“Nuk mund të gjykoj, por mund të jetë një zgjedhje e mirë”, thotë Morati sa për të kaluar radhën. Më tej ai është pyetur edhe për grupin Suning që drejton Interin. “Njerëz të mirë dhe të sjellshëm me mua. Kemi shkëmbyer informacion dhe asgjë më shumë. Presidenti Zhang po bën një sforcim të madh për ta çuar përpara këtë projekt që ka nisur”, është shprehur italiani për Radio Sportiva.

Bepe Marota po punon për të përforcuar Interin dhe dihen aftësitë e tij. Në lidhje me të Morati shton: “Shpresoj që me durimin dhe kapacitetin që ka ta çojë Interin në një nivel më të lartë se ky i tanishmi, edhe pse nuk do të jetë e lehtë”.

Sigurisht Morati është ngacmuar edhe për Ikardin dhe mendimi i tij është i qartë: “Duhet të prisnin fundin e sezonit për të bërë gjithë atë rrëmujë”. Në fund ish-presidentin e Interit e prekin në zemër. Murinjo, është një nga pikët e dobëta dhe emri i portugezit po lakohet si opsion për Juventusin.

Morati sigurisht nuk do e priste mirë nëse  ish-trajneri i Interit do e pranonte ofertën e bardhezinjve. E thotë hapur diçka të tillë: “Jeta mund të të detyrojë të bësh edhe gjëra ndryshe nga ato që mendoje, por në këtë rast do nuk do e prisja mirë”.

Nisur nga ky fakt tifozët e Interit kanë nisur të ëndërrojnë dhe së bashku me ta, duket se ka nisur dhe ish-presidenti Masimo Morati. Në një intervistë për mediat italiane, Morati ka rrëfyer se do ta mirëpriste një rikthim të Murinjos në krye të Interit, ndonëse për momentin është Spaleti trajner i zikaltërve.

“Shpresa për Vitin e Ri është që të bëjmë më mirë, të rikthehmi në Champions, normalisht pa i lënë pas dore dhe dy kompeticionet e tjera ku marrim pjesë. Ikardi është një lojtar deçiziv dhe nuk mund ta humbasin kurrësesi.

Eksperienca e Marotës mund të na ndihmojë shumë, sidomos presidentin Zhang. Ai do t’i ofrojë një mbështetje shumë të rëndësishme.

Një rikthim i Murinjos? Po, e dua shumë. Gjithsesi, do t’i japim kohë Spaletit që të provojë vlerat e tij. Simeone? E dua shumë dhe atë, por Murinjo është special”, përfundoi fjalët e tij Morati.