pronësisë së klubit të ”Djallit” nga kinezët te fondi Elliot i dha fund dhe aventurës së 50-vjeçarit te Milani.